Home Blog Page 620

હરિયાણામાં નાયબ સિંહ સૈની ભાજપના ધારાસભ્ય દળના નેતા તરીકે ચૂંટાયા

News Editor
-
0

હરિયાણા વિધાનસભા ચૂંટણીમાં ત્રીજી વખત જીત નોંધાવ્યા બાદ આજે બીજેપીના ધારાસભ્ય દળની બેઠક યોજાઈ હતી. આ બેઠકમાં કાર્યકારી સીએમ નાયબ સિંહ સૈનીને વિધાયક દળના નેતા તરીકે પસંદ કરવામાં આવ્યા છે. સૈની આજે બપોરે 2 વાગ્યાની આસપાસ રાજ્યપાલ બંડારુ દત્તાત્રેયને મળશે અને સરકાર બનાવવાનો દાવો રજૂ કરશે. નાયબ સિંહ સૈની 17 ઓક્ટોબરે પીએમ મોદી અને બીજેપીના વરિષ્ઠ નેતાઓની હાજરીમાં સીએમ તરીકે શપથ લેશે.

Nayab Singh Saini chosen as legislative party leader, set to take oath as Haryana CM - BusinessToday

મળતી માહિતી મુજબ, નિરીક્ષક કેન્દ્રીય ગૃહમંત્રી અમિત શાહ અને સીએમ મોહન યાદવની હાજરીમાં બીજેપી વિધાયક દળની બેઠક યોજાઈ હતી. આ સમય દરમિયાન, નાયબ સિંહ સૈનીના નામનો પ્રસ્તાવ ભૂતપૂર્વ કેબિનેટ મંત્રી અને ધારાસભ્ય અનિલ વિજે રજૂ કર્યો હતો, જેને તમામ ધારાસભ્યોનું સમર્થન મળ્યું હતું અને નાયબ સિંહ સૈનીને સર્વાનુમતે ધારાસભ્ય પક્ષના નેતા તરીકે પસંદ કરવામાં આવ્યા હતા.

જો કે ધારાસભ્ય દળની બેઠક પહેલા જ નાયબ સિંહના નામને મંજુરી આપવા અંગે જોરદાર ચર્ચા થઈ હતી. ભારતીય જનતા પાર્ટી દ્વારા અખબારોમાં એક જાહેરાત પ્રકાશિત કરવામાં આવી હતી જેમાં PM મોદી અને નાયબ સિંહ સૈનીની તસવીર હતી અને લોકોને આવતીકાલે પંચકુલામાં યોજાનારા શપથ ગ્રહણ સમારોહમાં હાજર રહેવા અપીલ કરવામાં આવી હતી. આ જાહેરાત સંકેત આપી રહી હતી કે, આજે મળનારી વિધાનસભ્ય દળની બેઠકમાં નાયબ સિંહ સૈનીના નામને મંજૂરી આપવામાં આવશે.

આ પણ વાંચો :-

સરકારી કર્મચારીઓ મળશે એડવાન્સમાં પગાર-પેન્શન, રાજ્ય સરકારનો નિર્ણય

News Editor
-
0

દીવાળીના તહેવારોને અનુલક્ષી રાજ્ય સરકારના કર્મચારીઓ માટે ખુશીના સમાચાર સામે આવ્યા છે. વાસ્તવમાં રાજ્ય સરકારના કર્મચારીઓને ઓક્ટોબર માસના પગાર-પેન્શનની એડવાન્સ ચુકવણી 23થી 25 ઓક્ટોબર દરમિયાન કરાશે. મુખ્યમંત્રી ભૂપેન્દ્ર પટેલે રાજ્ય સરકારના કર્મચારીઓ, નિવૃત્ત પેન્શનર્સ આગામી દિવાળીના તહેવારની ઉજવણી આનંદ ઉલ્લાસથી કરી શકે તે માટે મહત્વપૂર્ણ નિર્ણય કર્યો છે.

Palanpur News: CM ભૂપેન્દ્ર પટેલે રાજ્યવ્યાપી ગરીબ કલ્યાણ મેળાનો ડિસાથી પ્રારંભ કરાવ્યો, 12 લાખથી વધુ લાભાર્થીને સહાયતા અપાશે - CM Bhupendra Patel inaugurated ...

