Home Blog Page 906

પેલેસ્ટાઇનના રાષ્ટ્રપતિ મહમૂદ અબ્બાસ પર જીવલેણ હુમલો, ઇઝરાઇલને યુદ્ધનો જવાબ ના આપી શકતા કરાયો એટેક

admin
-
0

અબ્બાસને ‘સન ઓફ અબુ જંદાલ’એ ઇઝરાઇલ વિરૂદ્ધ કાર્યવાહી કરવા માટે ૨૪ કલાકનું અલ્ટીમેટમ આપ્યુ હતુ. સન ઓફ અબુ જંદાલ વેસ્ટ બેન્કની પેલેસ્ટાઇની સુરક્ષા પ્રણાલીની અંદર સંગઠિત છે. મંગળવારે ડેડલાઇન ખતમ થયા પછી અબ્બાસના કાફલા પર હુમલો કરવામાં આવ્યો હતો. સન ઓફ અબુ જંદાલ ગ્રુપે હુમલાની જવાબદારી લીધી છે.

હુમલાખોરોએ અબ્બાસના કાફલા પર ગોળીબાર કર્યો હતો. એક ઘર સામે ઉભેલા વાહનની આસપાસ કેટલાક બંદૂકધારી લોકો હાજર હતા. હુમલાખોરો દ્વારા ચલાવવામાં આવેલી ગોળી અબ્બાસના એક બોડીગાર્ડને લાગી હતી. ગોળી લાગતા જ તે જમીન પર પડી ગયો હતો. આ દરમિયાન અન્ય લોકોએ હુમલાખોરો તરફ ગોળીઓ વરસાવી હતી. પાસે રહેલા લોકો જમીન પર પડેલા બોડીગાર્ડની બંદૂક લઇને ભાગે છે અને પછી મોરચો સંભાળવાનો પ્રયાસ કરે છે.

ઇઝરાઇલ અને હમાસ વચ્ચે લડાઇ એક મહિનાથી ચાલી રહી છે. સાત ઓક્ટોબરે પેલેસ્ટાઇન આતંકી સંગઠન હમાસે ઇઝરાઇલ પર અત્યાર સુધીનો સૌથી ભીષણ હુમલો કર્યો હતો, જેને કારણે ઇઝરાઇલમાં ૧૪૦૦થી વધુ લોકો માર્યા ગયા હતા. ૨૦૦થી વધુ લોકોને હમાસના આતંકીઓએ બંધક બનાવ્યા હતા. હુમલાના જવાબમાં ઇઝરાઇલે યુદ્ધની જાહેરાત કરી હતી. ઇઝરાઇલ દ્વારા ગાઝામાં કરવામાં આવેલા હુમલામાં અત્યાર સુધી ૧૦,૩૦૦ લોકો માર્યા જવાના સમાચાર છે.

આ પણ વાંચો :-

ભારત-બાંગ્લાદેશ સરહદ પર મધમાખીઓ કરશે બોર્ડરની સુરક્ષા, BSFએ લૉન્ચ કર્યું ‘મિશન હની’

admin
-
0

BSF જવાનોએ ભારત-બાંગ્લાદેશ સરહદ પર મધમાખી ઉછેર અને મિશન હની પ્રયોગના રૂપમાં એક અગ્રણી પ્રોજેક્ટ શરૂ કર્યો છે જે મધમાખી ઉછેર અને મિશન હનીને પ્રોત્સાહન આપશે. માનનીય વડાપ્રધાન દ્વારા નિર્દેશિત “વાયબ્રન્ટ વિલેજ પ્રોગ્રામ” હેઠળ સરહદી ગામડાઓમાં સર્વાંગી વિકાસને પ્રોત્સાહન આપવાના ઉદ્દેશ્ય સાથે આ પ્રોજેક્ટને પાયલોટ પ્રોજેક્ટ તરીકે શરૂ કરવામાં આવી રહ્યો છે. તેનાથી સીમાપારથી ઘૂસણખોરી અને દાણચોરી તો અટકશે જ પરંતુ ખેડૂતોને પણ ફાયદો થશે. આ નવીન યોજના હેઠળ સરહદની વાડ પાસે મધમાખીની પેટીઓ વ્યૂહાત્મક રીતે સ્થાપિત કરવામાં આવી છે.

