વડોદરા શહેરમાં ગાજરાવાડી વિસ્તારમાં 16 વર્ષીય કિશોર પમ્પિંગ સ્ટેશન પાસે ગટરના નાળામાં ખાબકતા મોત નીપજ્યું છે. આ અંગે જાણ થતાં ઘટનાસ્થળે ફાયર વિભાગ, પોલીસના ઉચ્ચ અધિકારીઓ અને એમ્બ્યુલન્સ પહોંચી છે. ફાયર વિભાગે તાત્કાલિક તપાસ હાથ ધરીને કિશોરનો મૃતદેહ બહાર કાઢ્યો છે.
આ દરમિયાન રેસ્ક્યુ ટીમની ગાડી પણ રિવર્સ લેતા બાજુમાં રહેલા ખાડામાં પણ ખાબકી હતી. સદનસીબે ડ્રાઈવરનો આબાદ બચાવ થયો હતો. કિશોર શૌચક્રિયા કરવા આવ્યો હોવાનું પ્રાથમિક અનુમાન લગાવવામાં આવી રહ્યું છે.
અમેરિકામાં એક મેડિકલ ટ્રાન્સપોર્ટ વિમાન અચાનક ક્રેશ થયું હતું. હવામાં ઉડતું પ્લેન આગનો ગોળો બની ગયું છે. આ ઘટનામાં 4 લોકો જીવતા સળગી ગયા છે. આ દુર્ઘટના ઉત્તરી એરિઝોનામાં નવાઝો નેશનમાં બની હતી. વિમાનમાં 2 પાયલોટ અને 2 હેલ્થકેર વર્કસ હાજર હતા જેમના મોત થયા છે.
ફેડરલ એવિએશન એડમિનિસ્ટ્રેશનના અધિકારીઓએ જણાવ્યું હતું કે બીકક્રાફ્ટ 300 બપોરે એરપોર્ટ પર ઉતરાણ કરતી વખતે ક્રેશ થયું હતું. નેશનલ ટ્રાન્સપોર્ટેશન સેફ્ટી બોર્ડ અને FAA તપાસ કરી રહ્યા છે. ક્રેશનું કારણ હજુ સુધી જાણી શકાયું નથી.
નાવાજો ટ્રાઈબના ચેરમેન બૂ નાયગ્રેને સોશિયલ મીડિયા પોસ્ટમાં જણાવ્યું હતું કે અકસ્માત વિશે જાણીને તેમને ખૂબ જ આઘાત લાગ્યો છે. તેમણે કહ્યું, ‘આ એવા લોકો હતા જેમણે બીજાઓને બચાવવા માટે પોતાનું જીવન સમર્પિત કર્યું હતું. આ નુકસાન ખૂબ જ અનુભવાય છે.’ જિલ્લા પોલીસ કમાન્ડર એમ્મેટ યાઝીએ કહ્યું, “તેઓ ત્યાં ઉતરવાનો પ્રયાસ કરી રહ્યા હતા અને કમનસીબે કંઈક ખોટું થયું.”
અમદાવાદના બોપલ વિસ્તારમાં મોડીરાત્રે ખાનગી ફાયરિંગની ઘટના બનતા એક વ્યકિતનું મોત નિપજ્યું છે. કબીર એન્કલેવમાં રહેતા 41 વર્ષીય કલ્પેશ ટુડિયા નામના યુવકને માથામાં ગોળી વાગતા મોત નિપજ્યું હતું. કલ્પેશના ખિસ્સામાંથી સુસાઈડ નોટ મળતા બનાવ હત્યાનો છે કે આત્મહત્યાનો તે દિશામાં તપાસ શરૂ થઇ છે.
