Home Blog Page 573

૨૬ ડિસેમ્બર, ૨૦૨૪/ આજે આ દિવસ પર આ રાશિઓના ખુલી શકે છે ભાગ્યના દરવાજા, થઈ શકે છે ધન લાભ, જુઓ આજનું રાશિ ભવિષ્ય

News Editor
-
0

મેષઃ
આવક જળવાય. કાર્યક્ષેત્રે સફળતા તથા કરેલા રોકાણોથી લાભ મળતો જણાય. દામ્પત્ય સુખમાં વૃધ્ધિ થાય. ધંધાકીય ક્ષેત્રે સફળતા બપોર બાદ આવકનું પ્રમાણ ધટે. અગ્તયના કાયો બપોર સુધી પૂરા કરવા. આરોગ્ય સાચવવું.
વૃષભઃ
બપોર સુધી પ્રતિકુળતા રહે. બપોર બાદ આવક જળવાય. પરિવારમાં શાંતિ રહે. કાર્યક્ષેત્રે આનંદ વર્તાય. જીવનસાથી સાથે આનંદ. પ્રેમીપાત્રનું મિલન શકય બને. ભાગ્યનો સાથ મળતો જણાય. મિત્રોનો સહકાર મળે.
મિથુનઃ
આવકનું પ્રમાણ જળવાય. હોટલ, વીમો એકાઉન્ટીંગ ક્ષેત્રે કાર્ય કરતી વ્યકિતઓને વિશેષ લાભ. સંતાનની પ્રગતિ થી આનંદ. સંતાન તરફની ચિંતા હળવી બને. બપોર બાદ તમામ કાયોણાં પ્રતિકુળતા વર્તાય. આથી ધીરજ ધરવી.
કર્કઃ
શુભ પ્રસંગનું આયોજન શકય બને. નાણાંકીય ક્ષેત્રે પ્રગતિ જણાય. સ્થાવર જંગમ મિલકતથી લાભ. વાહન સુખ મળવાના યોગ બને છે. સંતાન સંબંધી ચિંતા હળવી બને. યશ પ્રતિષ્ઠામાં વધારો થાય.
સિંહઃ
કાર્યક્ષેત્રે સફળતા મળતી જણાય. પરિવારના સભ્યો વચ્ચે પરસ્પર પ્રેમ વધે. નવા રચનાત્મક કાયોની શરૂઆત શકય બને. જમીન, મકાન થી લાભ. સ્થાવર જંગમ મિલતની ખરીદી, વેચાણ શકય બને. આરોગ્યની કાળજી જરૂરી.
કન્યાઃ
પરિવારમાં આનંદ-ઉત્સાહનું વાતાવરણ જળવાય. તમામ સભ્યોની પ્રગ‌િતથી આનંદ થાય. કાર્યમાં સફળતા યશ વધે. માતા-પિતાનું આરોગ્ય જળવાય. ટેક્ષ કન્સલટન્ટ, ઇમ્પોટે એકસપોર્ટના ધંધામાં વિશેષ લાભ. હાડકાના દુઃખાવાથી સાચવવું.
તુલાઃ
વિનયી, વિવેકી માનવતાવાદી વલણને કારણે યશ. પ્રતિષ્ઠા વધે. સાચુ ખોટુ પારખવાની કુદરતી શકિતને કારણે કાર્યમાં સફળતા મળતી જણાય. પ્લાસ્ટીક જાહેર ખબર ટ્રાન્સપોર્ટના ક્ષેત્રે માં લાભ. છાતી પેટના રોગોથી સાવધાની જરૂરી.
વૃશ્ચિકઃ
સ્‍વભાવમાં ઉગ્રતા જણાય. નાણાંકીય આવક સામાન્ય રહે. શરદી-ખાંસીનો ઉપદ્ગવ રહેતો જણાય. બપોર બાદ પરિસ્થિતિ સુધરે, આવક વધતાં આનંદ જળવાય. સ્વાસ્થયમાં સુધારો જણાય. કાર્યક્ષેત્રે સફળતા મળે.
ધનઃ
આનંદ વધે. આર્થિક પાસુ મજબૂત બનતું જણાય. રોકાણોનું આયોજન યોગ્ય રીતે થતું જણાય. ધંધાકીય ક્ષેત્રે પ્રગતિ થતી જણાય. બપોર બાદ આવકમાં ધટાડો થાય. ખર્ચનું પ્રમાણ વધે. વિચારો ઉપર કાબુ રાખવો.
મકરઃ
ધંધાકીય ક્ષેત્રે ચિંતા વધતી જણાય. અગ્તયના નિર્ણયો મોકુફ રાખવા. પિતાની તબિયતની કાળજી જરૂરી. કાર્યક્ષેત્રે સંધર્ષ બાદ સફળતા મળતી જણાય. આત્મવિશ્વાસ ધટતો જણાય. બપોર બાદ પરિસ્થિતિમાં સુધારો જણાય.
કુંભઃ
દિવસ દરમ્યાન ભાગ્યનો સાથ મળતો હોવાને કારણે કાર્યમાં સફળતા અનુભવાય. નોકરીમાં આનંદ તથા ધંધામાં પ્રગતિ થતી જણાય.આવક જળવાશે. છતાં ધંધામાં નાણાં ઉછીના આપવા નહીં. અન્યથા ફસાઇ જવાના યોગ છે.
મીનઃ
સંતાન સબંધી સમસ્યાઓનો સામનો કરવો પડે. શરદી-ખાંસી માથાના દુઃખાવાની સમસ્યા રહે. બપોર બાદ પરિસ્થિતિ સુધરે. ભાગ્યમાં વૃધ્ધિ જણાય. કાર્યમાં સફળતા મળે તથા આવકમાં પણ વધારો થાય.

