Home Blog Page 793

૦૯ એપ્રીલ, ૨૦૨૪/ આ રાશિ માટે મંગળવારના દિવસે પરિવારમાં આનંદ, કાર્યક્ષેત્રે સફળતા મળતી જણાય વિદ્યાર્થી મિત્રો માટે શુભ, જાણો આજનું રાશિ ભવિષ્ય

News Editor
-
0

મેષ

આવકમાં વધારો થતો જણાય. આર્થિક પાસુ મજબૂત બને. પરિવારમાં પરસ્પર પ્રેમની ભાવના પેદા થાય. કાર્યક્ષેત્રે સફળતાનો અનુભવ કરી શકો. નવા રોકાણોથી લાભ શક્ય બને. આરોગ્ય જળવાય. ધાર્મિક ભાવના વધે.

વૃષભ

માનસિક અસ્વસ્થતાનો અનુભવ થાય. ખર્ચના પ્રમાણમાં આવકનું પ્રમાણ ઘટે. પરિવારમાં આનંદનું વાતાવરણ રહે. કાર્યક્ષેત્રે સાનુકુળતા. માતા સાથે મતભેદની શક્યતા. અપચન, પેટની તકલીફ રહે.

મિથુન

મનોબળ મજબૂત બને. કરેલા કાર્ય સફળતા થતા જણાય. આર્થિક બાબતોનું આયોજન સુંદરરીતે કરી શકાય. યશ-પ્રતિષ્‍ઠા વધે. સ્ત્રીવર્ગથી ફાયદો મળે. જીવનસાથી સાથે મતભેદ ટાળવા. સ્વાસ્થ્ય સારૂં રહેશે.

કર્ક

દિવસ દરમ્યાન આનંદનો અનુભવ થાય. આવક વધતાં બેંક બેલેન્સ વધે. પરિવારમાં સુખ શાંતિ વર્તાય. શેરબજારથી લાભ. માતૃપક્ષ તરફથી સારા સમાચાર પ્રાપ્‍ત થાય. ગળાના રોગોથી સાચવવું. નોકરી ધંધામાં પ્રગતિ.

સિંહ

માનસિક શાંતિ રહેશે. નાણાંકીય વ્યવહારોમાં લાભ. આવક વધે. પરિવારમાં મોજશોખમાં ખર્ચ રહે. સ્થાવર-જંગમ મિલકતના વ્યવહારોમાં લાભ. માતા-પિતાના આરોગ્યનું ધ્યાન રાખવું. સંતાન સુખ સારૂ.

કન્યા

વાણી દ્વારા કાર્યમાં સફળતા મળતી જણાય. આવક વધતી જણાય. માતા સાથે મતભેદની શક્યતા તથા માતાની તબિયત સાચવવી. મિત્રોથી સાચવવું. મિત્રોની સલાહ ઉપર આંધળો ભરોસો ન કરવો.

તુલા

આનંદ-ઉત્સાહ વધતો જણાય. આર્થિક બાબતોમાં સફળતા મળે. પરિવારમાં અસંતોષ વધે તથા ધાર્યા પ્રમાણેના કાર્ય કરવામાં અસમર્થતા પેદા થાય. નવા રોકાણો ટાળવા. સરકારી કામકાજમાં સાવધાની રાખવી જરૂરી.

વૃશ્ચિક

મોજશોખનું પ્રમાણ વધશે આથી વ્યસનમાં ન પડાય એનું ધ્યાન રાખવું. આવકનું સ્તર સામાન્ય રહેતું જણાય. કાર્યમાં સફળતા મળતી અનુભવાય. આરોગ્ય સાચવવું. ચામડીના રોગોનો ઉપદ્રવ થાય.

ધન

દિવસ દરમ્યાન આવક જળવાય. કાર્યક્ષેત્રે સફળતા મળતી જણાય. પરિવારમાં ગુસ્સો ટાળી, શાંતિથી કામ લેવું. રોકાણો ક્ષેત્રે જૈસેથેની સ્થિતિ સર્જાય. દામ્પત્ય જીવનમાં ગુસ્સા ભર્યું વાતાવરણ રહે.

મકર

માનસિક સ્વસ્થતા જળવાશે. નાણાંની આવક રહેશે પરંતુ બગાડ અટકાવવો. ભાઇ-બહેન સાથે વિખવાદ થવાના યોગ છે. વાહન સુખ મળશે. નવી મિલકત કે વાહનની ખરીદી શક્ય બને. સંતાનની પ્રગતિથી હર્ષ.

