Home Blog Page 447

અમારી લડાઈ આતંકવાદ સામે, ઓપરેશન સિંદૂર પર DGMOની પ્રેસ

News Editor
-
0
અમારી લડાઈ આતંકવાદ સામે, ઓપરેશન સિંદૂર પર DGMOની પ્રેસ

નવી દિલ્હી ખાતે યોજાયેલી સંયુક્ત પ્રેસ કોન્ફરન્સમાં ભારતીય સશસ્ત્ર દળોએ ઓપરેશન સિંદૂર અંગે વિસ્તૃત માહિતી આપી હતી. ડાયરેકટર જનરલ ઓફ મિલિટરી ઓપરેશન્સ લેફ્ટનન્ટ જનરલ રાજીવ ધાઈ, એર માર્શલ એ.કે. ભારતી અને વાઈસ એડમિરલ એ.એન. પ્રમોદે સ્પષ્ટ શબ્દોમાં જણાવ્યું હતું કે ભારતનું યુદ્ધ માત્ર આતંકવાદીઓ સામે હતું અને પાકિસ્તાને આતંકવાદીઓને બચાવવા માટે દરમિયાનગીરી કરીને જે નુકસાન વેઠ્યું છે. તેના માટે તે પોતે જ જવાબદાર છે.

એર માર્શલ ભારતીએ ભારપૂર્વક જણાવ્યું હતું કે ભારતીય વાયુસેનાએ માત્ર આતંકવાદીઓના ઠેકાણાંને જ નિશાન બનાવ્યા હતા, પરંતુ પાકિસ્તાની સેનાએ જાણીજોઈને તેમાં દખલગીરી કરી. તેમણે સ્વદેશી હવાઈ સંરક્ષણ પ્રણાલી આકાશની પ્રશંસા કરતા કહ્યું કે તેણે પાકિસ્તાની ડ્રોનને તોડી પાડવામાં મહત્વની ભૂમિકા ભજવી. તેમણે ઉમેર્યું કે છેલ્લા દાયકામાં સરકારના સહયોગથી ભારતીય વાયુસેનાએ પોતાની ક્ષમતામાં નોંધપાત્ર વધારો કર્યો છે. પ્રેસ કોન્ફરન્સમાં ઓપરેશન સિંદૂર દરમિયાન નિશાન બનાવવામાં આવેલા પાકિસ્તાની લક્ષ્યોની તસવીરો પણ દર્શાવવામાં આવી હતી.

વાઈસ એડમિરલ એ.એન. પ્રમોદે ભારતીય નૌકાદળની સંપૂર્ણ યુદ્ધ તૈયારીઓ વિશે માહિતી આપી હતી અને જણાવ્યું હતું કે નૌકાદળ જમીન, હવા અને પાણી ત્રણેય ક્ષેત્રોમાં એકસાથે ખતરાનો સામનો કરવા માટે સક્ષમ છે. તેમણે ભારતીય દરિયાઈ ક્ષેત્રની સુરક્ષા સુનિશ્ચિત કરવા માટે નૌકાદળની સતત દેખરેખ અને ઓળખ ક્ષમતા પર ભાર મૂક્યો હતો.

લેફ્ટનન્ટ જનરલ રાજીવ ધાઈએ ભારતના મજબૂત હવાઈ સંરક્ષણ સ્તરનો ઉલ્લેખ કરતા જણાવ્યું હતું કે તેમાં ઘૂસણખોરી કરવી લગભગ અશક્ય છે. તેમણે ક્રિકેટની રમતની સરખામણી કરીને ભારતની સંરક્ષણ પ્રણાલીની મજબૂતાઈ સમજાવી હતી. ત્રણેય સૈન્ય અધિકારીઓએ એક સ્વરમાં કહ્યું હતું કે ભારત શાંતિ ઇચ્છે છે, પરંતુ પોતાની સુરક્ષા અને સાર્વભૌમત્વની રક્ષા કરવા માટે સંપૂર્ણપણે તૈયાર છે.

પાકિસ્તાની અભિનેત્રીએ કંગના રનૌતને આપી ધમકી, ‘મારો એક મુક્કો કાફી છે’

News Editor
-
0
પાકિસ્તાની અભિનેત્રીએ કંગના રનૌતને આપી ધમકી, ‘મારો એક મુક્કો કાફી છે’

ભારત-પાકિસ્તાન વચ્ચે તણાવ હવે સીઝફાયર બાદ સરહદ પર થંભી ગયો છે. પરંતુ ડિપ્લોમેટિક ફ્રંટ પર બંને વચ્ચે તણખલાઓ થઈ રહ્યા છે. આ દરમિયાન બંને દેશોના કલાકારો તેના પર પોતાની પ્રતિક્રિયાઓ આપી રહ્યા છે. ભારતીય કલકારો પોતાના દેશ અને સરકારી નીતિઓની સાથે છે. મંડીથી બીજેપી સાંસદ અને એક્ટ્રેસ કંગના રનૌત પણ ભારતના પક્ષમાં સતત નિવેદનો આપી રહી છે. સોશિયલ મીડિયા પર એક્ટિવ રહેતી કંગના રનૌત સતત ઇન્સ્ટાગ્રામ પોસ્ટ કરતા દેશની સેનાના ભરપેટ વખાણ કરી રહી છે અને કહી રહી છે કે ભારતે પાકિસ્તાનને જડબાતોડ જવાબ આપ્યો છે. આ દરમિયાન એક પાકિસ્તાની એક્ટ્રેસ મિશી ખાને કંગનાને ધમકી આપી દીધી છે. તેણે કંગનાને લઈ વિવાદાસ્પદ વાતો કહી છે.