આ વર્ષે દિવાળીના તહેવારોને ધ્યાનમાં લઈને કર્મચારીઓને મળતા માસિક પગાર તેમજ પેન્શનર્સને પેન્શનની રકમની ચુકવણી એડવાન્સમાં કરવાનો નિર્ણય ગુજરાત સરકારે કર્યો છે. મુખ્યમંત્રી ભૂપેન્દ્ર પટેલે આ અંગે નાણાં વિભાગને આપેલા દિશાનિર્દેશ અનુસાર રાજ્ય સરકારના કર્મચારીઓ, પેન્શનર્સને ઓક્ટોબર માસની 23 થી 25 તારીખ દરમિયાન આ મહિનાના પગાર અને પેન્શનનું એડવાન્સ ચુકવણું કરવામાં આવશે. મુખ્યમંત્રી સમક્ષ વિવિધ કર્મચારી મંડળો, એસોસિએશન અને અગ્રણીઓની આ સંદર્ભમાં મળેલી રજૂઆતનો સકારાત્મક પ્રતિસાદ આપતા તેમણે ઓક્ટોબર-2024ના પગાર-પેન્શન એડવાન્સમાં ચૂકવવાનો આ નિર્ણય કર્યો છે.

આ પણ વાંચો :-

સુરતમાં બેફામ ટ્રક ચાલકે સાઇકલ સવાર વૃદ્ધને અડફેટે લેતા મૃત્યુ

News Editor
-
0

સુરતમાં માર્ગ અકસ્માતમાં બે બનાવમાં અડાજણમાં મધુવન સર્કલ પાસે મંગળવારે બપોરે સાયકલને વાહને ટક્કર મારતા ઈજા પામેલા કાપડ વેપારીના વૃદ્ધ પિતાનું મોત થયુ હતું. બીજા બનાવમાં ઉના પાટીયામાં મંગળવારે સવારે ખમણ વેચવા જતી વખતે સાયકલને ટ્રકે અડફેટે લેતા વૃદ્ધનું ઘટના સ્થળે મોત નીપજ્યું હતું.

સાયકલ સવાર પ્રભાકર મહાડે સવારમાં રસ્તો ક્રોસ કરવા જતા હતાં. ત્યારે ટ્રકે પૂરપાટ ઝડપે આવીને આધેડને અડફેટે લઈને 20 ફૂટથી વધુ ઘસડ્યા હતાં. જેથી તેમના શરીરના બે ટુકડા થઈ ગયા હતાં. સાથે જ અકસ્માતનો પ્રચંડ અવાજ પણ આવ્યો હતો. અકસ્માતની ટ્રક ચાલકને જાણ થતાં તેણે ટ્રકને બ્રેક મારી હતી. લોકો આસપાસથી ઘસી આવ્યા હતાં. હાલ ભેસ્તાન પોલીસ દ્વારા સમગ્ર અકસ્માતની વધુ તપાસ હાથ ધરવામાં આવી છે.

ભેસ્તાન રેલવે સ્ટેશન રો પર વૃંદાવન ટાઉનશીપમાં રહેતા 65 વર્ષીય પ્રભાકર પંઢેરી માહડે મંગળવાર સવારે સાયકલ પર વિવિધ જગ્યાએ ફેરી મારીને ખમણ વેચાણ કરવા નીકળ્યા હતા. તે વેળાએ પૂરઝડપે આવી રહેલી ટ્રકે ઉના પાટિયા ચાર રસ્તા પાસે સાયકલને ટક્કર મારી હતી. આ ટક્કર એટલી ભયંકર હતી કે ટ્રકના સાત ટાયર તેમના પર ફરી વળ્યા હતા. જેથી તેમને ગંભીર ઇજા થતા ઘટનાસ્થળે કમકમાટીભર્યું મોત થયું હતું. ટ્રક ફરી વળતાં આસપાસના લોકો દોડી આવ્યા હતા, વૃદ્ધના શરીરના ટુકડાં જોઇને લોકોના રૂવાડાં ઉભા થઇ ગયા હતા. આ સમગ્ર ઘટના સીસીટીવી કેદ થઇ છે. તે મુળ મહારાષ્ટ્રના અકોલાના વતની હતા. તેમને સંતાનમાં બે પુત્ર છે. આ અંગે ભેસાણ પોલીસે વધુ કાર્યવાહી હાથ ધરી છે.

