રોયલ ચેલેન્જર્સ બેંગ્લોરે 18 વર્ષ પછી IPL જીત્યું. આ જીતની ઉજવણી માટે બેંગ્લોરના ચિન્નાસ્વામી સ્ટેડિયમમાં વિજય પરેડનું આયોજન કરવામાં આવ્યું હતું. આ દરમિયાન ભાગદોડ થવાથી એક વ્યક્તિનું મોત થયું હતું, જ્યારે કેટલાક લોકો ઘાયલ થયા હોવાના અહેવાલ છે. તમને જણાવી દઈએ કે કર્ણાટક રાજ્ય ક્રિકેટ એસોસિએશન દ્વારા આયોજિત આ સન્માન સમારોહમાં મોટી સંખ્યામાં ક્રિકેટ ચાહકો એકઠા થયા હતા. આ દરમિયાન ભાગદોડમાં 4 વ્યક્તિનું મોત થયું હતું, જ્યારે 50 થી વધુ લોકો ઘાયલ થવાની આશંકા છે. તમને જણાવી દઈએ કે પોલીસે તાત્કાલિક ઘાયલ અને બેભાન લોકોને નજીકની હોસ્પિટલમાં દાખલ કર્યા હતા.
જંગલમાંથી મળી આવ્યા ધડાધડ વિસ્ફોટકો! 3.6 ટન સામગ્રી સાથે માઓવાદી પ્લાન નિષ્ફળ
અધિકારીઓએ બુધવારે જણાવ્યું હતું કે સુરક્ષા દળોએ ઓડિશાના સુંદરગઢ જિલ્લામાં માઓવાદીઓ દ્વારા લૂંટાયેલા લગભગ 4 ટનમાંથી અત્યાર સુધીમાં લગભગ 3.6 ટન વિસ્ફોટકો જપ્ત કર્યા છે. 27 મેના રોજ, માઓવાદીઓએ કે. બાલાંગ વિસ્તારમાં બાંકો પથ્થરની ખાણમાંથી વિસ્ફોટકો, જેમાં મોટાભાગે જિલેટીનનો સમાવેશ થતો હતો, ભરેલી ટ્રક લૂંટી લીધી હતી. આ ઘટના બાદ, ઓડિશા પોલીસે CRPF, ઝારખંડ જગુઆર, સ્પેશિયલ ઓપરેશન ગ્રુપ (SOG) અને કોબ્રા યુનિટ સાથે મળીને ઝારખંડના સારંડા જંગલમાં સંયુક્ત ઓપરેશન શરૂ કર્યું.
ગાઢ જંગલમાં વિસ્ફોટકો છુપાયેલા હતા
ડીઆઈજી (વેસ્ટર્ન રેન્જ) બ્રિજેશ રાયે જણાવ્યું હતું કે મંગળવારે રાત્રે કાર્યવાહી દરમિયાન સુરક્ષા કર્મચારીઓએ 1,000 કિલો વિસ્ફોટકો જપ્ત કર્યા હતા. સોમવારે શરૂઆતમાં લગભગ 2.5 ટન વિસ્ફોટકો જપ્ત કરવામાં આવ્યા હતા. અન્ય એક અધિકારીએ જણાવ્યું હતું કે અગાઉ લગભગ 157 કિલો વિસ્ફોટકો જપ્ત કરવામાં આવ્યા હતા. તેમણે એમ પણ કહ્યું હતું કે વિસ્ફોટકો ગાઢ જંગલમાં છુપાયેલા હતા. રાયે કહ્યું, “ઝારખંડને અડીને આવેલા ગાઢ જંગલમાં સર્ચ ઓપરેશન ચાલી રહ્યું છે.” દરમિયાન, ઓડિશા પોલીસની એસઆઈટીએ મંગળવારે વિસ્ફોટક વેરહાઉસના માલિક શ્રવણ અગ્રવાલ અને ટ્રક ડ્રાઇવરની ધરપકડ કરી છે.
