- ગયાની એક સરકારી શાળાના ક્લાસરૂમમાં વિદ્યાર્થીઓએ ટીવી પર ભોજપુરી અશ્લીલ ગીત વગાડયું અને તમામ વિદ્યાર્થીઓ ડાન્સ કરવા લાગ્યા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે.
બિહારના ગયા જિલ્લામાંથી એક ચોંકાવનારો કિસ્સો પ્રકાશમાં આવ્યો છે, જ્યાં વિદ્યાર્થીઓએ સરકારી શાળાના સ્માર્ટ ક્લાસરૂમમાં લગાવેલા ટીવી પર અશ્લીલ ભોજપુરી ગીતો વગાડયા અને ડાન્સ કરવા લાગ્યા. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. સ્કૂલના પ્રિન્સિપાલ લતા સિન્હાએ જણાવ્યું કે આ ઘટના ૧૯ ઓગસ્ટે બની હતી. જ્યારે ક્લાસનો છેલ્લો પિરિયડ ચાલી રહ્યો હતો. તેની તપાસ કરવામાં આવી રહી છે.
શાળાના પ્રિન્સિપાલ લતા સિન્હાએ કહ્યું કે શિક્ષકોની અછત છે. કારણ કે શાળાના કેટલાક શિક્ષકો વસ્તી ગણતરીના કામમાં રોકાયેલા છે. પ્રવાસી શિક્ષકો વિદ્યાર્થીઓને કાબૂમાં રાખવામાં સક્ષમ ન હતા. ત્યારે કોઈ બાળકે વર્ગખંડમાં રાખેલા સ્માર્ટ ટીવીને પોતાના મોબાઈલ સાથે જોડયું અને ગીત વગાડયું. વિદ્યાર્થીઓએ તેમના પરિવારજનોને ફોન કરીને આ અંગે જાણ કરી હતી. વિદ્યાર્થીઓએ પણ પોતાની ભૂલ સ્વીકારી લીધી છે.
પ્રિન્સિપાલ લતા સિન્હાનું કહેવું છે કે ભવિષ્યમાં આવી ભૂલો ન થાય તેનું શાળા પ્રશાસન સંપૂર્ણ ધ્યાન રાખશે. વિદ્યાર્થીઓ પાસે મોબાઈલ ફોન હતા. દરેકને આ ક્લિપ ડિલીટ કરવા માટે કહેવામાં આવ્યું હતું. પરંતુ પાછળની બેંચ પર બેઠેલા કેટલાક વિદ્યાર્થીએ તેનો વીડિયો બનાવીને વાયરલ કર્યો હતો.
શાળા પ્રશાસન આ મામલે કરી રહ્યું છે તપાસ :
વાયરલ વીડિયોમાં યશવંત હાઈસ્કૂલના ક્લાસ રૂમના મોટા હોલમાં લખેલું સ્પષ્ટ જોઈ શકાય છે અને વિદ્યાર્થીઓ પણ ગીત પર ડાન્સ કરતા જોવા મળે છે. પ્રિન્સિપાલ લતા સિન્હાએ જણાવ્યું કે કેટલાક વિદ્યાર્થીએ મોબાઈલ કનેક્ટ કરીને વીડિયો પ્લે કર્યો છે અને તેને ષડયંત્રના ભાગરૂપે પ્રસારિત કરવામાં આવ્યો છે.
આ પણ વાંચો :-