આ પણ વાંચો :-

બિહારમાં લઠ્ઠા કાંડ, 7 ના મોત

News Editor
-
0

નશાબંધી રાજ્ય બિહારમાં ફરી એકવાર લઠ્ઠાકાંડની ઘટના બનતા હાહાકાર મચ્યો છે. જેના પગલે સાતથી વધુ લોકોના મોત થયા હોવાના અહેવાલો મળ્યા છે. જ્યારે 12થી વધુ લોકો બીમાર પડતાં હોસ્પિટલ ખસેડવામાં આવ્યા હતા. બિહારના સિવાન જિલ્લાના ભગવાનપુર વિસ્તારમાં સ્થિત માધર ગામમાં ઝેરી દારૂ પીવાથી આ મોત થયા હોવાનું ગ્રામજનોએ જણાવ્યું છે. જો કે, સત્તાવાર હાલ કોઈ ખાતરી કરવામાં આવી નથી.

What caused the Bihar stampede that killed 7 in Jehanabad? Key details | India News - Business Standard

સારણની ઘટના મશરક પોલીસ સ્ટેશન વિસ્તારના ઈબ્રાહીમપુર ગામમાં બની હતી, જે સિવાન જિલ્લાના ભગવાનપુર હાટ અને સારણ જિલ્લાના મશરક પોલીસ સ્ટેશન વિસ્તારની સરહદ પર છે. મશરખ પોલીસ સ્ટેશન વિસ્તારના ઈબ્રાહીમપુર ગામના રહેવાસી લતીફ મિયાંના પુત્ર ઈસ્લામુદ્દીન અન્સારી (30)નું ઝેરી દારૂ પીવાથી મોત થયું હતું. આલમ અંસારીના 29 વર્ષના પુત્ર મુમતાઝ અંસારી અને રિયાઝ અંસારીના 18 વર્ષના પુત્ર શમશાદ અંસારીની સારવાર ચાલી રહી છે. પોલીસ બંને યુવકોની દારૂ મંગાવવા, પીવા અને બીમાર પડવા અંગે પૂછપરછ કરી રહી છે.

ઝેરી દારૂ પીવાથી થયેલા મૃત્યુની વહીવટી સ્તરે પુષ્ટિ થઈ નથી, પરંતુ મૃતકોના આ નામો સામે આવ્યા છે – (1) કૌડિયા વૈશ્ય ટોલાના અરવિંદ સિંહ, 40 વર્ષ (2) રામેન્દ્ર સિંહ, 30 વર્ષ (3) મગહર પોખરાનો સંતોષ મહતો ઉંમર 35 વર્ષ (4) મુન્ના 32 (5) બ્રિજ મોહન સિંહ (6) મોહન સાહ, ગંગા સાહનો પુત્ર, ભગવાનપુર હાટ પોલીસ સ્ટેશનના રહેવાસી.

સારણ જિલ્લા વહીવટીતંત્ર દ્વારા જારી કરવામાં આવેલા નિવેદન અનુસાર, મસરક પોલીસ સ્ટેશન વિસ્તાર હેઠળના ઈબ્રાહીમપુર ગામના એક વ્યક્તિનું શંકાસ્પદ સ્થિતિમાં ભેળસેળયુક્ત દારૂ પીવાથી મોત થયું હોવાની માહિતી મળી છે. સારણ જિલ્લો. અન્ય બે વ્યક્તિઓને સામુદાયિક આરોગ્ય કેન્દ્ર મશરકના ડોકટરો દ્વારા સારવાર આપવામાં આવી રહી છે. પોલીસ ટીમ એક વ્યક્તિના શંકાસ્પદ મૃત્યુના સંદર્ભમાં તપાસ કરી રહી છે. પ્રાથમિક સારવાર બાદ મશરક સ્થિત સામુહિક આરોગ્ય કેન્દ્રના તબીબોએ બંને યુવકોને સારી સારવાર માટે છાપરા સ્થિત સદર હોસ્પિટલમાં રીફર કર્યા છે. આ ઉપરાંત નિયમોને અનુસરીને અન્ય કાર્યવાહી કરવામાં આવી રહી છે.