ઉત્તરાખંડમાં ભયાનક માર્ગ અકસ્માત, બસ ખીણમાં ખાબકતાં 3ના મોત

News Editor
-
0

ઉત્તરાખંડમાં એક દુર્ઘટના સર્જાઇ છે. અલ્મોડાથી હલ્દવાની તરફ આવી રહેલી રોડવેઝની બસ ભીમતાલ નજીક ઉંડી ખાઇમાં પડી હતી. અકસ્માત બાદ ચારે બાજુ ચીસાચીસ મચી ગઇ હતી. આ દુર્ઘટનામાં બસમાં મુસાફરી કરી રહેલા 26થી વધુ લોકો ગંભીર રીતે ઘાયલ થયા હતા. પોલીસ અને સ્થાનિકોની મદદથી તેમને બહાર કાઢવામાં આવ્યા હતા અને નજીકની હૉસ્પિટલમાં દાખલ કરવામાં આવ્યા હતા.

દુર્ઘટનાની માહિતી મળતા જ પોલીસ-તંત્રએ ઘટનાસ્થળે પહોંચીને બચાવ-રાહત કામગીરી હાથ ધરી છે. ખીણમાંથી ઘાયલોને બહાર કાઢવામાં ખુબ મુશ્કેલી થઈ રહી છે. ઘાયલોને દોરડાં અને ખભા પર રાખીને પોલીસ અને સ્થાનિક લોકો દ્વારા રેસ્ક્યૂ કરવામાં આવી રહ્યાં છે. અકસ્માતનું કારણ હજી સુધી જાણવા મળ્યું નથી, પણ એમ માનવામાં આવે છે કે ડ્રાઇવરની ચૂકથી આ અકસ્માત થયો હતો. જોકે, પોલીસની ટીમ હાલમાં ઘટનાની તપાસમાં લાગેલી જ છે.

બીજી તરફ, 15 એમ્બ્યુલન્સ હલ્દ્વાની મોકલવામાં આવી છે. મોટા સ્તરે બચાવ ટીમ કામે લાગી છે. હાલ ઘાયલોને સીએચસી ભીમતાલ લઈ જવાયા છે. જ્યારે મુખ્યમંત્રી પુષ્કર સિંહ ધામીએ અકસ્માતને લઈને દુઃખ વ્યક્ત કર્યું છે.