પાકિસ્તાની એક્ટ્રેસે શું કહ્યું?
મિશી ખાને કંગના રનૌતને લઈ એક વીડિયોમાં ઘણુ બધુ કહ્યું છે. તમે તેને વીડિયોમાં એવું કહેતા સાંભળી શકો છો,”હા ભાઈ કંગના રનૌત પાકિસ્તાનનો જવાબ કેવો લાગ્યો…. ઉંદેરડી માટે લોલવું સરળ છે અને પાકિસ્તાનના લોકે માટે ખરાબ બોલવું તને મોંઘું તો પડી જ ગયું છે. આગળ બોલતા પહેલા વિચારી લેવું કે અમે લોકો અહીં છીએ…. પાકિસ્તાનને ડિફેન્ડ કરવા માટે અને તું પોતે કોણ છે પોતાની અંદરે જોઈ લે. હવે આગળ જો પાકિસ્તાન માટે કે પાકિસ્તાનના લોકો માટે કંઈ ખોટી વાત કરી તો ટિકિટ કપાવીને ત્યાં આવીશ અને તારી ખબર લઈશ અથવા પછી મેચની માફક મિડલ ગ્રાઉન્ડ રાખી લઈએ. મારી ચેલેન્ડ છે તને દુબઈ રાખી લે અથવા લંડન રાખી લે, મારો એક જ મુક્કો તને મોંઘો પડશે.”

ભારતીય અને પાકિસ્તાની કલાકારો વચ્ચે સોશિયલ મીડિયા પર જંગ છેડાઈ ગઈ છે. ભારતીય એક્ટર્સ કોઈ પણ રીતે પાકિસ્તાની કલાકારોને આડે હાથ લઈ રહ્યા છે. તાજેતરમાં જ હર્ષવર્ધન રાણે એ જાહેરાત કરી કે માવરા હુસૈનની સાથે કામ કરશે નહીં કારણ કે તેમને દેશથી પ્રેમ છે. ત્યાં જ ભારતીય ટીવી એક્ટ્રેસ ફલક નાજ સતત પાકિસ્તાની કલાકારોને જડબાતોડ જવાબ આપી રહી છે.

રાજ્યમાં ગાજવીજ સાથે કમોસમી વરસાદની આગાહી : હવામાન વિભાગ

News Editor
-
0
રાજ્યમાં ગાજવીજ સાથે કમોસમી વરસાદની આગાહી : હવામાન વિભાગ

ગુજરાતના છેલ્લા કેટલાક દિવસોથી ગાજવીજ સાથે કમોસમી વરસાદ થઈ રહ્યો છે, ત્યારે શનિવારે સાબરકાંઠા, જૂનાગઢ, અરવલ્લી, રાજકોટ સહિતના વિસ્તારોમાં માવઠુ થયુ હતુ. જ્યારે હવામાન વિભાગે આગામી 13 મે, 2025 સુધી ગાજવીજ સાથે હળવાથી મધ્યમ કમોસમી વરસાદની આગાહી કરવામાં આવી છે. જ્યારે રાજ્યમાં 9 મેના 6 વાગ્યાથી 10 મેના 6 વાગ્યાના 24 કલાક દરમિયાન કુલ 73 તાલુકામાં માવઠું થતાં ખેડૂતોમાં ચિંતા વધી છે.

હવામાન વિભાગની આગાહી મુજબ, 13 મેના રોજ રાજકોટ, અમરેલી, ભાવનગર, ગીર સોમનાથ, જૂનાગઢ, સાબરકાંઠા, અરવલ્લી, મહીસાગર, ખેડા, પંચમહાલ, દાહોદ, વડોદરા, આણંદ, છોટા ઉદેપુર, ભરૂચ, નર્મદા, સુરત, તાપી, ડાંગ, નવસારી અને વલસાડ જિલ્લાના છૂટાછવાયા સ્થળોએ મેઘગર્જના સાથે હળવાથી મધ્યમ કમોસમી વરસાદની આગાહી છે.

