અંબાલાલે કહ્યું આજે પણ વરસાદમાં ધોવાઈ જશે IPL Final !

રિઝર્વ ડે પર રમાનારી ચેન્નાઈ સુપર કિંગ્સ અને ગુજરાત ટાઈટન્સની મેચ પર વરસાદનું જોખમ તોળાઈ રહ્યું છે. આગાહીકાર અંબાલાલ પટેલે આજે પણ અમદાવાદ સહિત રાજ્યના વિવિધ જિલ્લાઓમાં ભારે વરસાદની આગાહી કરી છે. જો કે રિઝર્વ ડે પર વરસાદ કાલ જેવો પડશે તેવી આશંકા નથી. સોમવારે અમદાવાદમાં તડકો રહેશે પરંતુ સાંજે વાદળો જોવા મળી શકે છે. મેચના સમયે લગભગ 10 ટકા ચાન્સ છે કે વરસાદ પડે. ભેજ પણ 45-50 ટકા વચ્ચે રહી શકે છે. 11 કિલોમીટર પ્રતિ કલાકની ઝડપે પવન ફૂંકાઈ શકે છે.

આજે મેચ રદ થાય તો કઈ ટીમ જીતે? શું છે નિયમઃ

જો આજે પણ આ મેચ ન રમાઈ તો ગ્રુપ સ્ટેજમાં પોઈન્ટ ટેબલ પર નંબર વન પર રહેનારી ટીમને વિજેતા જાહેર કરવામાં આવશે. આઈપીએલ ૨૦૨૩ના લીગ રાઉન્ડમાં ૧૦ મેચ જીતીને ગુજરાત ટાઈટન્સની ટીમ પોઈન્ટ ટેબલ પર ૨૦ અંક સાથે ટોપ પર રહી છે. જ્યારે ચેન્નાઈ સુપર કિંગ્સની ટીમે પોતાની ૧૪ મેચમાં ૮ મેચ જીતીને ૧૭ અંક મેળવ્યા અને પોઈન્ટ ટેબલમાં બીજા નંબરે છે.

આવામાં ફાઈનલ વરસાદના કારણે રદ થાય તો ગુજરાત ટાઈટન્સની ટીમ સતત બીજીવાર ચેમ્પિયન બનશે. જો આજે પણ વરસાદ પડે અને મેચ રમાવાની શક્ય ન બને તો પોઈન્ટ ટેબલમાં પ્રથમ સ્થાને રહેવાને કારણે ગુજરાત ટાઈટન્સને વિજેતા જાહેર કરવામાં આવશે.

આ પણ વાંચો :-

• સુરતમાં મંદીના ભણકારા : નાના કારખાના બંધ થયા, રત્ન કલાકારોને વેકેશન આપી દેવાયું
• મુંબઈની હોટલમાં રોકાયેલા આહીર સમાજના અગ્રણીની વેઈટરે કરી હત્યા..