અમદાવાદના બોપલમાં શિવાલય રો હાઉસમાં ફાયરિંગની ઘટના બની છે, જેમાં ગાડીમાં આવેલા કેટલાક શખ્સોએ ફાયરિંગ કર્યુ હોવાની વાત સામે આવી છે, શેરબજારનું કામ કરતા યુવક પર ફાયરિંગ કર્યુ છે, તો પોલીસના જણાવ્યા અનુસાર આ ફાયરિંગ રૂપિયાની લેતીદેતીમાં થયું હોવાની શંકા સેવાઈ રહી છે, યુવક પર ફાયરિંગ થતા તેને સારવાર માટે હોસ્પિટલ ખસેડવામાં આવ્યો હતો પરંતુ તે પહેલા જ તેનું મૃત્યુ થયું છે, બોપલ પોલીસે ગુનો નોંધીને વધુ તપાસ હાથધરી છે.
આ બનાવ હત્યાનો છે કે આત્મહત્યાનો તેને લઈ પોલીસ તપાસ કરી રહી છે. કારણ કે, મૃતકના ખિસ્સામાંથી સુસાઈડ નોટ મળી આવતા પોલીસ બીજા એન્ગલથી પણ તપાસ કરી રહી છે. બનાવની પ્રાથમિક તપાસમાં પૈસાની લેતીદેતી કારણભૂત હોવાનું જાણવા મળી રહ્યું છે.
સ્વતંત્રતા દિવસ પૂર્વે ચાલતી સુરક્ષા કવાયત દરમિયાન ડમી બોમ્બ ન શોધી શકનાર 7 પોલીસકર્મીઓને સસ્પેન્ડ કરવામાં આવ્યા છે. લાલ કિલ્લા પર તહેનાત પોલીસકર્મીઓની બેદરકારી સામે કડક કાર્યવાહી કરાઈ છે.
2થી 16 ઑગસ્ટ: લાલ કિલ્લો ‘નોફ્લાય ઝોન’
દિલ્હી પોલીસ કમિશનરે 2થી 16 ઑગસ્ટ દરમિયાન લાલ કિલ્લા અને આજુબાજુના વિસ્તારમાં ડ્રોન, પેરાગ્લાઈડર, હોટ એર બેલૂન સહિત તમામ પ્રકારના ઉડતા સાધનો પર પ્રતિબંધ મૂક્યો છે.
ડોગ સ્ક્વોડને નવી તાલીમ
દિલ્હી પોલીસના ડોગ સ્ક્વોડને હવે વિસ્ફોટક શોધતી વખતે શાંતિપૂર્વક પ્રતિક્રિયા આપવા તાલીમ આપવામાં આવી છે. ભસવાની જગ્યાએ હવે કૂતરાઓ પૂંછડી હલાવવી કે હેન્ડલર તરફ જોવાનો ઈશારો કરશે.
પીએમ મોદી 12મી વાર લાલ કિલ્લાથી રાષ્ટ્રને સંબોધશે
વડાપ્રધાન નરેન્દ્ર મોદી આ વર્ષે સતત 12મી વખત સ્વતંત્રતા દિવસે ભાષણ આપશે. તેમણે નાગરિકોને નમો એપ અને MyGov પ્લેટફોર્મ પરથી ભાષણ માટે વિષયો સૂચવવા આમંત્રણ આપ્યું છે.
ગયા વર્ષે પીએમ મોદીએ લાલ કિલ્લા પરથી 103 મિનિટનું ભાષણ આપી રેકોર્ડ બનાવ્યો હતો.
વધુ અપડેટ માટે જોડાયેલા રહો: Gujarat Guardian
સુરતમાં ભાઠેના પંચશીલનગરમાં 500 મીટરના એરિયામાં 4 વોકીટોકી અને 25 સીસીટીવી કેમેરા રાખીને રોજનું લાખોનું એમડી વેચાણ કરતા ડ્રગ્સ માફીયાને સ્પેશિયલ ઓપરેશન ગ્રુપે બાતમીને આધારે પકડી પાડયો છે. ડ્રગ્સ માફિયા પાસેથી રુપિયા 12 લાખનું 120 ગ્રામ એમડી ડ્રગ્સ મળી આવ્યું હતું. સાથે એમડી વેચાણના 16 લાખની રોકડ રકમ પણ મળી આવી હતી.
