સુરતમાં આગની ઘટના સામે આવી છે. પલસાણા તાલુકાના કડોદરા જીઆઈડીસીમાં આવેલી એક ડાઇંગ મિલમાં આગ લાગી હતી. ડાઈંગ મિલ કંપનીના બોઈલરમાં આજ રોજ સવારે આગની ઘટના બની હતી. જોત જોતામાં આગે વિકરાળ સ્વરૂપ ધારણ કરતાં બોઈલર અને ચીમની ભડકે સળગી ઉઠ્યા હતા. બનાવને પગલે ફાયર વિભાગની ટીમ ઘટના સ્થળે પહોંચી હતી.
ફાયર વિભાગ દ્વારા આગને કાબૂમાં લેવાના પ્રયાસો હાથ ધરવામાં આવ્યા હતા. કયાં કારણોસર આગ લાગી તે હાજુ જાણવા મળ્યું નથી. ફાયર વિભાગ દ્વારા હાલ આગ પર કાબૂ મેળવવાના પ્રયાસો હાથ ધરવામાં આવી રહ્યા છે.
આ પણ વાંચો :-
ઉત્તર પ્રદેશની પેટાચૂંટણી માટે ભાજપે આજે ગુરુવારે પોતાના ઉમેદવારોની યાદી જાહેર કરી છે. ભાજપે સાત ઉમેદવારોના નામ જાહેર કર્યા છે. ભાજપની યાદી મુજબ, કુંડરકીથી રામવીર સિંહ ઠાકુરને મેદાનમાં ઉતારવામાં આવ્યા છે. સંજીવ શર્માને ગાઝિયાબાદ સદરથી ઉમેદવાર બનાવવામાં આવ્યા છે. જ્યારે સુરેન્દ્ર દિલેર ખેરથી ચૂંટણી લડશે. ગાઝિયાબાદ અને ખેરમાં ભાજપ ખૂબ જ મજબૂત માનવામાં આવે છે. દીપક પટેલને ફુલપુરથી મેદાનમાં ઉતારવામાં આવ્યા હતા.
સમાજવાદી પાર્ટીના (સપા) પ્રમુખ અખિલેશ યાદવના રાજીનામાને કારણે કરહાલ બેઠક ખાલી પડી હતી. આ ખાલી બેઠક પર પાર્ટીએ અનુજેશ યાદવને ઉમેદવાર તરીકે પસંદ કરવામાં આવ્યા છે. તેઓ આ વિસ્તારની સ્થાનિક રાજનીતિમાં વળાંક લાવવાનો પ્રયત્ન કરશે. સપાએ અહીં પૂર્વ સાંસદ તેજ પ્રતાપ યાદવને ટિકિટ આપી છે. તેમણે એક મજબૂત ઉમેદવાર તરીકે આ બેઠક પર ચૂંટણી લડવાની તૈયારી કરી છે. અખિલેશ યાજવ આ બેઠકને ફરીથી જીતવા માટે પૂરી તૈયારીઓ કરી રહ્યા છે. બીજી તરફ ભાજપે ફુલપુરમાંથી દીપક પટેલને ઉમેદવાર બનાવ્યા છે. કથેરી બેઠક પરથી ધર્મરાજ નિષાદને ટિકિટ આપવામાં આવી છે. ઉપરાંત સૂચિસ્મિતા મૌર્ય ભાજપની ટિકિટ પર મઝવાનથી ચૂંટણી લડશે.
ભાજપના ઉમેદવારોની યાદી
2022ની વિધાનસભા ચૂંટણીમાં સમાજવાદી પાર્ટીએ સિસામઉ, કટેહરી, કરહલ, મિલ્કીપુર અને કુંડરકી પર કબજો કર્યો હતો, જ્યારે ભાજપે ફુલપુર, ગાઝિયાબાદ અને ખેર જીતી હતી. મીરાપુર સીટ આરએલડી પાસે હતી જ્યારે મઝવાં સીટ નિષાદ પાર્ટીએ જીતી હતી. જેમાંથી ત્યાંના ધારાસભ્યો લોકસભામાં સાંસદ તરીકે ચૂંટાયા બાદ આઠ બેઠકો ખાલી પડી છે, જ્યારે ફોજદારી કેસમાં સજા પામેલા સપાના ધારાસભ્ય ઈરફાન સોલંકીને ગેરલાયક ઠેરવવાને કારણે સિસામઉ બેઠક પર પેટાચૂંટણી યોજાઈ રહી છે.