કુંભ

જો ગુસ્સા ઉપર કાબુ રાખી શકો, તો આત્મવિશ્વાસમાં વધારાને કારણે અગત્યના કાર્યો કરી શકાય. આર્થિક બાબતો અંગે શુભફળ મળે. પરિવારમાં અત્યંત પ્રસન્‍નતાનો અનુભવ કરી શકશો. આરોગ્ય સાચવવું.

મીન

ઉદારતા તથા અન્યને મદદ કરી શકવાને કારણે મનમાં શાંતિ રહે તથા યશ-પ્રતિષ્‍ઠા વધે. આવકમાં વૃધ્ધિ આવતી અનુભવી શકાય. સ્ત્રી વર્ગથી લાભ. નોકરીઆતને શાંતિ તથા ધંધાર્થીને અસંતોષ રહે. પિતાની તબિયત સાચવવી.

દેશની પહેલી કિન્નર મહામંડલેશ્વર વારાણસીથી PM મોદી સામે લડશે ચૂંટણી

News Editor
-
0

આજે દેશની પહેલી કિન્નર મહામંડલેશ્વર હેમાંગી સાખી વારાણસી લોકસભા બેઠક પરથી ચૂંટણી લડવા જઈ રહ્યા છે. અખિલ ભારત હિન્દુ મહાસભાએ હેમાંગી સખીને બનારસથી ટિકિટ આપી છે. તે ૧૨ એપ્રિલે બનારસ પહોંચશે અને બાબા વિશ્વનાથના આશીર્વાદ લઈને ચૂંટણી પ્રચારની શરૂઆત કરશે.

કિન્નર મહાસભાના મહામંડલેશ્વર હિમાંગી સાખી અખિલ ભારતીય હિન્દુ મહાસભા વતી વારાણસીથી ઉમેદવાર હશે. ૧૦મી એપ્રિલે વારાણસી પહોંચ્યા બાદ તે પહેલા ભગવાન કાશી વિશ્વનાથના દર્શન કરશે. આ પછી તે પોતાનો ચૂંટણી પ્રચાર શરૂ કરશે. વડાપ્રધાન નરેન્દ્ર મોદી ભારતીય જનતા પાર્ટી વતી ત્રીજી વખત વારાણસીથી ચૂંટણી લડી રહ્યા છે. બીજી તરફ કોંગ્રેસ પ્રદેશ અધ્યક્ષ અજય રાય પણ વારાણસીથી ઈન્ડિયા એલાયન્સના ઉમેદવાર તરીકે ચૂંટણી મેદાનમાં છે.

 

મહામંડલેશ્વરે કહ્યું કે સરકારે ‘બેટી બચાવો બેટી પઢાવો’ ના નારા આપ્યા છે. અમે તેની કદર કરીએ છીએ, દીકરીઓ  જગત જનનીનું સ્વરુપ છે, પરંતુ સરકાર અર્ધનારીશ્વરને ભૂલી ગઈ છે. આ સુત્ર અમે પણ સાંભળવા માંગીએ છીએ, એ દિવસ ક્યારે આવશે? કેન્દ્ર સરકારે ટ્રાન્સજેન્ડર પોર્ટલ બહાર પાડ્યું છે પરંતુ શું કિન્નરોને તેના વિશે ખબર છે? જે લોકો રસ્તા પર ભીખ માંગે છે, તેમને ખબર જ નથી કે તેમના માટે કોઈ પોર્ટલ છે.

અખિલ ભારતીય હિંદુ મહાસભાના રાષ્ટ્રીય અધ્યક્ષ સ્વામી ચક્રપાણીએ જણાવ્યું હતું કે હિંદુ જનતાને જાગૃત કરવાના ઉદ્દેશ્યથી દેશના વિવિધ રાજ્યોમાં અખિલ ભારતીય હિંદુ મહાસભાના નેતૃત્વમાં ઉમેદવારો લોકસભાની ચૂંટણી લડશે. અલગ-અલગ પક્ષના પદાધિકારીઓની બેઠકમાં સર્વાનુમતે આ નિર્ણય લેવામાં આવ્યો હતો. અખિલ ભારતીય હિંદુ મહાસભાએ યુપીના ૨૦ જિલ્લાઓ માટે પોતાના ઉમેદવારોના નામોની યાદી જાહેર કરી છે, તેમાં વારાણસી પણ સામેલ છે. કિન્નર મહાસભાના મહામંડલેશ્વર હિમાંગી સાખી વારાણસીથી ઉમેદવાર હશે.

