દેશના કાપડ અને હીરા શહેર તરીકે પ્રખ્યાત સુરત શહેરમાં આત્મહત્યાના કેસોમાં ચિંતાજનક વધારો જોવા મળી રહ્યો છે. ફરી એકવાર શહેરમાં એક મોડેલ દ્વારા આત્મહત્યાનો કિસ્સો પ્રકાશમાં આવ્યો છે. લગભગ એક મહિના પહેલા સારોલી વિસ્તારમાં એક મોડેલે આત્મહત્યા કરી હતી, જ્યારે હવે શહેરના નવસારી બજાર વિસ્તારમાં રહેતી બીજી એક મોડેલે ઘરે ગળે ફાંસો ખાઈને આત્મહત્યા કરી હતી. આ ઘટનાથી સમગ્ર વિસ્તારમાં ખળભળાટ મચી ગયો છે. માનસિક તણાવ કે પ્રેમ પ્રકરણને કારણે તેણીએ ફાંસી લગાવી હોવાની શંકા છે.

2 વર્ષ પહેલા સગાઈ, હવે આત્મહત્યા, શું છે આખો મામલો?
પોલીસના જણાવ્યા અનુસાર, નવસારી બજારમાં કાર્તિક એપાર્ટમેન્ટમાં રહેતી 23 વર્ષીય અંજલી વરમોરા તેની માતા, ભાઈ અને એક બહેન સાથે રહેતી હતી. અંજલી અલગ અલગ કંપનીઓમાં મોડેલ તરીકે કામ કરતી હતી. છેલ્લા કેટલાક મહિનાઓથી અંજલી એક મોડેલિંગ એજન્સીમાં કામ કરતી હતી જેના માટે તે કામ માટે સુરત અને અમદાવાદ જતી હતી. અંજલીની 2 વર્ષ પહેલા સગાઈ પણ થઈ હતી. દરમિયાન, 7 જૂનના રોજ રાત્રે 2:30 વાગ્યે, અંજલીએ તેના રૂમમાં છતના પંખા સાથે દુપટ્ટો બાંધીને ફાંસી લગાવી લીધી. પરિવારના સભ્યો દ્વારા વારંવાર ખખડાવવા છતાં દરવાજો ન ખુલતાં તેઓ દરવાજો તોડીને અંદર પ્રવેશ્યા. ત્યારબાદ અંજલી ફાંસીથી લટકતી હાલતમાં મળી આવી, જેના પછી પરિવાર શોકમાં ડૂબી ગયો.

આત્મહત્યા પહેલા પોસ્ટ કરેલી ઇન્સ્ટાગ્રામ પોસ્ટ
આત્મહત્યા કરતા પહેલા, અંજલિએ તેના ઇન્સ્ટાગ્રામ પર વિવિધ ભાવનાત્મક રીલ્સ પોસ્ટ કરી હતી. તેમાંથી એકમાં, તેણીએ લખ્યું હતું કે, “જો બધા ગયા હોત તો ઠીક હોત, પરંતુ જ્યારે પ્રિય વ્યક્તિ ગયો હોય છે, ત્યારે તે દુ:ખ છે.” બીજી પોસ્ટમાં, તેણીએ લખ્યું હતું કે, “આજે તેણે મને અહેસાસ કરાવ્યો કે હું તમારા માટે કંઈ નથી.”

ગુજરાત હાઈકોર્ટને બોમ્બથી ઉડાવવાની ધમકી મળી છે. હાઇકોર્ટના ઈ-મેલ પર અજાણી વ્યક્તિએ ઈ-મેલ કર્યો છે. પોલીસને જાણ કરતા પોલીસ હાઈકોર્ટ પહોંચી છે. હાઇકોર્ટના ગેટ બંધ કરી ચેકિંગ શરૂ કરવામાં આવ્યું છે. ડોગ સ્કવોડ અને બોમ્બ સ્કવોડ દ્વારા ચેકિંગ શરૂ કરાયું છે.