મધમાખી-મૈત્રીપૂર્ણ ફળો અને ફૂલોના છોડથી ઘેરાયેલા વિસ્તારમાં મધમાખી બોક્સ ચહેરાની નજીક જમીનથી સહેજ ઉપર મૂકવામાં આવે છે. આ મધમાખીઓ માટે સાનુકૂળ વાતાવરણ બનાવે છે, અને ઘુસણખોરો અને દાણચોરોને સરહદની વાડ સાથે ચેડા કરતા અટકાવવામાં પણ મદદ કરી શકે છે. એક શ્રેણીમાં મધમાખીની પેટીઓ સ્થાપિત કરવાનો અનોખો પ્રયાસ કરવામાં આવી રહ્યો છે જેથી કરીને મધમાખીઓ સરહદ સુરક્ષામાં મહત્વપૂર્ણ ભૂમિકા ભજવવામાં અને અનધિકૃત પ્રવેશને રોકવામાં અસરકારક સાબિત થાય.

ભારત-બાંગ્લાદેશ સરહદી વિસ્તાર તેની સમૃદ્ધ જૈવવિવિધતા અને બંને બાજુના ગાઢ જંગલો માટે જાણીતો છે. વધુમાં, સ્થાનિક ખેડૂતો સઘન ખેતીમાં જોડાય છે, મધમાખીઓ માટે આખું વર્ષ ખોરાકનો પુરવઠો સુનિશ્ચિત કરે છે. સરસવની ખેતી અને વિવિધ ફૂલોના છોડના વાવેતરને ગ્રામજનોમાં પ્રોત્સાહન આપવામાં આવ્યું છે, જે મધમાખીઓના ખોરાક પુરવઠામાં વધુ મદદ કરશે. પ્રોજેક્ટની સફળતા સુનિશ્ચિત કરવા માટે, ગ્રામજનોને મધમાખી ઉછેરના ફાયદાઓ અને તેમના ખાતરીપૂર્વકના વિકાસ માટે તેની સંભવિતતા વિશે શિક્ષિત કરવામાં આવ્યા છે. ગ્રામજનો અને ખેડૂતોએ સરહદી વિસ્તારમાં આ સંકલિત વિકાસ પહેલ લાવવા માટે BSFની પ્રશંસા કરી અને તેમાં વધુ ગ્રામજનોને સામેલ કરવાનું વચન આપ્યું.

આ પણ વાંચો :-

ગુજરાતમાં હાર્ટએટેકના કેસમાં વધારો, ૨૪ કલાકમાં ૫ લોકોના મોત, આજે ફરી સુરતમાં બેનું મોત

admin
-
0

રાજ્યમાં હાર્ટએટેકથી થતા મોતની સંખ્યામાં સતત વધારો થઈ રહ્યો છે. રોજ બરોજ હાર્ટ એટેકના બનાવોની હારમાળો વધી રહી છે ત્યારે આજે ફરી રાજ્યમાં અલગ અલગ જિલ્લામાં એક જ દિવસમાં ૫ લોકોના મોત થયા છે. હાર્ટ અટેકના વધતા જતા કિસ્સા અને તેનાથી થતા મોતના કારણે સ્થિતિ ચિંતાજનક બની રહી છે. આજે ફરી સુરતમાં બે, વડોદરામાં બે તો રાજકોટમાં એકનું હાર્ટ એટેકથી મોત થયું છે.

સુરતમાં હાર્ટ એટેકથી વધુ બે વ્યક્તિના મોત થયા છે. વિગતો મુજબ પુણા ગામની મહીલા ઘરકામ કરતી વખતે ઢળી પડ્યા હતા. જે બાદમાં તેમને સ્મિમેરમાં સારવાર અર્થે ખસેડાયા બાદ તેમનું મોત થયું છે. આ તરફ અન્ય એક ઘટનામાં રાંદેરમાં રહેતા રત્નકલાકારનું મૃત્યુ થયું છે. ૩૯ વર્ષીય બાબુ પરમારને અચાનક છાતીમાં દુખાવો ઉપડ્યો હતો. જે બાદમાં સિવિલ હોસ્પિટલમાં સારવાર દરમિયાન તેમનું મોત થયું છે.

સંસ્કારી નગરી વડોદરામાં પણ દિવસેને દિવસે હાર્ટએટેકના બનાવો વધી રહ્યા છે. વિગતો મુજબ વડોદરામાં ૧૭ દિવસમાં ૧૪ લોકોના હાર્ટ એટેકથી મોત થયા છે. આ તરફ છેલ્લા ૨૪ કલાકમાં તરસાલીમાં ૫૧ વર્ષીય ભરત પરમારનું હાર્ટએટેકથી મોત થયું તો વાસણા રોડ પર રહેતા સમીર કૌલનું પણ હાર્ટએટેકના કારણે મોત થયું છે.