થોડા કલાકોમાં પાંચ દર્દીઓના મોત થયા
અન્ય એક સમાચારમાં, ઓડિશાના કોરાપુટમાં શહીદ લક્ષ્મણ નાયક મેડિકલ કોલેજ અને હોસ્પિટલમાં કથિત બેદરકારીને કારણે પાંચ દર્દીઓના મૃત્યુની તપાસના આદેશ આપવામાં આવ્યા છે. મંગળવારે રાત્રે હોસ્પિટલમાં દાખલ બે પુરુષો અને ત્રણ મહિલાઓના થોડા કલાકોમાં જ મૃત્યુ થયા હતા. મૃતક દર્દીઓના સંબંધીઓએ આરોપ લગાવ્યો હતો કે તેમને કોઈ રસી આપવામાં આવી હતી, જેના કારણે તેઓ મૃત્યુ પામ્યા.
કેસમાં વિભાગીય તપાસનો આદેશ આપવામાં આવ્યો
હોસ્પિટલના સુપરિન્ટેન્ડેન્ટ સુશાંત કુમાર સાહુએ જણાવ્યું હતું કે આ મામલાની વિભાગીય તપાસના આદેશ આપવામાં આવ્યા છે. તેમણે કહ્યું, “અમે તમામ વિભાગના વડાઓની બેઠક બોલાવી છે. મંગળવારે રાત્રે મૃત્યુ પામેલા દર્દીઓને ગંભીર હાલતમાં હોસ્પિટલમાં દાખલ કરવામાં આવ્યા હતા. પ્રથમ દ્રષ્ટિએ, એવું લાગતું નથી કે મૃત્યુ કોઈ ખોટી રસીને કારણે થયું છે. જોકે, અમે આરોપોની તપાસ કરીશું.” અધિકારીઓના જણાવ્યા અનુસાર, ત્રણ દર્દીઓના મૃત્યુ ઇન્ટેન્સિવ કેર યુનિટ (ICU) માં થયા હતા, જ્યારે બે અન્ય દર્દીઓના મૃત્યુ જનરલ વોર્ડમાં થયા હતા.
મોટા સમાચાર! જાતિગત વસ્તી ગણતરી માટે તારીખ નક્કી, આ તારીખથી શરૂ થશે સર્વે
જાતિ વસ્તી ગણતરી અંગે સૂત્રો પાસેથી મોટા સમાચાર સામે આવ્યા છે. જાતિ વસ્તી ગણતરીની તારીખ જાહેર કરવામાં આવી છે. જાતિ વસ્તી ગણતરી 1 માર્ચ 2027 થી શરૂ થઈ શકે છે.
કેટલા તબક્કા હશે?
સૂત્રોના જણાવ્યા અનુસાર, જાતિ ગણતરી 2 તબક્કામાં હાથ ધરવામાં આવશે. જાતિ ગણતરી સૌપ્રથમ 4 રાજ્યોમાં શરૂ થશે. માર્ચ 2027 થી મેદાની રાજ્યોમાં જાતિ ગણતરી શરૂ થશે અને પર્વતીય રાજ્યોમાં 1 ઓક્ટોબર, 2026 થી જાતિ ગણતરી શરૂ થશે. ઉત્તરાખંડ, જમ્મુ અને કાશ્મીર, હિમાચલ પ્રદેશ અને લદ્દાખમાં ઓક્ટોબર 2026 થી જાતિ ગણતરી શરૂ થશે.
તાજેતરમાં સરકારે આ નિર્ણય લીધો હતો
સરકારે તાજેતરમાં જ જાતિ વસ્તી ગણતરી કરવાનો નિર્ણય લીધો હતો. હકીકતમાં, ૧૮૮૧ થી ૧૯૩૧ સુધી નિયમિતપણે થતી જાતિ વસ્તી ગણતરી ૧૯૫૧ ની પહેલી વસ્તી ગણતરીમાં બંધ કરવામાં આવી હતી. ૨૦૧૧ માં, સામાજિક-આર્થિક અને જાતિ વસ્તી ગણતરી (SECC) હેઠળ જાતિ ડેટા એકત્રિત કરવામાં આવ્યો હતો પરંતુ આ ડેટાનો સંપૂર્ણ ઉપયોગ કરવામાં આવ્યો ન હતો.