આ પણ વાંચો :-
મહારાષ્ટ્ર વિધાનસભા ચૂંટણીને લઈને વધી રહેલી રાજકીય ગતિવિધિ વચ્ચે ડેપ્યુટી CM અજિત પવારની આગેવાની હેઠળની રાષ્ટ્રવાદી કોંગ્રેસ પાર્ટીએ 38 ઉમેદવારોની પ્રથમ યાદી આજે બુધવારે જાહેર કરી છે. આ યાદી અનુસાર, અજિત પવાર પોતે બારામતી બેઠક પરથી વિધાનસભા ચૂંટણી લડશે જ્યારે છગન ભુજબળ યેવલા બેઠક પરથી ચૂંટણી લડશે. પાર્ટીના નેતા દિલીપ વલસે પાટીલ આંબેગાંવ બેઠક પરથી ચૂંટણી લડશે. અજિત પવારની NCPએ કાગલ સીટ પરથી હસન મુશ્રીફને ટિકિટ આપી છે જ્યારે ધનંજય મુંડે પરલી સીટ પરથી ચૂંટણી લડશે.
મહારાષ્ટ્ર વિધાનસભા ચૂંટણી માટે ઉમેદવારોના નામોની જાહેરાત ચાલી રહી છે. રાષ્ટ્રવાદી કોંગ્રેસ પાર્ટી, જે શાસક ગઠબંધનનો ભાગ છે, તેણે ઉમેદવારોની પ્રથમ યાદી જાહેર કરી છે. પાર્ટીના સુપ્રીમો અને મહારાષ્ટ્ર સરકારમાં નાયબ મુખ્યમંત્રી અજિત પવાર બારામતીથી ચૂંટણી લડશે. જણાવી દઈએ કે ભાજપ, NCP અને શિવસેના વચ્ચે સીટની વહેંચણી હજુ નક્કી થઈ નથી. જોકે, ત્રણેય પક્ષો પરસ્પર સમજણથી ઉમેદવારોની જાહેરાત કરી રહ્યા છે. જણાવી દઇએ કે, NCPની પ્રથમ યાદીમાં 38 ઉમેદવારોનો સમાવેશ થાય છે. ધનંજય મુંડેને પરલીથી, દિલીપ વલસે પાટીલને અંબેગાંવથી, આશુતોષ કાલેને કોપરગાંવથી ઉમેદવાર બનાવવામાં આવ્યા છે.
રાજકુમાર બડોલે ગઈ કાલે NCPમાં જોડાયા હતા. તેમની ઉમેદવારી આજે જાહેર કરવામાં આવી હતી. રાજેશ વિટ્ટેકરની માતા નિર્મલા વિટ્ટેકરને પણ ટિકિટ મળી છે. પ્રકાશ સોલંકેએ તેમના પુત્ર માટે ટિકિટની માંગણી કરી હતી, પરંતુ NCP એ તેમને ઉમેદવાર બનાવ્યા છે. હિરામન ખોસ્કર અને સુલભા ખોડકે કોંગ્રેસમાંથી NCPમાં જોડાયા અને પાર્ટીએ તેમની ઉમેદવારી જાહેર કરી છે. અજિત પવારની પાર્ટીએ કલવા મુંબ્રા બેઠક પરથી જિતેન્દ્ર અવદ સામે મુસ્લિમ ચહેરા તરીકે નાઝીમ મુલ્લાને ઉમેદવાર બનાવ્યા છે.