આગામી 14 મેના રોજ સૌરાષ્ટ્રના ગીર સોમનાથ, અમરેલી, ભાવનગર અને ભરૂચ, નર્મદા, છોટા ઉદેપુર, સુરત, ડાંગ, તાપી, નવસારી, વલસાડ જિલ્લાના છૂટાછવાયા સ્થળોએ ગાજવીજ સાથે હળવાથી મધ્યમ કમોસમી વરસાદની આગાહી છે. રાજ્યમાં ભરઉનાળે કમોસમી વરસાદ વરસી રહ્યો છે.

બેનકાબ થયો પાકિસ્તાન : પાક આર્મી જેને નિર્દોષ મૌલાના કહ્યું તે લશ્કરનો આતંકી નીકળ્યો

News Editor
-
0
બેનકાબ થયો પાકિસ્તાન : પાક આર્મી જેને નિર્દોષ મૌલાના કહ્યું તે લશ્કરનો આતંકી નીકળ્યો

પાકિસ્તાન આતંકવાદીઓનું આશ્રયસ્થાન છે. આ વાત ફરી એકવાર સાબિત થઈ ગઈ છે. અનેક પ્રયત્નો છતાં પાકિસ્તાનનો આતંકી પ્રેમ છુપાઈ શકતો નથી. પાકિસ્તાન તરફથી જેને નિર્દોષ મૌલાના તરીકે રજૂ કરવામાં આવી રહ્યો હતો, તે લશ્કર-એ-તોઇબા આતંકી સંગઠનનો મુખ્ય ચહેરો હતો. આ આતંકીનું નામ હાફિઝ અબ્દુર રઉફ છે.

પાકિસ્તાની સેના અને આતંકનો સંબંધ
પાકિસ્તાનની સેના લડવામાં નહીં પણ ખોટું બોલવામાં માહિર છે. તાજેતરમાં પાકિસ્તાની સેવાના એક પ્રેસ બ્રીફિંગમાં દાવો કરવામાં આવ્યો હતો કે લશ્કર-એ-તોઇબાનો આતંકી હાફિઝ અબ્દુર રઉફની વાયરલ તસવીર એક નિર્દોષ પરિવારવિશ્વાસી વ્યક્તિની છે.

આતંકીઓના જનાજામાં આતંકી હાજર! ભારત દ્વારા ‘ઓપરેશન સિન્દૂર’ હેઠળ લશ્કરના ટ્રેનિંગ કેમ્પ પર હુમલા કરવામાં આવ્યા હતા, જેમાં અનેક આતંકીઓ મારી પડાયા હતા. આ આતંકીઓના જનાજામાં હાફિઝ અબ્દુર રઉફ પણ હાજર હતો. રઉફની સાથે પાકિસ્તાની સેનાનાં અધિકારીઓ પણ ઉપસ્થિત હતાં.

અમેરિકાએ જાહેર કર્યો હતો આતંકી હવે જ્યારે આખો ભાંડાફોડ થઈ ગયો છે, ત્યારે આ સંપૂર્ણ રીતે સાબિત થાય છે કે પાકિસ્તાની સેના અને આતંકીઓ વચ્ચે કેટલો ઊંડો સંબંધ છે. હાફિઝ અબ્દુર રઉફને 2010માં અમેરિકા દ્વારા આતંકી જાહેર કરવામાં આવ્યો હતો.

SIAએ કાશ્મીરમાં 20 સ્થળોએ દરોડા પાડ્યા, અનેક સ્લીપર સેલની ધરપકડ

News Editor
-
0

ભારત અને પાકિસ્તાન વચ્ચે ચાલી રહેલા તણાવ વચ્ચે, સ્ટેટ ઇન્વેસ્ટિગેશન એજન્સી (SIA) એ રવિવારે દક્ષિણ કાશ્મીરમાં અનેક સ્થળોએ સુરક્ષા દળો અને મહત્વપૂર્ણ સ્થાપનો વિશે સંવેદનશીલ માહિતી મેસેજિંગ એપ્સ દ્વારા શેર કરવાના કેસમાં દરોડા પાડ્યા હતા. જમ્મુ અને કાશ્મીરમાં રાષ્ટ્રીય તપાસ એજન્સી (NIA) ની સમકક્ષ તપાસ એજન્સીએ ઘણા લોકોની અટકાયત કરી છે અને તેમની પાસેથી વાંધાજનક સામગ્રી જપ્ત કરવાનો દાવો કર્યો છે.

એક સત્તાવાર પ્રકાશનમાં, SIA એ જણાવ્યું હતું કે, “જમ્મુ અને કાશ્મીર પોલીસ કાશ્મીરમાં કાર્યરત આતંકવાદી સહયોગીઓ અને ઓવર ગ્રાઉન્ડ વર્કર્સ (OGW) પર નજર રાખી રહી છે. ટેકનિકલ ગુપ્ત માહિતી દર્શાવે છે કે કાશ્મીરમાં ઘણા સ્લીપર સેલ પાકિસ્તાનમાં બેઠેલા તેમના હેન્ડલર્સ સાથે સીધા સંપર્કમાં હતા અને WhatsApp, ટેલિગ્રામ, સિગ્નલ વગેરે જેવી મેસેજિંગ એપ્સ દ્વારા સુરક્ષા દળો અને મહત્વપૂર્ણ સ્થાપનો વિશે સંવેદનશીલ અને વ્યૂહાત્મક માહિતી આપી રહ્યા હતા.”

