ગુજરાત ટાઈટન્સને ટાઈટલ જીતાડનાર કેપ્ટન હાર્દિક પંડ્યા હવે આગામી સિઝનથી મુંબઈ ઈન્ડિયન્સ તરફથી રમતો જોવા મળશે. વાસ્તવમાં મુંબઈ ઈન્ડિયન્સે ટ્રેડિંગ દ્વારા હાર્દિક પંડ્યાને પોતાની ટીમમાં સામેલ કર્યો છે. કેમરૂન ગ્રીન હવે RCB તરફથી રમતા જોવા મળશે. મુંબઈ ઈન્ડિયન્સે રોયલ ચેલેન્જર્સ બેંગ્લોર સાથે ઓસ્ટ્રેલિયન ઓલરાઉન્ડર કેમરૂન ગ્રીન માટે કેશ-ઈન ઓલ ટ્રેડ કર્યો છે અને હાર્દિકને પણ તેમની સાથે કેશ-ઈન-ઓલ ટ્રેડમાં સામેલ કર્યો છે.
ગુજરાત ટાઇટન્સનો કેપ્ટન હાર્દિક પંડ્યા આખરે રવિવારે તેની જૂની IPL ટીમ મુંબઈ ઈન્ડિયન્સમાં પાછો ફર્યો છે. ૭૨ કલાકના ડ્રામા પછી કેશ ટ્રેડ ડીલથી તે ગુજરાતમાંથી મુંબઈની ટીમમાં ગયો છે. IPL રિટેન વિન્ડોની સમયમર્યાદા રવિવારે સાંજે ૫ વાગ્યે સમાપ્ત થઈ હતી અને ત્યાં સુધીમાં ગુજરાતે હાર્દિકનું નામ તેની રિટેઈન લિસ્ટમાં રાખ્યું હતું.
સાંજે ૫ વાગ્યા પછી હાર્દિકનું ટ્રેડ ઓફ પૂર્ણ થઈ ગયું હતું. ડીલ હવે ઔપચારિક છે અને તે હવે મુંબઈનો ખેલાડી છે. આ તમામ એ કેશ ટ્રેડ ડીલ છે. મુંબઈએ તેના ઓલરાઉન્ડર કેમરૂન ગ્રીનને રોયલ ચેલેન્જર્સ બેંગ્લોર સાથે ટ્રેડ કર્યો છે. હાર્દિકને ટીમમાં સામેલ કરવા માટે મુંબઈ પાસે ગુજરાત સાથે તમામ રોકડ કરાર કરવા માટે પૂરતા પૈસા હતા. છેલ્લી હરાજી દરમિયાન મુંબઈ દ્વારા ગ્રીનને ૧૭.૫ કરોડ રૂપિયામાં ટીમમાં સામેલ કરવામાં આવ્યો હતો.
ટીમ ઈન્ડિયાનો સ્ટાર ઓપનર શુભમન ગિલ હવે આઈપીએલની આગામી સિીઝનમાં ગુજરાત ટાઈટન્સની કેપ્ટનશીપ કરશે. ગુજરાત ટાઇટન્સે ટ્વિટ કરી આ જાણકારી આપી હતી. હાર્દિક પંડ્યા મુંબઈ ઈન્ડિયન્સ (MI)માં ગયા બાદ ગુજરાત ટાઈટન્સે આ મોટો નિર્ણય લીધો હતો.
ગુજરાત ટાઇટન્સ ક્રિકેટના ડિરેક્ટર વિક્રમ સોલંકીએ જણાવ્યું હતું કે,’ ગીલે છેલ્લા બે વર્ષમાં રમતના સર્વોચ્ચ સ્તરે નોંધપાત્ર પ્રગતિ કરી છે. અમે તેને માત્ર બેટ્સમેન તરીકે જ નહીં પરંતુ ક્રિકેટમાં એક લીડર નેતા તરીકે પણ પરિપક્વ જોયો છે. મેદાન પરના તેના યોગદાનથી ગુજરાત ટાઇટન્સ એક મજબૂત બળ તરીકે ઉભરી આવ્યું છે. તેની પરિપક્વતા અને કુશળતા તેના મેદાન પરના પ્રદર્શનમાં સ્પષ્ટપણે દેખાય છે. અમે તેને કેપ્ટન બનાવવા માટે ઉત્સાહિત છીએ.
આ પણ વાંચો :-