આ પણ વાંચો :-

જમ્મુ-કાશ્મીરના સીએમ બન્યા ઓમર અબ્દુલ્લા, બીજી વખત લીધા શપથ

News Editor
-
0

કલમ 370 હટાવ્યા બાદ ઓમર અબ્દુલ્લાએ આજે ​​કેન્દ્રશાસિત પ્રદેશ જમ્મુ અને કાશ્મીરના મુખ્યમંત્રી તરીકે શપથ લીધા. આ ઉપરાંત સુરેન્દ્ર ચૌધરીએ જમ્મુ-કાશ્મીરના નાયબ મુખ્યમંત્રી તરીકે શપથ લીધા છે. લેફ્ટનન્ટ ગવર્નર મનોજ સિન્હાએ શ્રીનગરમાં શેર-એ-કાશ્મીર ઇન્ટરનેશનલ કન્વેન્શન સેન્ટર ખાતે ઓમર અને તેમના મંત્રીઓને પદ અને ગુપ્તતાના શપથ લેવડાવ્યા હતા.

ઓમર અબ્દુલ્લા હશે જમ્મુ-કાશ્મીરના આગામી CM, પિતા ફારૂકે NCની ભવ્ય જીત પર કરી જાહેરાત – Gujaratmitra Daily Newspaper

શેર એ કાશ્મીર ઈન્ટરનેશનલ કન્વેન્શન સેન્ટરમાં આ કાર્યક્રમ યોજાયો હતો. રાહુલ ગાંધી અને પ્રિયંકા ગાંધી પણ આ કાર્યક્રમમાં જોવા મળ્યા હતા. ઉલ્લેખનીય છે કે આ પહેલા એવા અહેવાલ સામે આવ્યા હતા કે કોંગ્રેસ નેશનલ કોન્ફરન્સની સરકારને બહારથી ટેકો કરશે. તેમનો કોઈ નેતા મંત્રી પદ ગ્રહણ નહીં કરે. જેના પર ઓમર અબ્દુલ્લાહનું રિએક્શન સામે આવ્યું હતું અને તેમણે કહ્યું હતું કે કોંગ્રેસ અને અમારી વચ્ચે બધું બરાબર છે, કોઈ ગરબડ નથી.

નેશનલ કોન્ફરન્સના ઉપાધ્યક્ષ ઓમર અબ્દુલ્લા પ્રથમ વખત કેન્દ્રશાસિત પ્રદેશ અને બીજી વખત જમ્મુ-કાશ્મીરના મુખ્યમંત્રી બન્યા છે. આ અવસર પર INDIA ગઠબંધને તાકાતનું પ્રદર્શન કર્યું. કોંગ્રેસના નેતા રાહુલ ગાંધી અને પ્રિયંકા ગાંધી, NCP ના શરદ જૂથમાંથી સુપ્રિયા સુલે, PDP પ્રમુખ મહેબૂબા મુફ્તી, CPI ના ડી રાજા અને સમાજવાદી પાર્ટીના અધ્યક્ષ અખિલેશ યાદવ પણ શપથ ગ્રહણ સમારોહમાં હાજર રહ્યા હતા.

આ પણ વાંચો :-

મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક

News Editor
-
0

રાજ્યના પાટનગર ગાંધીનગરમાં આજે મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટ બેઠક મળી છે જેમાં PM મોદીના કાર્યક્રમો સંદર્ભે કેબિનેટમાં સમીક્ષા કરવામાં આવશે. PM મોદીના 28 ઓક્ટોબર તથા એકતા દિવસ કાર્યક્રમો બાબતે ચર્ચા કરાશે. ઉપરાંત રાજ્યમાં અતિવૃષ્ટિ બાદ બાકી સહાય સંદર્ભે તથા કૃષિ વિભાગે સર્વે પૂર્ણ કર્યા બાદ સહાય સંદર્ભે ચર્ચા કરવામાં આવશે. રાજ્યમાં યુરીયા ખાતરની ઘટ સંદર્ભે પણ ચર્ચા થશે તો રાજ્ય સરકારના આગામી આયોજનો અને નીતિગત બાબતો પર ચર્ચા કરવામાં આવશે.