આ પણ વાંચો :-
સુરતમાં અકસ્માતોની વણઝાર ચાલતી હોય તેમ એક બાદ એક અકસ્માત સર્જાઈ રહ્યાં છે. ત્યારે ડભોલી વિસ્તારમાં એક સ્કૂલ વેન પલટી મારી ગઈ હતી. સામેથી આવેતી કારએ ટક્કર માર્યા બાદ 7 વિદ્યાર્થીઓ સાથેની કાર પલટી ગઈ હતી.સ્કૂલ વેન પલટી ખાઈ જવાની જાણ થતા વિદ્યાર્થીઓના વાલીઓના જીવ તાળવે ચોંટી ગયા હતાં.
મળતી માહિતી પ્રમાણે, શહેરના ડભોલી વિસ્તારમાં આવેલા એલ પી સવાણી રોડ પર વાત્સ્લય સ્કૂલના 7 જેટલા વિદ્યાર્થી ભરેલી વેન પલટી મારી ગઈ હતી. અન્ય એક કારે સ્કૂલ વેનને ટક્કર મારી હતી, જેથી સ્કૂલ વેનના ડ્રાઈવરે સ્ટિયરિંગ પરથી કાબૂ ગુમાવી દીધો હતો, જેના કારણે વેન પલટી ગઈ હતી. ઘટના બાદ આસપાસના લોકોનું ટોળુ એકઠું થઈ ગયું હતું, જેમણે બાળકોને સલામત રીતે બહાર કાઢ્યા હતા. બાદમાં ઈજાગ્રસ્ત બાળકોને હોસ્પિટલ ખસેડવામાં આવ્યા.
આ પણ વાંચો :-
મુંબઈમાં બાબા સિદ્દીકી હત્યા કેસની તપાસ કરી રહેલી મુંબઈ ક્રાઈમ બ્રાન્ચે ખુલાસો કર્યો છે કે, શૂટરો લોરેન્સ બિશ્નોઈના ભાઈ અનમોન બિશ્નોઈના સીધા સંપર્કમાં હતા. અધિકારીઓને ખાતરી છે કે બાબા સિદ્દીકીની હત્યા પાછળ બિશ્નોઈ ગેંગનો હાથ છે, જોકે હત્યાનું કારણ જાણી શકાયું નથી.
મહારાષ્ટ્રના પૂર્વ મંત્રી અને NCP નેતા બાબા સિદ્દીકી મર્ડર કેસની તપાસ દરમિયાન મુંબઈ ક્રાઈમ બ્રાન્ચને પહેલીવાર લોરેન્સ બિશ્નોઈના ભાઈ અનમોલ બિશ્નોઈની શૂટર્સ સાથે સીધી કડી મળી છે. હત્યાના શંકાસ્પદ ત્રણ શૂટરોએ હત્યા પહેલા ઇન્સ્ટન્ટ મેસેજિંગ એપ (સ્નેપચેટ) દ્વારા જેલમાં બંધ ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈ સાથે વાતચીત કરી હતી. અનમોલ બિશ્નોઈ શૂટર અને કાવતરાખોર પ્રવીણ લોંકરના સંપર્કમાં પણ હતો. અનમોલ કેનેડા અને અમેરિકાથી આરોપીઓના સંપર્કમાં હતો. આરોપીઓ પાસેથી ચાર મોબાઈલ ફોન પણ જપ્ત કરવામાં આવ્યા છે.
