દેશ આજે ગુરુવારે 78મો સ્વતંત્રતા દિવસ ઉજવી રહ્યો છે. આ અવસર પર વડાપ્રધાન નરેન્દ્ર મોદીએ લાલ કિલ્લા પરથી તિરંગો ફરકાવ્યો હતો. આ પછી રાષ્ટ્રને સંબોધિત કરતી વખતે તેમણે સ્વતંત્રતા સેનાનીઓને યાદ કર્યા હતા. પીએમ મોદીએ કહ્યું હતું કે, જ્યારે આપણે 40 કરોડ હતા ત્યારે આપણે મહાસત્તાને હરાવી હતી. આજે આપણે 140 કરોડ છીએ.

સંબોધન પહેલા પીએમ મોદીને સ્વદેશી 105 MM લાઈટ ફીલ્ડ ગનથી 21 તોપોની સલામી આપવામાં આવી હતી. સમારોહમાં લગભગ 6000 વિશેષ મહેમાનોને આમંત્રિત કરવામાં આવ્યા હતા. ખાસ કરીને અટલ ઇનોવેશન મિશન જેવી પહેલ સાથે સંકળાયેલા લોકો, મેરા યુવા ભારતના સ્વયંસેવકો, આદિવાસી સમુદાયના લોકો અને ખેડૂત સંગઠનોના પ્રતિનિધિઓ પણ આ કાર્યક્રમમાં હાજર રહ્યા હતા.

પીએમ મોદીએ કહ્યું, ‘આજે આપણે એવા અસંખ્ય સ્વાતંત્ર્ય સેનાનીઓને યાદ કરીએ છીએ જેમણે આપણને આઝાદ દેશ આપ્યો, આપણે આજે તેમને શ્રદ્ધાંજલિ આપીએ છીએ. તાજેતરની કુદરતી આફતને કારણે અમે ચિંતિત છીએ, ઘણા લોકોએ તેમના પ્રિયજનો, તેમની સંપત્તિ ગુમાવી છે, અમે તેમની સાથે એકતામાં ઊભા છીએ.

પોતાના સંબોધન દરમિયાન પીએમ મોદીએ કહ્યું કે, ‘આજનો દિવસ શુભ મુહૂર્ત છે. આપણે દેશની આઝાદી માટે શહીદ થયેલા અને પોતાનું જીવન સમર્પિત કરનાર સ્વતંત્રતા પ્રેમીઓને શ્રદ્ધાંજલિ આપી રહ્યા છીએ. આ દેશ તેમનો ઋણી છે. અમે આવા દરેક દેશવાસીઓ પ્રત્યે અમારું સન્માન વ્યક્ત કરીએ છીએ. રાષ્ટ્રને પ્રેરણા આપતા પીએમ મોદીએ કહ્યું કે, “જ્યારે આપણે 40 કરોડ હતા ત્યારે આપણે મહાસત્તાને હરાવી હતી, આજે આપણે 140 કરોડ છીએ.

જમ્મુ-કાશ્મીરના ડોડા જિલ્લામાં આતંકવાદીઓ અને સુરક્ષા દળો વચ્ચે અથડામણ ચાલુ છે. આ એન્કાઉન્ટરમાં ભારતીય સેનાની 48 રાષ્ટ્રીય રાઈફલ્સના કેપ્ટન દીપક સિંહ શહીદ થયા હતા. ભારતીય સેના દ્વારા આ વાતની પુષ્ટિ કરવામાં આવી છે. સૈન્ય અધિકારી હોવા ઉપરાંત તેઓ હોકીના તેજસ્વી ખેલાડી પણ હતા.શહીદ કેપ્ટન દીપક સિંહ કાઉન્ટર ઈન્સર્જન્સી 48 રાષ્ટ્રીય રાઈફલ્સમાં સિગ્નલ ઓફિસર તરીકે તૈનાત હતા. તે ક્વિક રિએક્શન ટીમનું નેતૃત્વ કરી રહ્યો હતો જે ડોડાના અસારમાં છુપાયેલા આતંકવાદીઓને શોધી રહી હતી. આ દરમિયાન આતંકીઓ સાથેની અથડામણમાં તે શહીદ થયો હતો.