જાતિ વસ્તી ગણતરી શું છે?
જાતિગત વસ્તી ગણતરી એક એવી પ્રક્રિયા છે જેમાં વિવિધ જાતિઓ અને સામાજિક જૂથોની સંખ્યા, સામાજિક-આર્થિક સ્થિતિ અને અન્ય વસ્તી વિષયક માહિતી એકત્રિત કરવા માટે દેશ અથવા પ્રદેશની વસ્તીનો સર્વે કરવામાં આવે છે. તેનો ઉપયોગ વિવિધ નીતિઓ અને યોજનાઓમાં થાય છે, જેનો લાભ જનતાને મળે છે અને સરકારને પણ સાચા આંકડા જાણવા મળે છે.
નર્મદ યુનિવર્સિટીમાં 20 ટકા ફી વધારાના નિર્ણય સામે ABVPનું વિરોધ
સુરતમાં આવેલી વીર નર્મદ દક્ષિણ ગુજરાત યુનિવર્સિટીની કોલેજો અને વિવિધ વિભાગોમાં ચાલતા સેલ્ફ ફાઈનાન્સ હેઠળના અંડરગ્રેજ્યુએટ તથા પોસ્ટગ્રેજ્યુએટ કોર્સોની ફી 2025-26ના શૈક્ષણિક વર્ષથી 20 ટકા વધારવામાં આવી છે. આ વધારાને લઈને વિદ્યાર્થીઓમાં ભારે અસંતોષ જોવા મળી રહ્યો છે. આજે ABVP (અખિલ ભારતીય વિદ્યાર્થી પરિષદ) દ્વારા યુનિવર્સિટી કેમ્પસમાં ઉગ્ર વિરોધ પ્રદર્શન કરવામાં આવ્યું હતું. વિદ્યાર્થીઓએ નારેબાજી કરતા ફી વધારો પરત લેવાની માંગ સાથે તંત્રને ચીમકી પણ ઉચ્ચારેલી કે જો ફી પાછી ખેંચવામાં નહીં આવે તો ઉગ્ર આંદોલન હાથ ધરવામાં આવશે.
ફી વધારાના આ પગલામાં માત્ર સેલ્ફ ફાઈનાન્સ કોર્સો જ નહીં, પરંતુ સ્ટુડન્ટ વેલ્ફેર એક્ટિવિટી ફી, પુસ્તકો અને ઇક્વિપમેન્ટ ફી, એમિનિટી ફી અને કેમ્પસ ડેવલપમેન્ટ ફંડ જેવી રકમોમાં પણ 20 ટકાનો વધારો કરાયો છે. અગાઉના વર્ષોમાં પ્રથમ સેમેસ્ટરની ફી ₹2,110 હતી, જે હવે ₹2,355 થઈ ગઈ છે. બીજા સેમેસ્ટરની ફીમાં પણ ₹170 જેટલો વધારો નોંધાયો છે.
ત્રણ વર્ષ પહેલાં યુનિવર્સિટીની સિન્ડિકેટ બેઠકમાં ફી વધારાની ચર્ચા થઈ હતી અને નિર્ણય લેવામાં આવ્યો હતો કે 10 ટકા કરતાં વધુ ફી વધારો નહીં થાય. તેમ છતાં હાલ 20 ટકા સુધીનો વધારો અમલમાં મૂકાતા તંત્ર સામે અવાજ ઉઠવા લાગ્યો છે. વિદ્યાર્થીઓ માનતા છે કે આ નિર્ણય સામાન્ય વર્ગના વિધાર્થીઓની આવકની સામે અન્યાયભર્યો છે અને શિક્ષણને વધુ પહોંચે ન શકાય તેવું બનાવે છે.
