Home Blog Page 537

મેડિકલ કોલેજમાં એડમિશન માટે લાગુ અનામત વ્યવસ્થા પર સુપ્રીમ કોર્ટનો મહત્વપૂર્ણ ચુકાદો

News Editor
-
0
મેડિકલ કોલેજમાં એડમિશન માટે લાગુ અનામત વ્યવસ્થા પર સુપ્રીમ કોર્ટનો મહત્વપૂર્ણ ચુકાદો

દેશભરમાં મેડિકલ કોલેજમાં એડમિશન માટે લાગુ અનામત વ્યવસ્થા પર સુપ્રીમ કોર્ટે પોતાનો એક મહત્ત્વપૂર્ણ ચુકાદો સંભળાવ્યો છે. સુપ્રીમ કોર્ટે કહ્યું છે કે મેડિકલ કોલેજમાં પોસ્ટગ્રેજ્યુએટ કોર્સમાં ડોમિસાઈલના આધારે અનામતનો કોઈ જ લાભ નહીં મળે. કોર્ટે તેને ગેરબંધારણીય પણ ગણાવ્યો છે. કોર્ટે તેને બંધારણની કલમ 14નું ઉલ્લંઘન ગણાવતા જણાવ્યું હતું કે, આ અનામતને લાગુ ન જ કરી શકાય. હૃષિકેશ રોય, સુધાંશુ ધુલિયા અને એસવીએન ભટ્ટીની ત્રણ ન્યાયાધીશોની બેન્ચે જણાવ્યું હતું કે પ્રવેશ ફક્ત મેરિટના આધારે હોવો જોઈએ. જોકે, તેમણે સ્પષ્ટ કર્યું કે આ નિર્ણય રાજ્યો દ્વારા પહેલાથી જ આપવામાં આવેલા ડોમિસાઇલ-આધારિત અનામતને અસર કરશે નહીં.

કોર્ટે તેને બંધારણની કલમ 14નું ઉલ્લંઘન ગણાવતા જણાવ્યું હતું કે, આ અનામતને લાગુ ન કરી શકાય. સુપ્રીમ કોર્ટના 3 જજોની બેન્ચમાં સામેલ જસ્ટિસ ઋષિકેશ રોય, જસ્ટિસ સુધાંશુ ધુલિયા અને જસ્ટિસ એસ.વી.એન. ભઠ્ઠીએ આ ચુકાદો સંભળાવ્યો હતો. બેન્ચે ચુકાદામાં કહ્યું કે,’આપણે બધા ભારતના નિવાસી છીએ. અહીં રાજ્ય કે પ્રાદેશિક ડોમિસાઈલ જેવું કંઈ જ નથી. ફક્ત એક ડોમિસાઈલ છે અને એ છે કે આપણે ભારતના વતની છીએ.’

સુપ્રીમ કોર્ટે એ વાત સ્વીકારી કે અમુક હદ સુધી ડોમિસાઈલ આધારિત અનામત અંડરગ્રેજ્યુએટ (MBBS) માટેના એડમિશનમાં માન્ય ગણી શકાય પણ પીજી મેડિકલ કોર્સમાં તે લાગુ ન કરી શકાય. કોર્ટે કહ્યું કપીજી કોર્સમાં નિપુણતા અને સ્કિલ મહત્ત્વપૂર્ણ હોય છે. જસ્ટિસ ધુલિયાએ આ ચુકાદાનું અવલોકન કરતાં કહ્યું કે જોકે પીજી મેડિકલ કોર્સમાં નિષ્ણાત ડૉક્ટરની જરૂરિયાત વધુ હોય છે એટલા માટે આવાસ આધારિત અનામત હાઈ લેવલ પર બંધારણની કલમ 14નું ઉલ્લંઘન ગણાશે.

આ પણ વાંચો :-

મહારાષ્ટ્રમાં વિદ્યાર્થીએ સહ-વિદ્યાર્થિની પર દુષ્કર્મ બાદ હત્યા કરવા 100 રૂ. આપી સોપારી

News Editor
-
0
મહારાષ્ટ્રમાં વિદ્યાર્થીએ સહ-વિદ્યાર્થિની પર દુષ્કર્મ બાદ હત્યા કરવા 100 રૂ. આપી સોપારી

મહારાષ્ટ્રના પુણેથી એક ચોંકાવનારો કિસ્સો સામે આવ્યો છે. અહીં શાળાના એક વિદ્યાર્થીએ સાથી વિદ્યાર્થીની પર દુષ્કર્મ બાદ હત્યા કરવા માટે 100 રૂપિયામાં સોપારી આપી હતી. સેન્ટ સેબેસ્ટિયન ઈંગ્લિશ સ્કૂલની વિદ્યાર્થીનિએ પોતાના શિક્ષકોને એવું કહી દીધું હતું કે, એક વિદ્યાર્થીએ પોતાના માતા-પિતાની ખોટી સહી કરી દીધી હતી. જ્યારે તેણે આ અંગે ફરિયાદ કરી તો વિદ્યાર્થી ભડકી ગયો અને તેણે રોષમાં આવીને 100 રૂપિયામાં અન્ય વિદ્યાર્થીને વિદ્યાર્થિની પર દુષ્કર્મ બાદ હત્યા કરવા માટે સોપારી હતી. હવે આ સમગ્ર મામલે સ્કૂલ વહીવટી તંત્ર પર પણ સવાલો ઉઠી રહ્યા છે. પ્રિન્સિપાલ અને બે ટીચર્સ પર શાળાની પ્રતિષ્ઠા બચાવવાના નામે મામલો દબાવવાનો પ્રયાસ કરવાનો આરોપ છે. જોકે, હવે આ મામલે દૌંડ પોલીસ સ્ટેશનમાં કેસ નોંધવામાં આવ્યો છે.