ક્રાઈમ બ્રાન્ચે બાબા સિદ્દીકી હત્યા કેસમાં અત્યાર સુધીમાં 10 ધરપકડ કરી છે. જેમાં બે શૂટર્સ અને એક હથિયાર સપ્લાયરનો સમાવેશ થાય છે. બાબા સિદ્દીકી હત્યા કેસમાં શૂટર શિવકુમાર ગૌતમ અને ફરાર આરોપી સ્નેપચેટ દ્વારા એકબીજાના સંપર્કમાં હતા અને સૂચના મળ્યા બાદ તરત જ મેસેજ ડિલીટ કરી દેતા હતા. એ જ રીતે, જ્યારે ધરપકડ કરાયેલા આરોપીઓની સ્નેપચેટ્સની ઝીણવટભરી તપાસ કર
કોંગ્રેસના મહાસચિવ પ્રિયંકા ગાંધી વાડ્રાએ આજે રોડ શો બાદ વાયનાડ લોકસભા સીટ પરથી ઉમેદવારી નોંધાવી હતી. રાહુલ ગાંધીના રાજીનામા બાદ આ સીટ ખાલી પડી હતી. ઉમેદવારી નોંધાવતા સમયે પ્રિયંકા ગાધીની સાથે કોંગ્રેસ અધ્યક્ષ મલ્લિકાર્જુન ખડગે, તેમની માતા સોનિયા ગાધી અને રાહુલ ગાંધી હાજર હતા. અહીં સૌથી મોટી વાત જણાવી દઇએ કે, પ્રિયંકા ગાંધીએ પહેલીવાર કોઈ ચૂંટણી માટે ઉમેદવારી નોંધાવી છે.
પ્રિયંકા ગાંધીએ વાયનાડમાં નોમિનેશન ભરતા પહેલા રોડ શો કર્યો હતો. આ રોડ શોમાં કોંગ્રેસ અધ્યક્ષ મલ્લિકાર્જુન ખડગે, પૂર્વ પાર્ટી પ્રમુખ સોનિયા ગાંધી અને રાહુલ ગાંધી હાજર રહ્યાં હતા. રાહુલ ગાંધી અને પ્રિયંકા ગાંધીએ સવારે 11 વાગ્યા બાદ કલપેટ્ટા ન્યૂ બસ સ્ટેન્ડથી રોડ શોની શરૂઆત કરી હતી. રોડ શો બાદ પ્રિયંકા ગાંધીએ ચૂંટણી જનસભાને સંબોધી હતી.
2024ની લોકસભા ચૂંટણીમાં બંને બેઠકો પરથી જીત્યા બાદ રાહુલ ગાંધીએ અમેઠીને જાળવી રાખવાનો નિર્ણય કર્યો હતો. આ કારણે વાયનાડ સીટ ખાલી પડી અને ભાજપએ વાયનાડ લોકસભા પેટા ચૂંટણી માટે પ્રિયંકા ગાંધી સામે નવ્યા હરિદાસને મેદાનમાં ઉતાર્યા છે. વ્યવસાયે મિકેનિકલ એન્જિનિયર નવ્યાએ 2007માં બી.ટેક. પૂર્ણ કર્યું છે. હાલ તેઓ કોઝિકોડ કોર્પોરેશનમાં કાઉન્સિલર છે અને ભાજપ મહિલા મોરચાના રાજ્ય મહા સચિવ તરીકે પાર્ટી માટે કામ કરે છે.
ભાજપ પ્રવક્તા શહેઝાદ પૂનાવાલાએ વાયનાડ પેટાચૂંટણીને લઈને મોટું નિવેદન આપતા કહ્યું કે રાહુલ ગાંધીએ વાયનાડની જનતાની માફી માંગવી જોઈએ, કારણ કે તેમણે અહીંના લોકોનો બેકઅપ તરીકે ઉપયોગ કર્યો છે. જ્યારે અમેઠીએ તેમને નકારી કાઢ્યા ત્યારે વાયનાડે તેમને સ્વીકાર્યા હતા. તેમણે વાયનાડના લોકોને જાણ કર્યા વિના બીજી બેઠક પરથી ચૂંટણી લડી હતી. તેમને લાગે છે કે તે ફેમિલી એસ્ટેટ અથવા પ્રાઈવેટ લિમિટેડ કંપની છે.