રાજકોટમાં પણ દિવસેને દિવસે હાર્ટએટેકના બનાવો વધી રહ્યા છે. આંકડાઓ મુજબ રાજકોટમાં સંભવિત રીતે સપ્તાહમાં ૨-૩ વ્યક્તિના હાર્ટએટેકના કારણે મોત થાય છે. આ તરફ ફરી એકવાર રાજકોટમાં એક પ્રોફેસરનું હાર્ટએટેકથી મોત થયું છે. રાજકોટના નાગેશ્વર વિસ્તારમાં રહેતા ૪૪ વર્ષીય પ્રોફેસર મિતેષ ભાઈ ચૌહાણનું હૃદય એકાએક બંધ પડી જતાં તેમનું મોત થયું છે. વિગતો મુજબ તેઓ કચ્છની નવોદય વિદ્યાલય ખાતે ફરજ બજાવતા હતા.

આ પણ વાંચો :-

ધરપકડ થાય તો જેલમાંથી સરકાર ચલાવવાના કેજરીવાલના ધખારા સામે ભાજપનો કકળાટ

admin
-
0

ભારતીય જનતા પાર્ટી નેતા અને હરિયાણાના ગૃહમંત્રી અનિલ વિજે આમ આદમી પાર્ટી પર નિશાન સાધ્યું છે. તેમણે દિલ્હીના મુખ્યમંત્રી અરવિંદ કેજરીવાલ પર કટાક્ષ કરતા કહ્યું કે, તેઓ જ્યાં પણ જાય છે, ત્યાં સારુ મોડલ રજુ કરી રહ્યા છે. વિજે કહ્યું કે, કેજરીવાલ ચૂંટણી રાજ્યોમાં કહે છે કે, જો આમ આદમી પાર્ટીની સરકાર બનશે તો તેઓ તે રાજ્યોમાં દિલ્હી મોડલ લાગુ કરશે.

દિલ્હીના 4 મંત્રીઓ જેલમાં છે, તો તે રાજ્યોમાં કેટલા મંત્રીઓ જેલમાં હશે, કારણ કે દિલ્હી મોડલ તો આવું જ છે કે, જેલની અંદરથી સરકાર ચલાવો. વાસ્તવમાં એન્ફોર્સમેન્ટ ડિરેક્ટોરેટ (ED)એ લીકર પોલિસી કેસમાં અરવિંદ કેજરીવાલને નોટિસ મોકલી તો આ મામલે આપના ધારાસભ્યો દ્વારા એવું પણ કહેવાયું કે, કેજરીવાલની ધરપકડ થાય તો પણ તેઓ મુખ્યમંત્રી પદેથી રાજીનામું નહીં આપે. અનિલ વિજે આપ ધારાસભ્યોને આ વાતને લઈ કટાક્ષ કર્યો છે.

અનિલ વિજે દિલ્હીમાં વધતા પ્રદૂષણ મામલે પણ ચિંતા વ્યક્ત કરી છે. તેમણે કહ્યું કે, પ્રદૂષણની સમસ્યા નિવારવા તમામ એક થઈને કામ કરવું જોઈએ, આ મામલે રાજકારણ ન રમવું જોઈએ. ઉલ્લેખનિય છે કે, દિલ્હી પ્રદૂષણ મામલે આમ આદમી પાર્ટી અને ભાજપ વચ્ચે આક્ષેપ-પ્રતિઆક્ષેપો થઈ રહ્યા છે.

આ પણ વાંચો :-

આર્મેનિયાની સેનાએ ભારત પાસેથી ખરીદ્યું ‘સ્ટોકર’ અઝરબૈજાનના ડ્રોનનો નાશ થશે, તુર્કી ચોંકી જશે

admin
-
0

આર્મેનિયાની સેનાએ ભારત પાસેથી એન્ટી ડ્રોન સિસ્ટમ ખરીદી છે. આ એન્ટી-ડ્રોન સિસ્ટમ ઝેન ટેક્નોલોજી દ્વારા બનાવવામાં આવી છે જે UAV ની કોમ્યુનિકેશન સિસ્ટમને સરળતાથી જામ કરી દે છે. જેના કારણે તેઓ હવામાં નકામા બની જાય છે. આર્મેનિયા તુર્કી પાસેથી અઝરબૈજાન દ્વારા ખરીદવામાં આવેલા ડ્રોનના ખતરાનો સામનો કરી રહ્યું છે.