આ પણ વાંચો :-

આજે વર્ષનું પહેલું સૂર્યગ્રહણ, દુનિયાભરમાં આ ૮ જગ્યાએ દેખાશે, આઠ મિનીટ સુધી પૃથ્વી

News Editor
-
0

આજે એટલે કે ૮ એપ્રિલના રોજ વર્ષનું બીજું ગ્રહણ અને પ્રથમ સૂર્ય ગ્રહણ થશે. આજે થનારું સૂર્ય ગ્રહણ ખૂબ જ ખાસ માનવામાં આવી રહ્યું છે, કારણ કે તે પૂર્ણ સૂર્યગ્રહણ છે અને સૂર્ય ગ્રહણના કારણે લગભગ ૭.૫ મિનિટ સુધી આકાશમાં અંધારું છવાયેલું રહેશે. આ દરમિયાન સૂર્ય નહીં જોવા મળે. જણાવી દઈએ કે, સૂર્ય ગ્રહણ લાગવાના ૧૨ કલાક પહેલાં સૂતક કાળ લાગી જાય છે. સૂતક કાળ દરમિયાન કેટલાક નિયમોનું ખૂબ જ જરૂરી માનવામાં આવે છે. જ્યોતિષ અને વાસ્તુ નિયમો અનુસાર, આ સમયગાળા દરમિયાન શું કરવું અને શું ન કરવું તેના વિશે માહિતી અહીં આપવામાં આવી છે, આ દરમિયાન સૂર્યગ્રહણનો સમય, કયા સમયે સુતક કાળ શરૂ થશે અને કયા સ્થળોએ દેખાશે, તેના વિશે પણ માહિતી આપવામાં આવી છે.

ભારતીય સમય અનુસાર, વર્ષનું પ્રથમ સૂર્યગ્રહણ લગભગ ૦૯:૧૨ વાગ્યે શરૂ થશે અને ૦૧:૨૫ વાગ્યે સમાપ્ત થશે. આ સમયગાળા દરમિયાન ભારતમાં એવી રાત્રિ હશે જેના કારણે આ ગ્રહણ ભારતમાં દેખાશે નહીં અને તેની કોઈ અસર થશે નહીં. વર્ષનું પ્રથમ સૂર્યગ્રહણ એ કુલ સૂર્યગ્રહણ છે જે ભારત સિવાયના ઘણા દેશોમાં જોવા મળે છે. આ ગ્રહણ પશ્ચિમ યુરોપ પેસિફિક, એટલાન્ટિક, આર્કટિક મેક્સિકો, ઉત્તર અમેરિકા, મધ્ય અમેરિકા, દક્ષિણ અમેરિકાના ઉત્તરીય ભાગ, કેનેડા, ઉત્તર પ્રદેશમાં જોવા મળે છે. ઈંગ્લેન્ડ અને આયર્લેન્ડનો પશ્ચિમ વિસ્તાર આપશે.

સૂર્યગ્રહણ ત્યારે થાય છે જ્યારે ચંદ્ર તેના માર્ગને અનુસરતી વખતે પોતાને સૂર્ય અને પૃથ્વી સાથે ગોઠવે છે. આ સમય દરમિયાન, ચંદ્ર સૂર્યને આવરી લે છે અને થોડા સમય માટે સૂર્યપ્રકાશ પૃથ્વી સુધી પહોંચવાનું બંધ કરે છે. આ કારણે દિવસ દરમિયાન પૃથ્વી પર અંધારપટ છવાયેલો રહે છે. તે સૂર્યોદય અને સૂર્યાસ્ત જેવી ઘટના છે. જ્યારે ચંદ્ર પૃથ્વીની નજીક હોય ત્યારે સંપૂર્ણ સૂર્યગ્રહણ થાય છે, જેનાથી તે કદમાં મોટો દેખાય છે અને સમગ્ર સૌર ડિસ્કને આવરી લે છે.

 

આ પણ વાંચો :-

સુરતની સરકારી શાળામાં એડમિશન માટે લાગી લાઈન, હજારોનું વેઇટિંગ લિસ્ટ!

News Editor
-
0

નગર પ્રાથમિક શિક્ષણ સમિતિની કેટલીક સ્કૂલોમાં વિદ્યાર્થીઓને વાંચતા પણ આવડતું નથી તેવી ફરિયાદ છે અને વિદ્યાર્થીઓની સંખ્યા ઘટી રહી છે. તો બીજી તરફ શિક્ષણ સમિતિની કેટલાક સ્કૂલ એવી છે જ્યાં એડમીશન માટે પડાપડી થઇ રહી છે. સામાન્ય રીતે શિક્ષણ સમિતિની સ્કુલોમાં ગરીબ બાળકો અભ્યાસ કરે છે પરંતુ ઉત્રાણ, મોટા વરાછા, કતારગામ લલીતા ચોકડી અને પાલનપોર સહિતની સ્કૂલમાં માત્ર ગરીબ જ નહી પરંતુ પૈસાદાર લોકો ખાનગી સ્કુલમાંથી પોતાના બાળકોનું એડમિશન કઢાવી સરકારી સ્કૂલમાં પ્રવેશ લઈ રહ્યા છે.