કાશ્મીરમાં SIAના 20 સ્થળોએ દરોડા
રવિવારે સવારે, તપાસ એજન્સીએ દક્ષિણ કાશ્મીરના ચાર જિલ્લાઓ – પુલવામા, શોપિયાન, કુલગામ અને અનંતનાગમાં 20 અલગ અલગ સ્થળોએ દરોડા પાડ્યા અને ગેરકાયદેસર પ્રવૃત્તિઓ (નિવારણ) અધિનિયમ (UAPA), 1967 ની વિવિધ કલમો હેઠળ નોંધાયેલા કેસમાં દરોડા પાડ્યા.

SIA એ જણાવ્યું હતું કે, “આ આતંકવાદી સહયોગીઓ લશ્કર-એ-તૈયબા અને જૈશ-એ-મોહમ્મદના આતંકવાદી કમાન્ડરોના ઇશારે ઓનલાઈન કટ્ટરપંથી પ્રચારમાં પણ સામેલ હતા, જે રાષ્ટ્રીય સુરક્ષા અને અખંડિતતાને અસર કરી રહ્યા હતા.

વિદેશ સચિવની દીકરીને ટ્રોલ કરાયા બાદ મહિલા આયોગે કરી કાર્યવાહી

News Editor
-
0
વિદેશ સચિવની દીકરીને ટ્રોલ કરાયા બાદ મહિલા આયોગે કરી કાર્યવાહી

ભારત-પાકિસ્તાન વચ્ચે તણાવ વચ્ચે સીઝફાયર જાહેર કરવામાં આવ્યું છે. આ જાહેરાત પછી ભારતના વિદેશ સચિવ વિક્રમ મિસ્રીને સોશિયલ મિડિયામાં ટ્રોલ કરવામાં આવ્યાં. ઘણા ટ્રોલર્સે વિક્રમ મિસ્રીના જૂના ફોટા અને તેમના પરિવારના સભ્યો વિશે અભદ્ર ટિપ્પણીઓ કરી. ટ્રોલિંગ વચ્ચે વિક્રમ મિસ્રીએ તેમના ‘એક્સ’ અકાઉન્ટના પોસ્ટ્સ પ્રોટેક્ટ કરી દીધાં. આ મામલામાં રાષ્ટ્રીય મહિલા આયોગે નોંધ લીધી છે.

આયોગે કહ્યું – બેદરકારી ભર્યું વર્તન
રાષ્ટ્રીય મહિલા આયોગે ભારતના વિદેશ સચિવ વિક્રમ મિસ્રીની દીકરી સામે ઓનલાઈન દુર્વ્યવહારની કડક નિંદા કરી છે. આયોગે વિદેશ સચિવની દીકરીની વ્યક્તિગત સંપર્ક માહિતી શેર કરવામાં આવવાનું ગંભીર રીતે બેદરકારીભર્યું વર્તન ગણાવ્યું છે. આયોગે જણાવ્યું કે આ વ્યક્તિગત ગોપનીયતાનું ગંભીર ઉલ્લંઘન છે, જે તેમની સુરક્ષાને જોખમમાં મૂકે છે.

આયોગે કહ્યું કે વિક્રમ મિસ્રી જેવા દેશના ઉચ્ચતમ સિવિલ સર્વન્ટના પરિવારના સભ્યો પર આવા વ્યક્તિગત હુમલાઓ ન કેવળ અસ્વીકાર્ય છે, પરંતુ નૈતિક રીતે પણ અમાફી લાયક નથી. અમે સૌને ભલામણ કરીએ છીએ કે શાલિનતા, સભ્યતા અને સંયમિત વર્તન દાખવવામાં આવે.

સોશિયલ મિડિયામાં ટ્રોલિંગ
ધ્યાન રહે કે ભારતના વિદેશ સચિવ વિક્રમ મિસ્રી, સેના ની કર્નલ સોફિયા કુરૈશી અને વાયુસેનાની અધિકારી વિંગ કમાન્ડર વ્યોમિકા સિંહ પહલગામ આતંકી હુમલા પછી શરૂ કરાયેલા ‘ઓપરેશન સિન્દૂર’ના મુખ્ય ચહેરા તરીકે સામે આવ્યા હતા. આ ત્રણેય અધિકારીઓએ છેલ્લા કેટલાક દિવસોમાં સતત પ્રેસ બ્રીફિંગ કરીને સેના દ્વારા થયેલી શૌર્યપૂર્ણ કાર્યવાહી વિશે દુનિયાને માહિતી આપી હતી. જ્યારે અચાનક સીઝફાયર જાહેર કરવામાં આવ્યું, ત્યારે લોકોમાં નારાજગી જોવા મળી, અને વિક્રમ મિસ્રી તેના નિશાને આવ્યા.