FIRમાં પ્રિન્સિપાલ, ક્લાસ ટીચર અને અન્ય એક શિક્ષકને પણ આરોપી બનાવવામાં આવ્યા છે. આરોપ છે કે આ લોકોએ સગીર વિદ્યાર્થિની પર માનસિક અત્યાચાર કર્યો હતો. અહીં સુધી કે તેના એકેડેમિક પરફોર્મન્સને પણ નુકસાન પહોંચાડવાના પ્રયાસો કરવામાં આવ્યો હતો. આ કરવા પાછળનું કારણ એ હતું કે, તે આ મુદ્દો ઉઠાવવાથી પાછળ હટી જાય. સગીર શાળાના વિદ્યાર્થીઓમાં આ પ્રકારનું ષડયંત્ર અને દુશ્મનાવટ ચોંકાવનારું છે. તે પણ પુણે શહેરની એક ટોપ સ્કૂલમાં આ પ્રકારની ઘટનાઓ વાલીઓની ચિંતા પણ વધારો કરે છે. હજુ સુધી આ મામલે શાળા પ્રશાસન તરફથી કોઈ નિવેદન આપવામાં નથી આવ્યું.

રિપોર્ટ અનુસાર, પોલીસે જણાવ્યું હતું કે 26 સપ્ટેમ્બરના રોજ, 9 વર્ષના બાળકનો મૃતદેહ સ્કૂલ ડિરેક્ટરની કારની પાછળની સીટ પરથી મળી આવ્યો હતો. પહેલી શંકા ડિરેક્ટર પર પડી. લોકો માનતા હતા કે તેણે કૌટુંબિક સમસ્યા ઉકેલવા અને શાળાનું નામ પ્રખ્યાત કરવા માટે બાળકની બલી આપી છે. બાદમાં આ કેસમાં પાંચ લોકોની ધરપકડ કરવામાં આવી હતી. તેમના પર પુરાવા સાથે છેડછાડ કરવાનો આરોપ હતો. આ પછી ખબર પડી કે એક છોકરો જાણવાનો પ્રયાસ કરી રહ્યો હતો કે શાળા કેવી રીતે બંધ થશે. જ્યારે તેની પૂછપરછ કરવામાં આવી ત્યારે તેણે હત્યાની કબૂલાત પણ કરી લીધી. તેણે ટુવાલ વડે વિદ્યાર્થીનીનું ગળું દબાવીને હત્યા કરી નાખી.

આ પણ વાંચો :-

ભારતમાં લગભગ 55% ટ્રક ડ્રાઈવરોની દૃષ્ટિ નબળી, IIT સર્વેના આંકડા તમને કરશે આશ્યર્યચકિત

News Editor
-
0

ભારતમાં લગભગ 55.1 ટકા ટ્રક ડ્રાઈવરોની દૃષ્ટિ નબળી છે, જ્યારે 53.3 ટકા લોકોને દૂરની દ્રષ્ટિ માટે સુધારાની જરૂર છે અને 46.7 ટકા લોકોને નજીકની દૃષ્ટિ માટે સારવારની જરૂર છે. મંગળવારે જાહેર થયેલા એક અહેવાલમાંથી આ માહિતી સામે આવી છે. ઇન્ડિયન ઇન્સ્ટિટ્યૂટ ઑફ ટેક્નોલોજી (IIT), દિલ્હી દ્વારા તૈયાર કરાયેલા આ અહેવાલ મુજબ, લગભગ 44.3 ટકા ડ્રાઇવરોનો બોડી માસ ઇન્ડેક્સ (BMI) સીમારેખા અથવા તેનાથી ઉપર છે. જ્યારે 57.4 ટકા લોકોમાં બ્લડ પ્રેશરનું સ્તર ઊંચું હતું અને 18.4 ટકા લોકોમાં બ્લડ સુગરનું સ્તર સીમારેખા અથવા તેનાથી વધુ હતું.

IIT દિલ્હીએ આ રિપોર્ટ ફોરસાઈટ ફાઉંડેશનના સહયોગથી તૈયાર કર્યો છે. અહેવાલ તૈયાર કરવા ઉત્તર પ્રદેશ, રાજસ્થાન, મધ્ય પ્રદેશ, મહારાષ્ટ્ર, કોંગ્રેસ અને તમિલનાડુ રાજ્યના કુલ 50,000 ટ્રક ડ્રાઈવરોની તપાસ કરવામાં આવી હતી. રિપોર્ટ મુજબ લગભગ 33.9 ટકા ટ્રક ડ્રાઈવરોને ‘મોડરેટ લેવલ ઓફ સ્ટ્રેસ’ની તકલીફ છે. 2.9 ટકા ડ્રાઈવરને હાઈ લેવલ ઓફ સ્ટ્રેસ છે, જેમને મેન્ટલ હેલ્થ ટ્રીટમેન્ટની જરૂર છે.

કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ જણાવ્યું હતું કે ભારતના પરિવહન ક્ષેત્ર સામે એક મોટો મુદ્દો ડ્રાઇવરોની અછત છે અને દર 100 ટ્રક માટે ફક્ત 75 ડ્રાઇવરો છે. તેમણે કહ્યું, “અમે ડ્રાઇવરોની તાલીમ અને કલ્યાણ પર ધ્યાન કેન્દ્રિત કરીને આ સમસ્યાનું નિરાકરણ લાવી રહ્યા છીએ. અમે તેમના જીવનને સુધારવા માટે ડિજિટલાઇઝેશન અને એપ્લિકેશન એકીકરણ માટે પ્રતિબદ્ધ છીએ. ” દેશભરમાં આવશ્યક ચીજવસ્તુઓના પરિવહન માટે ટ્રક એક મહત્વપૂર્ણ માધ્યમ છે. ટ્રકોને ભારતીય લોજિસ્ટિક્સ ક્ષેત્રની કરોડરજ્જુ પણ કહેવામાં આવે છે. જોકે, આ ટ્રકો ચલાવતા ડ્રાઇવરોને ઘણીવાર મુશ્કેલ પડકારો અને કઠિન જીવનશૈલીનો સામનો કરવો પડે છે. આમાં ટ્રક ડ્રાઇવિંગના લાંબા કલાકો, અનિયમિત શિફ્ટ, પરિવારથી દૂર લાંબા સમય અને વિવિધ સ્વાસ્થ્ય સમસ્યાઓનો સમાવેશ થાય છે.

આ પણ વાંચો :-

GSLV-F15 રોકેટ સફળતાપૂર્વક લોન્ચ કરવા સાથે ISROએ પૂરું કર્યું 100મું મિશન

News Editor
-
0
GSLV-F15 રોકેટ સફળતાપૂર્વક લોન્ચ કરવા સાથે ISROએ પૂરું કર્યું 100મું મિશન

ભારતીય અંતરિક્ષ અનુસંધાન સંગઠન (ISRO)એ સવારે 6 વાગ્યેને 23 મિનિટ પર આંધ્ર પ્રદેશના શ્રીહરિકોટાથી NVS-02ને લઈ જતાં પોતાના GSLV-F15ને સફળતાપૂર્વક લોન્ચ કર્યું છે. આ દેશના અંતરિક્ષ કેન્દ્રથી ઈસરોનું 100મું પ્રક્ષેપણ છે. ઈસરોનું આ મિશન સફળ થઈ ગયું છે. ઈસરોએ મિશનને લઈને કહ્યું કે, મિશન સફળ થઈ ગયું છે. ભારત અંતરિક્ષ નેવિગેશનમાં નવી ઊંચાઈપર પહોંચી ગયું છે.

ઈસરોનું મિશન સફળ થતાં કેન્દ્રીય મંત્રી જિતેન્દ્ર સિંહે કહ્યું કે, શ્રીહરિ કોટાથી 100મું પ્રક્ષેપણની ઐતિહાસિક ઉપલબ્ધિ પ્રાપ્ત કરવા માટે ઈસરોને શુભકામનાઓ. આ રેકોર્ડ ઉપલબ્ધિને ઐતિહાસિક ક્ષણમાં અંતરિક્ષ વિભાગ સાથે જોડાવું સૌભાગ્યની વાત છે. ટીમ ઈસરો, પોતાના ફરી એક વાર GSLV-F15 / NVS-02 મિશનને સફળ પ્રક્ષેપણથી ભારતને ગૌરવાન્વિત કર્યું છે. ભારતીય નેવિગેશન સિસ્ટમ (NAVIC)નો ભાગ છે અને બીજી પેઢીનો ઉપગ્રહ છે. તેનો હેતુ ભારતમાં અને તેની આસપાસ 1500 કિમીની રેન્જ સુધી સચોટ સ્થિતિ, વેગ અને સમય સેવાઓ પૂરી પાડવાનો છે.

NVS-02 ઉપગ્રહ ટેકનોલોજીની દ્રષ્ટિએ અદ્યતન છે. તેનું વજન 2250 કિલો છે અને તે ત્રણ કિલોવોટ સુધીની શક્તિનો સામનો કરી શકે છે. તેમાં નેવિગેશન માટે L1, L5 અને S બેન્ડ પેલોડ્સનો સમાવેશ થાય છે, જે તેની સેવાઓને વધુ વધારશે. આ ઉપરાંત, આ ઉપગ્રહ L1 ફ્રીક્વન્સી બેન્ડને સપોર્ટ કરે છે, જે તેની વિશ્વસનીયતામાં પણ વધારો કરશે.

ઈસરોના મિશનની સફળતા પર કેન્દ્રીય મંત્રી જિતેન્દ્ર સિંહે કહ્યું હતું કે શ્રીહરિકોટાથી 100મા પ્રક્ષેપણની ઐતિહાસિક સિદ્ધિ હાંસલ કરવા બદલ ઈસરોને અભિનંદન. રેકોર્ડ સિદ્ધિની આ ઐતિહાસિક ક્ષણે અવકાશ વિભાગ સાથે જોડાવું એ એક સૌભાગ્યની વાત છે. ટીમ ઈસરો- તમે ફરી એક વાર GSLV-F15 / NVS-02 મિશનના સફળ પ્રક્ષેપણ સાથે ભારતને ગૌરવ અપાવ્યું છે.

આ પણ વાંચો :-

મહાકુંભમાં નાસભાગને કારણે થયેલા મોત પર રડી પડ્યા મહામંડલેશ્વર, જાણો શું કહ્યું ?

