Home Blog Page 632

દિલ્હી એરપોર્ટ પર કસ્ટમ અધિકારીઓએ પકડ્યા iPhone 16નો ઢગલો

News Editor
-
0

તાજેતરમાં જ લોન્ચ iPhone 16 ને લઈ લોકોમાં એક અલગ જ પ્રકારની દિવાનગી જોવા મળી રહી છે. આ બધાની વચ્ચે હવે દિલ્હી એરપોર્ટથી iPhone 16 Pro Maxની દાણચોરીની ઘટના સામે આવી છે. વાસ્તવમાં દિલ્હીના ઈન્દિરા ગાંધી ઈન્ટરનેશનલ એરપોર્ટ પર કસ્ટમ વિભાગે દેશમાં iPhone 16 Pro Maxની દાણચોરી કરવાનો પ્રયાસ કરી રહેલા ચાર લોકોની અટકાયત કરી છે. વીડિયોમાં અધિકારીઓ બોક્સમાં iPhones સાથે રેપર ખોલતા અને કુલ 12 Apple iPhones એક પછી એક બહાર કાઢતા જોવા મળે છે. આ ઘટના 1 ઓક્ટોબરની છે જ્યારે કસ્ટમ્સે દિલ્હી એરપોર્ટ પર એક જ દિવસમાં 38 iPhone 16 Pro Max જપ્ત કર્યા હતા.

દિલ્હી એરપોર્ટ પર કસ્ટમ અધિકારીઓએ 1 ઓક્ટોબર, 2024ના રોજ દુબઈથી ઈન્ડિગોની ફ્લાઈટ 6E-1464 પર આવતા ચાર મુસાફરો પાસેથી 12 iPhone 16 Pro Max જપ્ત કર્યા છે. આ લોકો આ ફોનને ગુપ્ત રીતે ભારત લાવવા માંગતા હતા. કસ્ટમ અધિકારીઓએ આ અંગેની માહિતી સોશિયલ મીડિયા પર શેર કરી છે. એક સૂચનાના આધારે કસ્ટમ અધિકારીઓએ હોંગકોંગથી દિલ્હી આવી રહેલી મહિલા મુસાફરને રોકીને તેની તલાશી લીધી હતી. આ સમયગાળા દરમિયાન તેમની પાસેથી અંદાજે 44 લાખ 81 હજાર 556 રૂપિયાનો સામાન જપ્ત કરવામાં આવ્યો હતો.

એજન્સી દ્વારા માહિતી આપવામાં આવી છે કે, જપ્ત કરાયેલા તમામ આઇફોનની કિંમત અંદાજે 3 કરોડ 6 લાખ 66 હજાર 328 રૂપિયા છે. iPhone 16 Pro Max એ Appleનો શ્રેષ્ઠ ફોન છે જે ગયા મહિને જ લોન્ચ થયો હતો. જો બાકીના 12 ફોન (લગભગ 14 લાખ 15 હજાર રૂપિયા)ની કિંમત પણ ઉમેરીએ તો કુલ કિંમત 4 કરોડ 48 લાખ 1 હજાર 556 રૂપિયા થાય છે.

આ પણ વાંચો :-

મિર્ઝાપુરમાં ભયાનક માર્ગ અકસ્માત, ટ્રક – ટ્રેક્ટર અથડાતાં 10 મજૂરોના મોત

News Editor
-
0

ઉત્તર પ્રદેશના મિર્ઝાપુરમાં એક મોટો રોડ અકસ્માત થયો છે. કાછવા પોલીસ સ્ટેશન વિસ્તારના કટકા પડાવ પાસે ટ્રક અને ટ્રેક્ટર વચ્ચે અથડામણમાં 10 મજૂરોના મૃત્યુ થયા છે. જ્યારે ત્રણ લોકો ઘાયલ થયા છે. ઘાયલ લોકોને સારવાર માટે વારાણસીના ટ્રોમા સેન્ટરમાં દાખલ કરવામાં આવ્યા છે. તમામ મજૂરો વારાણસીના રહેવાસી હતા.

एक वर्ष से अधिक समय पहले, 10 दिन हाँ, और भी बहुत कुछ

મીડિયા રિપોર્ટ્સ અનુસાર, દુર્ઘટના સમયે ટ્રેક્ટર-ટ્રોલીમાં લગભગ 13 મજૂરો મુસાફરી કરી રહ્યા હતા. તમામ મજૂરો ઔરાઈના તિવારી ગામમાંથી કાસ્ટિંગ કરીને પાછા વારાણસી પરત ફરી રહ્યા હતા. આ અકસ્માત મોડી રાત 12.30 વાગ્યાની આસપાસ થયો હોવાનું કહેવાય છે. આ અકસ્માતની માહિતી મળતાં જ ઉચ્ચ અધિકારીઓ ઘટનાસ્થળે પહોંચી ગયા હતા અને રાહત કાર્ય શરૂ કર્યું હતું. માર્ગ અકસ્માત બાદ રોષે ભરાયેલા ગ્રામજનોએ વારાણસી-પ્રયાગરાજ હાઈવે બ્લોક કરી દીધો હતો. વહીવટીતંત્ર નારાજ લોકોને મનાવવાના પ્રયાસમાં વ્યસ્ત છે.