દિગ્ગજ બેટ્સમેન વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી

News Editor
-
0
દિગ્ગજ બેટ્સમેન વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી

ભારતના દિગ્ગજ બેટ્સમેન વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી છે. કોહલીએ સોશિયલ મીડિયા પર એક પોસ્ટ શેર કરીને આ માહિતી આપી છે. કોહલીની નિવૃત્તિ સાથે એક મહાન યુગનો અંત આવ્યો છે. કિંગ કોહલીએ સોશિયલ મીડિયા પર એક પોસ્ટ શેર કરી અને લખ્યું, “ટેસ્ટ ક્રિકેટમાં પહેલીવાર બેગી બ્લુ જર્સી પહેર્યાને 14 વર્ષ થઈ ગયા છે. જોકે વિરાટે BCCIની વાત માની નહોતી. વિરાટે ટેસ્ટ ક્રિકેટમાં 2011માં ડેબ્યુ કર્યું હતું. તેણે ટેસ્ટમાં 9000થી વધુ રન બનાવ્યા હતા અને 30 સદી ફટકારી હતી.

ક્રિકેટની દુનિયામાં એક મોટા સમાચારે ચાહકોને સ્તબ્ધ કરી દીધા છે. ભારતીય ક્રિકેટના દિગ્ગજ બેટ્સમેન વિરાટ કોહલીએ ટેસ્ટ ક્રિકેટમાંથી નિવૃત્તિની જાહેરાત કરી છે. ઇંગ્લેન્ડ પ્રવાસ પહેલાં આ જાહેરાતથી ફેન્સ દુઃખી થયા છે. ખાસ કરીને, રોહિત શર્માએ અગાઉ ટેસ્ટ ક્રિકેટને અલવિદા કહ્યું હતું, અને માત્ર 5 દિવસ બાદ કોહલીના આ નિર્ણયે ભારતીય ક્રિકેટના એક યુગનો અંત લાવી દીધો છે.

કોહલીએ ઇન્સ્ટાગ્રામ પોસ્ટ દ્વારા આ નિર્ણયની જાણકારી આપી, જેમાં તેમણે ટેસ્ટ ક્રિકેટ પ્રત્યેનો પોતાનો પ્રેમ અને આભાર વ્યક્ત કર્યો છે. વિરાટે પોતાની ઇન્સ્ટાગ્રામ પોસ્ટમાં લખ્યું છે કે ટેસ્ટ ક્રિકેટમાં પહેલીવાર બેગી બ્લુ પહેર્યાને 14 વર્ષ થઈ ગયા છે. સાચું કહું તો, તેણે ક્યારેય કલ્પના પણ નહોતી કરી કે આ ફોર્મેટ તેને કેવી સફર પર લઈ જશે. તેણે તેની કસોટી કરી, તેને ઘડ્યો, અને તેને એવા પાઠ શીખવ્યા જે તે તેના બાકીના જીવન માટે તેની સાથે રાખશે.

વિરાટ કોહલીએ ટેસ્ટમાંથી સંન્યાસ લઈ રહ્યો હોવાની શનિવારે જાહેરાત કરી હતી. વિરાટની આ જાહેરાત બાદથી BCCI સતત તેને ટેસ્ટ ક્રિકેટ રમવા માટે મનાવી રહ્યું હતું. હાલમાં જ ટીમ ઈન્ડિયાના કેપ્ટન રોહિત શર્માએ ટેસ્ટ ક્રિકેટમાંથી સંન્યાસની જાહેરાત કરી હતી. જેથી BCCIને આગામી ટેસ્ટ ટુર્નામેન્ટ (ઈંગ્લેન્ડ પ્રવાસ) માટે મજબૂત ખેલાડીની શોધ રહેશે.

પાકિસ્તાન સાથેના તણાવ વચ્ચે બંધ કરાયેલા ભારતના 32 વિમાનમથકો ફરીથી ખોલાયા

News Editor
-
0
પાકિસ્તાન સાથેના તણાવ વચ્ચે બંધ કરાયેલા ભારતના 32 વિમાનમથકો ફરીથી ખોલાયા

ભારતીય વિમાનપટ્ટન પ્રાધિકરણ (AAI) એ સોમવારના રોજ નાગરિક ઉડાન સંચાલન માટે ઉત્તર અને પશ્ચિમ ભારતમાં આવેલા ૩૨ વિમાનમથકો ફરીથી શરૂ કરવા માટે નોટિસ ટુ એરમેન (NOTAM) જારી કરી હતી. આ વિમાનમથકોને ત્રણ દિવસ પહેલાં તાત્કાલિક રૂપે બંધ કરવામાં આવ્યા હતા, જેને પછીમાં આગામી ગુરુવાર (15 મે) સુધી લંબાવવામાં આવ્યું હતું. ભારત અને પાકિસ્તાન વચ્ચે ડ્રોન, મિસાઈલ અને લાંબી પહોચવાળા હથિયારોને લઈને વધતી તણાવની સ્થિતિને કારણે સંપૂર્ણ યુદ્ધની આશંકા ઊભી થઈ હતી. આંતરરાષ્ટ્રીય ઉડાન માર્ગોને ફરીથી ખુલ્લા કરવા માટે અલગ નોટમ જારી કરવામાં આવ્યો હતો. નોટમ અનુસાર હવે તમામ ૨૫ માર્ગ ઉપલબ્ધ છે.