સુરતમાં વકર્યો ઓપરેશન સિંદૂર સર્કલનો વિવાદ
ડાયમંડ નગરી સુરતથી એક ચોંકાવનારી ઘટના સામે આવી હતી. સુરત મહાનગર પાલિકાની મંજૂરી વિના જ કોઈ ઓપરેશન સિંદૂર સર્કલ બનાવી ગયું છે અને આ વાતથી ખુદ પાલિકા જ અજાણ હતી. આ સર્કલના અનેક વીડિયો પણ વાઇરલ થયા હતા. જોકે મામલો ચર્ચામાં ત્યારે આવ્યો જ્યારે સાંસદે ખુદ પત્ર લખીને ઓપરેશન સિંદૂર સર્કલ તૈયાર કરવાની માગ કરી.
ઉલ્લેખનીય છે કે કાશ્મીરના પહલગામમાં આતંકવાદી હુમલા બાદ ભારતીય સેનાએ પાકિસ્તાનમાં ઘૂસીને આતંકી અડ્ડાનો સફાયો કરી દીધો હતો. ભારતીય સેનાએ કરેલા આ બહાદુરીના કામને ઓપરેશન સિંદૂર નામ આપવામાં આવ્યું હતું. પરંતુ હવે ભારતીય સેનાએ કરેલી કામગીરીનો શ્રેય લેવા માટે અનેક નેતાઓ તલપાપડ છે, જેનું ઉદાહરણ સુરતમાં જોવા મળ્યું.
સુરતના સાંસદ મુકેશ દલાલે રાંદેર વિસ્તારમાં ઓપરેશન સિંદૂરથી થીમ પર સર્કલ બનાવવામાં આવે તેવી માંગણી કરી હતી. પરંતુ તેઓએ જે સ્થળ પર સર્કલ બનાવવા માંગણી કરી હતી તેમાંથી એક જગ્યાએ તો પહેલેથી જ ઓપરેશન સિંદૂર સર્કલ બનાવી દેવામાં આવ્યું છે. આનો જશ લેવાનો પ્રયાસ ગણવો કે સાંસદની અજ્ઞાનતા તેવી ચર્ચાએ જોર પકડ્યું છે. જોકે આ જે સર્કલ બન્યું છે તે પણ પાલિકાની મંજૂરી વિના બન્યું હોવાની ફરિયાદ થઈ રહી છે. સુરત મહા નગરપાલિકાએ મંજૂરી વિના બનાવેલા સર્કલ માટે સર્કલ બનાવનાર સંસ્થાને નોટિસ પણ ફટકારી દીધાની ચર્ચા છે.
સાંસદનો પત્ર બન્યો ચર્ચાનો વિષય
જોકે, થોડા દિવસ પહેલાં જ સુરત હજીરા રોડ પર હવેલી વિસ્તાર નજીક આવેલા સર્કલ પર આર્મી જવાનના કટ આઉટ, ફાઈટર પ્લેન અને સર્કલ પર ઓપરેશન સિંદૂર નામ સાથે સર્કલ બનાવી દેવામાં આવ્યું હોવાનું સામે આવ્યું છે. આ સર્કલ સોશિયલ મીડિયામાં પણ ભારે વાયરલ થઈ રહ્યું છે અને અનેક રીલ પણ ફરતી થઈ છે ત્યારે આ જ જગ્યાએ સાંસદે ઓપરેશન સિંદૂર સર્કલ બનાવવા માટે લખેલો પત્ર લોકોમાં ચર્ચાનો વિષય બન્યો છે.
સાંસદે લખેલા પત્રમાં ઓપરેશન સિંદૂર ટ્રાફિક સર્કલ બનાવવાની માંગણી કરી છે. આ સર્કલમાં સ્વદેશી શસ્ત્રોની કૃતિઓ પ્રદર્શિત કરીને નાગરિકો અને યુવા પેઢીમાં રાષ્ટ્રભક્તિ અને લશ્કરી સજ્જતા અંગે જાગૃતિ લાવવાનો હેતુ હોવાનું જણાવાયું છે. બીજી તરફ, લોકો એટલા જાગૃત છે કે પાલિકાની કોઈ પણ જાતની મંજૂરી વિના જ સર્કલ બનાવી દીધું છે તેવી ફરિયાદ થઈ રહી છે. આમ સાંસદે ઓપરેશન સિંદૂર માટે લખેલો પત્ર અને મંજૂરી વિના બની ગયેલા સર્કલના કારણે લોકોમાં એવી ચર્ચા છે કે ઓપરેશન સિંદૂરની સફળતામાં અનેક લોકો વહેતી ગંગામાં હાથ ધોઈ તેમ પ્રસિદ્ધિ માટે નીકળી પડ્યા છે.