Article Content Imageસુરતના ઉત્રાણ વિસ્તારમાં આવેલી પાલિકા સંચાલિત મહારાજા કૃષ્ણકુમારસિંહજી પ્રાથમિક શાળામાં લાંબી કતાર અને નીચે બેઠેલા વાલીઓની લાઈન કોઈ સરકારી યોજનાનો લાભ લેવા માટે નહીં પરંતુ પોતાના બાળકોને સરકારી શાળામાં પ્રવેશ અપાવવા માટેની છે. એક જ પરિસરમાં આવેલી ત્રણ પાલિકા સંચાલિત શાળામાં ૩૫૦૦ વિદ્યાર્થીઓની ક્ષમતા રહેલી છે.

આ વર્ષે ૨ હજારથી ૩ હજાર જેટલા વિદ્યાર્થીઓનું વેઇટિંગ લિસ્ટ બોલે છે. જ્યાં ચાલુ વર્ષે પણ આ શાળામાં પ્રવેશ મેળવવા માટે વાલીઓ રીતસરનો ઘસારો જોવા મળી રહ્યો છે. આ શાળામાં માત્ર સામાન્ય અને ગરીબ વર્ગના નહીં પરંતુ શ્રીમંત પરિવારમાંથી આવતા લોકો પણ પોતાના બાળકોને શાળામાં એડમિશન અપાવવા માટે પ્રવેશ ફોર્મ ભરી રહ્યા છે. નવા શૈક્ષણિક ક્ષત્ર માટે શાળા તરફથી પ્રવેશ પ્રક્રિયા શરૂ કરવામાં આવી છે. જ્યાં આજે પ્રથમ દિવસે પોતાના બાળકોને એડમિશન અપાવવા માટે ૬૦૦ જેટલા વાલીઓ દ્વારા પ્રવેશ ફોર્મ ભરવામાં આવ્યા છે.

ઉત્રાણની શાળાના આચાર્ય ચેતન હીરપરા કહે છે, ૨૦૧૭માં શાળા શરુ કરવામા આવી ત્યારે અમારે સોસાયટી સોસાયટી જઈને પ્રવેશ માટે અપીલ કરવામાં આવી હતી. પહેલા વર્ષે ૭૨ જેટલી સોસાયટીઓમાં પ્રવેશ માટે પ્રચાર માટે અમે શિક્ષકો પોતે ગયા હતા અને પહેલા વર્ષે ૨૫૨ સંખ્યા થઈ હતી. પરંતુ અમારા શિક્ષકો દ્વારા આપવામાં આવતું શિક્ષણ અને વિદ્યાર્થીઓ અને વાલીઓના સપોર્ટ ના કારણે આજે આ શાળામાં એડમિશન માટે પડાપડી થઈ રહી છે.

આ પણ વાંચો :-

દિલ્હી એરપોર્ટને પરમાણુ બૉમ્બથી ઉડાવી દેવાની ધમકી, બે મુસાફરોની ધરપકડ

News Editor
-
0

દિલ્હીના ઈન્દિરા ગાંધી ઈન્ટરનેશનલ એરપોર્ટ (IGI)ને પરમાણુ બૉમ્બથી ઉડાવી દેવાની ધમકી મળી છે. દિલ્હી પોલીસે આજે આ માહિતી આપી હતી. પોલીસે જણાવ્યું કે ૫ એપ્રિલે દિલ્હીના IGI એરપોર્ટ પર પ્લેનમાં ચઢતા પહેલા મુસાફરોની શોધખોળ કરવામાં આવી રહી હતી. આ દરમિયાન બે મુસાફરોએ સુરક્ષા કર્મચારીઓને એરપોર્ટને પરમાણુ બૉમ્બથી ઉડાવી દેવાની ધમકી આપી હતી.

File:Indira Gandhi International Airport, New Delhi.jpg - Wikipediaદિલ્હી પોલીસે જણાવ્યું હતું કે એરપોર્ટ ને બોમ્બથી ઉડાવી દેવાની ધમકી આપવા બદલ બંને મુસાફરોની ધરપકડ કરવામાં આવી છે. દિલ્હી પોલીસે વધુમાં જણાવ્યું હતું કે એરપોર્ટ પોલીસ સ્ટેશનમાં કલમ ૧૮૨/૫૦૫(૧)બી હેઠળ બંને વિરુદ્ધ FIR નોંધવામાં આવી હતી. અગાઉ ડિસેમ્બર ૨૦૨૩ માં ફોન કોલ દ્વારા IGI એરપોર્ટ અને પહાડગંજને બોમ્બથી ઉડાવી દેવાની ધમકી મળી હતી. આ ફોન કોલ દિલ્હી પોલીસને મળ્યો હતો. તમને જણાવી દઈએ કે દિલ્હી એરપોર્ટ દેશના સૌથી વ્યસ્ત એરપોર્ટમાંથી એક છે અને તે વિશ્વના ઘણા મોટા શહેરોને રાજધાની સાથે જોડે છે.