CM Bhupendra Patel will go to Mumbai to pay tribute to Ratan Tata.CM Bhupendra Patel રતન ટાટાને શ્રદ્ધાંજલિ આપવા જશે મુંબઈ | Sandesh

આજે મુખ્યમંત્રી ભુપેન્દ્ર પટેલની અધ્યક્ષતામાં કેબિનેટ બેઠક શરૂ થઇ ગઇ છે. મહારાષ્ટ્ર પ્રવાસ હોવાથી બે મંત્રીઓ ઋષિકેશ પટેલ અને જગદીશ પંચાલ કેબિનેટમાં હાજર રહ્યા નથી. બેઠકમાં પીએમ મોદી ના કાર્યક્રમો સંદર્ભે સમીક્ષા કરવામાં આવી રહી છે. પીએમ મોદી ના ૨૮ ઓક્ટોબર તથા એકતા દિવસ કાર્યક્રમો બાબતે આ ચર્ચા થઇ રહી છે.

બીજી તરફ સરકારે મધ્યાહન ભોજનના સુપરવાઇઝરના માસિક વેતનમાં વધારો કર્યો છે. કરાર આધારીત સુપરવાઇઝરનું વેતન 25 હજાર કરાયું છે. ઉલ્લેખનિય છે કે સુપરવાઇઝરને અગાઉ 15 હજાર રુપિયા વેતન અપાતું હતું . આ કર્મચારીઓને ઓક્ટોબર માસના વેતનથી લાભ મળશે. આ મામલે શિક્ષણ વિભાગે સત્તાવાર પરિપત્ર કર્યો છે.

આ પણ વાંચો :-

મસ્જિદમાં ‘જય શ્રી રામ’ના નારા લગાવવા ગુનો નથી, કર્ણાટક હાઈકોર્ટે અરજી ફગાવી દીધી

News Editor
-
0

કર્ણાટક હાઈકોર્ટે મસ્જિદની અંદર ‘જય શ્રી રામ’ના કથિત નારા લગાવવાના મામલામાં મહત્ત્વનો ચુકાદો આપ્યો છે. હકીકતમાં, કોર્ટે બે લોકો સામે પોલીસ દ્વારા નોંધાયેલ ફોજદારી કેસને ફગાવી દીધો હતો. હાઈકોર્ટે કહ્યું કે, મસ્જિદમાં જય શ્રી રામના નારા લગાવવા બિલકુલ ખોટું નથી.

karnataka-high-court

આરોપીઓની અપીલ અરજી પર વિચાર કરીને આદેશ પસાર કરતી વખતે, જસ્ટિસ એમ. નાગપ્રસન્નાની આગેવાની હેઠળની સિંગલ બેંચે કહ્યું કે ‘જય શ્રી રામ’ના નારા લગાવવાથી કોઈ પણ સમુદાયની ધાર્મિક લાગણીઓને કેવી રીતે ઠેસ પહોંચશે તે સમજની બહાર છે. મસ્જિદમાં કથિત રીતે ‘જય શ્રી રામ’ના નારા લગાવવા બદલ આરોપીઓ પર IPCની કલમ 295A હેઠળ આરોપ મૂકવામાં આવ્યો હતો.

જોકે કન્નડ પોલીસ દ્વારા આ બંને વ્યક્તિઓ વિરુદ્ધ ભારતીય ન્યાય સહિતા અનુસાર કલમ 295 એ, 447 અને 506 સહિત અનેક કલમો દાખલ કરીને કેસ તૈયાર કર્યો હતો. ત્યારે આરોપીઓએ પોતાના ઉપર લગાવવામાં આવેલા ગુનાઓને પડકાર આપતી અરજી કર્ણાટક હાઈકોર્ટેમાં કરી હતી. તેથી કર્ણાટક હાઈકોર્ટેએ કેસની જીણવટ તપાસ કરીને તેમને નિર્દોષ જાહેર કર્યો છે. તે ઉપરાંત કન્નડ પોલીસે તેમની વિરુદ્ધ દાખલ કરાવમાં આવેલા તમામ ગુનાઓને રદ કરવાની સૂચના પાઠવી છે.