તુર્કી અને પાકિસ્તાનની ખતરનાક ત્રિપુટીનો ભોગ બનેલા આર્મેનિયાએ પિનાકા રોકેટ સિસ્ટમ બાદ હવે ભારત પાસેથી એન્ટી ડ્રોન સિસ્ટમ ખરીદી છે. આર્મેનિયાએ ભારત પાસેથી આ શસ્ત્રો એવા સમયે ખરીદ્યા છે જ્યારે તે નવી દિલ્હી પાસેથી સોવિયેત યુગના શસ્ત્રોના આધુનિકીકરણની યુક્તિઓ શીખવા માંગે છે. આર્મેનિયા અને અઝરબૈજાન વચ્ચે શાંતિ વાટાઘાટો ચાલી રહી છે પરંતુ તે ક્યારે તૂટી જશે અને યુદ્ધ ફરી ભડકશે તેવો ડર છે. આ ખતરાને ધ્યાનમાં રાખીને ભારત આર્મેનિયાને ખરીદેલા હથિયારોને પ્રાથમિકતાના ધોરણે સપ્લાય કરી રહ્યું છે.

યુરો એશિયા ટાઈમ્સના અહેવાલ મુજબ, આર્મેનિયાએ ભારતમાં વિકસિત ઝેન વિરોધી ડ્રોન સિસ્ટમ ખરીદવા માટે કરાર પર હસ્તાક્ષર કર્યા હતા. ભારતીય વાયુસેનાએ પણ વર્ષ ૨૦૨૧માં આ એન્ટી ડ્રોન સિસ્ટમ ખરીદી હતી. ભારતીય સેનાએ ૨.૨૭ અબજ રૂપિયામાં એન્ટી ડ્રોન સિસ્ટમના ૨૦ યુનિટ ખરીદ્યા છે. ભારતીય વાયુસેનાને આ એન્ટી-ડ્રોન સિસ્ટમની સપ્લાય માર્ચ ૨૦૨૩માં શરૂ થશે. આર્મેનિયાએ હૈદરાબાદની કંપની ઝેન ટેક્નોલોજીને ૩૪૦ કરોડ રૂપિયાનો કોન્ટ્રાક્ટ આપ્યો હતો. જેમાં તાલીમ અને એન્ટી ડ્રોન સિસ્ટમનો સમાવેશ થાય છે.

એન્ટી-ડ્રોન સિસ્ટમ મલ્ટી-સ્ટેજ સેન્સરથી સજ્જ છે અને ડ્રોન હુમલા સામે વ્યાપક સુરક્ષા પ્રદાન કરે છે. આર્મેનિયા અને અઝરબૈજાન વચ્ચે નાગોર્નો કારાબાખ યુદ્ધમાં વિશ્વમાં પ્રથમ વખત ડ્રોન યુદ્ધ શરૂ થયું. તુર્કીના Bayraktar TB-૨ ડ્રોને આર્મેનિયાની બંદૂકો અને ટેન્કોનો નાશ કર્યો હતો. જેના કારણે આર્મેનિયાને હાર સ્વીકારવાની ફરજ પડી હતી. Bayraktar TB૨ ડ્રોન તુર્કીના રાષ્ટ્રપતિ એર્દોગનના જમાઈની કંપની દ્વારા બનાવવામાં આવ્યું છે. આ ડ્રોન ૪ લેસર ગાઈડેડ મિસાઈલ ફાયર કરવામાં સક્ષમ છે. તે લગભગ ૧૨ કલાક સુધી હવામાં રહી શકે છે અને ૯૦૦ કિમી સુધી હુમલો કરવામાં સક્ષમ છે.

આ પણ વાંચો :-

ગુજરાતમાં ૧૩૨૭ ડૉક્ટરની અછત, ૫૪૬ ડૉક્ટરોએ છોડી દીધી સરકારી નોકરી, જાણો કેમ

admin
-
0

ગુજરાતની સરકારી હોસ્પિટલોમાં ડોક્ટર્સની અછત હોવાનું સામે આવ્યું છે. વાત જાણે એમ છે કે, રાજ્યની અનેક સરકારી હોસ્પિટલોમાં ૧૩૨૭ ડૉક્ટરની અછત છે. વિગતો મુજબ પેરામેડિકલ સ્ટાફની ૨ હજાર પોસ્ટ ભરાઈ નથી. આ તરફ ચિંતાજનક વાત તો એ છે કે, રાજ્યમાં ૫૪૬ ડૉક્ટરોએ સરકારી નોકરી છોડી દીધી છે. આ તરફ વર્ગ ૧ ડૉક્ટરની ૬૩૭ જગ્યાઓ ખાલી તો તબીબી અધિકારી વર્ગ ૨ ની ૬૩૦ જગ્યા ખાલી છે.