આ પણ વાંચો :-

સુરતના આ મિનરલ વોટર કંપનીઓના પાણી પણ પીવા જેવા નહીં !

News Editor
-
0

સુરત મહાનગરપાલિકાએ છેલ્લા 11 મહિનામાં 14 મિનરલ વોટર પેકેજ્ડ બોટલ અને જારના નમૂનાઓ ચકાસણી અર્થે લીધા હતા. જે પૈકી 9 નમૂના ફેઈલ થયા છે. 7 નમૂનામાં પીએચ મૂલ્ય 6.5 કરતા ઓછું હતું, જ્યારે આ મૂલ્ય 6.5થી 8.5 વચ્ચે હોવું જરૂરી છે. એક નમૂનામાં ક્લોરાઇડ અને હાર્ડનેસ 500થી વધુ સ્તરે જોવા મળ્યું.

આ કંપનીઓનાં નમૂના ફેલ

  • કષ્ટભંજન એન્ટરપ્રાઇઝિસ
  • એચ. એન. ટ્રેડર્સ
  • વરૂણ એન્ટરપ્રાઇઝિસ
  • ફ્રેશ સ્ટ્રીમ બેવરેજેસ
  • રાઠોડ બ્રધર્સ
  • બ્રીથ બેવરેજેસ
  • પી.એમ. માર્કેટિંગ
  • નિરાલી બેવરેજેસ એન્ડ ફૂડ
  • ગજાનંદ ફૂડ એન્ડ બેવરેજેસ

તમામ ડ્રિન્કિંગ વોટર પ્લાન્ટના ધારકો સામે પાલિકાના આરોગ્ય વિભાગ દ્વારા તપાસ કરવામાં આવી રહી છે. જેમાં આ તમામ મિનરલ ડ્રિંકિંગ વોટર પ્લાન્ટ સામે ફૂડ એજ્યુકેટીંગ કોર્ટ સમક્ષ ફરિયાદ દાખલ કરવાની તજવીજ હાથ ધરવામાં આવી છે.

સુરત શહેરના વિવિધ ઝોનમાંથી 14 સ્થળેથી પાલિકાની ટીમે મિનરલ વોટરના સેમ્પલ લીધા હતા. જેમાં તમામ સેમ્પલની તપાસ બાદ સામે આવ્યું છે કે 14માંથી 9 નમુના ફેલ થયા છે. હવે ફેલ ગયેલા નમૂના સામે યોગ્ય તપાસ કરવામાં આવશે. જેમાં શહેરમાં વધુ તપાસ કરતા કેટલાય મિનરલ વોટરના પ્લાન્ટ સામે ગુણવત્તાનો સવાલ ઉભો થશે. ત્યારે આ 9 પ્લાન્ટ દ્વાર અપાતા પાણીની ગુણવત્તા યોગ્ય ન હોવાનો ખુલાસો થયો છે તેમાં PH મૂલ્ય જરૂરી કરતાં નીચે જોવા મળ્યું તથા ક્લોરાઈડ અને હાર્ડનેસની માત્ર નિયત કરતાં ઓછી જોવા મળી છે.

આ પણ વાંચો :-

ઓખામાં જેટી ખાતે ક્રેન તૂટી જતાં 3 લોકોના મોત, જાણો સમગ્ર બાબત ?

News Editor
-
0

દ્વારકાના ઓખા જેટી ખાતે ક્રેન તૂટી પડવાના કારણે દુર્ઘટના સર્જી હોવાના સમાચાર સામે આવી રહ્યા છે. ક્રેન તૂટી જવાથી ત્યાં કામ કરતાં ત્રણેય શ્રમિકોના મોત નીપજ્યા છે. સમગ્ર ઘટનાની જાણ થતાં જ ઓખા જેટી ઉપર 108, ફાયર વિભાગ, પોલીસ તેમજ કોસ્ટગાર્ડની ટીમ ઘટનાસ્થળે દોડી આવી છે.

