મલેશિયા, શ્રીલંકા-થાઇલેન્ડ બાદ હવેથી ભારતીયોમાટે આ દેશમાં પણ વીઝાની ફ્રી એન્ટ્રી

ઈરાને ટુરીઝમને પ્રોત્સાહન આપવા માટે ભારત સહિત ૩૩ નવા દેશોના વિઝિટર્સ માટે વિઝાની અનિવાર્યતા રદ્દ કરી નાખી છે. એવામાં હવે ઈરાનની યાત્રા પર જવા માટે ભારતીય નાગરિકોને વીઝાની જરૂર નહીં રહે. ઈરાનની સાંસ્કૃતિક વિરાસત, પર્યટન અને હસ્તશિલ્પ મંત્રી અઝાતુલ્લા જર્ગહામીએ શુક્રવારે જણાવ્યું કે આ પગલું દુનિયાભરના દેશોથી વધારે પ્રવાસીઓને આકર્ષિત કરવા અને ઈરાનની યાત્રા કરનાર પર્યટકોની સંખ્યાને પ્રોત્સાહન આપવા માટે ભરવામાં આવી રહ્યું છે.