હાઈકોર્ટની બેન્ચે તેના ચુકાદામાં કહ્યું કે ફરિયાદી જ કહે છે કે સંબંધિત ક્ષેત્રમાં હિન્દુ અને મસ્લિમો સદભાવના સાથે રહે છે. બેન્ચે ધ્યાન દોરતાં કહ્યું કે અરજદારો વિરુદ્ધ આગળની કાર્યવાહીની મંજૂરી આપવી એ કાનૂની પ્રક્રિયાનો દુરુપયોગ ગણાશે. સુપ્રીમકોર્ટના આદેશનો હવાલો આપતાં બેન્ચે કહ્યું કે કોઈ પણ અને દરેક કાર્ય આઈપીસીની કલમ 295 એ હેઠળ ગુનો નહીં ગણાય. કર્ણાટક પોલીસે પણ આરોપ મૂક્યો હતો કે આરોપી વ્યક્તિ 24 સપ્ટેમ્બર 2023ની રાત્રે મસ્જિદની અંદર ઘૂસ્યો અને જય શ્રી રામની નારેબાજી કરવા લાગ્યો હતો. તેના પર ધમકી આપવાનો પણ આરોપ હતો. જ્યારે ફરિયાદ નોંધવામાં આવી તો આરોપીઓને અજાણ્યા વ્યક્તિ તરીકે બતાવાયો અને બાદમાં ધરપકડ કરવામાં આવી.

આ પણ વાંચો :-

૧૬ ઓક્ટોબર, ૨૦૨૪/ આ રાશિ માટે બુધવારના દિવશે પરિવારના તમામ સભ્યો સાથે આનંદ-ઉત્સાહ વધતો, આજ દિવસે દરમ્યાન આવકનું પ્રમાણ ઘટતું, જાણો આજનું રાશિ ભવિષ્ય

News Editor
-
0

મેષઃ

આત્મવિશ્વાસમાં વધારો થાય. આર્થિક બાબતો માટે સામાન્ય દિવસ. પરિવારમાં આનંદનું વાતાવરણ પેદા થાય. માતાની તબિયત જળવાય. માતૃસુખ વધે. નવા રોકાણો ટાળવા. વાહન ચલાવતી વખતે કાળજી જરૂરી. આરોગ્ય સાચવવું. દામ્પત્ય જીવનમાં સ્નેહ વધે.

વૃષભઃ

નાણાંકીય બાબતો અંગે શુભ. પરિવારના સભ્યોથી આનંદ. નવા રોકાણો યોગ્ય રીતે કરી શકાય. સંતાન સંબંધી ચિંતા રહે. સ્વાસ્થ્ય અંગે સાવધાની જરૂરી. દામ્પત્ય સુખમાં મિશ્રફળ. ભાગ્ય બળવાન. ધંધાકીય ક્ષેત્રે રાહત. લક્ષ્મીનો વખતસર લાભ મળે.

‌મિથુનઃ

સ્વભાવમાં સરળતા, નિખાલસતા વર્તાય. આવકનું પાસુ મજબૂત બને. ધંધામાં પ્રગતિ થતા આવકનું પ્રમાણ વધે. પરિવારમાં થોડી ઉગ્રતા વર્તાય. લોહી સંબંધી રોગોથી સાવચેતી જરૂરી. સાંસારિક બાબતોમાં અસંતોષ. આકસ્મિક ધનલાભ શક્ય.

કર્કઃ

નસીબ બળવાન બને છે. ભાગ્યના જોરે કાર્યમાં વધુ સફળતા મળતી જણાય. આદ્યાત્મિકતામાં વધારો થાય. યાત્રા-પ્રવાસના યોગ બને છે. માતૃપક્ષથી લાભ. ધંધાકીય ક્ષેત્રે સફળતા. આરોગ્ય બાબતે આનંદ દામ્પત્ય ક્ષેત્રે મધ્યમ.

‌સિંહઃ

માનસિક ઉચાટ રહે. આવકનું પ્રમાણ ઘટે. પરિવારમાં શાંતિ રહે. અગત્યના નાણાંકીય રોકાણો મુલતવી રાખવી. માતાની તબિયતની કાળજી જરૂરી. સંચાન સંબંધીચિંતા રહે. શરદી-ખાંસીનો ઉપદ્રવ રહે.

કન્યાઃ

બુધ્ધિથી કાર્યસફળતા મળતી જણાય. એડવોકેટ, વિમા સંબંધી ક્ષેત્રોથી વધુ લાભની શક્યતા. પરિવારના તમામ સભ્યો સાથે સ્નેહનું વાતાવરણ રહે. હૃદયમાં અકારણ અજંપો રહે. આરોગ્ય સારૂ રહે.

