ગુજરાતમાં દિવાળી દિવસે ફટાકડા ફોડીને ઉજવણી કરવાની સાથે અનેક વિસ્તારમાં અથડામણની ઘટના પણ સામે આવી છે. વિગતો મુજબ અમદાવાદના સરદારનગરમાં ખાણીપીણી લારી પર ઝઘડા બાદ એક બાઈક સળગાવી દેવામાં આવી હતી. આ તરફ ભાવનગરના કુંભારવાડામાં ફટાકડા ફોડવા બાબતે બબાલ થતાં બાથાભાઈ ચોકમાં બે જૂથ વચ્ચે અથડામણ થઈ હતી. આ સાથે સાબરકાંઠાના પોશિના તાલુકાના લાંબડીયા ગામે સામાન્ય બોલાચાલીમાં જૂથ અથડામણ સર્જાઇ હતી.
દિવાળીના દિવસે ફટાકડા ફોડવાને લઈ ભાવનગરના કુંભારવાડામાં બબાલ થઈ હોવાનું સામે આવ્યું છે. સામાન્ય બાબતે બાથાભાઈ ચોકમાં બે જૂથ વચ્ચે અથડામણ થઈ હતી . જેમાં છરી વડે હુમલો કરાતા ગોપાલ ચુડાસમા નામના વ્યક્તિને ઇજા પહોંચી હતી. જે બાદમાં ઇજાગ્રસ્તનેએ સારવાર અર્થે તાત્કાલિક સરકારી હોસ્પિટલમાં ખસેડાયા હતા. ઘટનાને લઈ બોરતળાવ પોલીસે ફરિયાદ નોંધી કાર્યવાહી હાથ ધરી છે.
સાબરકાંઠાના પોશિના તાલુકાના લાંબડીયા ગામે જૂથ અથડામણની ઘટના સામે આવી છે. વિગતો મુજબ બે જૂથ વચ્ચે લાંબડીયામાં મારામારી થઈ હતી. સ્થાનિક ચર્ચા મુજબ સામાન્ય બાબતે બોલાચાલી થતા છુટા હાથની મારામારીના દ્રશ્યો સર્જાયા હતા. આ તરફ સામસામે આવતા લોકોના ટોળું જામ્યું હતું.
આ પણ વાંચો :-
