સ્પેસ સ્ટાર્ટઅપ અગ્નિકુલ કોસ્મોસે આજે ૩૦ મેના રોજ તેનું પ્રથમ રોકેટ અગ્નિબાણ સૉર્ટેડનું સફળતાપૂર્વક પરીક્ષણ કર્યું છે. જો કે આ ટેસ્ટ પ્રક્ષેપણ અગાઉ મંગળવારના રોજ થવાનું હતું, પરંતુ કેટલાક ટેકનિકલ કારણોસર લોન્ચિંગ બે વાર મોકૂફ રાખવામાં આવ્યું હતું. ખાનગી કંપનીઓ અને સ્પેસ ડિપાર્ટમેન્ટ વચ્ચે સેતુનું કામ કરતા ઈન્સ્પેસે કંપની વતી આ માહિતી શેર કરી અને કહ્યું કે, આજે ગુરુવારે અગ્નિકુલના રોકેટનું સફળ પરીક્ષણ કરવામાં આવ્યું હતું.

રક્ષા મંત્રાલયે પણ એક નિવેદનમાં કહ્યું છે કે રૂદ્રમ… મિસાઇલના ઉડાન પરીક્ષણે તમામ ટેસ્ટ પૂર્ણ કર્યા છે. ભારતે બુધવારે ઓડિશાના દરિયાકાંઠે ભારતીય વાયુસેનાના સુખોઈ-૩૦ ફાઈટર એરક્રાફ્ટમાંથી ‘રુદ્રમ’ એર ટુ સરફેસ મિસાઈલનું સફળ પરીક્ષણ કર્યું હતું. મંત્રાલયે જણાવ્યું હતું કે, “ડીઆરડીઓએ ૨૯ મેના રોજ સવારે ૧૧:૩૦વાગ્યે ઓડિશાના દરિયાકાંઠે ભારતીય વાયુસેનાના સુખોઈ-૩૦MK-II પ્લેટફોર્મ પરથી રુદ્રમ-૨ એર-ટુ-સરફેસ મિસાઈલનું સફળતાપૂર્વક પરીક્ષણ કર્યું હતું.

હકીકતમાં, મંગળવારે સવારે કસોટી થવાની હતી. સવારે ૯.૨૫ વાગ્યે તેનું પરીક્ષણ થવાનું હતું, પરંતુ ટેક-ઓફની માત્ર ૫ સેકન્ડ પહેલાં, લોન્ચને હોલ્ડ પર રાખવામાં આવ્યું હતું અને પછી લોન્ચને રદ્દ કરવામાં આવ્યું હતું. ઉલ્લેખનીય છે કે, અગ્નિકુલ કોસ્મોસનું અગ્નિબાણ રોકેટ બે તબક્કાનું રોકેટ છે. આ રોકેટ ૭૦૦ કિમીની ઉંચાઈ સુધી પહોંચવામાં અને ૩૦૦ કિલોગ્રામ સુધીનું પેલોડ વહન કરવામાં સક્ષમ છે. આ પહેલા વર્ષ ૨૦૨૨માં સ્કાયરૂટ કંપનીએ ઈસરોની લોન્ચ સાઇટ પરથી ભારતનું પ્રથમ પ્રાઈવેટ રોકેટ લોન્ચ કર્યું હતું.

દિલ્હીમાં ગરમીએ તમામ રેકોર્ડ બ્રેક કરી નાખ્યા છે, હવામાન વિભાગના જણાવ્યા અનુસાર મંગેશપુરમાં ૫૨.૩ ડિગ્રી તાપમાન નોંધાયું હતું. મુંગેશપુરમાં બુધવારે બપોરે ૨.૩૦ કલાકે ૫૨ ડિગ્રીથી વધુ તાપમાન નોંધાયું હતું. જ્યારે દિલ્હીના મંગેશપુરમાં તાપમાન ૫૨.૩ ડિગ્રી સેલ્સિયસ નોંધાયું હતું, તે સમયે સરેરાશ તાપમાન ૪૫.૮ ડિગ્રી હતું.

હવામાન વિભાગે જણાવ્યું હતું કે ઉત્તર-પશ્ચિમ અને મધ્ય ભારતમાં ગરમીના તીવ્ર ગરમી ૩૦ મેથી ધીમે ધીમે ઘટવાની સંભાવના છે. ૩૧ મેના રોજ, પંજાબ, હરિયાણા-ચંદીગઢ-દિલ્હીના કેટલાક ભાગોમાં હિટ વેવની સંભાવના છે. પશ્ચિમ ઉત્તર પ્રદેશ, રાજસ્થાન, મધ્યપ્રદેશ, બિહાર અને ઝારખંડના જુદા જુદા ભાગોમાં હીટ વેવની સ્થિતિની સંભાવના છે. હવામાન વિભાગે જણાવ્યું કે ૦૧ જૂન, ૨૦૨૪ના રોજ પંજાબ, હરિયાણા-ચંદીગઢ-દિલ્હી, મધ્ય પ્રદેશ, બિહાર અને ઝારખંડના વિવિધ ભાગોમાં ગરમીની સંભાવના છે. જો કે ગરમીના મોજાની અસરમાં ઘટાડો જોવા મળી શકે છે. જ્યારે રોજના ૧૬ લોકોનાં મોત થઈ રહ્યા છે. ગ્લોબલ વોર્મિંગને કારણે ભારત જ નહીં, દક્ષિણ અને દક્ષિણ પૂર્વ એશિયાના દેશોમાં ગરમીનો પારો વધારો થયો હોવાનો અધિકારીએ દાવો કર્યો હતો.

વૈજ્ઞાનિકોએ કહ્યું છે કે અલ નીનોને કારણે હવામાન પર અસર ડી રહી છે. ગ્લોબલ મધ્ય પ્રશાંતમાં વોર્મિંગને કારણે દુનિયાભરની હવામાનની પેટર્ન પર અસર પડી છે. દક્ષિણ એશિયામાં ભારત, પાકિસ્તાન, થાઈલેન્ડ સહિત બાંગ્લાદેશમાં હીટ વેવની અસર થઈ છે. ભારતના રાજસ્થાનના ચુરુમાં તાપમાનનો પારો પચાસ ડિગ્રી પાર થયો છે, જ્યારે પાકિસ્તાનના મહોનજોદડોમાં પારો બાવન ડિગ્રી પાર થયો છે.