ઉત્તર પ્રદેશના ગેરકાયદે ધર્માતરણ કેસના માસ્ટર માઈન્ડ છાંગુર બાબા અને સાથી નીતુએ અનેક સ્ફોટક ખુલાસા કર્યા છે. છાંગુર બાબાના રેકેટમાં ચાર સરકારી અધિકારીઓ પણ સામેલ હોવાની વિગતો પણ પ્રકાશમાં આવી છે. વર્ષ 2019 થી 2024 સુધી બલરામપુરમાં રહેલા એક એડીએમ, બે સીઓ અને એક ઇન્સ્પેકટરે છાંગુર બાબાને મદદ કરી હતી. આ અધિકારીઓ છાંગુર બાબાની સૂચના બાદ કોઈપણ કામ કરવા માટે તૈયાર રહેતા હતા.

15 વર્ષથી ગેરકાયદે ધર્માંતરણમાં સામેલ
આ ઉપરાંત યુપી એટીએસની તપાસમાં ગેરકાયદે ધર્માંતરણના મુખ્ય સૂત્રધાર જલાલુદ્દીન અને તેની સાથી નીતુએ અનેક મોટા ખુલાસા કર્યા હતા. પોલીસ રિમાન્ડના પ્રથમ દિવસે છાંગુર બાબા અને નીતુએ એટીએસ સમક્ષ કબૂલાત કરી હતી કે તેઓ છેલ્લા 15 વર્ષથી ગેરકાયદે ધર્માંતરણમાં સામેલ હતા. છાંગુર બાબાએ પણ ઘણા દેશો સાથે સંબંધો હોવાની કબૂલાત કરી હતી.

હિંદુ બનીને યુવતીઓને પ્રેમજાળમાં ફસાવતા
છાંગુર બાબા સમગ્ર દેશમાં ગેરકાયદે ધર્માંતરણ માટે નેટવર્ક ધરાવતો હતો. જેની માટે સમગ્ર દેશમાં 3000 લોકોને રાખવામાં આવ્યા હતા. આ રેકેટ ઉત્તર પ્રદેશ, બંગાળ, તમિલનાડુ, કર્ણાટક અને મહારાષ્ટ્રના ફેલાયેલું છે. આ લોકો હિંદુ બનીને યુવતીઓને પ્રેમજાળમાં ફસાવતા હતા.

લખનૌની અદાલતમાં રજૂ કરશે
ઉલ્લેખનીય છે કે, ઉત્તર પ્રદેશના ગેરકાયદે ધર્માતરણ કેસના માસ્ટર માઈન્ડ છાંગુર બાબા અને તેમની સહયોગી નીતુના પોલીસ રિમાન્ડ આજે પૂર્ણ થવાના છે. ઉત્તર પ્રદેશ એટીએસ આજે બંનેને લખનૌની અદાલતમાં રજૂ કરશે અને રિમાન્ડ વધારવાની માંગ કરશે. છાંગુર બાબા અને સાથી નીતુ 10 જુલાઈથી યુપી એટીએસના રિમાન્ડ પર છે.

દિલ્હીમાં ફરી એક વાર બે સ્કૂલને બોંબથી ઉડાવી દેવાની ધમકી મળી છે. જેમાં દ્વારકા સ્થિત સેન્ટ થોમસ અને વસંત વેલી સ્કૂલને ઈમેલ દ્વારા બોંબથી ઉડાવી દેવાની ધમકી મળી છે. જેના પગલે સ્કૂલ વહીવટીતંત્ર હરકત આવ્યું હતું. તેમજ પોલીસને જાણ કરતા પોલીસ સ્કૂલ પર પહોંચી હતી. તેમજ સ્કૂલ ખાલી કરાવીને તપાસ શરુ કરી છે. જોકે, હજુ સુધી કોઈ શંકાસ્પદ વસ્તુ નથી મળી.

બોંબ સ્કવોડ, ડોગ સ્કવોડ અને સાયબર એક્સપર્ટ ટીમ પહોંચી
આ બંને સ્કૂલને બોંબથી ઉડાવી દેવાની ધમકી મળ્યા બાદ પોલીસ ઘટના સ્થળે પહોંચી હતી. તેમજ ધમકીને ગંભીરતાથી લેતા પોલીસે બોંબ સ્કવોડ, ડોગ સ્કવોડ અને સાયબર એક્સપર્ટ ટીમ પણ બોલાવી લીધી છે. જયારે બંને સ્કૂલને વિદ્યાર્થીઓની સુરક્ષાને ધ્યાનમાં રાખીને ખાલી કરાવવામાં આવી છે.