શહીદ કેપ્ટન દીપક સિંહ એક શાનદાર ખેલાડી હતાસર્ચ ઓપરેશનમાં એક કંપનીનું નેતૃત્વ કરવા માટે યુવા સેનાને મુખ્ય ક્ષેત્ર બનાવવામાં આવી હતી. સામેથી પોતાની કંપનીનું નેતૃત્વ કરતાં તેણે યુદ્ધના મેદાનમાં શહીદ થતા પહેલા આતંકવાદીને મારી નાખ્યો. રાષ્ટ્રીય રાઈફલ્સમાં કેપ્ટન રહેવાની સાથે સાથે તેઓ હોકીના તેજસ્વી ખેલાડી પણ હતા.તેમની શહાદત પહેલા માહિતી આવી હતી કે ડોડાના અસાર વિસ્તારમાં એક આતંકવાદી ઘાયલ થયો હતો, જેના વિશે હવે માહિતી આવી છે કે તે માર્યો ગયો છે. સેનાએ ડોડા વિસ્તારમાં આતંકવાદ વિરોધી ઓપરેશન હાથ ધર્યું હતું.

સર્ચ ઓપરેશન દરમિયાન લોહીથી લથપથ થેલી મળી આવીમાહિતી અનુસાર, સેના અને આતંકવાદીઓ વચ્ચેની અથડામણના સ્થળેથી 4 લોહીથી લથપથ બેગ મળી આવી છે, જે દર્શાવે છે કે 4 જૈશ આતંકવાદીઓનું જૂથ ગંભીર રીતે ઘાયલ થયું છે. જ્યાં સુધી મૃતદેહો બહાર ન આવે ત્યાં સુધી તેની હત્યા કરવામાં આવી છે કે કેમ તેની પુષ્ટિ કરવી મુશ્કેલ છે. સેના દ્વારા સર્ચ ઓપરેશન ચલાવવામાં આવી રહ્યું છે.ગયા મહિને ડોડા જિલ્લામાં સેના અને આતંકવાદીઓ વચ્ચે અથડામણ થઈ હતી.

આતંકવાદીઓ સાથેની અથડામણમાં ગંભીર રીતે ઘાયલ થયેલા એક અધિકારી સહિત પાંચ જવાનોનું સારવાર દરમિયાન હોસ્પિટલમાં મોત નીપજ્યું હતું. આ એન્કાઉન્ટર ત્યારે થઈ જ્યારે રાષ્ટ્રીય રાઈફલ્સ અને જમ્મુ અને કાશ્મીર પોલીસના સ્પેશિયલ ઓપરેશન્સ ગ્રુપ (SOG) ના સૈનિકોએ ડોડા શહેરથી લગભગ 55 કિમી દૂર દેસા જંગલ વિસ્તારમાં ધારી ગોટે ઉરારબાગીમાં સંયુક્ત સર્ચ ઓપરેશન શરૂ કર્યું.

જમ્મુ કાશ્મીરના ડોડામાં આજે વહેલી સવારે સુરક્ષાદળો અને આતંકીઓ વચ્ચે અથડામણ થયું હતું. વહેલી સવારથી જ સુરક્ષાદળો આતંકીઓની તપાસ કરી રહ્યા હતા. આ દરમિયાન તેમનો સામનો આતંકીઓ સાથે થયો. જેમાં એક સેના અધિકારી(કેપ્ટન) ઈજાગ્રસ્ત થયો. આ અથડામણમાં ચાર આતંકીઓ માર્યા ગયા હોવાના અહેવાલ છે.

સૂત્રોએ જણાવ્યું કે કેપ્ટન દીપકે આગળ આવીને આ ઓપરેશનનું નેતૃત્વ કર્યું હતું. આતંકીઓ સાથે ગોળીબાર દરમિયાન કેપ્ટનને ગોળી વાગી. વધારે ઈજાગ્રસ્ત થવાને કેપ્ટનનું હોસ્પિટલમાં તેમનું મોત થયું. ઘટનાસ્થળેથી એમ4 રાયફલ મળી આવી છે.

જમ્મુ સંમાગના પહાડી વિસ્તારોમાં સેના દ્વારા સર્ચ અભિયાન શરૂ છે. જમ્મુના કઠુઆ, ઉધમપુર અને ડોડાના ધુસણખોરી કરી રહેલા આતંકીઓને લઈને સેના એલર્ટ છે.