News Editor
-
0
મહાકુંભમાં નાસભાગને કારણે થયેલા મોત પર રડી પડ્યા મહામંડલેશ્વર, જાણો શું કહ્યું ?

ઉત્તર પ્રદેશના પ્રયાગરાજમાં સંગમ ઘાટ પર આયોજિત વિશ્વના સૌથી મોટા ધાર્મિક મેળાવડા મહાકુંભમાં બુધવારે સવારે નાસભાગ મચી ગઈ હતી, જેમાં 20 લોકોના મોત થયા હતા અને અનેક લોકો ઘાયલ થયા હતા. મહામંડલેશ્વર પ્રેમાનંદ પુરીએ આ ઘટના બાદ કહ્યું કે, જેટલી ભીડ હતી, તેને પોલીસ સંભાળી શકી નથી. આ પોલીસનું કામ નથી, કે સંભાળી શકે. સેનાને હવાલે મહાકુંભ કરી દેવો જોઈએ. તેમણે કહ્યું કે, સંતોએ શરુઆતથી જ આ મેળાને સેનાના હવાલે કરવાની માગ કરી હતી.

નાસભાગની વાત કરતા પંચાયતી અખાડાના મહામંડલેશ્વર પ્રેમાનંદ પુરી મહારાજ અચાનક રડવા લાગ્યા હતા. તેમણે જણાવ્યું હતું કે, અમે પહેલા જ કહ્યું હતું કે અમે પહેલા પણ કહ્યું હતું કે કુંભની સુરક્ષાને સેનાના હવાલે કરી દેવામાં આવે પણ કોઈએ અમારી વાત માની નહીં. આટલી જનતા આવ્યા બાદ પોલીસ આ ભીડ સંભાળી શકે તે ગજું નથી. મેં અખાડામાં પોતાના સાથીઓને કહીને આવ્યો છે કે, તમે લોકો અહીંથી એવી જાહેરાત ન કરતા કે આ બધું થયું છે. તમે ધીમે ધીમે ભક્તોને પોતાના કેમ્પ તરફ પાછા વળવાનું કહી દો. કારણ કે તેનાથી ત્યાં ભાગદોડ મચવાની આશંકા છે. જો કુંભ મેળો સેનાના હવાલે કર્યો હોત મને નથી લાગતું કે આટલી મોટી દુર્ઘટના થાત.

અખિલ ભારતીય અખાડા પરિષદના પ્રમુખ રાજેન્દ્ર પૂરીએ જણાવ્યું હતું કે આ ઘટનાથી અમને પણ ઘણો આઘાત લાગ્યો છે. અમારી સાથે હજારો ભક્તો હતા. અમે જનહિતમાં એવો નિર્ણય લીધો છે કે આજે અખાડાઓ સ્નાનમાં ભાગ લેશે નહીં. હું લોકોને અપીલ કરું છું કે તેઓ આના બદલે વસંત પંચમી પર સ્નાન કરવા આવે. કરોડો લોકોને હેન્ડલ કરવા સરળ નથી સહુએ અધિકારીઓને સહકાર આપવો જોઈએ.

માહિતી અનુસાર એક પ્રત્યક્ષદર્શીએ કહ્યું કે, ‘મધ્યરાત્રિએ શ્રદ્ધાળુઓની ભારે ભીડ સંગમ કિનારે ઉમટી હતી. આ દરમિયાન જ બેરિકેડનો એક હિસ્સો તૂટ્યો અને નાસભાગ મચી ગઈ. જોત જોતામાં સ્થિતિ બેકાબૂ થઈ અને લોકો બેફામ આમ-તેમ ભાગવા લાગ્યા. જેના લીધે અનેક લોકોની વસ્તુઓ નીચે પડી ગઈ અને જે લોકો વસ્તુઓ ઉપાડવા નમ્યા તે ભીડ નીચે કચડાઈ ગયા. ઘણાં લોકોએ બચવા પ્રયાસ કર્યો પણ કોઈ બચવાની જગ્યા ન મળી. બધા વિખેરાઈ ગયા. અનેક ઘાયલ પણ થયા છે. સ્થિતિ જ એવી હતી કે કોઈને ખબર ના પડી શકે ખરેખર શું થઈ રહ્યું છે.’

આ પણ વાંચો :-

મહાકુંભમાં નાસભાગની ઘટના અંગે વિપક્ષે યોગી સરકારનો ઘેરાવ કર્યો

News Editor
-
0
મહાકુંભમાં નાસભાગની ઘટના અંગે વિપક્ષે યોગી સરકારનો ઘેરાવ કર્યો

પ્રયાગરાજમાં આયોજિત મહાકુંભમાં નાસભાગ સર્જાય હતી. આ નાસભાગમાં 20થી વધુના મોત થયા હોવાની આશંકા સેવાય રહી છે. ત્યારે આ હવે મહાકુંભને લઈ રાજનીતિમાં ગરમાય છે. મહાકુંભ બનેલી ઘટનાને લઈ તમામ નેતા ઓની પ્રતિક્રિયા સામે આવી રહી છે. આ ઉપરાંત સુરક્ષા બંદોબસ્તમાં વધારી દેવામાં આવ્યો છે. અને અફવા પર ધ્યાન ન આપવા અપિલ પણ કરવામાં આવી છે. આ વચ્ચે કોંગ્રેસ નેતા રાહુગાંધી સોશિયલ મીડિયા પ્લેટફોર્મ પર પોસ્ટ કરી સરકાર પર નિશાન સાધ્યું છે.