આ મામલે પોલીસ અધિકારીએ જાણકારી આપતાં જણાવ્યું હતું કે અમને રાતે એક વાગ્યે આજુબાજુ જાણકારી મળી હતી કે મિર્ઝાપુર નજીક અકસ્માત થયાની જાણકારી મળી હતી. જેમાં એક ટ્રેક્ટર વારાણસી તરફ જતું હતું અને તેને એક ટ્રેક્ટરને પાછળથી ટક્કર મારી હોવાની માહિતી મળી હતી. ટ્રેક્ટરમાં 13 લોકો સવાર હતા અને તેમાંથી 10 લોકો માર્યા ગયા હતા અને 3 લોકો ઈજાગ્રસ્ત થયા હતા. બધા પીડિતો મિરઝાપુરના જ રહેવાશી હોવાની જાણકારી છે.

એસપી અભિનંદને જણાવ્યું કે ટ્રકે પાછળથી ટ્રેક્ટર ટ્રોલીને ટક્કર મારી હતી. તમામ મૃતદેહોને પોસ્ટમોર્ટમ માટે મોર્ચરીમાં મોકલવામાં આવ્યા હતા. ટ્રક ચાલક સ્થળ પરથી ફરાર થઈ ગયો હતો. ટ્રક કબજે લેવામાં આવી હતી. આ મામલે FIR પણ દાખલ કરવામાં આવી છે. ઘાયલોને વારાણસીના ટ્રોમા સેન્ટરમાં રિફર કરવામાં આવ્યા છે. પોલીસ અધિક્ષકે પણ આગળની કાયદેસરની કાર્યવાહી હાથ ધરી હોવાનું જણાવ્યું હતું.

આ પણ વાંચો :-

૦૪ ઓક્ટોબર, ૨૦૨૪/ આ રાશિ માટે શુક્રવારના દિવસે પરિવારમાં આનંદ, કાર્યક્ષેત્રે સફળતા મળતી જણાય વિદ્યાર્થી મિત્રો માટે શુભ, જાણો આજનું રાશિ ભવિષ્ય

News Editor
-
0

મેષઃ

આજે દિવસ દરમ્યાન માન‌સિક સ્વસ્થતા જ‍ળવાશે. આવકની પરિસ્થિતિ સુધરતી જણાશે. પરિવારમાં પણ આત્મીયતા વધે. કાર્ય સફળતા મળતી જણાય. પત્નિ સાથે પ્રેમ પર્ણ વ્યવહાર રહેશે. ધંધામાં પ્રગતિ થતી જણાય.

વૃષભઃ

આજનો દિવસ સંતોષથી પસાર કરવો. આવકમાં ધટાડો થતો જણાય. આરોગ્ય કથળતું જણાય. પાણીથી થતા રોગોથી સાચવવું. ભાગ્યનો સાથ મળતો જણાય. ધંધાકીય સફળતા મળતી જણાય. જુના મિત્રોની મુલાકાત શકય બને.

મિથુનઃ

આજે પણ અાર્થિક ઉપાર્જન વધતું જણાય. પરિવારમાં આનંદ ઉત્સાહનું વાતાવરણ રહે. રોકાણોનું વળતર મળતું જણાય. સંતાનની પ્રગતિ થતી જણાય. નવું જાણવાનો યોગ બને છે. ભાગ્યનો સાથ મળે. સ્વાસ્થ્ય જળવાય.

કર્ક‌ઃ

આર્થિક દષ્ટિ એ દિવસ સારો છે. લક્ષ્મીની કૃષા અનુભવાય. પરિવારના સભ્યો સાથે આનંદ ઉત્સાહ રહે. નવા રોકાણો ફાયદા કારક પુરવાર થાય. જુના રોકાણો થી લાભ મળતો જણાય. આરોગ્યનું ધ્યાન રાખવું જરૂરી છે.

‌સિંહઃ ‌

સ્વભાવમાં ઉગ્રતા રહે. આર્થિક લાભ મળતો જણાય. પરિવારના તમામ સભ્યોની પ્રગતિથી આનંદ થાય. યોગ્ય કાર્ય કરવાની વ્યવસ્થા સરળ બને. કાર્ય સફળતા અનુભવાય. તબિયત સંબંધી થોડી ઉચંતા રહે.