ઓખા જેટી પર કામ શરૂ હતું, તે દરમિયાન જ અચાનક ક્રેન તૂટી પડતા આ અકસ્માત સર્જાયો હતો. જેમાંથી બે શ્રમિકો ક્રેન નીચે દટાઈ ગયા હતાં અને એક શ્રમિક દરિયામાં પડી ગયો હતો. ક્રેન નીચે દબાયેલા બંને શ્રમિકોનું ઘટનાસ્થળે જ મોત નીપજ્યું હતું,

ઓખા પેસેન્જર જેટી પાસે ક્રેન નીચે દબાતા મજૂરોના મોત નીપજ્યાં છે જેમાં દુર્ઘટના સર્જાતા 3 લોકો ક્રેન નીચે દબાઈ પાણીમાં પડી ગયા હતા. જે ત્રણ મજૂરોના મૃતદેહોને બહાર કાઢવામાં આવ્યા છે તેમના મૃતદેહોને પોસ્ટ મોર્ટમ માટે લઇ જવાયા છે. આ દુર્ઘટના બાદ ઓખા જેટી પર GMB કોસ્ટ ગાર્ડ, પોલીસ વિભાગ, ફાયર ટીમ તથા 108ની ટીમ ઘટના સ્થળે પહોંચી બચાવ કામગીરી કરી છે.

મૃતક શ્રમિકની ઓળખ જીતેન કરાડી, અરવિંદ કુમાર અને નિશાંત સિંહ તરીકે થઈ છે. હાલ, તંત્ર દ્વારા તમામના મૃતદેહને નજીકની સિવિલ હોસ્પિટલમાં પોસ્ટમોર્ટમ ખાતે મોકલવામાં આવી છે.

આ પણ વાંચો :-

ચૂંટણી પહેલા દિલ્હીના મુખ્યમંત્રી આતિશીની ધરપકડ થશે? કેજરીવાલે કર્યો મોટો દાવો

News Editor
-
0

દિલ્હીમાં મહિલા સન્માન યોજના અને વૃદ્ધો માટેની સંજીવની યોજના મુદ્દે ભાજપ અને આમ આદમી પાર્ટી સામસામે છે. ભાજપે અરવિંદ કેજરીવાલ પર છેતરપિંડી અને જનતાને ગેરમાર્ગે દોરવાનો આરોપ લગાવ્યો છે. તો આમ આદમી પાર્ટીના રાષ્ટ્રીય સંયોજક અને પૂર્વ સીએમ અરવિંદ કેજરીવાલે દાવો કર્યો છે કે આગામી થોડા દિવસોમાં નકલી કેસ બનાવીને મુખ્યમંત્રી આતિશીની ધરપકડ કરવામાં આવી શકે છે. આ પ્રેસ કોન્ફરન્સ દરમિયાન આતિશી પણ હાજર રહ્યા હતાં.

અરવિંદ કેજરીવાલે કહ્યું કે, સુત્રો પાસેથી મળેલી માહિતી મુજબ હાલમાં જ ED, CBI અને ITની એક બેઠક થઈ છે અને ટૂંક સમયમાં જ અમારા તમામ નેતાઓ પર દરોડા પાડવામાં આવશે. અમને એવી માહિતી પણ મળી રહી છે કે ટ્રાન્સપોર્ટ વિભાગમાં આતિશી વિરુદ્ધ બનાવટી કેસ તૈયાર કરવામાં આવી રહ્યો છે. તેની ધરપકડ થવી જોઈએ. અમને ચૂંટણીમાં રોકવાના પ્રયાસો થઈ રહ્યા છે.