કોંગ્રેસ નેતા રાહુલ ગાંધીએ ‘X’ પર લખ્યું કે, ‘હાલમાં મહાકુંભને ઘણો સમય બાકી છે અને હજુ ઘણાં મહાસ્નાન થવાના છે. આજ જેવી દુઃખદ ભવિષ્યમાં ન બને તેના માટે સરકારે વ્યવસ્થામાં સુધારા કરવા જોઈએ. વીઆઈપી કલ્ચર પર સકંજો કસવામાં આવે અને સરકાર સામાન્ય શ્રદ્ધાળુઓની જરૂરિયાતનો પૂર્ણ કરવા માટે શ્રેષ્ઠ વ્યવસ્થા કરે. કોંગ્રેસ કાર્યકરો અને નેતાઓને મારી અપીલ છે કે તેઓ પીડિત પરિવારોની મદદ કરે.’

બસપા સુપ્રીમો માયાવતીએ એક્સ પર કહ્યું કે, પ્રયાગરાજની સંગમ સ્થળી પર, મહાકુંભમાં થયેલી ભાગદોડમાં જે પણ શ્રદ્ધાળુઓએ પોતાનો જીવ ગુમાવ્યો છે તથા ઘાયલ થયા છે, આ ઘટના અતિ દુ:ખદ તથા ચિંતનીય છે. આવા સમયે કુદરત પીડિતોને આ દુ:ખ સહન કરવાની શક્તિ આપે, પાર્ટીની આ જ કામના.

કોંગ્રેસ પ્રદેશ અધ્યક્ષ અજય રાયે કહ્યું કે, મહાકુંભમાં મૌની અમાવસ્યાના સ્નાનના દિવસે ભાગદોડ થવાથી કેટલાય લોકોના મૃત્યુ અને ઘાયલ થવાના સમાચાર પીડાદાયક છે. આ દુ:ખદ ઘટના આ મેળાની અવ્યવસ્થા અને ઉત્તર પ્રદેશ સરકારની નિષ્ફળતાઓને ઉજાગર કરે છે. યોગી સરકારે બધા પૈસા પોતાની બ્રાંડિંગ અને માર્કેટિંગ પર ખર્ચ કર્યા, મહાકુંભમાં આવતા શ્રદ્ધાળુઓની વ્યવસ્થા પર નહીં, આ સરકારની અસંવેદનશીલતા પ્રદર્શિત કરે છે.

યોગી આદિત્યનાથે કહ્યું કે- રાત્રે 1 વાગ્યાથી 2 વાગ્યા વચ્ચે અખાડા માર્ગ પર બેરિકેડ તોડીને આવવામાં કેટલાક શ્રદ્ધાળુ ગંભીર રીતે ઘાયલ થયા છે તેમના માટે સારવારની વ્યવસ્થા કરવામાં આવી છે. સતત સ્થાનિક તંત્ર સ્નાનની વ્યવસ્થા કરી રહ્યું છે. પ્રયાગરાજમાં મહાકુંભમાં સ્નાન કરો, અમૃત સ્નાન માટે દેશભરથી આવેલા લોકોની વ્યવસ્થા માટે પીએમ મોદીએ ચાર વખત સ્થિતિની સમીક્ષા કરી છે. યોગી આદિત્યનાથે આ સાથે જ કહ્યું હતું કે, મહાકુંભમાં અત્યારે સ્થિતિ અંડરકંટ્રોલ છે, કોઇ અફવા ના ફેલાવો.

પ્રાપ્ત માહિતી પ્રમાણે મધ્યરાત્રિએ શ્રદ્ધાળુઓની ભારે ભીડ સંગમ કિનારે ઉમટી હતી. આ દરમિયાન જ બેરિકેડનો એક હિસ્સો તૂટ્યો અને નાસભાગ મચી ગઈ. જોત જોતામાં સ્થિતિ બેકાબૂ થઇ અને લોકો બેફામ આમ-તેમ ભાગવા લાગ્યા. જેના લીધે અનેક લોકોની વસ્તુઓ નીચે પડી ગઇ અને જે લોકો વસ્તુઓ ઉપાડવા નમ્યા તે ભીડ નીચે કચડાઈ ગયા. ઘણાં લોકોએ બચવા પ્રયાસ કર્યો પણ કોઈ બચવાની જગ્યા ન મળી. બધા વિખેરાઈ ગયા. અનેક ઘાયલ પણ થયા છે. સ્થિતિ જ એવી હતી કે કોઈને ખબર ના પડી શકે ખરેખર શું થઇ રહ્યું છે.’

આ પણ વાંચો :-

મૌની અમાસ પર મહાકુંભમાં નાસભાગમાં અત્યાર સુધીમાં 20 લોકોના મોત

News Editor
-
0
મૌની અમાસ પર મહાકુંભમાં નાસભાગમાં અત્યાર સુધીમાં 20 લોકોના મોત

પ્રયાગરાજમાં મૌની અમાસ પર મહાકુંભમાં ડૂબકી લગાવવા મોટી સંખ્યામાં શ્રદ્ધાળુઓ ઉમટી પડતાં સર્જાયેલી નાસભાગમાં 20થી વધુ લોકોના મૃત્યુ થયાની આશંકા છે. તંત્ર દ્વારા હજુ આંકડો જાહેર કરવામાં આવ્યો નથી. આ દરમિયાન અનેક લોકો ઘાયલ થયાના પણ અહેવાલ છે.