હાઇકોર્ટના ઈ-મેલ પર બોમ્બથી ઉડાવવાની ધમકી મળી: સફીન હસન

ઝોન 1 ઈનચાર્જ ડીસીપી સફીન હસને જણાવ્યું કે હાઇકોર્ટના ઈ-મેલ પર બોમ્બથી ઉડાવવાની ધમકી મળી છે જેને લઈને તપાસ કરવામાં આવી છે. હાઇકોર્ટના ગેટ બંધ કરી પોલીસ દ્વારા તપાસ કરવામાં આવી રહી છે. ઈ-મેલ કરનારની પણ તપાસ કરવામાં આવી રહી છે.

ભારતમાં કોરોના વાયરસની સક્રિયતામાં ફરી એકવાર વધારો જોવા મળી રહ્યો છે. કેન્દ્રીય આરોગ્ય અને પરિવાર કલ્યાણ મંત્રાલય દ્વારા સોમવારે સવારે 10 વાગ્યા સુધીમાં જાહેર કરાયેલા તાજા આંકડા અનુસાર, દેશભરમાં કોવિડ-19ના સક્રિય કેસોની સંખ્યા વધીને 6,491 પર પહોંચી ગઈ છે. છેલ્લા 24 કલાકમાં 358 નવા કેસ નોંધાયા છે. જોકે રાહતની વાત એ છે કે આ સમયગાળા દરમિયાન કોઈ પણ કોવિડ દર્દીના મૃત્યુની સત્તાવાર નોંધ નથી.

રાજ્યવાર કોવિડ કેસની સ્થિતિ:
કોવિડના કેસોના રાજ્યવાર વિશ્વેષણમાં કેરળ હાલમાં સૌથી આગળ છે. જ્યાં 1,957 સક્રિય કેસ છે. ત્યાર બાદ ગુજરાતમાં 980, પશ્ચિમ બંગાળમાં 747 અને દિલ્હીમાં 728 સક્રિય કેસ નોંધાયા છે. એકલા દિલ્હીમાં જ રવિવારથી સોમવારની વચ્ચે 42 નવા સંક્રમિતો સામે આવ્યા છે. જ્યારે, મહારાષ્ટ્રમાં 77 નવા કેસ સાથે 607 સક્રિય કેસ છે.

અગાઉના મૃત્યુના આંકડા:
જોકે, સોમવારે કોઈ નવા મૃત્યુ નોંધાયા નથી, પરંતુ રવિવારે દેશભરમાંથી કોવિડ સંબંધિત 6 મૃત્યુ નોંધવામાં આવ્યા હતા. આ તમામ દર્દીઓને કોવિડ સાથે અન્ય ગંભીર બીમારીઓ પણ હતીઃ

• કર્ણાટકમાં બે મૃત્યુ (46 અને 78 વર્ષીય વ્યક્તિ)
• કેરળમાં ત્રણ મૃત્યુ (51, 64 અને 92 વર્ષીય પુરુષ)
• તમિલનાડુમાં એક મૃત્યુ (42 વર્ષીય વ્યક્તિ, જેમને કિડનીની બીમારી હતી)

રાજ્યવાર સક્રિય કેસોની વિગત:
કેસોના રાજ્યવાર વિશ્વેષણમાં, કેરળ 1,957 સક્રિય કેસ સાથે ટોચ પર છે, જે દર્શાવે છે કે ત્યાં કોરોનાનું સંક્રમણ સૌથી વધુ સક્રિય છે. ત્યાર બાદ ગુજરાત 980 સક્રિય કેસ સાથે બીજા સ્થાને છે. જ્યારે પશ્ચિમ બંગાળમાં 747 અને દિલ્હીમાં 728 સક્રિય કેસ નોંધાયા છે. મહારાષ્ટ્રમાં 607 સક્રિય કેસ છે, જ્યારે કર્ણાટકમાં 423, ઉત્તર પ્રદેશમાં ૨૨૫ અને તમિલનાડુમાં 219 સક્રિય કેસ જોવા મળ્યા છે. આ સિવાય, રાજસ્થાનમાં 128 અને હરિયાણામાં 100 સક્રિય કેસ છે. અન્ય રાજ્યો જેવા કે બિહાર (50), છત્તીસગઢ (41) અને ગોવા (7) માં હાલ સ્થિતિ વધુ નિયંત્રણમાં દેખાઈ રહી છે.