દિલ્હી ભાજપા અધ્યક્ષ વીરેન્દ્ર સચદેવાએ કહ્યું કે, આપણે સતત ડિજિટલ ફ્રોડ વિશે સાંભળીએ છીએ. અરવિંદ કેજરીવાલ દિલ્હીના લોકોને ડિજિટલ ફ્રોડની દિશામાં લઈ જઈ રહ્યા છે. દિલ્હીમાં AAPની સરકાર છે પરંતુ AAP સરકાર જનતાને ચેતવણી આપી રહી છે કે, 2100 રૂપિયાની કોઈ સ્કીમ નથી. સંજીવની નામની કોઈ યોજના કેબિનેટમાં ગઈ નથી. અરવિંદ કેજરીવાલ દિલ્હીની જનતાને છેતરવાનું કામ કરી રહી છે.

આ પણ વાંચો :-

અઝરબૈજાનથી રશિયા જતું પ્લેન કઝાકિસ્તાનમાં ક્રેશ, 15ના મોત

News Editor
-
0

કઝાકિસ્તાનમાં 98 લોકો સાથેનું વિમાન ક્રેશ થયું છે. ન્યૂઝ એજન્સી રોઈટર્સના જણાવ્યા અનુસાર આ દુર્ઘટના અલ્માટી એરપોર્ટ પાસે થઈ હતી. આ અકસ્માતમાં અત્યાર સુધીમાં 15 લોકોના મોત થયા છે. ઉડાન ભર્યા બાદ તરત જ આ અકસ્માત થયો હતો. વિમાન એક ઈમારત સાથે અથડાયું અને અનેક ભાગોમાં તૂટી પડ્યું. ઘટના સ્થળે રાહત અને બચાવ કામગીરી ચાલી રહી છે. અધિકારીઓએ જણાવ્યું કે મૃત્યુઆંક વધી શકે છે. વિમાનમાં 93 મુસાફરો અને પાંચ ક્રૂ મેમ્બર સવાર હતા.

કેટલાક અહેવાલો અનુસાર અઝરબૈજાન એરલાઈન્સની ફ્લાઈટ 8243માં 98 લોકો સવાર હતા. મોટી સંખ્યામાં જાનહાનીની શક્યતા છે. જોકે જાનહાની અંગેના સત્તાવર અહેવાલ હજુ મળ્યા નથી.

કઝાકિસ્તાનના કટોકટી મંત્રાલયે પુષ્ટિ કરી હતી કે ગ્રોઝનીમાં ગાઢ ધુમ્મસને કારણે પ્લેનને અક્તાઉ તરફ વાળવામાં આવ્યું હતું. અઝરબૈજાન એરલાઈન્સનું આ વિમાન દુર્ઘટના પહેલા ઘણી વખત એરપોર્ટ પર ચક્કર લગાવ્યું હતું. જાનહાનિ વિશેની વિગતો અથવા અકસ્માતનું ચોક્કસ કારણ તાત્કાલિક ઉપલબ્ધ નથી.

આ પણ વાંચો :-

NASAના અવકાશયાત્રીઓએ ISS પર ક્રિસમસની કરી ઉજવણી કરતા શરૂ થયો વિવાદ

News Editor
-
0

NASA અવકાશયાત્રી સુનિતા વિલિયમ્સ આંતરરાષ્ટ્રીય અવકાશ સ્ટેશન પર તેના સાથી ક્રૂ મેમ્બર્સ સાથે ક્રિસમસ અને નવા વર્ષની ઉજવણી કરી રહી છે. તેમણે આંતરરાષ્ટ્રીય અવકાશ સ્ટેશન (ISS) પર 23 ડિસેમ્બર, 2024ના રોજ પોતાના પરિવાર, મિત્રો અને નાસાની ટીમને “મેરી ક્રિસમસ”ની શુભેચ્છાઓ પાઠવી હતી. આ ખાસ ઉજવણીનો વીડિયો NASA એ સોશિયલ મીડિયા પ્લેટફોર્મ X પર શેર કર્યો છે, જેમાં સુનિતા વિલિયમ્સ, ડોન પેટિટ, નિક હેગ અને બૂચ વિલ્મોર દેખાઇ રહ્યા છે.