IPL એડિશન ટાટા કર્વ વૈભવ સૂર્યવંશીને એનાયત: કિંમત, સુવિધાઓ અને માઇલેજ તપાસો
વિશ્વની સૌથી મોટી ક્રિકેટ લીગ, ઇન્ડિયન પ્રીમિયર લીગની 18મી આવૃત્તિ ગઈકાલે પૂર્ણ થઈ, જેમાં રોયલ ચેલેન્જર્સ બેંગલુરુએ 18 વર્ષમાં પહેલીવાર ટ્રોફી જીતી. સૂર્યકુમાર યાદવે ‘પ્લેયર ઓફ ધ સિરીઝ’ એવોર્ડ જીત્યો, પરંતુ એક અન્ય એવોર્ડ કેટેગરી પણ હતી જેના પર મોટાભાગના ખેલાડીઓ નજર રાખી રહ્યા હતા. તે ‘IPL સુપર સ્ટ્રાઇકર ઓફ ધ સિઝન’ એવોર્ડ હતો જેમાં ટાટા કર્વ પણ શામેલ હતો. રાજસ્થાન રોયલ્સના વૈભવ સૂર્યવંશીએ આ એવોર્ડ જીત્યો, અને અહીં અમે કારની કિંમત, સુવિધાઓ અને માઇલેજ સમજાવી રહ્યા છીએ.
ટાટા કર્વ: કિંમત
ટાટા કર્વએ ભારતીય બ્રાન્ડની કૂપ-શૈલીની SUV છે, અને તે સપ્ટેમ્બર 2024 માં ભારતમાં લોન્ચ કરવામાં આવી હતી. રસપ્રદ વાત એ છે કે, ટાટા દ્વારા કર્વ પેટ્રોલ, ડીઝલ અને ઇલેક્ટ્રિક સહિત ઘણા પાવરટ્રેન વિકલ્પો સાથે ઉપલબ્ધ છે. કર્વના ICE વેરિઅન્ટ્સની કિંમત રૂ. 9.99 લાખ થી રૂ. 17.69 લાખની વચ્ચે છે, જેમાં સ્માર્ટ બેઝ ટ્રીમ છે અને Accomplished+ A GDi ટોપ-સ્પેક વેરિઅન્ટ છે. ટાટા કર્વ IPL એડિશનના વેરિઅન્ટની પુષ્ટિ હાલમાં થઈ શકી નથી.
ટાટા કર્વ: ફીચર્સ
ટાટા કર્વ્વ એ સૌથી વધુ ફીચર લોડેડ ભારતીય એસયુવીમાંની એક છે, અને તે ADAS, પેનોરેમિક સનરૂફ, વેન્ટિલેટેડ અને પાવર્ડ ફ્રન્ટ સીટ્સ અને 360-ડિગ્રી કેમેરા જેવી સુવિધાઓથી સજ્જ છે. તે ઇન્ફોટેનમેન્ટ સિસ્ટમ માટે 12.3-ઇંચ ટચસ્ક્રીન, સંપૂર્ણ ડિજિટલ 10.25-ઇંચ ડ્રાઇવર ડિસ્પ્લે સાથે પણ સજ્જ છે. કર્વ્વ્વ વિવિધ ડ્રાઇવિંગ મોડ્સ, ઓટોમેટિક ક્લાઇમેટ કંટ્રોલ સિસ્ટમ અને ક્રુઝ કંટ્રોલ પણ પ્રદાન કરે છે.