આ પણ વાંચો :-
‘દાના’ વાવાઝોડું બંગાળની ખાડી તરફ ઝડપથી આગળ વધી રહ્યું છે. આ વાવાઝોડાથી ઓડિશા સૌથી વધુ પ્રભાવિત થશે. તેને ધ્યાનમાં રાખીને ઓડિશા સરકારે વિવિધ તૈયારીઓ કરી છે. ઓડિશા સરકારે રાજ્યના બે મુખ્ય મંદિરો જગન્નાથ મંદિર અને કોણાર્ક મંદિરને ભક્તો માટે બંધ કરી દીધા છે. આ આદેશ હાલમાં 25 ઓક્ટોબર સુધી અમલમાં છે. આ પછી સ્થિતિનું મૂલ્યાંકન કરવામાં આવશે. ત્યારબાદ સરકાર આ મંદિરો ખોલવા અંગે નિર્ણય લેશે.
મળતી માહિતી મુજબ, જગન્નાથ મંદિર અને કોણાર્ક મંદિર વિશ્વ પ્રસિદ્ધ યાત્રાધામો છે. ભારત સહિત વિશ્વભરમાંથી દરરોજ હજારો લોકો અહીં યાત્રાએ આવે છે. આ ભીડને મેનેજ કરવા માટે પ્રશાસને મોટા પાયે વ્યવસ્થા કરવી પડશે. વાવાઝોડાની સ્થિતિમાં ભક્તોને તકલીફ ન પડે તે માટે રાજ્ય સરકારે આ બંને મંદિરોને 25મી સુધી બંધ કરી દીધા છે. મંદિરો ઉપરાંત રાજ્યના સંગ્રહાલયોને પણ બંધ કરી દેવામાં આવ્યા છે.
મંદિરોમાં ભક્તોનો પ્રવેશ બંધ કરી દેવામાં આવ્યો છે. ઓડિશા સ્ટેટ ડિઝાસ્ટર ફોર્સની 51 ટીમો, ફાયર બ્રિગેડની 178 અને NDRFની 10 ટીમો બચાવ કામગીરી માટે તૈનાત કરવામાં આવી છે. ખરાબ હવામાનને કારણે રાષ્ટ્રપતિ દ્રૌપદી મુર્મુએ પણ તેમની ઓડિશાની 3 દિવસની મુલાકાત મુલતવી રાખી છે. માછીમારોને દરિયાકિનારાની નજીક ન જવા માટે કહેવામાં આવ્યું છે. 750 રાહત કેન્દ્રો બનાવવામાં આવ્યા છે. કંટ્રોલ રૂમ 24 કલાક કાર્યરત રહેશે. ભારતીય કોસ્ટ ગાર્ડ (ICG), આર્મી, એરફોર્સ અને નેવીને એલર્ટ મોડમાં રાખવામાં આવ્યા છે. વાયુસેનાના વિમાનો અને નૌકાદળના જહાજો નજીકમાં ફરતા રહેશે.
હવામાન વિભાગના અહેવાલ અનુસાર બંગાળની ખાડી પર એક લૉ પ્રેશર ઝોન સર્જાયું હતું જે હવે વાવાઝોડામાં રૂપાંતરિત થઇ ગયું છે. જેના લીધે ભારતમાં દરિયા કિનારાના રાજ્યોમાં ભારે તબાહી સર્જાઈ શકે છે. ઓડિશામાં ભુવનેશ્વર ખાતે મૉક ડ્રીલ પણ શરૂ કરી દેવામાં આવી હતી. ઓડિશાની સરકારે તો 250 રાહત કેન્દ્ર અને 500 અસ્થાયી શેલ્ટર પણ તૈયાર કરી દીધા છે. ઓડિશા ડિઝાસ્ટર રેપિડ એક્શન ફોર્સ (ODRAF) ના 1,000 જવાનોને રાજ્યના સશસ્ત્ર દળોની 30 પ્લાટુન સાથે વિવિધ જિલ્લાઓમાં તૈનાત કર્યા છે.