જો કે, આ પહેલીવાર નથી જ્યારે દિલ્હી ઇન્ટરનેશનલ એરપોર્ટ પર બૉમ્બની ધમકી મળી હોય. અગાઉ પણ આવી ધમકીઓ આપવામાં આવી છે. આમાં તાજેતરની ઘટના ફેબ્રુઆરીની છે, જ્યારે કોલકાતા જતી ફ્લાઈટમાં બૉમ્બ હોવાની માહિતી મળી હતી. ૨૭ ફેબ્રુઆરીના રોજ વહેલી સવારે એરપોર્ટ પર કોલ મળ્યો કે કોલકાતા જતી ફ્લાઈટમાં બૉમ્બ મુકવામાં આવ્યો છે. આ પછી અધિકારીઓએ ઉતાવળમાં એરપોર્ટ સહિત પ્લેનની તપાસ કરી, પરંતુ તેમને કંઈ મળ્યું ન હતું.

આ પણ વાંચો :-

ગુજરાત યુનિવર્સિટીમાં નમાઝ વિવાદમાં સાત વિદેશ વિદ્યાર્થીઓને હોસ્ટેલ છોડવા આદેશ

News Editor
-
0

ગુજરાત યુનિવર્સિટીમાં નમાઝ પઢવા બાબથે વિદેશી વિદ્યાર્થીઓ સાથે થયેલી માથાકૂટ બાદ મામલો આંતરાષ્ટ્રીય સ્તરે ચર્ચાઓ હતો. ત્યારબાદ હવે સાત અફઘાની વિદ્યાર્થીઓને હોસ્ટેલ રૂમ ખાલી કરવા આદેશ કરવામાં આવ્યો છે. જે વિદ્યાર્થીઓને હોસ્ટેલ ખાલી કરવાની સૂચના અપાઈ છે તેમણે તેમનો અભ્યાસ પૂરો કર્યો છે અથવાતો કેટલીક ઐપચારિકતા બાકી છે જેથી તેમણે હોસ્ટેલમાં રહેવું જરૂરી નથી. હાલમાં આ મુદ્દે પણ આંતરરાષ્ટ્રીય સ્તરે અવાજ ઉઠ્યો છે. અધિકારીઓએ આ મામલે કહ્યું કે તેમાં ૫ વિદ્યાર્થીઓ હોસ્ટેલ ખાલી કરી ચૂક્યા છે.

Imageગુજરાત યુનિવર્સિટીમાં હાલમાં ૧૮૦ જેટલા વિદેશી વિદ્યાર્થીઓ છે. ગત મહિને જ અમુક વિદેશી વિદ્યાર્થીઓ દ્વારા હોસ્ટેલના કેમ્પસમાં નમાઝ પઢવા મામલે બબાલ થઈ હતો. આ દરમિયાન ૨૦-૨૫ લોકોના ટોળાએ તેમની સાથે મારપીટ કરી તોડફોડ મચાવી હતી. પોલીસે આ મામલે ૨૫થી વધુ લોકો સામે FRI નોંધી હતી. આ મામલો વિદેશ મંત્રાલય સુધી પહોંચી ગયો હતો જેના બાદ અફઘાનિસ્તાનના એક પ્રતિનિધિમંડળે યુનિવર્સિટીના કેમ્પસની મુલાકાત પણ લીધી હતી.

યુનિવર્સિટી સાથે સંકળાયેલા સૂત્રોના જણાવ્યા અનુસાર, આવા ઘણા કિસ્સાઓ પ્રકાશમાં આવ્યા છે જેમાં વિદ્યાર્થીઓ, તેમનો અભ્યાસ પૂર્ણ કર્યા પછી પણ કોઈને કોઈ કારણસર હોસ્ટેલમાં રહી રહ્યા છે. આવા કિસ્સાઓને જોતા યુનિવર્સિટી તેની સામે કડક નિયમો લાગુ કરવાનો પ્રયાસ કરી રહી છે. ગુજરાત યુનિવર્સિટીના નિયમો મુજબ, વિદ્યાર્થીઓ અભ્યાસ પૂરો થયા પછી હોસ્ટેલની સુવિધાઓનો ઉપયોગ કરી શકતા નથી. જે ૭ વિદ્યાર્થીઓને હોસ્ટેલ ખાલી કરવાનું કહેવામાં આવ્યું છે તે તમામ આ કેટેગરીમાં આવે છે.