ટાટા કર્વ: એન્જિન અને માઇલેજ
ટાટા કર્વી 1.2-લિટર ટર્બો પેટ્રોલ એન્જિનથી પાવર મેળવે છે, જે 118 hp અને 170 Nm ટોર્ક જનરેટ કરે છે. તે 1.2-લિટર ટર્બો પેટ્રોલ GDi એન્જિન સાથે પણ ઉપલબ્ધ છે, જે 123 hp અને 225 Nm ટોર્ક જનરેટ કરે છે. કર્વી પર 1.5-લિટર ડીઝલ મિલ 116 hp અને 260 Nm ટોર્ક જનરેટ કરે છે. ટાટા દ્વારા બનાવેલ કર્વી મેન્યુઅલ ટ્રાન્સમિશન સાથે ટર્બો પેટ્રોલ માટે 17.44 કિમી/લીટરનો દાવો કરાયેલ માઇલેજ ધરાવે છે, જ્યારે તે ઓટોમેટિક ટ્રાન્સમિશન સાથે 17.18 કિમી/લીટરનો દાવો કરાયેલ માઇલેજ આપે છે. ટર્બો GDi પેટ્રોલ એન્જિન સાથે તે 14 કિમી/લીટર સુધીનું માઇલેજ આપવાનો દાવો કરાયેલ છે. કર્વી 17 કિમી/લીટર સુધીનું માઇલેજ ધરાવે છે જે ડીઝલ એન્જિન માટે દાવો કરાયેલ છે.
જ્યોતિ મલ્હોત્રા બાદ પંજાબમાંથી વધુ એક યુટ્યુબર પકડાયો, ISI માટે જાસૂસીનો સંદેહ
પંજાબ પોલીસની સ્ટેટ સ્પેશિયલ ઓપરેશન સેલએ આજે વધુ એક પાકિસ્તાની જાસૂસની ધરપકડ કરી છે. પાકિસ્તાન સમર્થિત જાસૂસી નેટવર્કમાં કથિત સંડોવણી હોવાના આરોપસર યુટ્યુબર જસબીર સિંહની ધરપકડ કરવામાં આવી છે. તેના યુટ્યુબ પર 11 લાખથી વધુ સબ્સક્રાઈબર્સ છે.
પોલીસે જણાવ્યું હતું કે, રૂપનગરમાં રહેતો જસબીર સિંહનો પાકિસ્તાનના સિક્રેટ એજન્ટ શાકિર ઉર્ફ જટ્ટ રંધાવા સાથે સંબંધ હોવાનો આરોપ છે. જે એક આતંકી સમર્થિત જાસૂસી નેટવર્કનો હિસ્સો છે. જસબીરનો હરિયાણાની યુટ્યુબર જ્યોતિ મલ્હોત્રા અને પાકિસ્તાની નાગરિક અહેસાન-ઉર-રહીમ ઉર્ફ દાનિશ સાથે અંગત સંબંધ હતાં. દાનિશ પાકિસ્તાન હાઈ કમિશનમાંથી બરતરફ કરવામાં આવેલો અધિકારી છે.
પંજાબ પોલીસની તપાસમાં જાણવા મળ્યું છે કે, જસબીર સિંહે દાનિશના નિમંત્રણ પર દિલ્હીમાં આયોજિત પાકિસ્તાન નેશનલ ડે સમારોહમાં ભાગ લીધો હતો. જ્યાં તેની મુલાકાત પાકિસ્તાની સેનાના અન્ય અધિકારીઓ અને બ્લોગર્સ સાથે થઈ હતી. જસબીરે 2020, 2021 અને 2024માં ત્રણ વખ પાકિસ્તાનની મુલાકાત લીધી હતી. તેના ઈલેક્ટ્રોનિક ડિવાઈસમાં અનેક પાકિસ્તાન આધારિત ફોન નંબર છે. જેની ફોરેન્સિક તપાસ હાથ ધરાઈ છે. જ્યોતિ મલ્હોત્રાની ધરપકડ બાદ જસબીરે PIO સાથે પોતાના તમામ કોમ્યુનિકેશનના પુરાવા ડિલિટ કરવાનો પ્રયાસ કર્યો હતો. મોહાલીના SSOC માં આ મામલે એફઆઈઆર નોંધવામાં આવી છે.