રાજ્યમાં સૌથી વધુ ડોક્ટર્સની ઘટ એ દાહોદ જિલ્લામાં છે. આ સાથે CHCમાં સૌથી વધુ ૪૪૮ અને PHCમાં ૨૭૩ જગ્યા ખાલી છે. મહત્વનું છે કે, રાજ્ય સરકારે ત્રણ વર્ષમાં ૨૬૫૩ બોન્ડેડ તબીબ મૂક્યા હતા. નોંધનિય છે કે, આ તમામ વિગતો સપ્ટેમ્બર માસમાં યોજાયેલ વિધાનસભા સત્રમાં બહાર આવી હતી. વિગતો મુજબ સરકારી હોસ્પિટલોમાં ૧૩૨૭ ડૉક્ટરની અછત છે તો પેરામેડિકલ સ્ટાફની ૨ હજાર પોસ્ટ ભરાઈ નથી.

રાજ્ય સરકારે ત્રણ વર્ષમાં ૨૬૫૩ બોન્ડેડ તબીબોને અલગ-અલગ જિલ્લામાં મૂકવામાં આવ્યા હતા. જે બાદમાં માત્ર ૭૯૭ ડોક્ટર્સ જ હાજર થયા તો ૧૮૫૬ ડોક્ટરોમાંથી ૫૪૬ લોકોએ પોતાની ૫ લાખની બોન્ડની રકમ જમા કરાવી નોકરી ન કરવાનો નિર્ણય કર્યો હતો. આ ૫૪૬ ડોક્ટરોએ 5 લાખની બોન્ડની રકમ પેટે કુલ ૨૭.૩૦ કરોડ જમા કરાવ્યા હતા. આ તરફ હવે ૧૩૧૦ ડોક્ટર્સ એવા છે કે, જેમણે નોકરી પણ નથી સ્વીકારી અને બોન્ડ પણ નથી ભર્યા.

આ પણ વાંચો :-

ઈઝરાઇલમાં એક લાખ ભારતીય મજૂરો મોકલવા કંઇ સરળ નથી, મોત ને પણ એટલુ જોખમ

admin
-
0

ઈઝરાઇલ અને હમાસ વચ્ચે લાંબા સમયથી યુદ્ધ ચાલી રહ્યું છે. યુદ્ધ બાદ ઈઝરાઇલ દ્વારા ગાઝા પટ્ટી પર બોમ્બમારો કરવામાં આવી રહ્યો છે. ત્યારે ઈઝરાઇલે તુરંત જ ભારત પાસેથી ૧૦૦,૦૦૦ કામદારોની મોકલવાની માંગણી કરી છે. એક અહેવાલ મુજબ ઈઝરાઇલની બાંધકામ કંપનીઓએ સરકાર પાસે ૧૦૦,૦૦૦ ભારતીય કામદારોની પરવાનગી માંગી છે. જેથી કરીને ૯૦ હજારથી વધુ પેલેસ્ટાઈનીઓને રિપ્લેસ કરી શકાય. ૭ ઓક્ટોબરે હમાસ દ્વારા કરવામાં આવેલા હુમલા બાદથી પેલેસ્ટાઈનની વર્ક પરમિટ રદ કરવામાં આવી છે.

ઈઝરાઇલની કન્સ્ટ્રક્શન કંપનીઓએ ત્યાંની સરકારને કહ્યું છે કે, તેઓ ૯૦ હજાર પેલેસ્ટાઈનની જગ્યાએ ૧ લાખ ભારતીય કામદારોને નોકરી પર રાખવા માંગે છે. આ માટે તેમને છૂટ આપવી જોઈએ. હકીકતમાં ૭ ઓક્ટોબરે હમાસના હુમલા પછી ઈઝરાઇલમાં કામ કરતા ૯૦ હજાર પેલેસ્ટિનિયન મજૂરોની પરમિટ રદ કરવામાં આવી છે. જેના કારણે ઈઝરાઇલમાં બાંધકામ સંબંધિત તમામ કામો ઠપ્પ થઈ ગયા છે. ભારતીય કામદારોએ ખાડી દેશોમાં રણમાં આધુનિક શહેરો બનાવ્યા છે, જેના કારણે ઇઝરાયેલની કંપનીઓને પણ તેમની મહેનત પર વિશ્વાસ છે. પરંતુ શું આ સ્થિતિમાં આ મજૂરોને મોકલવા યોગ્ય રહેશે?