આ પણ વાંચો :-

લોકસભા ચૂંટણી પહેલા AAPએ ‘જેલનો જવાબ વોટથી’ અભિયાન શરૂ કર્યું

News Editor
-
0

આમ આદમી પાર્ટીએ દિલ્હીના મુખ્યમંત્રી અરવિંદ કેજરીવાલની ધરપકડના વિરોધમાં ‘જેલ કા જવાબ વોટથી‘ અભિયાન શરૂ કર્યું છે અને લોકોને અપીલ કરી છે કે તેઓ દિલ્હીના મુખ્યમંત્રીને સશક્ત બનાવવા તેમાં જોડાય. આ પહેલા AAPએ દિલ્હીમાં ‘સંસદમાં પણ કેજરીવાલ, દિલ્હી વધુ સમૃદ્ધ થશે’ નામથી અભિયાન શરૂ કર્યું હતું. પરંતુ કેજરીવાલની ધરપકડ બાદ પાર્ટીએ હવે એક નવું અભિયાન શરૂ કર્યું છે.

AAP launches 'Jail Ka Jawab Vote Se' election campaign ahead of Lok Sabha polls – India TVAAP સાંસદ સંદીપ પાઠકે કહ્યું, “જેમ કે તમે બધાએ જોયું કે કેજરીવાલજીને ચૂંટણીથી દૂર રાખવા માટે તેમને જેલમાં ધકેલી દેવામાં આવ્યા હતા. કેજરીવાલજીએ તેમનું આખું જીવન લોકો માટે સંઘર્ષ કરવામાં વિતાવ્યું હતું. તેમણે તમામ લોકોનો વિચાર કર્યો હતો. દિલ્હી તેમના પરિવાર તરીકે છે અને બધા માટે શ્રેષ્ઠ શિક્ષણ, આરોગ્ય, વીજળી અને પાણીની વ્યવસ્થા કરી છે.

આમ આદમી પાર્ટીના લોકસભા ચુંટણીના સ્લોગન લોન્ચ થયા પહેલા પાર્ટીના સાંસદ સંજય સિંહએ ભાજપ પર ગંભીર આરોપ લગાવ્યો છે. આપ સાંસદ સંજય સિંહે કહ્યું કે, ભાજપશાસિત કેન્દ્ર સરકારે સુનિયોજિત રીતે લાખો કરોડોનો ભ્રષ્ટાચાર ઈલેક્ટોરલ બોન્ડની આડમાં કર્યો છે. જેમાં ખાનગી કંપનીઓેને નિયમોમાં બદલાવ કરીને કરોડો રુપિયાને છુટ આપીને તેના બદલામાં કોન્ટ્રાક્ટની લહાણી કરી છે. આ સિવાય સંજયે સિંહે દેશની સમક્ષ બધો ડેટા જાહેર કરવા બદલ સુપ્રિમ કોર્ટનો આભાર વ્યક્ત કર્યો હતો.

આ પણ વાંચો :-

‘દેશનું બંધારણ બદલાશે’, નાણામંત્રી સીતારમણના પતિએ પરકલાનું આ નિવેદન

News Editor
-
0

અર્થશાસ્ત્રી પરકલા પ્રભાકરે દાવો કર્યો છે કે જો ભાજપ આ વર્ષની લોકસભા ચૂંટણી જીતશે તો દેશમાં ફરીથી ચૂંટણી નહીં થાય. કેન્દ્રીય નાણામંત્રી નિર્મલા સીતારમણના પતિ પરકલાનું આ નિવેદન સોશિયલ મીડિયા પર ઝડપથી વાયરલ થઈ રહ્યું છે. દેશની મુખ્ય વિપક્ષી પાર્ટી કોંગ્રેસે ખુદ પરકલા પ્રભાકરના નિવેદનનો વીડિયો શેર કર્યો છે.

કોંગ્રેસે સોશિયલ મીડિયા પ્લેટફોર્મ X પર ૧.૪૯ મિનિટ લાંબો વીડિયો શેર કર્યો અને કહ્યું, ‘જો મોદી ૨૦૨૪માં ફરી વડાપ્રધાન બનશે તો દેશમાં ફરી ક્યારેય ચૂંટણી નહીં થાય, દેશનું બંધારણ બદલાઈ જશે. મોદી પોતે લાલ કિલ્લા પરથી નફરતનું ભાષણ આપશે અને સમગ્ર દેશમાં લદ્દાખ-મણિપુર જેવી સ્થિતિ સર્જાશે. પાર્ટીએ વધુમાં કહ્યું કે, “પરકલા જી એક જાણીતા અર્થશાસ્ત્રી છે અને નાણામંત્રી નિર્મલા સીતારમણના પતિ છે.”