આરડીએકસ અને આઈઈડી મુકવાની જાણકારી
દિલ્હીમાં મંગળવારે ડીયુ સેન્ટ સ્ટીફન કોલેજ અને સેન્ટ થોમસ સ્કૂલને પણ બોંબથી ઉડાવવાની ધમકી આપવામાં આવી હતી. જેમાં ઈમેલ દ્વારા સ્કૂલમાં આરડીએકસ અને આઈઈડી મુકવાની જાણકારી આપવામાં આવી હતી. આ પૂર્વે નેવી ચિલ્ડ્રન સ્કૂલ અને સીઆરપીએફ સ્કૂલને બોંબથી ઉડાવવાની ધમકી મળી હતી. જેની પણ તપાસ કરવામાં આવી રહી છે.

ઈમેલ આઈડીને ટ્રેસ કરવાનો પ્રયાસ
જોકે, પોલીસે આ તમામ કેસમાં સમગ્ર પરિસર તપાસ કરી હતી. પરંતુ પોલીસને કોઈ શંકાસ્પદ વસ્તુ નથી મળી. પોલીસ આ તમામ કેસમાં ઈમેલ આઈડીને ટ્રેસ કરવાનો પ્રયાસ કરી રહી છે. સાયબબર એક્સપર્ટની મદદ પણ લેવામાં આવી રહી છે.

અમરનાથ યાત્રાને લઇને એક મોટા સમાચાર આપવામાં આવ્યા છે. આજે ખરાબ હવામાન અને ભારે વરસાદને કારણે પવિત્ર યાત્રાને રોકવામાં આવી છે. બાલતાલમાં અને પહલગામમાં તમામ મુસાફરોને આવવા જવા પર પ્રતિબંધ લગાવી દેવામાં આવ્યો છે. જમ્મુ-કાશ્મીરમાં છેલ્લા ઘણા સમયથી વાતાવરણ ખરાબ છે. ભારે વરસાદના કારણે નદી નાળા છલકાય ગયા છે. કેટલાયે જિલ્લાઓના અંડરપાસ પાણીમાં ગરકાવ થતા વાહન વ્યવહાર ખોરવાઇ ગયો છે.

પહાડો પરથી સતત ભૂસ્ખલન થઇ રહ્યુ છે
પહાડો પરથી સતત ભૂસ્ખલન થઇ રહ્યુ છે. ભારતીય હવામાન વિભાગે ખુબજ સાવધાની રાખવાનું કહ્યુ છે સતત વરસાદના કારણે રસ્તાઓ ચીકણા અને કાદવ કીચ્ચડવાળા થઇ ગયા છે જેના કારણે રસ્તા પર આવતા જતા ખુબજ સાવધાની રાખવાની જરૂર છે.

IMDએ અધુરામાં પુરૂ હજુ પણ આગામી 5 દિવસ 21 જુલાઇ સુધી જમ્મુ-કાશ્મીરમાં ભારેથી અતીભારે વરસાદની ચેતવણી આપી છે.

બાબા બર્ફાની સુધી પહોંચવાના મુખ્ય બે રસ્તાઓ
અમરનાથ યાત્રામાં જવા માટે પહલગામવાળો રસ્તો અનંતનાગથી બાબા સુધી પહોંચવા માટે 36થી 48 કિલોમીટર સુધીની મુસાફરી કરવાની રહે છે કેમકે આ રસ્તો ઢાળવાળો હોવાથી આ રસ્તા પર ભારે શરીર વાળા મોટી ઉંમરના મુસાફરો માટે સારો રહે છે. બીજો રસ્તો બાલતાલવાળો છે જે ખુબજ કપરો અને બાલતાલથી જઇને ગાંદરબલ જિલ્લાથી શરૂ થાય છે. આ રસ્તાથી પહોંચવા માટે 16 કિલોમીટર કાંપવાના રહે છે. આ રસ્તો ખુબજ ઢાળવાળો છે, સુરક્ષાને ધ્યાનમાં રાખીને સેનાના જવાનો, પૈરામિલિટ્રી ફોર્સ, CRPF અને પોલીસ તૈનાત કરવામાં આવી છે. આ લોકો સતત ત્યાં ખડેપગે ઉભા રહે છે અને મુસાફરોની સુરક્ષા કરતા રહે છે. સેના, કેન્દ્ર સરકાર અને અનેક સંસ્થાઓ જરૂરી સુવિધાઓ પુરી પાડે છે.