નોટમ જારી કરનારી સંસ્થા એએઆઈના બે અધિકારીઓએ જણાવ્યું હતું કે હવે વિમાનમથકોને ફરીથી ખોલવાનું કામ શરૂ કરવામાં આવ્યું છે. નોટમ એ વિમાનીકરણના હિતધારકો માટે એક લેખિત સૂચના હોય છે, જેમાં કોઈ ખાસ બદલાવ કે ઘઠનાની જાણકારી આપવામાં આવે છે. નોટમમાંથી એક મુજબ મુંબઈ ફ્લાઈટ ઇન્ફોર્મેશન રીજન હેઠળ આવતા વિમાનમથકો જેમ કે મુદ્રા, જામનગર, રાજકોટ, પોરબંદર, કંડલા, કેશોદ અને ભુજને ફરીથી શરૂ કરવામાં આવ્યા છે.

અન્ય નોટમમાં જણાવાયું છે કે શ્રીનગર, જમ્મુ, હિંડન, સરસાવા, ઉત્તરલાઈ, અવંતિપુર, અંબાલા, કુલ્લૂ, લુધિયાણા, કિશનગઢ, પટિયાલા, શિમલા, કાંગડા, બઠિંડા, जैસલમેર, જોધપુર, બીકાનેર, હલવારા, પઠાનકોટ, લેહ અને ચંડીગઢ વિમાનમથકોને સંચાલન પુનઃશરુ કરવા માટે સૂચિત કરવામાં આવ્યા છે. એચટીએ નોટમ્સ જોઈ છે.

એએઆઈના એક અધિકારીએ જણાવ્યું: “બધા વિમાનમથકો માટે નોટમ જારી કરવાની પ્રક્રિયા ચાલી રહી છે અને તેને જલ્દી જાહેર કરવામાં આવશે.” તેમણે કહ્યું કે ઉડાન સંચાલનની પુનઃસ્થાપના સંબંધિત એરલાઇનસ પર આધાર રાખે છે. “વિમાનમથક ફરીથી શરૂ કરવાનો સમયલાયક પ્રક્રિયા નથી. એરલાઇનસે તેમની ઉડાનોની યોજના બનાવવી પડે છે, જેમાં સમય લાગે છે.”

ભારતીય વાયુસેનાએ સોમવારના સવારે કહ્યું હતું કે સરહદી વિસ્તારોમાં “કોઈ ખાસ પ્રવૃત્તિ” જોવા મળી નથી, જેના કારણે વિમાનમથકો અને માર્ગો ફરીથી ખોલવાનો નિર્ણય લેવામાં આવ્યો. વાયુસેનાએ એક નિવેદનમાં જણાવ્યું, “જમ્મુ-કાશ્મીર અને આંતરરાષ્ટ્રીય સરહદે આવેલાં અન્ય વિસ્તારોમાં રાત્રિ શાંતિભેર ગઈ. કોઈપણ પ્રકારની ઘટનાની જાણકારી નથી મળી, જે છેલ્લા ઘણા દિવસોથી પહેલી શાંતિપૂર્ણ રાત્રિ છે.”

બુધવારે પાકિસ્તાન અને પાકિસ્તાન દ્વારા કબ્જા કરાયેલા કાશ્મીર (પીઓકે) ખાતે આવેલા નવ આતંકી ઠેકાણાઓ પર નિખાલસ હમલાઓ બાદ વિમાનમથકો બંધ કરવામાં આવ્યા હતા. જમ્મુ-કાશ્મીરના પહેલગામમાં 22 એપ્રિલે થયેલા આતંકી હુમલાના બદલો રૂપે ૭ મેના રોજ ‘ઓપરેશન સિંદૂર’ અંતર્ગત આ હુમલાઓ કરવામાં આવ્યા હતા.

દિલ્હી વિમાનમથક પર કામગીરી ચાલુ રહી હતી, પરંતુ કેટલીક ઉડાનોના સમયપત્રક પર અસર પડી હતી અને વિમાન ક્ષેત્રની સ્થિતિ તેમજ નાગરિક ઉડાન સુરક્ષા બ્યુરો (બીસીએએસ)ના આદેશો અનુસાર સુરક્ષા વ્યવસ્થામાં કડકાઈ લાવવામાં આવી હતી, જેના કારણે સુરક્ષા તપાસમાં વધુ સમય લાગતો હતો.