વાસ્તવમાં, અર્થશાસ્ત્રી પરકલા પ્રભાકરે એક યુટ્યુબ ચેનલને ઈન્ટરવ્યુ આપ્યો હતો, જ્યાં તેમને પૂછવામાં આવ્યું હતું કે જો વડાપ્રધાન નરેન્દ્ર મોદીના નેતૃત્વમાં દેશમાં ત્રીજી વખત સરકાર બનશે તો શું થશે? આના જવાબમાં તેમણે કહ્યું, “જો આવું થાય છે, તો એવી સંભાવના છે કે તમે બીજી ચૂંટણીની અપેક્ષા ન રાખી શકો. જો ૨૦૨૪ની ચૂંટણી પછી આ સરકાર પાછી આવે છે, તો તે પછી કોઈ ચૂંટણી નહીં થાય.

નિર્મલા સીતારમણના પતિ પરકાલાએ પણ સમગ્ર દેશમાં મણિપુર જેવી સ્થિતિ ઊભી થવાની ચેતવણી આપી હતી. તેમણે કહ્યું, “અત્યારે તમને લાગે છે કે મણિપુરમાં હિંસા થઈ રહી છે, તેથી અહીં તે થવાની કોઈ શક્યતા નથી. તમારે આવું વિચારવાની જરૂર નથી, કારણ કે આજે મણિપુરમાં જે કંઈ થઈ રહ્યું છે, તે કાલે તમારી કે અમારી સાથે થશે. તે રાજ્યમાં પણ બની શકે છે. લદ્દાખ, મણિપુર જેવી સ્થિતિ અથવા ખેડૂતો સાથે જે રીતે વર્તન કરવામાં આવ્યું છે તે આખા દેશમાં ચોક્કસપણે થશે.”

આ પણ વાંચો :-

સોનાના ભાવમાં રેકોર્ડબ્રેક તેજી, અમદાવાદમાં સોનું પ્રથમ વખત ૭૩૬૦૦ને પાર

News Editor
-
0

આજે સોમવાર સપ્તાહના પ્રથમ ટ્રેડિંગ દિવસે એમસીએક્સ પર સોનું ૭૧૦૦૦ને પાર કરી ગયું હતું જ્યારે ચાંદી ૮૨૦૦૦ની નજીક પહોંચી ગઈ હતી. સોના અને ચાંદીના ભાવ આસમાને પહોંચ્યા છે. તે પણ ત્યારે જ્યારે લગ્નની સિઝન શરૂ થવાની છે. સવારે બજાર ખુલતાની સાથે જ ૫ જૂને સોનાનો ભાવિ ભાવ ૭૩૬૦૦ રૂપિયા પ્રતિ ૧૦ ગ્રામ હતો. ચાંદીની ચમક આજે જબરદસ્ત વધી ગઈ છે અને કારોબાર ખુલતાની સાથે જ તેમાં ૧૦૪૦ રૂપિયાથી વધુનો ઉછાળો જોવા મળ્યો છે. ચાંદીની કિંમત ૮૧,૦૦૦ રૂપિયાને પાર કરી ગઈ છે અને હવે તે ૮૨,૦૦૦ રૂપિયાની નજીક જઈ રહી છે. એમસીએક્સ પર ચાંદીના મે વાયદા રૂ. ૮૧૯૫૫ પ્રતિ કિલોના દરે આવ્યા છે, જે તેનું સર્વકાલીન ઉચ્ચ સ્તર છે.

Gold and silver prices Today on 07-04-2024: Check latest rates in your city | Mintકેડિયા કોમોડિટીઝના પ્રમુખે જણાવ્યું હતું કે, કોમેક્સ અને એમસીએક્સ પર સોનાના ભાવ નવા રેકોર્ડ ઉંચા સ્તરે પહોંચી ગયા છે. સોનાના ભાવમાં આ ઉછાળો યુએસ ફેડરલ રિઝર્વની નાણાકીય નીતિમાં અપેક્ષિત ફેરફારને કારણે આવ્યો છે. અજય કેડિયાના જણાવ્યા અનુસાર સોનાના ભાવમાં તાજેતરનો ઉછાળો એમસીએક્સ સોનું ૭૧,૦૦૦ના નોંધપાત્ર માઇલસ્ટોનને પાર કરીને વૈશ્વિક બજારોમાં ચાલી રહેલી ઉથલપાથલને રેખાંકિત કરે છે. યુએસ વ્યાજ દરમાં ઘટાડો અને વધતા ભૌગોલિક રાજકીય તણાવ સહિતના પરિબળોએ રેલીને વેગ આપ્યો છે.