પંજાબ પોલીસની કાઉન્ટર ઈન્ટેલિજન્સ વિંગે ગઈકાલે તરણતારણ પોલીસ સાથે મળી એક જોઈન્ટ ઓપરેશનમાં પાકિસ્તાની જાસુસ ગગનદીપ સિંહની ધરપકડ કરી હતી. ગગનસિંહના પાકિસ્તાની એજન્સી ISI અને ખાલિસ્તાની સમર્થક ગોપાલસિંહ ચૌહાણ સાથે સંપર્ક હતો. આરોપીએ ઓપરેશન સિંદૂર દરમિયાન સેનાની એક્ટિવિટી અને ડિપ્લોમેન્ટ સંબંધિત સંવેદનશીલ માહિતી પાકિસ્તાનની એજન્સીને આપી હોવાનો આરોપ હતો.
સંસદનું ચોમાસુ સત્ર 21 જુલાઈથી 12 ઓગસ્ટ સુધી યોજાશે
આ વર્ષે સંસદનું ચોમાસુ સત્ર 21 જુલાઈથી 12 ઓગસ્ટ વચ્ચે યોજાવાનું છે. સંસદીય બાબતોના મંત્રી કિરેન રિજિજુએ બુધવારે (4 જૂન, 2025) જણાવ્યું હતું કે ગૃહ બોલાવવા માટે ભારતના રાષ્ટ્રપતિને એક પ્રસ્તાવ મોકલવામાં આવ્યો છે.
૨૨ એપ્રિલના રોજ પહેલગામમાં થયેલા હુમલામાં ૨૬ લોકોના મોત થયા હતા અને ત્યારબાદ પાકિસ્તાન અને પાકિસ્તાન કબજા હેઠળના કાશ્મીરમાં આતંકવાદી છાવણીઓને નિશાન બનાવતા ઓપરેશન સિંદૂર પછી આ પહેલી વાર સંસદનું સત્ર બોલાવાશે. નિયમો હેઠળ, ચોમાસુ સત્ર દરમિયાન બધા મુદ્દાઓ પર ચર્ચા થઈ શકે છે, એમ મંત્રીએ વિપક્ષની માંગ પરના પ્રશ્નના જવાબમાં જણાવ્યું હતું.
વીમા સુધારા બિલ રજૂ થઈ શકે છે
સંસદના ચોમાસુ સત્રમાં વીમા સુધારા બિલ રજૂ કરવામાં આવી શકે છે. આ બિલ વીમા ક્ષેત્રમાં FDI મર્યાદા વધારીને 100% કરવા માટે તૈયાર છે. મીડિયા રિપોર્ટ્સ અનુસાર, બિલનો ડ્રાફ્ટ તૈયાર છે અને ટૂંક સમયમાં મંજૂરી માટે કેબિનેટ સમક્ષ રજૂ કરવામાં આવશે. કેબિનેટની મંજૂરી પછી, નાણા મંત્રાલય હેઠળના નાણાકીય સેવાઓ વિભાગ સંસદમાં બિલ રજૂ કરવાની પ્રક્રિયા શરૂ કરશે.
મધ્યપ્રદેશના ઝાબુઆમાં ટ્રેલર ટ્રક વાન પર પલટી જતાં 9 લોકોના મોત, 2 ઘાયલ
મધ્યપ્રદેશના ઝાબુઆ જિલ્લામાં બુધવારે વહેલી સવારે સિમેન્ટ ભરેલા ટ્રેલર ટ્રક એક વાન પર પલટી જતાં નવ લોકોના મોત થયા હતા અને બે અન્ય ઘાયલ થયા હતા, એમ પોલીસે જણાવ્યું હતું.
ઝાબુઆના પોલીસ અધિક્ષક પદ્મવિલોચન શુક્લાએ જણાવ્યું કે, “ઝાબુઆ જિલ્લાના મેઘનગર નજીક સિમેન્ટ ભરેલી ટ્રોલી ટ્રક પલટી ખાઈને વાહન પર પડતાં નવ લોકોના મોત થયા છે, બે ઘાયલ થયા છે. આ ઘટના ગઈકાલે રાત્રે લગભગ 3 વાગ્યાની આસપાસ બની હતી.” મેઘનગર તહસીલ વિસ્તાર હેઠળ સંજેલી રેલ્વે ક્રોસિંગ નજીક એક કામચલાઉ રસ્તા પરથી ટ્રેલર નિર્માણાધીન રેલ ઓવરબ્રિજ (ROB) પાર કરી રહ્યું હતું ત્યારે તેનું સંતુલન બગડી ગયું અને તે વાન પર પલટી ગયું.
