રિયલમી 16T ફોન ભારતમાં લોન્ચ થયો છે. રિયલમી 16ટી સ્માર્ટફોન સાથે કંપનીએ રિયલમી Buds Air 8 Pro અને રિયલમી વોચ S5 પણ રજૂ કરી છે. Realme 16T ફોનમાં 144Hz ડિસ્પ્લે, 50MP સોની IMX852 રિયર કેમેરા સાથે સેલ્ફી મિરર લેન્સ અને 8000mAh બેટરી સાથે 45W ફાસ્ટ ચાર્જિંગ જેવા ફીચર્સ આવે છે. આ Realme ફોનમાં AI પાવર્ડ કેમેરા ફીચર્સ પણ છે. જાણો Realme 16T ફોનની કિંમત અને તમામ ફીચર્સ
Realme 16T કિંમત
Realme 16T ફોન 3 વેરિયન્ટમાં રજૂ કરવામાં આવ્યોછે. રિયલમી 16ટી ફોનના બેઝ વેરિયન્ટ 6GB રેમ અને 128GB સ્ટોરેજ મોડલની કિંમત 29,999 રૂપિયા છે. તો 8GB + 128GB વેરિયન્ટની કિંમત 31,999 રૂપિયા અને 8GB + 256GB વેરિયન્ટની કિંમત 34,999 રૂપિયા નક્કી કરવામાં આવે છે. આ રિયલમી ફોન સ્ટારલાઇટ બ્લેક, સ્ટારલાઇટ બ્લૂ અને સ્ટારલાઇટ રેડ કલર ઓપ્શન સાથે આવે છે. આ ફોન રિયલમી ઈન્ડિાય અને ફ્લિપકાર્ટ વેબસાઇટ પરથી ખરીદી શકાય છે.
લોન્ચ ઓફરની વાત કરીયે તો રિયલમ 16 ફોન ખરીદતી વખતે ક્રેડિટ કાર્ડથી પેમેન્ટ કરવા પર 3000 રૂપિયાનું ઇન્ટરેસ્ટ ડિસ્કાઉન્ટ મળે છે. આ સાથે જ ઇએમઆઇ પેમેન્ટ પર 2000 રૂપિયા સુધીનું ડિસ્કાઉન્ટ મળે છે. આ ફોન 12 મહિનાના નો કોસ્ટ EMI પરથી પણ ખરીદી શકાય છે. તેની સાથે જ જૂનો ફોન એક્સચેન્જ કરવા પર 1000 રૂપિયાનું એડિશનલ ડિસ્કાઉન્ટ પણ કંપની આપી રહી છે. Realme 16T સ્માર્ટફોન 26 મે સુધી પ્રી બુકિંગ કરાવી શકાય છે. ફોનનો પ્રથમ સેલ 27 મેના રોજ શરૂ થશે.
Realme 16T ફીચર અને સ્પેસિફિકેશન
Realme 16T સ્માર્ટફોનમાં 6.8 ઇંચની LCD સ્ક્રીન આવે છે, જેનો 144Hz રિફ્રેશ રેટ અને સ્ક્રીન ટુ બોડી રેશિયો 90.4 ટકા છે. આ રિયલમી ફોન મીડિયાટેક Dimensity 6300 ચિપસેટ સાથે આવે છે. આ ડિવાઇસ Android 16 બેઝ્ડ Realme UI 7 પર રન કરે છે. તેમા સ્પ્લિટ સ્ક્રીન મલ્ટીટાસ્કિંગ, ફ્લોટિંગ વિન્ડો, સ્ક્રીન રેકોર્ડિંગ, ઓપ્પો શેર અને iOS ફાઇલ શેરિંગ સહિત ઘણા ફીચર્સ મળે છે.
ફોટોગ્રાફી ફીચર્સની વાત કરીયે તો Realme 16T ફોનમાં 50 મેગાપિક્સલનો Sony IMX852 પ્રાયમરી કેમેરા છે, તેનું અપર્ચર f/1.8 છે, જે ઓટોફોક્સ સપોર્ટ ફીચર્સ સાથે આવે છે. ઉપરાંત ફોનમાં 2 મેગાપિક્સલનો સેકેન્ડરી કેમેરા છે. આ ફોનમાં રિયલમીનું LumaColor IMAGE Engine આપ્યું છે, જે AI પ્રોસેસિંગની મદદથી સ્ક્રીન ટોન, ટેક્ચર, ડાયનમિક રેન્જને ઇમ્પ્રુવ કરે છે. આ ફોનમાં વીડિયો કોલ અને સેલ્ફી માટે 16 મેગાપિક્સલનો ફ્રન્ટ કેમેરા આવે છે.
આ ફોનમાં AI Popout, AI Eraser, AI Instant Clip અને AI StyleMe જેવા AI આધારિત એડિટિંગ ફીચર્સ પણ આપ્યા છે. ઉપરાંત આ ફોનમાં કંપનીએ Rear Selfie Mirror (રિયર સેલ્ફી મિરર) ફીચર પણ આપ્યું છે, જેનાથી યુઝર્સ રિયર કેમેરા વડે આકર્ષક ફોટા ક્લિક કરી શકે છે.
Realme 16T ફોનને પાવર આપવા માટે 8,000mAh બેટરી આપી છે, જે 45W SuperVOOC ફાસ્ટ ચાર્જિંગ સપોર્ટ કરે છે. આ ફોનમાં બાયપાસ ચાર્જિંગ ફીચર્સ પણ આવે છે. કંપનીનો દાવો છે કે આ સ્માર્ટફોન માત્ર 104 મિનિટમાં શૂન્ય થી 100 ટકા ફુલ ચાર્જ થઇ જાય છે.
રિયલમી 16T સ્માર્ટફોનમાં કનેક્ટિવિટી માટે 5G, VoWiFi, Bluetooth 5.3, IPv6, GPS, GLONASS, Galileo, QZSS, અને BeiDou આવે છે. આ ફોન વાટરપ્રુફ અને ડસ્ટ ફ્રી છે, જેની માટે IP66, IP68 અને IP69 રેટિંગ મળ્યું છે. ફોનમાં થર્મલ મેનેજમેન્ટ માટે વોપર ચેમ્બર અને ગ્રેફાઇટ કૂલિંગ સિસ્ટમ આવે છે. સિક્યોરિટી માટે ફોનમાં સાઇડ માઉન્ટેડ ફિંગરપ્રિન્ટ સેન્સર આપ્યું છે. કંપનીનો દાવો છે કે, ફોન હાઇ પ્રેશર વોટર જેટ અને 80 ડિગ્રી સુધી તાપમાનને પણ સહન કરી શકે છે. ઉપરાંત તેમા મિલિટ્રી ગ્રેડ Shock Resistance પણ આપ્યું છે.