આ શંકાઓના જવાબમાં, NASAએ સ્પષ્ટતા કરી કે ISS પર તાજેતરમાં મોકલવામાં આવેલ ક્રિસમસ ડેકોરેશન, સ્પેશિયલ ગિફ્ટ્સ અને તહેવાર માટેના ભોજનને SpaceX દ્વારા નવેમ્બર અંતે મોકલવામાં આવ્યા હતા. NASAના જણાવ્યા અનુસાર, આ સામાન ISS પર પહોંચવાનો પ્રયાસ કરીને, અવકાશયાત્રીઓ માટે તહેવારોની મજા માણવાની વ્યવસ્થા કરવામાં આવી હતી.

નાસાએ આ બાબતે સ્પષ્ટતા કરતા કહ્યું કે, ‘ISS પર તાજેતરમાં મોકલેલા સામાનના આ ક્રિસમસ ડેકોરેશન, સ્પેશિયલ ગીફ્ટ અને તહેવારને ધ્યાનમાં રાખીને ભોજન મોકલવામાં આવ્યું હતું. આ ડિલિવરી નવેમ્બરના અંતમાં SpaceX દ્વારા કરવામાં આવી હતી. ISS પર સવાર સાત અવકાશયાત્રીઓ અને કોસ્મોનોટ્સને મોકલવામાં આવેલા પેકેજોમાં હેમ, ટર્કી, શાકભાજી, પાઈ અને કૂકીઝ જેવા સ્વાદિષ્ટ ભોજનનો સમાવેશ થાય છે. આ ઉપરાંત સાંતા હેટ અને નાનું ક્રિસમસ ટ્રી પણ મોકલવામાં આવ્યું હતું. નાસા આ ક્રિસમસ સેલિબ્રેશનનો વીડિયો ઓનલાઈન શેર કર્યો છે.

આ પણ વાંચો :-

પાકિસ્તાને અફઘાનિસ્તાન પર કરી એરસ્ટ્રાઇક, 15 લોકોના મોત

News Editor
-
0

પાકિસ્તાનમાં આતંકી સંગઠન તહરીક-એ-તાલિબાન ખુલ્લેઆમ પાક આર્મીની કત્લેઆમ કરી રહ્યું છે. સુરક્ષા દળો માટે તહરીક-એ-તાલિબાન કાળ બની ગયો છે. કયારેક બોમ્બ વિસ્ફોટો તો કચારેક ગોળીબાર કરીને તહરીક-એ-તાલિબાન પાકિસ્તાની સેનાના જવાનોને મારી રહી છે. પાકિસ્તાનના લોકોને તો છોડો સેનાના જવાનો પણ હવે ટીટીપીથી ડરે છે.

હવે પાકિસ્તાનમાં તહરીક-એ-તાલિબાનનો ડર વધી રહ્યો છે. રીટીપીના કરને નકારી કાઢવા માટે પાકિસ્તાને હવે અફઘાનિસ્તાનમાં હવાઈ હુમલો કર્યો છે. હા. પાકિસ્તાને અરૂધાનિસ્તાનમાં હવાઈ હુમલા કર્યા છે. પાકિસ્તાનના હવાઈ હુમલામાં મહિલાઓ અને બાળકો સહિત ૧૫ લોકોના મોત થયા છે. પાકિસ્તાનના આ પગલાથી અફધાન તાલિબાન લાલઘૂમ થઈ ગયા છે. હવે તેણે બદલો લેવાના શપથ લીધા છે.

વાસ્તવમાં પાકિસ્તાને મંગળવારે દાવો કર્યો હતો કે તેણે અરુધાનિસ્તાનની અંદર અનેક તાલિબાન (CB) સ્થાનોને નિશાન બનાવ્યા હતા અને હવાઈ હુમલા કર્યા હતા. પાક સેનાનો દાવો છે કે આ હુમલાઓમાં તહરીક-એ-તાલિબાન પાકિસ્તાનનું એક ટ્રેનિંગ સેન્ટર નષ્ટ કરવામાં આવ્યું હતું અને ઘણા આતંકવાદીઓ માર્યા ગયા હતા.