તેમણે જણાવ્યું કે, આ અકસ્માત લગભગ 2.30 વાગ્યે થયો હતો જ્યારે પીડિતો લગ્ન સમારંભમાંથી વાનમાં પરત ફરી રહ્યા હતા. મૃતકોમાં પાંચ સગીરોનો પણ સમાવેશ થાય છે.
અધિકારીએ જણાવ્યું કે, પીડિતો બે પરિવારોના હતા અને ભવપુરામાં એક લગ્ન સમારોહમાંથી મેઘનગર તહસીલ હેઠળના તેમના વતન શિવગઢ મહુડા ગામમાં પરત ફરી રહ્યા હતા.
મૃતકોની ઓળખ મુકેશ ખાપેડ (40), સાવલી ખાપેડ (35), વિનોદ ખાપેડ (16), પાયલ ખાપેડ (12), માધી બામણિયા (38), વિજય બામણિયા (14), કાંતા બામણિયા (14), રાગિની (9) અને અકલી પરમાર (35) તરીકે કરવામાં આવી છે.
મૃતદેહોને પોસ્ટમોર્ટમ માટે મોકલવામાં આવ્યા હતા, અને ઘાયલોને સારવાર માટે થાંડલા હોસ્પિટલમાં રીફર કરવામાં આવ્યા હતા.
કચ્છમાં પાકિસ્તાન સરહદ નજીક 8 હેક્ટરમાં બનશે સિંદૂર વન
ગુજરાત સરકારના વન વિભાગે ઑપરેશન સિંદૂરને સમર્પિત એક મેમોરિયલ પાર્ક પર કામ શરૂ કર્યું છે અને એને સિંદૂર વન તરીકે ઓળખવામાં આવશે. કચ્છ જિલ્લામાં ભારત-પાકિસ્તાન સરહદે ભુજ-માંડવી રોડ પર મિર્ઝાપરમાં આઠ હેક્ટર જમીનમાં એ તૈયાર કરવામાં આવશે અને આશરે દોઢ વર્ષમાં આ તૈયાર થઈ જશે. આ પાર્ક સંરક્ષણ દળો તેમ જ રાષ્ટ્ર દ્વારા પ્રદર્શિત એકતાના સન્માનના પ્રતીક તરીકે તૈયાર કરવામાં આવશે.
કચ્છના કલેક્ટર આનંદ પટેલે જણાવ્યું હતું કે ઑપરેશન સિંદૂર પછી વડા પ્રધાન નરેન્દ્ર મોદીએ ૨૬ મેએ ગુજરાતની તેમની પ્રથમ મુલાકાત વખતે જ્યાં જાહેર સભા યોજી હતી એ જમીનનો પણ એમાં સમાવેશ છે, આ પાર્કમાં ગીચ જંગલ તૈયાર કરવામાં આવશે.
સિંદૂર વનમાં આઠ હેક્ટર જમીન પર ઔષધિઓ, ઝાડીઓ અને વૃક્ષો સહિત ઉચ્ચ ઘનતાવાળાં વૃક્ષોનો સમાવેશ થશે. આ શહેરી વિસ્તાર વન કવચ અથવા સૂક્ષ્મ જંગલનું સ્વરૂપ લેશે, જેમાં મુખ્યત્વે સિંદૂરના છોડ વાવવામાં આવશે. સ્થાનિક પર્યાવરણ અને માટીની સ્થિતિને અનુરૂપ સિંદૂર છોડ સાથે લગભગ ૩૫ વનસ્પતિ પ્રજાતિઓ વાવવામાં આવશે અને પ્રતિ હેક્ટર આશરે ૧૦,૦૦૦ છોડનું વાવેતર કરવામાં આવશે.
