ભારત ગૌરવ સ્પેશીયલ ટ્રેનમાં લગભગ ૮૦થી વધુ લોકો ફૂડ પોઈઝનિંગનો શિકાર બન્યા છે. આ અંગે પુણે સ્ટેશન પર રેલવે અધિકારીઓને ઘટનાની જાણકારી મળી હતી. આ ટ્રેન એક ખાનગી પ્રસંગ માટે બુક કરવામાં આવી હતી. જે કાર્યક્રમ ગુજરાતના પાલિતાણા યાત્રાધામ સંબંધિતનો પ્રવાસ હતો. આ ટ્રેનમાં લગભગ એક હજાર જેટલા પ્રવાસીઓ હાજર હતા. અધિકારીઓના જણાવ્યા અનુસાર, મોટા ભાગે મુસાફરોને ચક્કર, ઉલટી અને પેટમાં દુખાવાના બનાવ સામે આવ્યા હતા.

રેલવે હોસ્પિટલના ડોક્ટરોની એક ટીમ, રૂબી હોલના ડોકટરો અને અન્ય રેલવે અધિકારીઓની સાથે તબીબી સહાય તત્કાલીન ધોરણે પુણે સ્ટેશન પર મોકલવામાં આવી હતી. પુણે રેલવે ડિવિઝનના ડિવિઝનલ કોમર્શિયલ મેનેજર અને પીઆરઓ આ વિશે માહિતી આપી છે. ટ્રેન રાતે ૧૧:૨૫ કલાકે પુણે સ્ટેશન પહોંચી અને મુસાફરોની તાત્કાલિક સારવાર શરૂ કરવામાં આવી હતી. રેલવે અધિકારી રામદાસ ભીસેએ જણાવ્યું કે, મુસાફરોને ટ્રેન પરથી પ્લેટફોર્મ પર ઉતારી દેવાયા અને સારવાર શરુ કરવામાં આવી હતી. જોકે, હાલ સુધી કોઈ મુસાફરને હોસ્પિટલમાં દાખલ કરવાની જરૂર પડી નથી.

ટ્રેન ઉપડતા પહેલા તેની સંપૂર્ણ તપાસ કરવામાં આવી હતી. અધિકારીએ જણાવ્યું કે, ટ્રેનમાં પેન્ટ્રીની કોઈ સુવિધા નહોતી. એવું જાણવા મળ્યું હતું કે મુસાફરોને સોલાપુરથી લગભગ ૧૮૦ કિમી દૂર વાડી રેલવે સ્ટેશન પર જમવાનું આપવામાં આવ્યું હતું. અમે ભોજનના સ્ત્રોતને શોધવાનો પ્રયાસ કરી રહ્યા છીએ. અમને માહિતી મળી છે કે કેટલાક લોકોએ પ્રસાદ સ્વરૂપે ભોજન આપ્યું હતું. અત્યાર સુધી મળેલી માહિતી મુજબ રેલવે દ્વારા ભોજન પૂરું પાડવામાં આવ્યું ન હતું. જોકે, વધુ તપાસ ચાલી રહી છે.

આ પણ વાંચો :-

• સુરતમાં ઝેરી મેલેરિયાની ઝપેટમાં એક જ પરિવારના બે બાળકોના મોત
• ‘ઓપરેશન સિલ્ક્યારા’ના હીરો ટનલ નિષ્ણાત ‘આર્નોલ્ડ ડિક્સ’, જાણો શું કહ્યું

મુંબઈના ભૂતપૂર્વ મેયર અને શિવસેના (ઉબાઠા)ના અગ્રણી નેતા દત્તા દલવીની મહારાષ્ટ્રના મુખ્ય પ્રધાન એકનાથ શિંદે વિરુદ્ધ કથિત રીતે વાંધાજનક ભાષાનો ઉપયોગ કરવા બદલ બુધવારે ધરપકડ કરવામાં આવી હતી, એમ પોલીસે જણાવ્યું હતું. મુખ્ય પ્રધાનના સમર્થકો દ્વારા દાખલ કરવામાં આવેલી ફરિયાદને પગલે તેમની ધરપકડ કરવામાં આવી હતી. શિંદેના સમર્થકોએ આરોપ મૂક્યો હતો કે ભાંડુપમાં એક જાહેર સભા દરમિયાન દલવીએ અપમાનજનક ટિપ્પણી કરી હતી. ભાંડુપ પોલીસે તેમની સામે ભારતીય દંડ સંહિતાની કલમ ૧૫૩A(૧)(a), ૧૫૩B(૧)(b), ૧૫૩A(૧)(C), ૨૯૪, ૫૦૪ અને ૫૦૫ હેઠળ કેસ નોંધ્યો છે.

દત્તા દલવી, હાલમાં શિવસેના (ઉબાઠા) જૂથમાં, ૨૦૦૫ થી ૨૦૦૭ સુધી બૃહન્મુંબઈ મ્યુનિસિપલ કોર્પોરેશનના મેયર પદ પર હતા જ્યારે શિવસેના-ભાજપ ગઠબંધનનું બીએમસીમાં શાસન હતું. તે પહેલા, તેઓ સતત ત્રણ ટર્મ સુધી BMCમાં કોર્પોરેટર તરીકે સેવા આપી ચૂક્યા છે. ભાંડુપ પોલીસ સ્ટેશન પાસે ઉદ્ધવ ઠાકરે જૂથ દ્વારા એક બેઠકનું આયોજન કરવામાં આવ્યું હતું અને તે બેઠકમાં દલવીએ સીએમ એકનાથ શિંદે વિરુદ્ધ વાંધાજનક ભાષાનો ઉપયોગ કર્યો હતો. ભાંડુપ પોલીસે આજે સવારે ૮ વાગ્યે વિક્રોલી સ્થિત તેમના નિવાસસ્થાનેથી તેમની ધરપકડ કરી છે. આજે તેમને કોર્ટમાં રજૂ કરવામાં આવશે.

ભાંડુપ પોલીસ સ્ટેશનની બહાર મોટી સંખ્યામાં ઠાકરે જૂથના કાર્યકરો એકઠા થયા છે. કાર્યકરો પોલીસ સ્ટેશનની બહાર સૂત્રોચ્ચાર કરી રહ્યા છે. સાંસદ સંજય રાઉત અને ધારાસભ્ય સુનીલ રાઉત પોલીસ સ્ટેશન પહોંચ્યા છે. દત્તા દલવીની ધરપકડ શા માટે થઈ? રાઉત પોલીસને આ સવાલ કરવાના છે. આ પછી તે મીડિયા સાથે વાત કરશે.

આ પણ વાંચો :-

• ઉત્તરાખંડ સરકારે ૪૧ કામદારોને ૧-૧ રૂપિયાની આર્થિક સહાય અને ૧૫ દિવસની રાજા
• ‘ઓપરેશન સિલ્ક્યારા’ના હીરો ટનલ નિષ્ણાત ‘આર્નોલ્ડ ડિક્સ’, જાણો શું કહ્યું