ઈઝરાઇલ બિલ્ડર્સ એસોસિએશનના વાઇસ પ્રેસિડેન્ટ હેમ ફેઈગ્લિને કહ્યું, ‘અત્યારે અમે ભારત સાથે વાતચીત કરી રહ્યા છીએ. અમે કામદારોને મંજૂરી આપવા માટે ઈઝરાઇલ સરકારના નિર્ણયની રાહ જોઈ રહ્યા છીએ. અમને ભારતમાંથી ૫૦ હજારથી ૧ લાખ કામદારોની જરૂર છે. જો ભારતીય કામદારો ઈઝરાઇલ જશે તો મોટા પાયે રોજગારી મળશે. આ સિવાય તેમના દ્વારા મોકલવામાં આવેલ નાણાં અર્થતંત્રમાં યોગદાન આપશે. જોકે ભારતના વિદેશ મંત્રાલયે હજુ સુધી આ અહેવાલ અંગે કોઈ પ્રતિક્રિયા આપી નથી. તે હજુ પણ જાણી શકાયું નથી કે ભારત કામદારોને ઈઝરાઇલ જવા દેશે કે કેમ, તે પણ એવા સમયે જ્યારે યુદ્ધગ્રસ્ત વિસ્તારમાંથી ભારતીયોને બહાર કાઢવાનું ઓપરેશન અજય હજુ પૂર્ણ થયું નથી.

ઈઝરાઇલના બાંધકામ ઉદ્યોગમાં પેલેસ્ટિનિયનો લગભગ ૨૫ ટકા છે. તેમાંથી 10 ટકા એવા છે જે ગાઝાથી આવે છે. બાકીના વેસ્ટ બેંકમાંથી આવે છે. યુદ્ધ દરમિયાન મજૂરોની માંગમાં અચાનક વધારો થયો હોવા છતાં,ઈઝરાઇલ પહેલેથી જ ભારતીય કામદારોને લાવીને પેલેસ્ટિનિયન મજૂરોથી છુટકારો મેળવવા માંગતો હતો. આ વર્ષે મે મહિનામાં ભારતે ઈઝરાઇલ સાથે એક કરાર પર હસ્તાક્ષર કર્યા હતા. જેમાં ૪૨,૦૦૦ ભારતીય કામદારોને ઈઝરાઇલમાં કામ કરવાની મંજૂરી આપવામાં આવશે. આ લોકો નર્સિંગ સિવાય બાંધકામ ક્ષેત્રે પણ કામ કરશે.

આ પણ વાંચો :-

સુરતના મનિષ સોલંકી પરિવારના સામૂહિક -આપઘાત પાછળ પઠાણી ઉઘરાણી કારણભૂત

admin
-
0

સુરતમાં મનિષ સોલંકીના પરિવાર સહિતની સામુહિક આત્મહત્યા કેસને લઈને રાજ્ય આખામાં ચકચાર જાગી હતી. આ પ્રકરણમાં એક પછી એક ખુલાસા થઈ રહ્યા છે. તેવામાં પોલીસે કરેલી તપાસમાં વધુ એક મોટો ખુલાસો થયો છે. મનિષ સોલંકી સહપરિવાર સામુહિક આત્મહત્યા પૂર્વે બીજી ચિઠ્ઠી લખી હતી. જેમાં મનિષ સોલંકીની આત્મહત્યાનું કારણ ધંધાના ભાગીદારનું દબાણ હોવાનો ઘટસ્ફોટ થયો છે.

સુરતમાં અડાજણ સામુહિક આપઘાત કેસ મામલે પોસ્ટમોર્ટમ રિપોર્ટ મુજબ માતા અને મોટી દીકરીનું ગળું દબાવી હત્યા થયાનું ખુલ્યું હતું. આ સાથે પરિવારના બાકીના સભ્યોને સોડામાં ઝેરી દવા મિક્સ કરી પીવડાવ્યાનું અનુમાન લગાવાઈ રહ્યું છે,આ તરફ સામુહિક આપઘાત કરવા પાછળનું કારણ શોધવા પોલીસની મથામણ યથાવત છે. આ તરફ પોસ્ટમોર્ટમ રિપોર્ટ બાદ મૃતક મનીષભાઈ સોલંકી સામે ફરિયાદની તજવીજ પણ હાથ ધરી હતી.રતમાં મનિષ સોલંકીના પરિવાર સહિતની સામુહિક આત્મહત્યા કેસને લઈને રાજ્ય આખામાં ચકચાર જાગી હતી. આ પ્રકરણમાં એક પછી એક ખુલાસા થઈ રહ્યા છે. તેવામાં પોલીસે કરેલી તપાસમાં વધુ એક મોટો ખુલાસો થયો છે. મનિષ સોલંકી સહપરિવાર સામુહિક આત્મહત્યા પૂર્વે બીજી ચિઠ્ઠી લખી હતી. જેમાં મનિષ સોલંકીની આત્મહત્યાનું કારણ ધંધાના ભાગીદારનું દબાણ હોવાનો ઘટસ્ફોટ થયો છે.