કન્યાઃ

આવકમાં વધારો થતાં મન પ્રફુલ્લીત રહે. નાના ભાઇ બહેનોની પ્રગતિથી આનંદ. કાર્યક્ષેત્રે સફળતા મળતી જણાય. નવા રોકાણો ટાળવા. સરકારી લખાણપત્ર કરતી વખતે સાવચેતી રાખવી જરૂરી. આરોગ્ય જળવાશે. ધંધાકીય ક્ષેત્રે સફળતા.

તુલાઃ

પરોપકાર, હિંમત, છટાદાર વાણી રહે. અણુ-ઉર્જા સંશોધન, ઇલેકટ્રોનિકસ, બુકસેલરના ધંધામાં વધારો પ્રગતિ થાય. માતા તથા પત્નિ સાથે મતભેદ થવાની શકયતા છે. આજે ભાગ્યનો સાથ મળતો નથી આથી મહેનત વધારો કરવી પડશે.

‌વૃ‌શ્ચિકઃ

આવકમાં ધટાડો થતો જણાય. અગત્યના રોકાણો ટાળવા. સંધર્ષ બાદ થોડી સફળતા મળતી જણાય. આરોગ્ય ની કાળજી રાખવી જરૂરી છે. સ્નાયુનો દુઃખાવો રહે. જીવનસાથી સાથે ઉગ્રતા વાદ ટાળવાની સલાહ છે.

ધનઃ

ધંધામાં સફળતા મળતી જણાય. નવો ધંધા શરૂ કરી શકાય. આર્થિક રીતે આવક વધતાં માનસિક અશાંતિ ઓછી થતી જણાય. મિત્રો તરફથી લાભ મળે. આરોગ્ય સાચવવું. શરદી કફનો ઉપય્રવ રહે. જુની ઓળખાણ તાજી થતી જણાય.

મકરઃ

આર્થિક પાસુ મજબૂત થતુ જણાય. કાર્યક્ષેત્રે સફળતા હાંસલ થાય. પરિવારમાં આનંદ નું વાતાવરણ પેદા થતું જણાય. નવા રોકાણો ફળદાયી નીવડવાની શકયતાઓ છે. માતૃ પક્ષ તરફથી આનંદના સમાચાર મળે. ધંધાકીય ક્ષેત્રે પ્રગતિનો અનુભવ થાય.

કુંભઃ

ભાગ્ય બળવાન બને છે. ભાગ્યના ક્ષેત્રે આવક મેળવી શકાય. પરિવારમે દિવસ દરમ્યાન પ્રસન્નતા રહે. કરેલા કાર્યમાં સફળતા મળતી જણાય. પરિવારમાં પ્રેમ જળવાય. યાત્રા-પ્રવાસના યોગ બને છે. નોકરી ધંધામાં લાભ મળતો જણાય.

મીનઃ

આજે આવક ધટતી જણાય. માનસિક પરિતાપ ચિંતા સતાવે. પરિવારમાં સભ્યો વચ્ચે ગુસ્સાનું પ્રમાણ વધતું જણાય. નોકરીમાં ચિંતા તથા ઘંઘામાં પણ ચિંતાનું વાતાવરણ રહે. આરોગ્ય જળવવું. માથાનો દુઃખાવો રહે. આંખની કાળજી રાખવી.

હરિયાણામાં ભાજપનો મોટો ફટકો, આ દિગ્ગજ નેતા કોંગ્રેસમાં જોડાયા

News Editor
-
0

હરિયાણા ચૂંટણી પહેલાં જ બીજેપીના નેતા અશોક તંવર એકવાર ફરી કોંગ્રેસમાં જોડાઈ ગયા છે. તેઓ TMCP અને આમ આદમી પાર્ટીમાં પણ રહી ચૂક્યા છે. લોકસભા ચૂંટણીમાં સિરસાથી કુમારી સૈલજાને પડકાર આપ્યો હતો પરંતુ તેમને હારનો સામનો કરવો પડ્યો. સૂત્રો અનુસાર, અશોક તંવર વિધાનસભા ચૂંટણી લડવા માંગતા હતા. પરંતુ બીજેપીએ તેમને ટિકિટ આપી નહીં. આ વાતથી અશોક તંવર નારાજ હતા. પાર્ટીના ઘણા મોટા નેતાઓને મળીને તેમણે ઈચ્છા વ્યક્ત કરી હતી કે તેમને ટિકિટ આપવામાં આવે પરંતુ એવું થઈ શક્યું નહીં.

ashok tanwar rejoins congress haryana election ticket bjp denied હરિયાળામાં ભારે ઉથલપાથલ! બીજેપીને આંચકો આપીને બે કલાકમાં ફરી કોંગ્રેસમાં જોડાયા અશોક તંવર, જાણો ઈનસાઈડ સ્ટોરી

લોકસભા ચૂંટણી પહેલાં અશોક તંવર બીજેપીમાં જોડાયા હતા. તેમનું બીજેપીમાં જોડાવું બીજેપી માટે મોટી સફળતા માનવામાં આવી કારણ કે તંવર હરિયાણામાં મોટો દલિત ચહેરો છે. બીજેપી અશોક તંવર દ્વારા કોંગ્રેસ પર ‘દલિત વિરોધી’ હોવાનો આરોપ પણ લગાવતી રહી. પરંતુ હવે કોંગ્રેસે ફરીથી તેમને પાર્ટીમાં સામેલ કરીને બીજેપીને મોટો આંચકો આપ્યો છે.