મહાકુંભમાં મૌની અમાવસ્યા પર તાાન માટે ભીડ વધી જવાથી ભાગદોડ મચી ગઈ. મંગળવાર-બુધવારે રાત્રે લગભગ 1:30 વાગ્યે પ્રયાગરાજના સંગમ કિનારે જ્યારે મૌની અમાવસ્થા પર તાાન કરવા માટે અચાનક ભીડ વધવા લાગી. લોકો મુખ્ય સંગમ પર જ તાાન કરવાનો આગ્રહ રાખવા લાગ્યા. પછી અચાનક વધતી ભીડના દબાણને કારણે મેળામાં નાસભાગ મચી ગઈ. ચારે બાજુ ચીસો પડી રહી હતી. નાસભાગ મચી ગઈ. આમાં 20 થી વધુ લોકોના મોત થયાના અહેવાલ છે. 52થી વધુ ઘાયલ થયા છે. સ્વરૂપ રાની હોસ્પિટલમાં હાજર રિપોર્ટરના જણાવ્યા અનુસાર 20 મળતદેહો પોસ્ટમોર્ટમ માટે લાવવામાં આવ્યા છે. જોકે, વહીવટીતંત્રે મળત્યુ કે ઘાયલોની સંખ્યા અંગે કોઈ માહિતી આપી ન હતી.

મહાકુંભમાં, મૌની અમાસ પર તાાન કરવાનું વિશેષ મહત્વ માનવામાં આવે છે. આના કારણે દેશના ખૂણે ખૂણેથી લોકો પ્રયાગરાજ પહોંચી રહ્યા હતા. રાત્રે 1 વાગ્યાની આસપાસ સંગમની આસપાસ અચાનક ભીડ વધી ગઈ હતી. મહાકુંભમાં તાાન માટે 45 ઘાટ બનાવવામાં આવ્યા છે. પરંતુ લોકો મુખ્ય સંગમ પર જ તાાન કરવાનો આગ્રહ રાખવા લાગ્યા. જેના કારણે ભીડ એકબીજાને ધક્કો મારતા આગળ વધવા લાગી. જેના કારણે ભીડને કાબૂમાં લેવા માટે મૂકવામાં આવેલા બેરિકેડ તૂટવા લાગ્યા. થોડી વારમાં જ કેટલીકસ્ત્રીઓનો શ્વાસ રૂંધાવા લાગ્યો અને તેઓ નીચે પડવા લાગી.

માહિતી અનુસાર એક પ્રત્યક્ષદર્શીએ કહ્યું કે રાતે 1:30 વાગ્યે શ્રદ્ધાળુઓની ભારે ભીડ સંગમ કિનારે ઉમટી હતી. આ દરમિયાન જ બેરિકેડનો એક હિસ્સો તૂટ્યો અને નાસભાગ મચી ગઈ. જોત જોતામાં સ્થિતિ બેકાબૂ થઈ અને લોકો બેફામ આમ-તેમ ભાગવા લાગ્યા. જેના લીધે અનેક લોકોની વસ્તુઓ નીચે પડી ગઈ અને જે લોકો વસ્તુઓ ઉપાડવા નમ્યા તે ભીડ નીચે કચડાઈ ગયા. તેમણે કહ્યું કે ઘણાં લોકોએ બચવા પ્રયાસ કર્યો પણ કોઈ બચવાની જગ્યા ન મળી. બધા વિખેરાઈ ગયા. અનેક ઘાયલ પણ થયા છે. સ્થિતિ જ એવી હતી કે કોઈને ખબર ના પડી શકે ખરેખર શું થઈ રહ્યું છે.

આ પણ વાંચો :-

પ્રયાગરાજ મહાકુંભમાં નાસભાગ, 10થી વધુ લોકોના મોતની આશંકા, અમૃત સ્નાન રદ

News Editor
-
0
પ્રયાગરાજ મહાકુંભમાં નાસભાગ, 10થી વધુ લોકોના મોતની આશંકા, અમૃત સ્નાન રદ

મહાકુંભ 2025માં આજે અમૃત સ્નાન થવાનું હતું, પરંતુ વધતી ભીડને કારણે નાસભાગ મચી ગઈ હતી જેમાં 10થી વધુ લોકોના મોત થયા છે. બાદ અખાડા પરિષદે નિર્ણય લીધો છે કે, મૌની અમાવસ્યાના દિવસે અમૃત સ્નાન નહીં થાય. આ માહિતી અખાડા પરિષદના પ્રમુખ રવિન્દ્ર પુરીએ આપી હતી. તેમણે કહ્યું કે, આજે પ્રયાગરાજ મહાકુંભમાં નાસભાગની ઘટના બાદ અખાડાએ મૌની અમાવસ્યા પર અમૃત સ્નાનનો કાર્યક્રમ સંપૂર્ણપણે રદ કરી દીધો છે.

હવે આજે કોઈ અમૃતમાં સ્નાન નહીં કરે. અખાડાએ પણ તેના સરઘસોને છાવણીઓમાં પાછા બોલાવ્યા છે. અખાડા પરિષદના પ્રમુખ મહંત રવિન્દ્ર પુરીએ વાતચીતમાં આ માહિતી આપી હતી.