યૌન ઉત્પીડન કેસમાં જોધપુર સેન્ટ્રલ જેલમાં આજીવન કેદની સજા કાપી રહેલા આસારામને રાજસ્થાન હાઈકોર્ટમાંથી મોટી રાહત મળી છે. કોર્ટે આસારામની સારવાર માટે 7 દિવસની પેરોલ મંજૂર કરી છે. તે 1 સપ્ટેમ્બર, 2013થી જેલમાં છે અને હવે લગભગ 11 વર્ષ બાદ પેરોલ પર બહાર આવશે. આ પહેલીવાર છે જ્યારે આસારામની પેરોલ મંજૂર કરવામાં આવી છે. પોલીસ કસ્ટડીમાં સારવાર માટે મહારાષ્ટ્ર જશે. રાજસ્થાન હાઈકોર્ટના ન્યાયાધીશ જસ્ટિસ પુષ્પેન્દ્ર સિંહ ભાટીની ડિવિઝન બેન્ચે તેમની વચગાળાની પેરોલ મંજૂર કરી હતી.

મળતી માહિતી મુજબ, થોડા દિવસો પહેલા આસારામની તબિયત અચાનક બગડી હતી. તેણે છાતીમાં દુ:ખાવાની ફરિયાદ કરી, ત્યારબાદ જેલ પ્રશાસને તેને જોધપુર એમ્સમાં દાખલ કર્યા હતા. મેડિકલ ચેકઅપ બાદ તેને સારવાર માટે દાખલ કરવામાં આવ્યા હતા . તેઓ 10 ઓગસ્ટથી જોધપુર AIIMSમાં દાખલ છે. આસારામની નાદુરસ્ત તબિયત અને જોધપુર AIIMSમાં દાખલ થયાના સમાચાર સાર્વજનિક થતાં જ તેમના સમર્થકોની ભીડ હોસ્પિટલની બહાર એકઠી થઈ ગઈ હતી. આસારામને 2018 માં જોધપુરની વિશેષ પોક્સો કોર્ટે સગીર પર બળાત્કારના દોષિ ઠેરવ્યા હતા અને તેને આજીવન કેદની સજા ફટકારી હતી.

આસારામ 2 સપ્ટેમ્બર 2013થી જેલમાં છે. યુવતીએ પોતાની ફરિયાદમાં આરોપ લગાવ્યો હતો કે 15 ઓગસ્ટ, 2013ની રાત્રે આસારામે તેને જોધપુર નજીક મનાઈ સ્થિત પોતાના આશ્રમમાં બોલાવી હતી અને તેની સાથે બળાત્કાર કર્યો હતો. પાંચ વર્ષથી વધુ સમય સુધી ચાલેલા ટ્રાયલ બાદ પોક્સો કોર્ટે આસારામને દોષિત ઠેરવ્યા હતા અને તેમને આજીવન કેદની સજા ફટકારી હતી. ગયા વર્ષે, ગુજરાતની એક અદાલતે આસારામને 2013માં તેમના સુરત આશ્રમમાં એક મહિલા અનુયાયી પર બળાત્કાર કરવા બદલ દોષિત ઠેરવ્યા હતા.

કોલકાતાની આરજી કર મેડિકલ કોલેજમાં મહિલા જુનિયર ડોક્ટર પર બળાત્કાર અને હત્યાના કેસના વિરોધમાં સમગ્ર દેશમાં દેખાવો થઈ રહ્યા છે ત્યારે કલકત્તા હાઈકોર્ટે મંગળવારે આ કેસની તપાસ સીબીઆઈને સોંપી દીધી હતી. આ સાથે હાઈકોર્ટે કહ્યું હતું કે હોસ્પિટલ તંત્ર દ્વારા ગંભીર બેદરકારી દાખવવામાં આવી છે અને ઘટનાના પાંચ દિવસ પછી પણ તપાસમાં કોઈ નોંધપાત્ર પ્રગતિ થઈ હોવાનું જોવા મળ્યું નથી. આ સાથે કલકત્તા હાઈકોર્ટે આરજી કર મેડિકલ કોલેજના પ્રિન્સિપાલને તાત્કાલિક અસરથી લાંબી રજા પર મોકલી દીધા હતા. વધુમાં બળાત્કાર-હત્યાની આ ઘટનાના વિરોધમાં સમગ્ર દેશમાં ડૉક્ટરો વિરોધ નોંધાવી રહ્યા છે.

કલકત્તા હાઈકોર્ટના મુખ્ય ન્યાયાધીશ ટીએસ શિવાંગનનમના અધ્યક્ષપદે ખંડપીઠે તાલિમી ડોક્ટરોના માતા-પિતાઓ દ્વારા દાખલ અરજીની સુનાવણી કરતાં બેન્ચે જણાવ્યું કે, મહિલા જુનિયર ડૉક્ટરના શરીર પર જે પ્રકારની ગંભીર ઈજાના નિશાન છે તે સ્પષ્ટપણે દર્શાવે છે કે હોસ્પિટલ તંત્રને ખબર હતી કે શું ઘટના થઈ છે તેમ છતાં તેણે ગંભીર બેદરકારી દર્શાવી છે. મૃતકના પરિવારજનો એવી એજન્સી મારફત તપાસ ઈચ્છે છે, જેમાં કોઈ ચેડાંની શક્યતા ના હોય.