કોંગ્રેસે પોતાના સોશિયલ મીડિયા પર અશોક તંવર કોંગ્રેસમાં સામેલ થવાની માહિતી આપી છે. કોંગ્રેસે કહ્યું કે, પાર્ટી કોંગ્રેસે સતત શોષિત અને વંચિતોના અધિકારો માટે અવાજ ઉઠાવ્યો છે અને બંધારણની રક્ષા માટે સંપૂર્ણ ઈમાનદારી સાથે લડત આપી છે. અમારા સંઘર્ષ અને સમર્પણથી પ્રભાવિત થઈને આજે ભાજપના વરિષ્ઠ નેતા, પૂર્વ સાંસદ, હરિયાણામાં ભાજપની પ્રચાર સમિતિના સભ્ય અને સ્ટાર પ્રચારક અશોક તંવર કોંગ્રેસમાં જોડાયા. કોંગ્રેસ પરિવારમાં ફરી સ્વાગત છે, ભવિષ્ય માટે શુભકામનાઓ.

આ પણ વાંચો :-

ભાજપએ 5600 કરોડના ડ્રગ્સ જપ્તમાં આવ્યું કોંગ્રેસ નેતાનું નામ, ભાજપે સાધ્યું નિશાન

News Editor
-
0

ભારતીય જનતા પાર્ટીએ રૂ. 5 હજાર કરોડના આંતરરાષ્ટ્રીય ડ્રગ્સ સિન્ડિકેટ કેસને લઈને કોંગ્રેસ પર નિશાન સાધ્યું અને કહ્યું કે ડ્રગ સિન્ડિકેટના મુખ્ય આરોપી કોંગ્રેસના RTI સેલના વડા છે. આ અંગે ભાજપના સાંસદ સુધાંશુ ત્રિવેદીએ જણાવ્યું હતું કે, “ગઈકાલે દિલ્હીમાં રૂ. 5600 કરોડનું ડ્રગ્સ જપ્ત કરવામાં આવ્યું હતું. આ જથ્થો એટલા માટે નોંધપાત્ર છે કારણ કે યુપીએ સરકાર (2006-2013) દરમિયાન સમગ્ર ભારતમાં માત્ર રૂ. 768 કરોડના ડ્રગ્સ જપ્ત કરવામાં આવ્યું હતું. ” તેમણે કહ્યું કે 2014-2022 સુધીમાં ભાજપ સરકારે 22,000 કરોડ રૂપિયાના ડ્રગ્સ જપ્ત કર્યું છે.

ભાજપના નેતાએ દાવો કર્યો હતો કે મુખ્ય આરોપી અને ડ્રગ સિન્ડિકેટનો નેતા તુષાર ગોયલ ભારતીય યુથ કોંગ્રેસ આરટીઆઈ સેલના પ્રમુખ છે. તેમણે પૂછ્યું કે તેમની (તુષાર ગોયલ) સાથે કોંગ્રેસ પાર્ટીનું શું કનેક્શન છે?… શું કોંગ્રેસ પાર્ટી ચૂંટણીમાં આ પૈસાનો ઉપયોગ કરી રહી હતી?… શું કોંગ્રેસના કેટલાક નેતાઓનો ડ્રગ્સ સ્મગલરો સાથે કોઈ સંબંધ છે?

સુધાંશુ ત્રિવેદીએ કહ્યું કે હરિયાણા કોંગ્રેસના નેતા દીપેન્દ્ર હુડ્ડા સાથે તુષાર ગોયલનો ફોટો હાજર છે. લોકોને એ જાણવાનો અધિકાર છે કે તુષાર ગોયલનો તમારી સાથે શું સંબંધ છે? આ દરમિયાન તેમણે રાહુલ ગાંધી પર પણ નિશાન સાધતા કહ્યું કે લાગે છે કે હવે મોહબ્બતની દુકાનમાં માત્ર નફરતની વસ્તુઓ જ મળતી નથી, હવે નશો પણ મળે છે. તેમણે કહ્યું કે તેમની પાસે યુવા કોંગ્રેસના અધ્યક્ષ પદ માટે તુષાર ગોયલનો નિમણૂક પત્ર પણ છે, જેમાં રાહુલ ગાંધી અને સોનિયા ગાંધીનો પણ ઉલ્લેખ છે.