અસરગ્રસ્ત મુસાફરોને પુનર્નિર્ધારણ માટે એક વખતના શુલ્કમાં છૂટછાટ અથવા રદબાતલ માટે સંપૂર્ણ રિફંડની ઓફર આપવામાં આવી હતી. બીસીએસએએસે ગયા ગુરુવારે પાકિસ્તાન સાથે તણાવની સ્થિતિના પગલે દેશભરના વિમાનમથકો પર કડક સુરક્ષા પ્રોટોકોલ માટે સલાહ જારી કરી હતી. આ વ્યવસ્થાઓ 18 મે સુધી અમલમાં રહેશે. આ અંતર્ગત મુલાકાતીઓને વિમાનમથકમાં પ્રવેશ કરવા પર પ્રતિબંધ મૂકવામાં આવ્યો હતો અને વિઝિટર ટિકિટની વેચાણ પણ સ્થગિત કરવામાં આવી હતી. નિયમિત સુરક્ષા તપાસ ઉપરાંત તમામ ઉડાનો માટે બોર્ડિંગ ગેટ પર યાત્રીઓ અને સામાનની વધારાની તપાસ કરવામાં આવી હતી.

આ સમગ્ર સમયગાળા દરમિયાન ભારતભરના યાત્રીઓને સલાહ આપવામાં આવી હતી કે તેઓ પોતાનું વિમાન છૂટવા પહેલા ઓછામાં ઓછા ત્રણ કલાક પહેલાં વિમાનમથકે પહોંચી જાય, જેથી ચેક-ઇન અને બોર્ડિંગ પ્રક્રિયા સરળતાથી થઈ શકે. છૂટવા પહેલા ૭૫ મિનિટ પહેલાં ચેક-ઇન બંધ કરવામાં આવી હતી.

શનિવારે પાકિસ્તાનએ તમામ ઉડાનો માટે પોતાનું હવાઈ ક્ષેત્ર ફરીથી ખુલ્લું જાહેર કર્યું, પરંતુ ભારતીય એરલાઇનસ માટે તે હજી બંધ જ રહ્યું. પાકિસ્તાની હવાઈ ક્ષેત્ર બંધ હોવાના કારણે ઉત્તર ભારતમાં આવેલા વિમાનમથકોમાંથી યુરોપ, અમેરિકા અને કેનેડા જતી તમામ આંતરરાષ્ટ્રીય ઉડાનોના માર્ગો બદલવામાં આવ્યા હતા અને તેઓ હવે દક્ષિણ તરફ ફરીને મુંબઈ હવાઈ ક્ષેત્ર, અરબી સમુદ્ર અને મસ્કટથી પસાર થઈને અંતિમ ગંતવ્ય સુધી જતી રહી છે. પાકિસ્તાને ૨૪ એપ્રિલે ભારતીય એરલાઇનસ અને ભારતમાં નોંધાયેલા વિમાનોને પોતાના હવાઈ ક્ષેત્રનો ઉપયોગ કરવા પર પ્રતિબંધ મૂક્યો હતો.

ભારતમાં બંધ કરાયેલા તમામ 32 વિમાનમથકોની યાદી નીચે મુજબ છે:

  1. અધમપુર
  2. અંબાલા
  3. અમૃતસર
  4. અવંતિપુર
  5. બઠિંડા
  6. ભુજ
  7. બીકાનેર
  8. ચંડીગઢ
  9. હલવારા
  10. હિંડન
  11. જેસલમેર
  12. જમ્મુ
  13. જામનગર
  14. જોધપુર
  15. કંડલા
  16. કાંગડા (ગગ્ગલ)
  17. કેશોદ
  18. કિશનગઢ
  19. કુલ્લૂ મનાલી (ભુંતર)
  20. લેહ
  21. લુધિયાણા
  22. મુદ્રા
  23. નલિયા
  24. પઠાનકોટ
  25. પટિયાલા
  26. પોરબંદર
  27. રાજકોટ (હીરાસર)
  28. સરસાવા
  29. શિમલા
  30. શ્રીનગર
  31. થોઇસ
  32. ઉત્તરલાઈ

છત્તીસગઢના રાયપુરમાં ગમખ્વાર અકસ્માત, 13 લોકોના મોત, 12 ઘાયલ

News Editor
-
0
છત્તીસગઢના રાયપુરમાં ગમખ્વાર અકસ્માત, 13 લોકોના મોત, 12 ઘાયલ

છત્તીસગઢની રાજધાની રાયપુરમાં મોડી રાત્રે ગમખ્વાર અકસ્માત થયો છે. જેમાં 13 લોકોના મોત થયા છે અન્ય 12 લોકો ઘાયલ થયા છે. મૃતકોમાં 9 મહિલા, 2 બાળકી અને એક કિશોર તથા એક 6 મહિનાનો નવજાતનો સમાવેશ થાય છે. ટ્રેલરમાં જતા લોકો નવજાત શિશુના છઠ્ઠીના કાર્યક્રમમાં હાજરી આપીને પાછા ફરી રહ્યા હતા. અકસ્માતમાં ઘાયલ લોકોને સારવાર માટે હોસ્પિટલમાં ખસેડવામાં આવ્યા છે.