તુલાઃ

અણગમતા પ્રસંગો બને. આર્થિક બાબતો અંગે સામાન્ય દિવસ. પરિવારમાં અસંતોષનું વાતાવરણ રહે. માતૃસુખ સારૂં. નવા રોકાણો ટાળવા. પરિવારની તબિયત સાચવવી. ભાગ્ય જળવાય. ધાર્મિક યાત્રા-પ્રવાસ શક્ય બને. પેટના રોગોથી સાચવવું.

વૃ‌શ્ચિકઃ

આવક જળવાય. ઉત્સાહ વધે. પરિવારમાં શાંતિ રહે. નવા રોકાણો યોગ્ય રીતે થાય. સ્થાવર જંગમ મિલકતથી લાભ. સંતાન સુખ ઉત્તમ સંતાનની પ્રગતિથી આનંદ. વિદ્યાર્થીવર્ગને સફળતા. આરોગ્ય સારૂ.

ધનઃ

દિવસ દરમ્યાન આનંદનો અનુભવ થશે. આવકનો સ્ત્રોત જળવાશે. પરિવારમાં થોડો વાદ-વિવાદ રહે. કાર્યક્ષેત્રે સફળતા મળતી જણાય. આર્થિક રોકાણો ફાયદાકારક નીવડશે. નોકરી-ધંધામાં પ્રગતિ થતી જણાય. શરદી-ખાંસી રહે.

મકરઃ

માનસિક રીતે આનંદ ઉમંગ જળવાય. ઉદાર દીલ તથા પરોપકારની ભાવના પ્રબળ બને. ખોટા ખર્ચા ટાળવા. પરિવારમાં આનંદ ઉત્સાહ વધે. શુભ પ્રસંગનું આયોજન શક્ય બને. જીવનસાથી સાથે પ્રેમભાવમાં વધારો થાય.

કુંભઃ

આત્મવિશ્વાસમાં વધારો થાય. આર્થિક પાસુ મજબૂત બને. નવી આવકના રસ્તા ખુલે. સ્થાવર-જંગમ મિલકતથી લાભ. ભાગ્ય બળવાન બને છે. ધંધાકીયક્ષેત્રે સફળતા.

મીનઃ

અંતર્મુખી, થોડો સ્વાર્થી અને થોડો અભિમાની સ્વભાવ રહે. અનાજ, ઓઇલ, પેટ્રોલ, ન્યાયક્ષેત્રે સંબંધિત કાર્યોમાં વિશેષ લાભ. દામ્પત્ય જીવનમાં આનંદમાં વધારો. પિતાની કાળજી રાખવી જરૂરી. સંતાન સુખ સારૂ આરોગ્ય મધ્યમ.

સુરતમાં વેપારી જીમના ટ્રેડમિલ પર ચાલતા અચાનક ઢળી પડ્યો, CPR આપવા છતાં ન બચ્યો જીવ

News Editor
-
0

સુરતમાં કાપડના વેપારી જીમમાં કસરત કરતી વખતે અચાનક ઢળી પડ્યા હતા. વેપારીને CPR આપ્યા છતાં જીવ બચી શક્યો નહોતો. વેપારીને કસરત કરતી વખતે હાર્ટ એટેક આવતા ટ્રેડમિલ પરથી નીચે પડી ગયા હતા. આ સમગ્ર ઘટના સીસીટીવી કેમેરામાં કેદ થઈ છે.

મળતી માહિતી અનુસાર, સુરતના ભટાર વિસ્તારમાં કાપડના વેપારી દ્વારકાદાસ મારુ (60 વર્ષ) જીમમાં ટ્રેડમિલ પર ચાલી રહ્યા હતા. આ દરમિયાન તે અચાનક ઢળી પડતા જીમમાં હાજર લોકો ભેગા થયા હતા અને વેપારીને CPR આપી ભાનમાં લાવવાનો પ્રયાસ કરવામાં આવ્યો હતો. જો કે, વેપારીને ભાનમાં ન આવતા તેને હોસ્પિટલ લઈ જવાયા હતા. પરંતુ તબીબે વેપારીને મૃત જાહેર કર્યા હતા. હાર્ટ એટેક આવ્યો હોવાથી દ્વારકાદાસનું મૃત્યુ થયું હોવાનું જાણવા મળ્યું હતું.