આ પણ વાંચો :-

ગુજરાતના આ વિસ્તારના ખેલૈયાઓ માટે વરસાદ બનશે ‘વિલન’

News Editor
-
0

આજથી નવદુર્ઘાની આરાધનાનો તહેવાર નવરાત્રી શરુ થયો છે. નવ રાત સુધી ખેલૈયાઓ ગરબે રમીને જગતજનની જગદંબાની આરાધના કરશે. તો બીજી તરફ ગુજરાતના માથે હજી પણ વરસાદી વિલન બનીને ફરી રહ્યો છે. દક્ષિણ ગુજરાત અને સૌરાષ્ટ્રના કેટલાક સ્થળોએ આજે વરસાદની આગાહી છે. જ્યારે છેલ્લા 24 કલાકમાં ગુજરાતમાં અમરેલી, તાપી અને સુરત જિલ્લાના કૂલ 7 તાલુકામાં વરસાદ નોંધાયો હતો. જેમાં સૌથી વધારે વરસાદ અમરેલીના ખાંભામાં સાડા ત્રણ ઈંચ વરસાદ ખાબક્યો હતો.

गुजरात में कल से गरबा उत्सव शुरू | गुजरात में कल से गरबे की धूम: बारिश के चलते 15-20% तक डूबे पास के बांध, जर्मन तकनीक से बने 7 फायर ड्रम डोम -

સ્ટેટ ઇમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે બુધવારે સવારે 6 વાગ્યાથી લઈને ગુરુવારે સવારે 6 વાગ્યા સુધીમાં 24 કલાકના સમયમાં ગુજરાતના અમરેલી, તાપી અને સુરત જિલ્લાના કૂલ 7 તાલુકામાં વરસાદ નોંધાયો હતો. જેમાં સૌથી વધારે વરસાદ અમરેલીના ખાંભામાં સાડા ત્રણ ઈંચ વરસાદ ખાબક્યો હતો.

હવામાન વિભાગની આગાહી પ્રમાણે આજે નવરાત્રીના પહેલા દિવસે દક્ષિણ ગુજરાત અને સૌરાષ્ટ્રના કેટલા વિસ્તારોમાં વરસાદ પડવાની શક્યતાઓ છે. ખાસ કરીને નર્મદા, સુરત, ડાંગ, તાપી, નવસારી, વલસાડ, દમણ, દાદરા નગર હવેલી ઉપરાંત અમરેલી, ગીર સોમનાથ તેમજ દીવમાં ભારે પવન સાથે વરસાદ પડવાની શક્યતા છે.

આ પણ વાંચો :-

સુરતમાં મેટ્રો વિભાગે વિશ્વાસઘાત કર્યો, વળતરની માંગ વેપારીઓનું સાથે વિરોધ પ્રદર્શન

News Editor
-
0

સુરત શહેરમાં ચાલી રહેલી મેટ્રોની ધીમી અને નબળી કામગીરીથી મેટ્રોની કામગીરી ચાલે છે તેની આસપાસના વેપારીઓની દિવાળી બગડે તેવી ભીતિ વ્યક્ત થઈ રહી છે. મેટ્રોની કામગીરી ચાલે છે તેની આસપાસના વેપારીઓની ધીરજ ખૂટી રહી છે. મસ્કતી હોસ્પિટલ નજીક મેટ્રો સ્ટેશન બનાવવાની કામગીરી માર્ચ-2023માં શરૂ થઈ હતી. આ માર્ગ બંધ કરી દેવાતા આ વિસ્તારની દુકાનો અને વેપાર-ધંધો ઠપ્પ થઈ ગયા હોવાથી લોકોનો આક્રોશ છે. તેના કારણે આ વેપારીઓએ આજે ટાવર ખાતે વિરોધ પ્રદર્શન કર્યું હતું અને રસ્તો ખોલી આપો અથવા વળતર આપોની માંગણી કરી હતી.

સુરતમાં મેટ્રોના કારણે વેપારીઓની દિવાળી પણ બગડશે: વળતરની માગ સાથે વેપારીઓનું વિરોધ પ્રદર્શન 2 - image