રાયપુરના એસપી લાલ ઉમ્મેદ સિંહે જણાવ્યું હતું કે ચટૌડ ગામના કેટલાક લોકો છઠ્ઠીના કાર્યક્રમમાં હાજરી આપવા માટે બાના બનારસી ગયા હતા. આ કાર્યક્રમ પૂર્ણ થયા બાદ તેઓ પરત ફરી રહ્યા હતા. આ દરમિયાન રાયપુર-બાલોદાબજાર રોડ નજીક અકસ્માત થયો. આ અકસ્માતમાં કુલ 13 લોકોના મોત થયા છે. જ્યારે 12 લોકો ઘાયલ થયા છે. આ બધાને તાત્કાલિક સારવાર માટે હોસ્પિટલ ખસેડવામાં આવ્યા છે.

શેરબજારમાં આજે સેન્સેક્સમાં 2300 પોઈન્ટ અપ, નિફ્ટીએ પણ ભરી ઉડાન

News Editor
-
0
શેરબજારમાં આજે સેન્સેક્સમાં 2300 પોઈન્ટ અપ, નિફ્ટીએ પણ ભરી ઉડાન

ભારત અને પાકિસ્તાન વચ્ચે સીઝફાયર થયા પછી સપ્તાહના પ્રારંભે શેરબજારમાં જબરદસ્ત તેજી જોવા મળી રહી છે. જેથી સેન્સેક્સ 2300 પોઇન્ટ ઊછળી 81,248.20ના સ્તરે પહોંચી ગયો હતો ,જ્યારે નિફ્ટી પણ 753 પોઇન્ટની વૃદ્ધિ સાથે 24,743ના મથાળે પહોંચ્યો હતો. બંને સૂચકાંકોમાં તેજી યથાવતે રહી છે, સેન્સેક્સમાં કુલ 2300 અને નિફ્ટી 50માં 700 અંકની તેજી નોંધાઈ છે. તેની પહેલાં GIFT નિફ્ટી પણ લગભગ 500 અંક વધીને 24,575ના સ્તર આસપાસ ટ્રેડ થઈ રહ્યો હતો. માર્કેટ કેપમાં 12.6 લાખ કરોડનો વધારો થયો હતો.

સેન્સેક્સ અને નિફ્ટીમાં સોમવારે જબરદસ્ત તેજી જોવા મળી છે. સેન્સેક્સ પાછલા બંધ 79454 સામે 1350 પોઇન્ટના ઉછાળે આજે 80803 ખુલ્યો હતો. બેન્કિંગ અને આઈટી શેરમાં તેજીથી સેન્સેક્સ 2200 પોઇન્ટ ઉછળી 81830ની ટોચ સુધી પહોંચ્યો હતો. એનએસઇ નિફ્ટી પાછલા બંધ 24008 સામે 400 પોઇન્ટથી વધુના ઉછાળે સોમવારે 24420 ખુલ્યો હતો. સાર્વત્રિક તેજીના માહોલમાં 700 પોઇન્ટ ઉછળી નિફ્ટી 24737ની ટોચ સુધી પહોંચ્યો હતો.

સેન્સેક્સના ટોપ ગેઇનરમાં અદાણી પોર્ટ્સ 4.3 ટકા, બજાજ ફાઈનાન્સ 3.7 ટકા, એક્સિસ બેંક 3.6 ટકા, ઇન્ફોસિસ 3.5 ટકા અને બજાજ ફિનસર્વ 3.5 ટકા વધ્યા હતા. એક માત્ર સન ફાર્માનો શેર 4.3 ટકા ડાઉન હતો. શેરબજારની તેજીમાં બેન્ક અને આઈટી શેરનો મોટો ફાળો હતો. બેંક નિફ્ટી 1500 પોઇન્ટ અને નિફ્ટી આઈટી ઇન્ડેક્સ 1300 પોઇન્ટ કરતા વધુ વધ્યા હતા.

સેન્સેક્સ નિફ્ટીમાં મોટા ઉછાળાથી શેરબજારના રોકાણકારોને જંગી કમાણી થઇ છે. 12 મે, 2025 સોમવારે શેરબજાર ખુલતાની સાથે બીએસઇ પર લિસ્ટેડ તમામ કંપનીઓની કુલ માર્કેટ વેલ્યૂએશન 428.80 લાખ કરોડ રૂપિયા થઇ હતી. જ્યારે અગાઉ 9 મેના રોજ બીએસઇની માર્કેટકેપ 416.40 લાખ કરોડ રૂપિયા હતી. આમ સોમવારે શેરબજારના ટ્રેડિંગ સેશનની શરૂઆતમાં રોકાણકારોની સંપત્તિમાં 12 લાખ કરોડ રૂપિયાથી વધુ ઉમેરો થયો છે.

1...446447448...1,460Page 447 of 1,460