તાલિબાનના સૂત્રોએ દાવો કર્યો છે કે પાકિસ્તાનના હવાઈ હુમલામાં મહિલાઓ અને બાળકો સહિત ૧૫ લોકો માર્યા ગયા છે. પાકિસ્તાને તેની સરહદે આવેલા પંક્તિકા પ્રાંતમાં સ્થિત પહાડી વિસ્તારમાં આકાશમાંથી બોમ્બ ફેંકયા હતા. જોકે, એ સ્પષ્ટ નથી કે પાકિસ્તાની જેટ અફઘાનિસ્તાનની અંદર કક્યાં સુધી ગયા અને કેવી રીતે હુમલા કરવામાં આવ્યા.

પાકિસ્તાને અફધાનિસ્તાનના પ્રતિકા પ્રાતના બર્મલ જિલ્લા પર હવાઈ હુમલો કર્યો, જેમાં મહિલાઓ અને બાળકો સહિત ઓછામાં ઓછા ૧૫ લોકો માર્યા ગયા અને મળત્યુઆંક વધવાની આશંકા છે. ૨૪ ડિસેમ્બરની રાત્રે થયેલા હુમલામાં લમણ સહિત સાત ગામોને નિશાન બનાવવામાં આવ્યા હતા. જ્યાં એક પરિવારના પાંચ સભ્યો માર્યા ગયા હતા.

તાલિબાનના સંરક્ષણ મંત્રાલયના પ્રવક્તા ઈનાયતુલ્લા ખ્વારઝમીએ પાકિસ્તાની દાવાઓને નકારી કાઢ્યા અને X (અગાઉનું ટ્વિટર) પર પોસ્ટ કર્યું કે હવાઈ હુમલામાં “નાગરિકો, મોટાભાગે વઝીરિસ્તાની શરણાર્થીઓ” માર્યા ગયા હતા. ખ્વારેઝમીએ જણાવ્યું કે, હુમલામાં “ઘણા બાળકો અને અન્ય નાગરિકો શહીદ અને ઘાયલ થયા હતા”, જોકે જાનહાનિની ​​સત્તાવાર સંખ્યા આપવામાં આવી નથી. સૂત્ર મુજબ, ઓછામાં ઓછા 15 મૃતદેહો મળી આવ્યા છે, જેમાં મહિલાઓ અને બાળકોનો સમાવેશ થાય છે, અને શોધ પ્રયાસો ચાલુ હોવાથી મૃત્યુઆંક વધવાની ધારણા છે.

આ પણ વાંચો :-

કોંગ્રેસે 26 ઉમેદવારોની બીજી યાદી જાહેર કરી, જુઓ લિસ્ટ

News Editor
-
0

દિલ્હીની આગામી વિધાનસભા ચૂંટણીને ધ્યાનમાં રાખીને કોંગ્રેસે ઉમેદવારોની બીજી યાદી જાહેર કરી છે. જેમાં 26 ઉમેઘ્વારોના નામ જાહેર કરવામાં આવ્યા છે.

મંગળવારે મોડી સાંજે કોંગ્રેસની કેન્દ્રીય ચૂંટણી સમિતિ (CEC)ની બેઠક યોજાઈ હતી. આ બેઠકમાં 35 બેઠકો માટેના ઉમેવારોના નામ પર ચર્ચા કરવામાં આવી હતી. જોકે, 26 બેઠકો પર ઉમેદવારોના નામ જ મંજૂર થયા હતા. બાકીની 9 બેઠકો હાલમાં પેન્ડિંગ રાખવામાં આવી છે. દિલ્હી ચૂંટણીને લઈને કોંગ્રેસ સીઈસીની આ બીજી બેઠક હતી.

