નવી બંધાઈ રહેલી ઈમારતની માટીની ભેખડ ઘસતાં ૦૪ શ્રમજીવીઓ માટીમાં દબાયા

• વડોદરાના રેસકોર્સ વિસ્તારમાં નવી બંધાઈ રહેલી ઈમારતની માટીની ભેખડ ધરાશાયી થતાં કેટલાક શ્રમજીવીઓ દબાયા છે.

જેમનું રેસ્ક્યુ કરવા માટે ફાયર બ્રિગેડની ટીમો કામે લાગી છે. રેસકોર્સ થી નટુભાઈ સર્કલ તરફ જતા વચ્ચેના માર્ગ પર નિર્માણાધીન કન્સ્ટ્રક્શન સાઈટ પર સવારે ૧૧ વાગ્યાના અરસામાં પાયાનું ખોદકામ ચાલતું હતું તે દરમિયાન માટીની ભેખડ તૂટી પડતા ૦૪ જેટલા શ્રમજીવીઓ દબાયા હોવાની પ્રાથમિક વિગતો મળી છે. જેમાંથી ૦૪ જેટલા મજૂરોને બહાર કાઢી લેવાયા છે.

બનાવને પગલે પોલીસ તેમજ વડોદરા ફાયર બ્રિગેડ ઘટનાસ્થળે પહોંચીને વરસતા વરસાદ વચ્ચે સાવચેતીપૂર્વક માટી દૂર કરવાની અને દબાયેલા શ્રમજીવીઓને બહાર કાઢવાની કામગીરી શરૂ કરવામાં આવી છે.

ફાયર બ્રિગેડ દ્વારા ત્રણ મજૂરોને બહાર કાઢી લેવામાં આવ્યા હતા જ્યારે હજી એક મજૂર દબાયેલો હોવાની વિગતો મળતા તેને શોધવાની કામગીરી ચાલી રહી છે. ઉપરોક્ત બનાવને પગલે લોકોના ટોળા જમ્યા હતા અને ટ્રાફિક પણ જામ થઈ ગયો હતો. જેથી પોલીસની ટીમ મદદે આવી હતી.

આ પણ વાંચો :-

• દાંડીયા રાસના ક્લાસમાં હિન્દુની ઓળખ આપી કોચિંગ માટે વિધર્મી યુવકને રખાતા બજરંગ દળનો હોબાળો
• એક ઉંદરને કારણે ગુજરાતમાં મોટો ટ્રેન અકસ્માત થતા રહી ગયો, મુસાફરોના જીવ તાળવે ચોંટ્યા