મેટ્રો દ્વારા અસરગ્રસ્ત દુકાનદારો સાથે 10 માસનો કરાર કરી વળતર ચૂકવવામાં આવી રહ્યું હતું. પરંતુ ત્યારબાદ મેટ્રોની કામગીરી હજી સુધી પૂર્ણ કરવામાં આવી નથી. એક તરફ દિવાળીનો તહેવાર નજીક છે અને બીજી તરફ અહીં આવેલ દુકાનદારોને ધંધા-વેપાર પણ ઠપ છે. જે કરાર કરવામાં આવ્યો હતો, તે પણ હાલ પૂર્ણ થઈ ચૂક્યો છે. જે કરાર પૂર્ણ થયા બાદ મેટ્રોના અધિકારીઓ દ્વારા વળતર આપવાનું પણ બંધ કરી દેવામાં આવ્યું છે. જેથી અસરગ્રસ્ત દુકાનદારો દ્વારા આજરોજ મોરચો માંડી મેટ્રોના અધિકારીઓ પ્રત્યે રોષ વ્યક્ત કરવામાં આવ્યો હતો. અસરગ્રસ્ત દુકાનદારોએ હાથમાં પ્લે કાર્ડ સાથે મેટ્રોના અધિકારીઓ સામે દેખાવ કર્યો હતો.

સુરતના કોટ વિસ્તારમાંથી પસાર થતી મેટ્રો માટે મસ્કતી હોસ્પિટલ નજીક મેટ્રો સ્ટેશન બનાવવાની કામગીરી માર્ચ-2023માં શરૂ થઈ હતી. તે સાથે જ મસ્કતી હોસ્પિટલથી મહિધરપુરા પોસ્ટ ઓફિસ સુધીનો માર્ગ બંધ કરી દેવાતા આ વિસ્તારની દુકાનોનો વેપાર-ધંધો ઠપ્પ થઈ ગયા છે. આ ઉપરાંત આસપાસના વિસ્તારમાં વેપારીઓની હાલત કફોડી થઈ ગઈ છે. પહેલા વળતર આપવામાં આવ્યું હતું હવે વળતર પણ અપાતું નથી અને રોજગાર બંધ હોવાનો આક્ષેપ વેપારીઓ કરી રહ્યાં છે.

આ વિસ્તારના વેપારીઓ દ્વારા પોતાની સમસ્યા દુર કરવા માટે રજૂઆત કરી હતી પરંતુ સમસ્યાનો હલ આવ્યો નથી. રજૂઆત બાદ કમ્પાઉન્ડ વોલ અને વળતરના પ્રશ્ને વિવાદ ઉભો થયો છે. સ્થાનિક વેપારીઓના જણાવ્યા પ્રમાણે મસ્કતી હોસ્પિટલ પાસે મેટ્રો કામગીરી શરૂ થઇ હોય પહેલા વેપારીઓ સાથે 10 મહિનાનું એમઓયુ કરાયું હતું અને વળતર ચૂકવાશે એવી ખાતરી અપાઈ હતી. ત્યારબાદ કામ પૂરું ન થતાં બીજા 9 મહિનાનું એમઓયુ કરાયું હતું. 19 મહિના બાદ ચારેય બાજુ કમ્પાઉન્ડ વોલ એટલે કે ડી-વોલ બનાવવાની વાત કરવામાં આવી હતી. જોકે, હવે માત્ર ટાવરની બાજુ જ કમ્પાઉન્ડ વોલ બનાવી છે.

આ પણ વાંચો :-

માસૂમ બાળકી સાથે દુષ્કર્મ કેસમાં રેકોર્ડબ્રેક 12 દિવસમાં 1700 પાનાની ચાર્જશીટ દાખલ

News Editor
-
0

દાહોદ જીલ્લાની સરકારી શાળામાં ધો. 1માં ભણતી બાળકી પર દુષ્કર્મ આચરી મોતને ઘાટ ઉતારનારા પ્રિન્સિપાલ સામે 1700 પાનાની ચાર્જશીટ દાખલ કરવામાં આવી છે. મજબૂત પુરાવાઓના આધારે ઘટનાના માત્ર 12 જ દિવસમાં આ કાર્યવાહી કરવામાં આવી હોવાનું ગૃહ રાજ્યમંત્રી હર્ષ સંઘવીએ જણાવ્યું હતું.રાજ્ય સરકારે આ કેસની ઝડપી સુનાવણી માટે સ્પેશિયલ પબ્લિક પ્રોસિક્યૂટર તરીકે અમિત નાયરની નિમણૂક કરી છે.

દેવગઢ બારીયામાં બકરા ચરાવતી સગીરાનું અપહરણ કરી દુષ્કર્મ, ગામના જ યુવક વિરુદ્ધ ફરિયાદ | Dahod News abduction of Minor and rape

હર્ષ સંઘવીએ સોશિયલ મીડિયા એક્સ પર લખ્યું, ગુજરાત પોલીસે એફ.એસ.એલની મદદથી ગુનાને લગતા જરૂરી વૈજ્ઞાનિક પુરાવાઓ મેળવી આરોપીને કડકમાં કડક સજા થાય તેવી મજબુત ચાર્જશીટ ફાઇલ કરી. કુલ 1700 પાનાનું ચાર્જશીટ તૈયાર કરવામાં આવી : 15 જેટલા સાહેદો ચેક કરવામાં આવ્યા. સમગ્ર કેસમાં સ્પેશિયલ પી.પી શ્રી અમિત નાયરની નિમણૂક કરવામાં આવી.