મહાકુંભમાં નાસભાગના સમાચાર પર, સ્પેશિયલ ડ્યુટી ઓફિસર આકાંક્ષા રાણાએ કહ્યુ કે, “સંગમ માર્ગો પરના કેટલાક અવરોધો તોડવાને કારણે નાસભાગ જેવી સ્થિતિ સર્જાઈ હતી. કેટલાક લોકો ઘાયલ થયા છે. તેઓની સારવાર ચાલી રહી છે. કોઇને ગંભીર ઇજા નથી થઇ. ”

ઉલ્લેખનિય છે કે, મેળા વિસ્તારમાં નાસભાગના કારણે કેટલાક વૃદ્ધો અને મહિલાઓ ગૂંગળામણને કારણે બેભાન થઈ ગયા હતા. આ પછી અફવા ફેલાઈ ગઈ અને 20 થી 25 લોકોને હોસ્પિટલમાં દાખલ કરવામાં આવ્યા. અફવાના કારણે મેળા વિસ્તારમાં નાસભાગ મચી ગઈ હતી.

29 જાન્યુઆરી, 2025 / બુધવારના દિવસે આ રાશિના જાતકોને કામમાં આવશે વારંવાર વિધ્ન,આર્થિક રીતે પણ પડશે ફટકો, જુઓ રાશિ ભવિષ્ય

News Editor
-
0
29 જાન્યુઆરી, 2025 / બુધવારના દિવસે આ રાશિના જાતકોને કામમાં આવશે વારંવાર વિધ્ન,આર્થિક રીતે પણ પડશે ફટકો, જુઓ રાશિ ભવિષ્ય

મેષ

આત્મ‌‌વિશ્વાસમાં વધારો થતાં યોગ્ય ‌નિર્ણયો લઇ શકાય. શુક્રને કારણે આવકમાં વધારો થતો જણાય. પ‌રિવારમાં પરસ્પર મન દુઃખ ન થાય એનું ધ્યાન રાખવું. ધંધામાં પ્રગ‌તિ થતી જણાય. ‌મિત્રોનો સાથ મળતાં આનંદ વધે.

વૃષભ

ભાગ્યનો સાથ મળતાં કાર્યક્ષેત્રે સફળતા મળે. પ‌રિણામે માન‌સિક આનંદનો અનુભવ થાય. ધા‌ર્મિક કાર્યનું આયોજન સક્ય બને. નવા રોકાણો કરી શકાય. માતા-‌પિતા સાથે મતભેદ સંભવે. સ્વાસ્થય સારૂં રહેતું અનુભવાય.

‌‌મિથુન

‌દિવસ દરમ્યાન ગુસ્સો વધે. આવકનું પ્રમાણ ઘટતું જણાય. નાના-ભાઇ બહેનની ત‌બિયત સાચવવી. વાણી ઉપર કાબુ રાખવો જરૂરી છે. અગત્યના કાર્યો ટાળવા. ફેફસાના રોગોથી કાળજી રાખવી. ભાગ્યનો સાથ મળતો જણાય છે.

કર્ક

‌નિરાશાવાદી ‌વિચારધારા તથા ડરપોક સ્વભાવ છોડી મન ‌સ્થિર કરવું. આંખની તકલીફોની કાળજી રાખવી. ખનીજ, કોલસો, રસાયણ જેવા ધંધાર્થી માટે શુભ ફળ મળે. સાંસા‌રિક જીવનમાં મધુરતાનો અનુભવ થાય.

‌સિંહ

‌દિવસ દરમ્યાન નકારાત્મક ‌વિચારો સતાવે. ધારેલી આવક મેળવવામાં અવરોધ ઉભા થાય. પ‌રિવારમાં લાગણીશીલતા વધે. કાપડના તથા સ્ત્રીઓને લગતી વસ્તુઓના ધંધામાં ફાયદો થતો જણાય. ત‌બિયતનું ધ્યન રાખવું ‌હિતાવહ છે.

કન્યા

પુત્ર-પૌત્રી તરફથી સ્નેહ વધતો જણાય. લક્ષ્મીની યોગ્ય હેરફેર શક્ય બને. ‌મિત્રો તરફથી લાભ મળવાની તકો ઉજળી થતી જણાય. આવકનું પ્રમાણ જળવાય. વધારે કામ કરવાને કારણે થાકનો અનુભવ થાય.

તુલા

આનંદ-ઉત્સાહમાં વૃ‌ધ્ધિ થાય. કરેલા રોકાણો નફાકારક સા‌‌બિત થાય. નોકરીમાં બઢતી અને ધંધામાં પ્ર‌ગ‌તિ ના યોગ બને છે. માતૃપક્ષ તરફથી સારા સમાચાર મળે. સંતાન સાતે મતભેદ ટાળવા. માન-સન્માનમાં વૃ‌ધ્ધિ થાય.

વૃ‌‌શ્ચિક

મોજ-શોખમાં ખર્ચ વધે. બચત ઓછી થતી જણાય. નાના ભાઇ બહેનોની ‌ત‌બિયતની કાળજી જરૂરી. ગળાના રોગોથી સાચવવું. કુટુંબ શાં‌તિ અને સંપનું વાતાવરણ રહે. કાર્યક્ષેત્રે સફળતા મળતી જણાય. આરોગ્ય સારૂં રહેશે.