GflKUd5boAAdykB

અગાઉ કોંગ્રેસે તેની યાદીમાં કુલ 21 ઉમેદવારોના નામ જાહેર કર્યા હતા. જેમાં પાર્ટીએ નરેલાથી અરુણા કુમારી, છતરપુરથી રાજીન્દર તંવર, બુરારીથી મંગેશ ત્યાગી, આદર્શ નગરથી શિવાંક સિંઘલ, બાદલીથી દેવેન્દ્ર યાદવ, સુલ્તાનપુર માજરાથી જય કિશન, નાગલાઈ જાટથી રોહિત ચૌધરી, શાલીમારબાગથી પ્રવીણ જૈન, વજીરપુરથી રાગીની નાયક, સદર બજારથી અનિલ ભારદ્વાજ, ચાંદની ચોકમાંથી મુદિત અગ્રવાલ, બલ્લીમારનથી હારૂન યુસુફ, તિલક નગરમાંથી પી.એસ.બાવાને ટિકિટ અપાઈ હતી.

આ ઉપરાંત કોંગ્રેસે દ્વારકાથી આદર્શ શાસ્ત્રી, નવી દિલ્હીથી સંદીપ દીક્ષિત, કસ્તુરબા નગરથી અભિષેક દત્ત, છતરપુરથી રાજીન્દર તંવર, આંબેડકર નગરથી જય પ્રકાશ, ગ્રેટર કૈલાશથી ગરવિત સિંઘવી, પટપડગંજથી અનિલ કુમાર,સીલમપુરથી અબ્દુલ રહેમાન, મુસ્તફાબાદથી અલી મહેદીને ચૂંટણી મેદાનમાં ઉતારવામાં આવ્યા હતા.

આ પણ વાંચો :-

રાજસ્થાનમાં કાર અકસ્માત, વડોદરાના એક જ પરિવારના પાંચના મોત

News Editor
-
0

રાજસ્થાનના કરૌલીમાં એક કાર અકસ્માત થયો હતો. કાર અને બસ વચ્ચેના ગમખ્વાર અકસ્માતમાં આખો પરિવાર મોતને ભેટ્યો હતો. મૂળ ઈન્દોરના વતની વર્ષોથી ગુજરાતના વડોદરામાં સ્થાયી થયો હતો. આ પરિવાર રાજસ્થાન દર્શનાર્થે ગયો હતો. રાજસ્થાનમાં કૈલા દેવી મંદિરના દર્શને નીકળ્યા હતા. આ દરમિયાન જ કાર અને બસ વચ્ચે ભીષણ ટક્કર થઈ હતી. આ દર્દનાક અકસ્માતમાં આખો પરિવાર સાફ થઈ ગયો હતો.

માહિતી અનુસાર બસ અને કાર વચ્ચેની ટક્કર એટલી ભીષણ હતી કે કારનું કચ્ચરઘાણ વળી ગયું હતું. આ દુર્ઘટના બાદ ઘટનાસ્થળે ચીસાચીસ મચી ગઈ હતી. ઘટનાની જાણકારી મળતાં જ પોલીસ કાફલો પણ દોડી આવ્યો હતો. સ્થાનિકોની મદદથી પીડિતોને તાત્કાલિક હોસ્પિટલ પહોંચાયા હતા. જ્યારે મૃતદેહોને પોસ્ટમોર્ટમ માટે મોકલી દેવામાં આવ્યા હતા. જેમાં નયન કુમાર દેશમુખ, પત્ની અનીતા, દીકરો ખુશદેવ, દીકરી મનસ્વી અને સંબંધી પ્રીતિ ભટ્ટ તરીકે થઇ છે. આ બધા લોકોની ઓળખ તેમના આધારકાર્ડના આધારે જાહેર કરાઈ હતી.

આ મામલે કરૌલી જિલ્લા હોસ્પિટલના ચીફ મેડિકલ ઓફિસર રમેશ મીણાએ કહ્યું કે તમામ મૃતકો એક જ પરિવારના છે. તેઓ તમામ કૈલા દેવી મંદિરે દર્શન કરવા આવ્યા હતા અને ઘરે પરત ફરી રહ્યા હતા. આ સાથે બસમાં સવાર અન્ય 15ને પણ ગંભીર ઈજાઓ થઇ છે. જેમની હાલ સારવાર ચાલી રહી છે.

આ પણ વાંચો :-

1...572573574...1,480Page 573 of 1,480