આ ચાર્જશીટમાં ડિજિટલ એવિડન્સ, ફોરેન્સિક ડીએનએ એનાલિસિસ, ફોરેન્સિક બાયોલિકલ એનાલિસિસનો સમાવેશ કરવામાં આવ્યો છે. એપિથિલિયલ કોષોએ શરીરની ત્વચા અને આંતરિક ભાગોમાં આવેલા કોષો છે, જે અત્યંત નાની માત્રામાં પણ મળી શકે છે. ક્રાઇમ દરમિયાન આવા કોષો મળી આવે ત્યારે ડીએનએ પરીક્ષણ દ્વારા શંકાસ્પદ વ્યક્તિનું ડીએનએ આ કોષો સાથે મેળ ખાતું હોય તો તે વ્યક્તિના ગુનામાં સંડોવાણી પુષ્ટિ થાય છે. આ ટેક્નોલોજી દ્વારા શારીરિક સંપર્કથી મળેલા સૂક્ષ્મ પુરાવાનો ઉપયોગ કરીને ગુનાખોરીમાં શંકાસ્પદોની ઓળખ અને ગુનાની સાબિતી આપવામાં ખૂબ જ મહત્વપૂર્ણ ભૂમિકા છે.

દાહોદ જિલ્લાના પીપળીયા ગામની નજીક આવેલી તોયણી પ્રાથમિક શાળામાં આ જ વર્ષે વિદ્યાર્થિનીએ ધોરણ-1માં એડમિશન લીધું હતું. નિયતક્રમ મુજબ 19મી સપ્ટેમ્બર (ગુરૂવાર) સવારે 10 વાગ્યે વિદ્યાર્થિની શાળાએ જવા નિકળી હતી. પરંતુ શાળાનો સમય પૂરો થઇ ગયો હોવા છતાં ઘરે પરત ફરી ન હતી. જેથી પરિવાર ચિંતામાં મુકાઇ ગયો હતો અને શોધખોળ શરૂ કરી દીધી હતી.

વિદ્યાર્થિનીના પરિવારજનો તપાસ કરવા માટે તોયણી પ્રાથમિક શાળાએ પહોંચ્યા હતા, પરંતુ ત્યાં સ્કૂલના મુખ્ય દરવાજાને તાળું લગાવેલું હોવાથી તેઓ દિવાલ કૂદીને અંદર ઘૂસ્યા હતાં. જ્યાં તપાસ દરમિયાન શાળામાંથી વિદ્યાર્થિની લાશ મળી આવી હતી. દીકરીનો મૃતદેહ જોઇને પરિવારજનોના પગ નીચેથી જમીન સરકી ગઇ હતી અને પરિવારજનો આઘાતમાં સરી પડ્યા હતા. ત્યારબાદ પરિવારજનો વિદ્યાર્થિનીને લઇને દવાખાને દોડ્યા હતા, પરંતુ ડોક્ટરે મૃત જાહેર કરી હતી.

આ પણ વાંચો :-

શેરબજારમાં ઈઝરાયેલ ઈફેક્ટ, રોકાણકારોના 10 લાખ કરોડ સ્વાહા

News Editor
-
0

ઈઝરાયેલ અને ઈરાન વચ્ચેના યુદ્ધને કારણે વિશ્વ તણાવમાં છે. તેની અસર વિશ્વભરના બજારો પર જોવા મળી રહી છે. ભારતીય શેરબજાર પણ આનાથી અછૂત ન રહ્યું અને ગુરુવારે બજાર ખુલતાની સાથે જ હંગામો મચી ગયો હતો. એક તરફ બોમ્બે સ્ટોક એક્સચેન્જનો 30 શેરનો સેન્સેક્સ 995.92 પોઈન્ટ અથવા 1.18% ના તીવ્ર ઘટાડા સાથે 83,270.37 પર ખુલ્યો હતો, જ્યારે નેશનલ સ્ટોક એક્સચેન્જનો નિફ્ટી પણ 269.80 પોઈન્ટ અથવા 1.05% ઘટીને 25,527 સ્ટાર પર બિઝનેસ કર્યો હતો. આ સમયગાળા દરમિયાન, બજારો ખૂલતાની સાથે જ ઘણી મોટી કંપનીઓના શેરો કાર્ડના પેકની જેમ તૂટી પડ્યા હતા.