તપાસમાં સામે આવ્યું કે મનિષ સોલંકીએ ઇન્દ્રપાલ નામની વ્યક્તિ સાથે ભાગીદારીમાં હાર્ડવેરનો ધંધો શરૂ કર્યો હતો. હાર્ડવેરના અનેક બિલ એક સાથે આપ્યા હતા અને મોટી રકમની લોન પણ મનિષ સોલંકી પાસે લેવડાવી હોવાનું પણ બહાર આવ્યું છે. બાદમાં દિવાળી સમયે પેમેન્ટ આપવા ઇન્દ્રપાલ શર્મા દબાણ કરતો હતો અને આ અંગે ચિઠ્ઠીમાં ઉલ્લેખ પણ કરાયો છે. ત્યારબાદ ઇન્દ્રપાલના દબાણને લઈને મનિષ સોલંકીએ સહપરિવારનું જીવતર ઝેર થયું હતું. જેથી તમામેં અંતિમ પગલું ભરી લીધાનું બહાર આવ્યું છે. આથી અડાજણ પોલીસે ઇન્દ્રપાલ શર્માની ધરપકડ કરી તપાસ આગળ ધપાવી છે.

સુરતના પાલનપુર જકાતરોડ પર સિદ્ધેશ્વર એપાર્ટમેન્ટના પહેલા માળે રહેતા મનીષ સોલંકીએ પરિવારના ૭ સભ્યો સાથે મળીને સામૂહિક આપઘાત કરી લીધો હતો. મૃતકોમાં ફર્નિચર વેપારી મનીષ સોલંકી, તેમના પિતા કનુભાઈ, માતા, મનીષભાઈના પત્ની રીટાબેન, તેમની બે પુત્રીઓ દિશા, કાવ્યા અને પુત્ર કુશલ સામેલ છે. સામૂહિક આપઘાતની ઘટનામાં પિતાએ પરિવારના સભ્યોને દવા પીવડાવી પોતે ગળાફાંસો ખાધો હોવાનું પ્રાથમિક અનુમાન હતું, પરંતુ માતા-દિકરીના પોસ્ટમોર્ટમ રિપોર્ટમાં બંનેના મોત ગળુ દબાવવાથી થયા હોવાનો ઘટસ્ફોટ થયો હતો. બાદમાં સામૂહિક આપઘાતના બનાવની તપાસ માટે પોલીસે સ્પેશિયલ ટીમની રચના પણ કરી હતી.

આ પણ વાંચો :-

 

• નીતિશ કુમારને મહિલા પંચે કેમ આપી નોટિસ વિગતે જાણો

• હાર્દિક પટેલની કેશ મુક્તિની અરજી ગ્રામ્ય કોર્ટે ફગાવી

ભારતના ‘પ્રલય’ થી કાંપી ઉઠશે ચીન અને પાકિસ્તાન, બેલેસ્ટિક મિસાઈલ પ્રલયનું સફળ પરીક્ષણ

admin
-
0

ભારતે આજે જમીનથી જમીન પર પ્રહાર કરતી બેલેસ્ટિક મિસાઈલ પ્રલયનું સફળ પરીક્ષણ કરી લીધુ છે. રક્ષા અધિકારીઓએ જણાવ્યું કે, આ પરીક્ષણ ઓડિશા તટ પર અબ્દુલ કલામ દ્વીપ પરથી કરવામાં આવ્યુ છે. આ પ્રલય મિસાઈલ DRDO દ્વારા વિકસિત કરવામાં આવી છે. અધિકારીઓએ જણાવ્યું કે, આ પરીક્ષણ સવારે ૯:૫૦ વાગ્યે કરવામાં આવ્યુ અને તેણે તેના તમામ ઉદ્દેશ્યો પૂરા કરી લીધા છે.

ટ્રેકિંગ ઉપકરણોથી મિસાઈલની ટ્રેજેક્ટરીનું વિશ્લેષણ કરવામાં આવ્યું છે. પ્રલય મિસાઈલની રેન્જ ૩૫૦-૫૦૦ કિલોમીટર છે અને તે ૫૦૦-૧૦૦૦ કિલોગ્રામ પેલોડ લઈ જવામાં સક્ષમ છે. પ્રલય મિસાઈલને LAC અને LOC પર તૈનાત કરવા માટે વિકસાવવામાં આવી છે. રક્ષા અધિકારીઓનું કહેવું છે કે, ચીનની ડોંગ ફેંગ ૧૨ અને રશિયાની ઈસ્કેન્ડર મિસાઈલોની તુલના ભારતની પ્રલય મિસાઈલ સાથે થઈ શકે છે. યુક્રેન યુદ્ધમાં રશિયાએ ઈસ્કેન્ડર મિસાઈલનો મોટાપાયે ઉપયોગ કર્યો છે. પાકિસ્તાન પાસે પણ આ રેન્જની બેલેસ્ટિક મિસાઈલો છે.

