ટ્રેનમાં મુસાફરી દરમિયાન કેટલાંક લોકો ટિકિટ લીધા વિના યાત્રા કરતા હોય છે, જો કે તેઓ દંડ પણ ચુકવે છે. પરંતુ તાજેતરમાં એક એવો વીડિયો સોશિયલ મીડિયા પર વાયરલ થઇ રહ્યો છે જેનો જોઇને લોકોમાં ભારે ગુસ્સો જોવા મળી રહ્યો છે. વાયરલ થઇ રહેલા વીડિયોમાં એક TTE ટ્રેનમાં મુસાફરી કરી રહેલા એક મુસાફરને થપ્પડ મારતો દેખાઈ રહ્યો છે. આ વીડિયો બરૌની-લખનઉ એક્સપ્રેસનો છે.
સોશિયલ મીડિયા પર વાયરલ થઈ રહેલા વીડિયો મુજબ, એક TTE ટ્રેનની અંદર બેઠેલા એક મુસાફરને માર મારી રહ્યો છે. ટીટીઈ વારંવાર તેને મારતા મુસાફરને તેની ભૂલ વિશે પૂછી રહ્યો છે. મુસાફર TTEને કહે છે કે, ‘સર, મારી કોઈ ભૂલ છે?’ વીડિયો બનાવનાર વ્યક્તિ તેને પૂછે છે કે, તે તેને કેમ મારી રહ્યો છે? પરંતુ TTE કંઈ જવાબ આપતા નથી. વીડિયોમાં આગળ, TTE મુસાફરને ફટકારે છે અને કહે છે, ‘તમે મને ટિકિટ આપો.’ એટલું જ નહીં ટીટીઈએ વીડિયો બનાવનાર વ્યક્તિના હાથમાંથી ફોન પણ છીનવી લેવાનો પ્રયાસ કરે છે. TTEએ મુસાફરને કયા આધારે માર માર્યો તેની પુષ્ટિ થઈ નથી.
એક મુસાફર જયારે આ ઘટનાનો વીડિયો બનાવવાનો પ્રયત્ન કર્યો તો TTE તેનો મોબાઈલ ફોન છીનવાનો પણ પ્રયત્ન કરે છે. વીડિયો બનાવી રહેલા મુસાફરને ઘણાં અપશબ્દો કહ્યાં હતા. જ્યારે વીડિયો બનાવનાર વ્યક્તિએ પોતાનો પરિચય એક પત્રકાર તરીકે આપ્યો, ત્યારે TTE તેને તેના વ્યવસાય અંગે પણ અપશબ્દો કહ્યાં હતા.
આ પણ વાંચો :-
