- ભારતીય ટીમે ત્રીજી T20 મેચમાં વેસ્ટ ઈન્ડિઝને ૦૭ વિકેટે હરાવ્યું. વેસ્ટ ઈન્ડિઝે ભારતને જીતવા માટે ૧૬૦ રનનો ટાર્ગેટ આપ્યો હતો.
ટીમ ઈન્ડિયાએ સરળતાથી મેળવી લીધો હતો. ટીમ ઈન્ડિયાના બેટ્સમેન અને બોલરોએ શાનદાર રમત બતાવી. જોકે મેચમાં ભારતીય ટીમના કેપ્ટન હાર્દિક પંડયાએ આવું કામ કર્યું. જેના કારણે સોશિયલ મીડિયા પર લોકો તેના પર ગુસ્સે થયા છે.
ભારતીય ટીમ માટે સ્ટાર બેટ્સમેન સૂર્યકુમાર યાદવે તોફાની ઈનિંગ રમી હતી. તેના કારણે જ ટીમ ઈન્ડિયા મેચ જીતવામાં સફળ રહી હતી. સૂર્યાએ ૮૩ રન બનાવ્યા જેમાં ૧૦ ચોગ્ગા અને ૪ લાંબી છગ્ગાનો સમાવેશ થાય છે. તેના કારણે ટીમ ઈન્ડિયાની શ્રેણી જીતવાની આશા જીવંત છે, જ્યારે ટીમ ઈન્ડિયાને જીતવા માટે ૨ રનની જરૂર હતી ત્યારે કેપ્ટન હાર્દિક પંડયા સ્ટ્રાઈક પર હતો.
તે જ સમયે તિલક વર્માએ નોન-સ્ટ્રાઈકર એન્ડમાં ૪૯ રન બનાવીને ઊભો હતો. આવી સ્થિતિમાં હાર્દિક એક રન બનાવીને તિલકને સ્ટ્રાઈક આપી શક્યો હોત. પરંતુ તેણે રોવમેન પોવેલના બોલ પર લાંબી સિક્સર ફટકારીને ટીમને જીત અપાવી હતી અને આ રીતે યુવા બેટસમેન તિલક તેની અડધી સદી પૂરી કરી શક્યો ન હતો.
Tilak Varma Said:- hardik Bhai told me that , "Terko khatam krna he end Tak reh" but he suddenly finishes the match with a six (laughs)
Never seen such a SELFISH Player like Hardik Pandya…😡
#HardikPandya pic.twitter.com/EfwW4YcCbD— Abhinav gaur (@Abhinavgaur4) August 8, 2023
આ પછી ચાહકોએ સોશિયલ મીડિયા પર હાર્દિક પંડયાને ખરું-ખોટું કહેવાનું શરૂ કર્યું. એક યુઝરે લખ્યું કે જો હાર્દિક ભાઈએ તિલક વર્માને સ્ટ્રાઈક આપી હોત અને તેણે સતત બીજી અડધી સદી પૂરી કરી હોત તો શું થાત. તે જ સમયે અન્ય એક યુઝરે લખ્યું કે તેણે હાર્દિક જેવો સ્વાર્થી ખેલાડી જોયો નથી.
આ પણ વાંચો :–
- ગઢડાના રાજપીપળામાં એવું તે શું બન્યું કે સામસામે તીક્ષ્ણ હથિયારો લઈને તૂટી પડયાં
- હે રામ ! ગુજરાત યુનિ. બાદ હવે આ ગાર્ડનમાંથી ગાંજાના છોડ મળ્યા, આ હોસ્ટેલમાંથી દારૂ મળ્યો