મુખ્ય ન્યાયાધીશ ટીએસ શિવાંગનનમના અધ્યક્ષપદે વિભાગીય ખંડપીઠે કોલકાતા પોલીસને મંગળવારે સાંજ સુધીમાં કેસ ડાયરી કેન્દ્રીય તપાસ એજન્સીને સોંપવા અને બુધવારે સવારે ૧૦.૦૦ વાગ્યા સુધીમાં આ કેસ સંબંધિત બધા જ દસ્તાવેજો સીબીઆઈને સોંપવા નિર્દેશ આપ્યા હતા. આ સાથે હાઈકોર્ટે આંદોલન કરી રહેલા ડૉક્ટરોને તેમની હડતાળ બંધ કરવા અને સરકારી હોસ્પિટલમાં આવતા દર્દીઓની સારવારની તેમની ફરજ નિભાવવા જણાવ્યું હતું. હોસ્પિટલના કર્મચારીઓની પર્યાપ્ત સુરક્ષાની માગણી કરતા જુનિયર ડોક્ટરો અને ઈન્ટર્ન્સે મંગળવારે પણ હડતાળ ચાલુ રાખી હતી.

કલકત્તા હાઈકોર્ટે સુપ્રીમ કોર્ટના કેવી રાજેન્દ્રન કેસમાં અપાયેલા ચૂકાદાનો ઉલ્લેખ કર્યો અને કહ્યું કે, દુર્લભતમ કેસોમાં કોર્ટ પણ કેસ ટ્રાન્સફર કરવાની તેમની શક્તિનો ઉપયોગ કરી શકે છે. હાઈકોર્ટનો આ નિર્ણય એટલા માટે પણ મહત્વનો છે, કારણ કે મુખ્યમંત્રી મમતા બેનરજીએ પોતે કહ્યું હતું કે પોલીસ રવિવાર સુધીમાં આ કેસની સંપૂર્ણ તપાસ પૂરી કરે અને ખુલાસો કરે. 

હાઈકોર્ટે આરજી કર મેડિકલ કોલેજના પૂર્વ પ્રિન્સિપાલ ડૉ. સંદીપ ઘોષની પણ ઝાટકણી કાઢી હતી. બેન્ચે કહ્યું કે, આટલી મોટી ઘટના પછી પણ તેઓ એક્ટિવ થયા નહીં. પ્રિન્સિપાલ ઘોષે તુરંત લાંબી રજા પર ઉતરી જવું જોઈએ અને તેમને આ કામથી અલગ રાખવા જોઈએ. આ માણસ ખૂબ જ પ્રભાવશાળી વ્યક્તિ છે અને તપાસ પર અસર કરી શકે છે. બેન્ચે ત્યાં સુધી કહી દીધું કે પ્રિન્સિપાલ ઘોષ મંગળવારે બપોરે ૩.૦૦ વાગ્યા સુધીમાં રજા પર નહીં ઉતરે તો અમે તેમની હકાલપટ્ટી કરી દઈશું. હાઈકોર્ટના આદેશ પછી ડૉ. સંદીપ ઘોષે આરજી કર કોલેજના પ્રિન્સિપાલ પદેથી રાજીનામું આપી દીધું હતું. જોકે, રાજ્ય સરકારે તુરંત જ તેમની નેશનલ કોલેજમાં પ્રિન્સિપાલ તરીકે નિમણૂક કરી દીધી હતી.

સરકારના આ પગલાંની હાઈકોર્ટે આકરી ઝાટકણી કાઢતા કહ્યું કે, રાજ્ય સરકારે કઈ પરિસ્થિતિમાં પ્રિન્સિપાલ જોડેથી રાજીનામું લેવાયું તે અંગે પણ વિચાર્યું નહીં. ડૉ. ઘોષે હાઈકોર્ટના આદેશ પછી પદ પરથી રાજીનામું આપ્યું તો તેમને બીજી કોલેજમાં જવાબદારી આપી દેવાઈ. જોકે, નેશનલ મેડિકલ કોલેજમાં વિદ્યાર્થીઓએ તેમની નિમણૂક સામે વિરોધ નોંધાવ્યો હતો.