આ પણ વાંચો :-
બોમ્બે હાઈકોર્ટે બુધવારે ગેંગસ્ટર છોટા રાજનને જામીન આપતાં મોટી રાહત આપી છે. મધ્ય મુંબઈના ગામદેવીમાં ગોલ્ડન ક્રાઉન હોટેલના માલિક જયા શેટ્ટીની 4 મે, 2001ના રોજ હોટલના પહેલા માળે છોટા રાજનની ગેંગના બે કથિત સભ્યો દ્વારા ગોળી મારીને હત્યા કરવામાં આવી હતી. તેને જયા શેટ્ટીની હત્યા માટે દોષિત ઠેરવવામાં આવ્યો હતો. ત્યારબાદ 30 મે 2024 ના રોજ વિશેષ MCOCA કોર્ટે રાજનને અન્ય લોકો સાથે દોષિત ઠેરવ્યો અને તેને આજીવન કેદની સજા ફટકારી હતી. દરમિયાન બોમ્બે હાઈકોર્ટે આજીવન કેદની સજા નાબૂદ કરી છે.
છોટા રાજન વિરુદ્ધ ખંડણી અને સંબંધિત ગુનાઓ માટે ઘણા કેસ નોંધાયેલા છે, તેથી હોટલ વ્યવસાયીની હત્યા કેસમાં તેની અને અન્ય આરોપીઓ સામે MCOCA હેઠળ આરોપો પણ ઉમેરવામાં આવ્યા હતા. અગાઉના બે અલગ-અલગ ટ્રાયલમાં અન્ય 3 આરોપીઓને હત્યાના કેસમાં દોષિત ઠેરવવામાં આવ્યા હતા અને એકને પુરાવાના અભાવે નિર્દોષ જાહેર કરવામાં આવ્યો હતો. રાજન 2011માં પત્રકાર જે ડેની હત્યાના કેસમાં આજીવન કેદની સજા ભોગવી રહ્યો છે અને હાલમાં તે દિલ્હીની તિહાર જેલમાં બંધ છે.
મુંબઈના ચેમ્બુરમાં રહેતા રાજેન્દ્ર સદાશિવ નિખલજેને અંડરવર્લ્ડે છોટા રાજન નામ આપ્યું હતું. શાળા છોડ્યા પછી, રાજેન્દ્ર સદાશિવે ફિલ્મની ટિકિટો બ્લેક કરવાનો ધંધો શરૂ કર્યો અને ધીમે ધીમે રાજન નાયર ગેંગમાં જોડાયો હતો. રાજન નાયરને બડા રાજન કહેતા હતા. રાજને એક છોકરીના પ્રેમમાં ગેંગ શરૂ કરી હતી પરંતુ બાદમાં તેની ગર્લફ્રેન્ડે તેની ગેંગમાં રહેલા અબ્દુલ કુંજુ સાથે લગ્ન કર્યા હતા. આ પછી બડા રાજન અને કુંજુ વચ્ચે દુશ્મની થઈ અને કુંજુએ બડા રાજનની હત્યા કરાવી હતી.
આ પછી છોટા રાજનની વાર્તા શરૂ થાય છે. છોટા રાજન દાઉદ ઈબ્રાહિમના સંપર્કમાં આવ્યો અને બંનેએ સાથે મળીને મુંબઈમાં અંડરવર્લ્ડ સિન્ડિકેટને લાંબા સમય સુધી સંભાળ્યું હતું. દાઉદે છોટા રાજનને તેની ગેંગમાં સામેલ કર્યો હતો અને છોટા રાજને મુંબઈ શહેરમાં દાઉદના નામે આતંક ફેલાવ્યો હતો. તે ખાસ કરીને ફિલ્મ ઈન્ડસ્ટ્રીમાં દાઉદ ઈબ્રાહિમ અને છોટા રાજન માટે પ્રખ્યાત હતી. છોટા રાજને મુંબઈમાં ખંડણીનો ધંધો સંભાળ્યો અને ઘણા મોટા ફિલ્મ નિર્માતાઓ પાસેથી ખંડણી પેટે મોટી રકમ વસૂલવાનું શરૂ કર્યું હતું.