૨૨ ડિસેમ્બર ૨૦૨૧ના રોજ DRDOએ અબ્દુલ કલામ દ્વિપથી પ્રલયનું પ્રથમ પરીક્ષણ કર્યું હતું. મિસાઈલને ઉચ્ચ સ્તરની સટીકતા, માન્ય નિયંત્રણ, માર્ગદર્શન પ્રણાલી અને મિશન એલ્ગોરિદમ સાથે ૪૦૦ કિમી પર નિર્ધારિત લક્ષ્ય સુધી પહોંચવા માટે અર્ધ બેલેસ્ટિક પથને ફોલો કર્યો હતો. ૨૩ ડિસેમ્બર ૨૦૨૧ના રોજ DRDOએ અબ્દુલ કલામ દ્વીપથી પ્રલયનું વધુ એક પરીક્ષણ કર્યું હતું. હથિયારોની ઘાતકતા અને સટીકતાની તપાસ માટે ભારી પેલોડનો ઉપયોગ કરીને પરીક્ષણ કરવામાં આવ્યુ હતું.

આ પણ વાંચો :-

બિહારના મુખ્યમંત્રીનું મોટું એલાન, અનામત ૫૦ ટકાથી વધારીને ૭૫ ટકા કરવાનો પ્રસ્તાવ, જાણો શું પડશે અસર

admin
-
0

બિહારમાં જાતિય વસતી ગણતરી અને આર્થિક સર્વે રજૂ કર્યાં બાદ સીએમ નીતિશ કુમારે એક મોટો દાવ ખેલ્યો છે. તેમણે રાજ્યમાં વસતીના પ્રમાણમાં અનામતની લિમિટને ૫૦ ટકાથી વધારીને ૬૫ ટકા કરવાનો પ્રસ્તાવ રજૂ કર્યો છે. વિધાનસભામાં ચર્ચા દરમિયાન સીએમ નીતિશે બિહારમાં અનામતનો વ્યાપ ૫૦થી વધારીને ૬૫ કરવાનો પ્રસ્તાવ મૂક્યો હતો. અનામતને ઇડબલ્યુએસના ૧૦ ટકાથી વધારીને ૭૫ ટકા કરવાની દરખાસ્ત કરવામાં આવી છે. સીએમ નીતિશે કહ્યું કે, સરકાર અનામતનો વ્યાપ વધારવા જઈ રહી છે. આ પ્રસ્તાવ મુજબ, એસસી માટે અનામતની મર્યાદા હાલના ૧૬ ટકાથી વધારીને ૨૦ ટકા કરવામાં આવે. એસટીને એક ટકાથી વધારીને ૨ ટકા કરવામાં આવશે,  અતિ પછાત અને ઓબીસીને ૪૩ ટકા અનામત આપવામાં આવે.

બિહારમાં મહિલાઓની સાક્ષરતા વધી છે. તેમણે કહ્યું કે, જો છોકરી શિક્ષિત રહેશે તો જનસંખ્યા પર અંકુશ આવશે. આખા સદનમાં આ નિવેદન દરમિયાન અજીબોગરીબ સ્થિતિ જોવા મળી હતી. આ વાત પર મહિલા ધારાસભ્ય ગુસ્સે દેખાયા હતા. સાથે જ કેટલાક અન્ય ધારાસભ્યો હસી રહ્યા હતા.

વિધાનસભામાં રજૂ કરવામાં આવેલા જાતિ આધારિત વસ્તી ગણતરીના અહેવાલમાં જણાવાયું છે કે બિહારમાં અનુસૂચિત જનજાતિઓમાં ૪૨.૭૦ ટકા ગરીબ પરિવારો છે. જ્યારે અનુસૂચિત જાતિના કુલ પરિવારોમાંથી ૪૨.૯૩ ટકા પરિવારો ગરીબ છે. સરકારી આંકડા મુજબ રાજ્યમાં ૩૩ ટકા લોકો શાળાએ પણ ગયા ન હતા. એટલું જ નહીં, ભૂમિહાર પરિવારો રાજ્યમાં સૌથી ગરીબ વર્ગ છે. પછી બ્રાહ્મણ પરિવારો છે.

આ પણ વાંચો :-

1...905906907...1,476Page 906 of 1,476