આજે બુધવારે શરૂઆતી કારોબારમાં ઉછાળા બાદ શેરબજાર બંધ થવા સુધી તૂટ્યું હતું. સેન્સેક્સ દિવસના ઉચ્ચ સ્તરેથી 611 પોઈન્ટ ઘટીને 81,523 પર બંધ રહ્યો હતો. તે જ સમયે, નિફ્ટી 50 ઇન્ડેક્સ દિવસના ઉચ્ચ સ્તરથી 163 પોઇન્ટ ઘટીને 24,950.75ના સ્તરે બંધ થયો હતો. બંધ થતાં નિફ્ટી બેન્ક 156 પોઈન્ટ અને મિડકેપ નિફ્ટી 67 પોઈન્ટ તૂટ્યા હતા. ટાટા ગ્રૂપના અગ્રણી શેર ટાટા મોટર્સના શેરમાં 5.74 ટકાનો ઘટાડો જોવા મળ્યો અને શેર દીઠ રૂ. 976.30 પર બંધ થયો.
BSE સેન્સેક્સના ટોચના 30 શેરોમાંથી 9 શેરો વધ્યા હતા, બાકીના 21 શેરોમાં સૌથી મોટો ઘટાડો ટાટા મોટર્સ, NTPC, SBI, અદાણી પોર્ટ અને અન્ય શેરોમાં લગભગ 2 ટકા હતો. એશિયન પેઇન્ટ્સ સૌથી વધુ 2.18 ટકા વધીને રૂ. 3366 પ્રતિ શેર બંધ રહ્યો હતો. આ પછી બજાજ ફાઇનાન્સ અને સન ફાર્માના શેરમાં તેજી જોવા મળી હતી.
ટાટા મોટર્સ સિવાય સૌથી વધુ ઘટતો સ્ટોક ઓઈલ ઈન્ડિયાનો હતો, જે 4.47 ટકા ઘટીને રૂ. 581.70 પર બંધ રહ્યો હતો. આ પછી ONGCના શેર 3.48 ટકા, IOCL 3.31 ટકા, L&T ફાઇનાન્સ 3.17 ટકા, HFCL 4.68 ટકા, વેલસ્પન લિવિંગ 4.37 ટકા, આરતી ઇન્ડસ્ટ્રીઝ 4.22 ટકા, ટાટા કેમિકલ 37 ટકા ઘટીને બંધ થયા છે.
બુધવારે સવારે, સેન્સેક્સ 81,928.12 પર ખુલ્યો હતો, જ્યારે તેનું દિવસનું ઉચ્ચ સ્તર 82,134.95 પોઈન્ટ અને નીચું સ્તર 81,423.14 પોઈન્ટ હતું. જોકે, ટ્રેડિંગ બંધ થતાં સેન્સેક્સ 398 પોઈન્ટ ઘટીને 81,523.16 પર બંધ થયો હતો. નિફ્ટી વિશે વાત કરીએ તો, આજે તે 25,034 પર ખૂલ્યો હતો અને 25,113.70ની દિવસની ઊંચી સપાટીને સ્પર્શ્યો હતો, જ્યારે દિવસની નીચી સપાટી 24,885.15 હતી, પરંતુ ટ્રેડિંગ બંધ થતાં, નિફ્ટી 90 પોઇન્ટ ઘટીને 24,950 પર બંધ થયો હતો.
આ પણ વાંચો :-