સોનાની પાછળ ચાંદી પણ રૂ.૭૫,૫૦૦ પહોંચી છે. છેલ્લા એક માસમાં સોનામાં ૮ ટકા જ્યારે દિવાળી પછીથી અત્યારસુધીમાં ૧૩ ટકાનું આકર્ષક રિટર્ન મળ્યું છે. વૈશ્વિક સોનામાં તેજીનું મુખ્ય કારણ અમેરિકામાં ઇકોનોમી ગ્રોથ મજબૂત બનવા સાથે આગામી ફેડની બેઠકમાં વ્યાજદરમાં ઘટાડો થશે તેવા સંકેતથી સોનુ ૨,૨૪૦ ડોલરની સપાટીએ પહોંચ્યું છે. જ્યારે ચાંદી ૨૫ ડોલરની નજીક પહોંચવાનું અનુમાન છે.

સંત શ્રી શિવશંકર ચૈતન્ય ભારતીનું નિધન, PM મોદીએ આપી શ્રદ્ધાજંલિ

News Editor
-
0

ભગવાન વિશ્વનાથના મહાન ભક્ત સંત શ્રી શિવશંકર ચૈતન્ય ભારતીનું નિધન થયું છે. પીએમ મોદી અને યુપીના સીએમ યોગી આદિત્યનાથે તેમના નિધન પર શોક વ્યક્ત કર્યો છે. પીએમ મોદીએ ટ્વિટર પર લખ્યું, ‘કાશીથી ભગવાન વિશ્વનાથના મહાન ભક્ત સંત શ્રી શિવશંકર ચૈતન્ય ભારતીજીના નિધનના દુઃખદ સમાચાર મળ્યા. તેઓ બાબા વિશ્વનાથની સેવામાં મંગળા આરતીમાં સતત હાજર રહેતા હતા. તેમના જવાથી કાશીની સંત પરંપરાને મોટી ખોટ પડી છે. સંત શ્રી ભારતીજી મહારાજને તેમના શિવ સ્વરૂપમાં વિલીન થવા પર નમ્ર શ્રદ્ધાંજલિ. ઓમ શાંતિ!

વડાપ્રધાન નરેન્દ્ર મોદીએ કાશી (વારાણસી)ના સંત શ્રી શિવશંકર ચૈતન્ય ભારતીજી મહારાજના નિધન પર શોક વ્યક્ત કર્યો છે. શોક વ્યક્ત કરતાં તેણે સોશિયલ મીડિયા પ્લેટફોર્મ ‘X’ પર પોસ્ટ કર્યું છે. પીએમ મોદીએ લખ્યું છે કે કાશીથી ભગવાન વિશ્વનાથના મહાન ભક્ત સંત શ્રી શિવશંકર ચૈતન્ય ભારતીજીના મહાન બલિદાનના દુઃખદ સમાચાર મળ્યા છે. પીએમએ આગળ લખ્યું કે સંત શ્રી શિવશંકર મંગળા આરતીમાં બાબા વિશ્વનાથની સેવામાં સતત હાજર હતા. તેમની વિદાય કાશીની સંત પરંપરા માટે મોટી ખોટ છે. સંત ભારતી મહારાજને તેમના શિવ સ્વરૂપમાં વિલીન થવા પર નમ્ર શ્રદ્ધાંજલિ.

સીએમ યોગીએ ટ્વિટર પર લખ્યું, ‘કાશીના આદરણીય સંત અને ઋષિ, આદરણીય સ્વામી શ્રી શિવશંકર ચૈતન્ય ભારતીજી મહારાજનું નિધન, સંત સમાજ અને આધ્યાત્મિક જગત માટે મોટી ખોટ અને અપાર દુઃખની ક્ષણ છે. તેમના નિધન સાથે એક યુગનો અંત આવ્યો છે. તેમને મારી શ્રદ્ધાંજલિ! બાબા વિશ્વનાથને વિનંતી છે કે તેઓ દિવ્ય આત્માને તેમના પરમ ધામમાં સ્થાન આપે અને તેમના શિષ્યો અને અનુયાયીઓને આ દુ:ખ સહન કરવાની શક્તિ આપે. ઓમ શાંતિ!

આ પણ વાંચો :-

1...792793794...1,481Page 793 of 1,481