આ પણ વાંચો :-
ગુજરાતમાં પીએમઓના નકલી અધિકારી કિરણ પટેલથી શરૂ થયેલો સિલસિલો બોગસ સરકારી વિભાગ, નકલી આઈપીએસ અધિકારી, નકલી સરકારી કચેરી, નકલી સીએમઓ અધિકારી સુધી પહોંચ્યો હતો. પરંતુ હવે ગુજરાતમાં નકલી જજ પણ સામે આવ્યા છે. એટલું જ નહીં આશ્ચર્યની વાત તો એ છે કે સિટી સિવિલ કોર્ટની સામે જ નકલી જજ કોર્ટ ચલાવતો હતો, આમ છતાં આટલા સમય સુધી ન્યાયતંત્ર અંધારામાં રહ્યું હતું.
મોરીસ ક્રિશ્ચિયન નામનો એક વકીલ ઝડપાયો છે, જેણે સરકારી જમીનો પોતાના નામે કરી દેવા પોતે જ અરજદાર બન્યો, પોતે જ આખી બનાવટી આર્બિટ્રેશન કોર્ટ ઉભી કરી, પોતે જ આર્બિટ્રેશનનો જજ બન્યો અને પોતાની જ ફેવરમાં જમીન ફાળવવાનો એવોર્ડ કરી જમીન પચાવી પાડવાનું કૌભાંડ કર્યું છે. આરોપીએ નકલી લવાદ બનીને વાંધાવાળી જમીનો પચાવી પાડવા માટે અનેક ઓર્ડર કર્યા હતા. આરોપી ક્રિશ્ચિયને વાંધાવાળી જમીન પચાવી પાડવાના હેતુથી જ નકલી લવાદથી લઈને નકલી કોર્ટ સુધીનું કાવતરું ઘડ્યું હોવાનું સામે આવ્યું છે.
આરોપી દ્વારા પોતાના ક્લાયન્ટ વિરુદ્ધ ચાલી રહેલ કેસને લઈને બનાવટી સ્ટેટમેન્ટ બનાવવામાં આવ્યા હતા. જોકે તેની કરતૂતને કારણે હાલ તેને જેલના સળીયા ગણવાનો વારો આવ્યો છે. સમગ્ર મામલે આરોપીએ બનાવટી આર્બિટ્રેશન પ્રોસિડિંગ ઉભી કરીને કોર્ટમાં પણ રજૂ કર્યા હતા. કારંજ પોલીસ મથકે સિટી સિવિલ કોર્ટના રજિસ્ટ્રાર દ્વારા આ મામલે પોલીસ ફરિયાદ નોંધવામાં આવી હતી. સિટી સિવિલ કોર્ટે હુકમમાં નોંધ્યુ છે કે, પાલડી પાસે આવેલી સરકારી જમીન પચાવી પાડવા માટે ગુનાહિત કાવતરું રચીને ફ્રોડ એવોર્ડ ઉભો કરવામાં આવ્યો હતો.
બોગસ આર્બીટ્રેટર જજ મોરીસ સેમ્યુઅલ ક્રિશ્ચિયનને ફ્રોડનો આ એકમાત્ર હુકમ નથી આપ્યો. હાલમાં કોર્ટમાં બીજી સરકારી જમીનો પચાવી પાડવા માટે 10 જેટલા કેસોમાં હુકમો કર્યા છે, જે કેસો હાલમાં સિટી સિવિલ કોર્ટમાં પડતર છે. આ ઉપરાંત અમદાવાદ મ્યુનિસિપલ કોર્પોરેશન કે અન્યની આશરે 100 એકરથી વધુ અબજો રૂપિયાની કિંમતી જમીનોના હુકમો બનાવટી આર્બિટ્રેટર મોરીરા સેમ્યુઅલ દ્વારા કરવામાં આવ્યા છે. નકલી જજ મોરીસ સેમ્યુઅલ ક્રિશ્વિયનને ૧૧થી વધુ મિલકતો આ રીતે ખોટા આદેશ કરી આપી દીધી છે. આ તમામ 11 મિલકતોનું એવોર્ડ કરાવવા કોર્ટમાં દિવાની દરખાસ્ત કરી હોય તેમાં ફોજદારી કાર્યવાહી થશે.