શેર માર્કેટ ક્રેશ: 6000 અંક તૂટી સેંસેક્સ, રોકાણકારો 43 લાખ કરોડ સ્વાહા | પરિણામના દિવસે સેન્સેક્સમાં 3000 પોઈન્ટનો ઘટાડો થયો હતો

બજાર ટૂંક સમયમાં સુધરવાના સંકેતો દેખાતું હોવા છતાં, શરૂઆતના ઘટાડાથી રોકાણકારોના લગભગ રૂપિયા 10 લાખ કરોડનું ધોવાણ થયું હતું. બીએસઈ પર લિસ્ટેડ તમામ કંપનીઓની કુલ માર્કેટ કેપિટલાઇઝેશન મંગળવારની સરખામણીમાં રૂપિયા 5.63 લાખ કરોડ ઘટી હતી અને ગુરુવારે બજાર ખુલતાની સાથે જ રૂપિયા 4.69 લાખ કરોડ પર આવી ગયું હતું.

બજાર નિયમનકાર સેબી દ્વારા ફ્યુચર એન્ડ ઓપ્શન્સ (F&O) સેગમેન્ટના નિયમોને કડક બનાવવાના તાજેતરના નિર્ણય પર આજે બજારમાં પ્રતિક્રિયા જોવા મળી છે. મળતી માહિતી અનુસાર,આ નિયમોમાં સાપ્તાહિક એક્સપાયરી પ્રતિ એક્સચેન્જ એક સુધી મર્યાદિત કરવાનો અને કોન્ટ્રાક્ટનું કદ વધારવાનો સમાવેશ થાય છે. આના કારણે ટ્રેડિંગ વોલ્યુમમાં ઘટાડો થઈ શકે છે.

આ પણ વાંચો :-

સોનમ વાંગચુકની અટકાયત સામે આજે દિલ્હી હાઈકોર્ટમાં સુનાવણી

News Editor
-
0

સોનમ વાંગચુકની અટકાયત વિરુદ્ધ દાખલ કરવામાં આવેલી અરજી પર આજે દિલ્હી હાઈકોર્ટ સુનાવણી કરશે. ચીફ જસ્ટિસ મનમોહનની અધ્યક્ષતાવાળી બેંચ આ મામલે સુનાવણી કરશે. તમને જણાવી દઈએ કે, લદ્દાખથી દિલ્હી પહોંચેલા પર્યાવરણ કાર્યકર્તા સોનમ વાંગચુકને દિલ્હી બોર્ડર પર કસ્ટડીમાં લેવામાં આવ્યા હતા.

સોનમ વાંગે પક્ષે 21 તારીખ-હડતાળ સમટી, પણ આ આક્ષેપ - મુંબઈ સમાચાર

30 સપ્ટેમ્બરે લગભગ 120 લોકો સાથે લેહથી દિલ્હી આવી રહેલા સોનમ વાંગચુકના કાફલાને દિલ્હીની સિંધુ બોર્ડર પર રોકીને કસ્ટડીમાં લેવામાં આવ્યો હતો. તેઓ દિલ્હીના રાજઘાટ ખાતે મહાત્મા ગાંધીની સમાધિ પર વિરોધ કરવા આવી રહ્યા હતા. દિલ્હી પોલીસે છ દિવસ માટે ભારતીય ન્યાયિક સંહિતાની કલમ 163 લાગુ કરી છે. આ અંતર્ગત કોઈપણ વિરોધને મંજૂરી આપવામાં આવશે નહીં.

સોનમ વાંગચુકને ત્યારબાદ 2 ઓક્ટોબરે છોડી દેવામાં આવ્યા હતા. સોનમ વાંગચુક 2 ઓક્ટોબરે રાજઘાટ ગયા હતા અને મહાત્મા ગાંધીને શ્રદ્ધાંજલિ આપી હતી. દિલ્હી પોલીસે 6 દિવસ માટે ભારતીય ન્યાયિક સંહિતાની કલમ 163 લાગુ કરી હતી. આ અંતર્ગત કોઈપણ વિરોધને મંજૂરી આપવામાં આવશે નહીં.

સોનમ વાંગચુકની ધરપકડને લઈને રાજકીય ખળભળાટ મચી ગયો છે. વિરોધ પક્ષોએ અટકાયતની કાર્યવાહીનો વિરોધ કર્યો છે. આજે દિલ્હીના મુખ્યમંત્રી આતિશી સોનમ વાંગચુકને મળવા આવ્યા હતા, પરંતુ તેમને મળવા દેવાયા નહોતા. વાંગચુક લદ્દાખને સંપૂર્ણ રાજ્યનો દરજ્જો આપવાની અને બંધારણની છઠ્ઠી સૂચિમાં સમાવેશ કરવાની માંગ કરી રહ્યા છે. વાંગચુકે 1 સપ્ટેમ્બરથી લેહથી પોતાની યાત્રા શરૂ કરી હતી. આ યાત્રા લગભગ એક હજાર કિલોમીટરની હતી.

આ પણ વાંચો :-

1...631632633...1,473Page 632 of 1,473