ધન

આવક વધતા મા‌ન‌સિક ‌ચિંતા ઓછી થતી જણાય. છતાં અકારણ અજંપો રહે. પ‌રિવારના તમામ સભ્યોનો સાથ સહકાર મળતો જણાય. ‌પિતા તરફથી આ‌‌‌ર્થિક લાભ મળવાના યોગ છે. સંતાન સંબંધી ‌ચિંતા સતાવે. ભાગ્યનો સાથ મળતો અનુભવાય.

મકર

ગુરૂ ચન્દ્રના સુભંગ સમન્વયને કારણે આનંદમાં વધારો થાય. આ‌‌ર્થિક પાસુ મજબૂત બનતું જણાય. પ‌રિવારમાં આનંદ ઉત્સાહ વધે. કાર્યમાં સફળતા મળતી જણાય. પાન, સોપારી, દૂધ, માછીમારી જેવા ધંધામા વદુ પ્રગ‌તિ થતી જણાય.

કુંભ

મન અશાંત રહે એવી પ‌રિ‌સ્થિ‌તિનું ‌નિર્માણ થાય. આ‍વક અંગે અસંતોષ વધતો જણાય. નાણાં ઉછીના લેવા કે આપવા નહીં. અન્યથા નાણાં ફસાઇ જવાના યોગ બને છે. જમણી આંખની તથા મગજના રોગોથી સાવચેત રહેવું.

મીન

‌મિત્રો થતી આવકનો લાભ મળતો જણાય છે. જુની ઉઘરાણી છુટી થાય. પ‌રિવારમાં તથા કાર્યક્ષેત્રે સ્ત્રીવર્ગ તરફથી સહકાર મળતો જણાય. જમીન-મકાન, દલાલીના ધંધામાં ‌વિશેષ લાભ. સંતાનની પ્રગ‌તિ અનુભવાય. આરોગ્યનું ધ્યાન રાખવું.

સુરતમાં એમડી ડ્રગ્સનો ઓવરડોઝ લેવાના કારણે 32 વર્ષીય યુવકનું મોત

News Editor
-
0
સુરતમાં એમડી ડ્રગ્સનો ઓવરડોઝ લેવાના કારણે 32 વર્ષીય યુવકનું મોત

સુરતમાં પોલીસ દ્વારા નો ડ્રગ્સ ઈન સુરત સિટી અભિયાન ચલાવવામાં આવી રહ્યું છે ત્યારે ઉન વિસ્તારમાં 32 વર્ષીય યુવકનું શંકાસ્પદ મોત નીપજ્યું છે. એમડી ડ્રગ્સનો ઓવરડોઝ લેવાના કારણે જ યુવકનું મોત થયું હોવાનું પરિવારનું અનુમાન છે.યુવકના મૃતદેહને પોસ્ટમોર્ટમ માટે સિવિલ હોસ્પિટલ ખસેડવામાં આવ્યો છે. પોસ્ટમોર્ટમ રિપોર્ટ બાદ જ યુવકના મોતનું સાચું કારણ સામે આવશે.

મળતી માહિતી મુજબ, સુરતના ઉન વિસ્તારમાં 32 વર્ષીય યુવકનું શંકાસ્પદ મોત થઇ ગયું છે. પરિવારનું અનુમાન છે કે, MD ડ્રગ્સના ઓવરડોઝને કારણે જ યુવકનું મોત થયું છે. મૃતકના ભાઈએ કહ્યું કે, મારા ભાઈનું મોત MD ડ્રગ્સના ઓવરડોઝને કારણે જ થયું છે. ઉન પાટિયાથી લઈને ધંધા ચોકડી સુધી આ ધંધો ચાલી રહ્યો છે. પોલીસને મારી એટલી જ વિનંતી છે કે, આ બધુ બંધ કરાવીને યુવાનોને બચાવવામાં આવે. આ ધંધા ઉપર કાર્યવાહી કરો. મારા ભાઈને 3 દીકરીઓ છે અને ઘરમાં કમાવાળો તે એક જ હતો. મારા ભાઈને ન્યાય મળવો જોઈએ.

ઉન વિસ્તારમાં આવેલી સંજર સોસાયટીના નવાઝખાન પઠાણ રિક્ષા ચલાવીને પરિવારનું ગુજરાન ચલાવતો હતો. નવાઝ ખા સમયે-સમયે દારૂ પણ પીતો હતો. થોડા દિવસથી તે મિત્રો સાથે MD ડ્રગ્સનો નશો કરતો પણ થઈ ગયો હતો. 20 જાન્યુઆરીની રાત્રે 11:00 વાગ્યાના સમયગાળામાં નવાઝે પોતાના ઘર પર કોઈ નશાકારક દ્રવ્યનું ઈન્જેકશન લીધું હતું. ત્યારબાદ સવારે તેને ખેંચ આવી ગઈ હતી અને બેભાન થઈ ગયો હતો. ત્યારબાદ લગભગ 3 ખાનગી હૉસ્પિટલમાં સારવાર કરવામાં આવી હતી. જો કે, કોઈ રિકવરી ન આવી અને સારવાર દરમિયાન તેનું મોત થઈ ગયું. જોકે પોસ્ટમૉર્ટમ રિપોર્ટ બાદ તેના મોતનું સાચું કારણ સામે આવશે. હાલમાં આ મામલે ભેસ્તાન પોલીસ વધુ તપાસ હાથ ધરી રહી છે.

આ પણ વાંચો :-

1...536537538...1,466Page 537 of 1,466