મહત્વની વાત એ છે કે, મોરીસ સેમ્યુઅલએ દરખાસ્ત કરનારા વતી દલીલો પણ કરી હતી અને દરેક સ્ટેજે કોર્ટને ગેરમાર્ગે દોરી સાચી હકીકતો રજૂ કરી નહોતી. નકલી જજે હાઇકોર્ટ જજ જેવું ડાયસ ઉભુ કર્યું હતું. પ્રાથમિક તપાસમાં એવી વિગત ખુલી છે કે, નકલી જજએ ગાંધીનગરના સેક્ટર 24 ખાતે આખીય નકલી કોર્ટ ઉભી કરી હતી. જ્યાં તેણે હાઇકોર્ટના જસ્ટિસ પાસે હોય તેવું ડાયસ બનાવ્યું હતું. ઉપરાંત એક ચોપદાર પણ રાખ્યો હતો તે જ્યાં જાય ત્યાં આગળ ચોપદાર રહેતો હતો અને તે ડાયસ પર બેસીને જજ હોય તેમ જ બોગસ ઓર્ડરો કરતો હતો.
આ પણ વાંચો :-
શેરબજારમાં આજે જોરદાર ઘટાડો જોવા મળ્યો છે. BSE સેન્સેક્સ 930 પોઈન્ટ ઘટીને 80,220 પર બંધ થયો, જ્યારે નિફ્ટી 50 ઈન્ડેક્સ 310 પોઈન્ટ અથવા 1.25% ઘટીને 24,472ના સ્તરે બંધ થયો. તે જ સમયે, નિફ્ટી બેંક પણ 700 થી વધુ પોઈન્ટ તૂટ્યો હતો. BSE સેન્સેક્સના ટોચના 30 શેરોમાં ICICI બેન્કના શેર ગ્રીન ઝોનમાં હતા. બાકીના તમામ 29 શેર રેટ એલર્ટ પર ટ્રેડ થઈ રહ્યા હતા. આ શેરોમાં સૌથી મોટો ઘટાડો મહિન્દ્રા એન્ડ મહિન્દ્રાના શેર (M&M શેર)માં 3.29 ટકા આવ્યો છે.
આ ઉપરાંત JSW સ્ટીલ, બજાજ ફાઇનાન્સ, L&T, મારુતિ સુઝુકી, IndusInd Bank, Tata Motors, SBI જેવા શેર લગભગ 3 ટકા તૂટ્યા છે. NSEના 2,825 શેરોમાંથી 299 શેર વધ્યા હતા, જ્યારે 2,466 શેરમાં તીવ્ર ઘટાડો થયો હતો. 60 શેર યથાવત રહ્યા હતા. 48 શેરોએ 52 સપ્તાહની નવી ઊંચી સપાટી બનાવી છે, જ્યારે 150 શેર 52 સપ્તાહની નીચી સપાટીએ હતા. 49 શેર અપર સર્કિટ પર અને 309 શેર લોઅર સર્કિટ પર હતા.
સેન્સેક્સ અને નિફ્ટી સિવાય મંગળવારે શેરબજારમાં બેન્ક નિફ્ટી, એસએમઈ ઈન્ડેક્સ અને અન્ય તમામ ઈન્ડેક્સમાં ઘટાડો જોવા મળી રહ્યો છે. જો આપણે FPI ના ઉપાડ અને શેરબજાર પર તેની અસર વિશે વાત કરીએ તો, ઓક્ટોબર મહિનો ભારતીય શેરબજાર માટે ઉથલપાથલથી ભરેલો રહ્યો છે. બજારમાં સતત ઘટાડો અને કરેક્શનનો સમયગાળો જોવા મળ્યો હતો.
આ 10 શેરો વિખેરાઈ ગયા
આ પણ વાંચો :-
We are committed to building a society driven by Truth, Justice, and Knowledge. We deliver bold, credible, and insightful journalism that questions wrongdoing and gives voice to the common people.
© Gujarat Guardian | All Rights Reserved. | Made with Pride in भारत 🇮🇳