જીમમાં હાજર કોઈને પણ ખ્યાલ ન હતો કે અચાનક શું થઈ ગયું? દરરોજની જેમ, તેઓ સામાન્ય રીતે ટ્રેડમિલ પર ચાલી રહ્યા હતા અને તેની બાજુમાં એક વ્યક્તિ પણ તે જ રીતે ટ્રેડમિલ પર ચાલી રહ્યો હતો. પરંતુ અચાનક જ તેઓ નીચે ઢળી પડ્યા હતા. તેમને જોઈ જીમમાં તમામ લોકો દોડીને તેમની પાસે આવી ગયા. તેમને સતત સીપીઆર આપવાનો પ્રયાસ પણ કરવામાં આવ્યો હતો. પરંતુ તેમનું મોતની થયું હતું. 14મીએ સવારે 6:55 કલાકે બનેલી કઇ ઘટના CCTV કેમેરામાં કેદ થઇ હતી.

આ પણ વાંચો :-

વિદેશ મંત્રી જયશંકર મંગળવારે SCO સમિટમાં ભાગ લેવા પહોંચ્યા પાકિસ્તાન

News Editor
-
0

ભારતના વિદેશ મંત્રી ડૉ. જયશંકર SCO પરિષદની 23મી બેઠકમાં ભાગ લેવા પાકિસ્તાન પહોંચ્યા છે. શાંઘાઈ કોઓપરેશન ઓર્ગેનાઈઝેશનની બેઠકમાં ભાગ લેવા માટે 9 વર્ષ બાદ કોઈ ભારતીય વિદેશ મંત્રી પ્રથમ વખત પાકિસ્તાન પહોંચ્યા છે. ભારતીય વિદેશ મંત્રીની આ મુલાકાત ઘણી મહત્ત્વપૂર્ણ છે. તેમણે હાલમાં જ કહ્યું હતું કે, કોઈપણ પાડોશી દેશની જેમ ભારત પણ પાકિસ્તાન સાથે વધુ સારા સંબંધો ઈચ્છે છે. પરંતુ, સરહદ પારના આતંકવાદને નજરઅંદાજ કરીને આ કરી શકાય નહીં.

એસ જયશંકર જશે પાકિસ્તાન, સુષ્મા સ્વરાજે 9 વર્ષ પહેલા પાડોશી દેશની મુલાકાત લીધી હતી |S Jaishankar will go to Pakistan Sushma Swaraj visited the neighboring country 9 years ago

પાકિસ્તાનના વડાપ્રધાન શહેબાઝ શરીફ ડિનરનું આયોજન કરશે અને તેની સાથે જ SCO સમિટ શરૂ થશે. છેલ્લા ઘણા સમયથી બંને પાડોશી દેશોના સંબંધોમાં ચાલી રહેલા તણાવ વચ્ચે ભારત તરફથી પાકિસ્તાનની આ પ્રથમ ઉચ્ચ સ્તરીય મુલાકાત છે.

મહત્ત્વપૂર્ણ છે કે, બંને પક્ષોએ SCO સરકારના વડાઓની સમિટ સિવાય ડૉ. જયશંકર અને તેમના પાકિસ્તાની સમકક્ષ ઇશાક ડાર વચ્ચે કોઈપણ દ્વિપક્ષીય વાતચીતનો ઇનકાર કર્યો છે. પાકિસ્તાનની મુલાકાત લેનાર ભારતના છેલ્લા વિદેશ મંત્રી સુષ્મા સ્વરાજ હતા. તે અફઘાનિસ્તાન પર યોજાયેલી એક કોન્ફરન્સમાં ભાગ લેવા માટે ડિસેમ્બર 2015માં ઈસ્લામાબાદ ગયા હતા. પાકિસ્તાને ઓગસ્ટમાં વડાપ્રધાન નરેન્દ્ર મોદીને SCO સમિટમાં ભાગ લેવા આમંત્રણ આપ્યું હતું.

આ પણ વાંચો :-

1...619620621...1,473Page 620 of 1,473