બાતમીના આધારે રેડ પાડીરેડ દરમિયાન SOG ના સ્ટાફને 2 લોડેડ પિસ્તોલ મળી આવી હતી. ડ્રગ્સ માફિયા શીવા ઉર્ફે શિવરાજ ભુપેન્દ્ર ઝાલાને એસઓજીએ દબોચી લીધો હતો અને હવે ધરપકડની કાર્યવાહી કરી છે. શીવા તેના ઘરમાં ટીવીમાં કેમેરાની લાઇવ ફીડ જોતો હતો. આ માફિયા માત્ર ધોરણ-3 સુધી જ ભણેલો છે. SOG ની PI સહિત 27 માણસોની ટીમ 20 બાઇક પર પંચશીલનગરમાં ગઈ અને આખા વિસ્તારને ચારેય બાજુથી કોર્ડન કરી ડ્રગ્સ માફિયાને પકડી લીધો હતો.
ઝૂંપડપટ્ટીમાં 3 માળનો બંગલો હતો
શીવાએ ઝૂંપડાઓને વચ્ચે 3 માળનો આલિશાન બંગલો બનાવ્યો હતો અને તેમાં અદ્યતન સુવિધા જોવા મળી હતી. માફિયાને પોલીસ મોબાઇલ ટ્રેસ કરે તો પકડાઈ જવાનો ડર હતો. જેથી ડ્રગ્સ માફીયાએ પંટરો સાથે વોકિટોકીથી વાત કરતા હતા. આરોપીના ઘર પાસે ભાઠેના બ્રીજ અને એક બાજુ ખાડી તેમજ આસપાસ ઝુંપડપટ્ટીનો વિસ્તાર હતો. ડ્રગ્સ માફીયાએ તેના પન્ટરોને ઘરની આસપાસ ગોઠવી દીધા હતા. જો કોઈ શંકાસ્પદ લાગે કે પછી પોલીસ આવી હોય એવું દેખાય તો તાત્કાલિક વોકિટોકીથી એકબીજાને જાણ કરતા હતા. ડ્રગ્સ લેવા આવનાર લોકોને ‘કપડે લેને આયા હૈ…’એવો કોડવર્ડ આપ્યો હતો. આવું બોલે તો જ ડ્રગ્સ આપવામાં આવતું હતું.
આવી રીતે કરતો હતો વેચાણ
એસઓજીના 27 પોલીસકર્મીઓએ માફિયાને ચારે બાજુથી ઘેરી લીધો હતો અને ભાગે તે પહેલા જ પકડી પાડ્યો હતો. પંચશીલ નગર ઝૂંપડપટ્ટીમાં રહેતા લોકોને નાની-મોટી મુશ્કેલી વખતે મદદ પણ કરતો હોવાથી ત્યાંના વિસ્તારોમાં મસીહા કહેવાતો હતો. એસઓજીએ આરોપીના ઘરનું ડીવીઆર પણ કબજે લીધું છે. જો તેના સીસીટીવી કેમેરા ચેક થાય તો ડ્રગ્સના આ ધંધામાં કોણ-કોણ સામેલ અને ડ્રગ્સ લેવા માટે કોણ-કોણ આવતું હતું તે બધી જ માહિતી પોલીસને મળી શકે એમ છે.
મધ્ય ગુજરાતને સૌરાષ્ટ્ર સાથે જોડતો પાદરા નજીકનો ગંભીરા બ્રિજ 9 જુલાઈની વહેલી સવારે અચાનક ધરાશાયી થયો હતો. 110 ફૂટ ઊંચાઈ પરથી 8 થી વધુ વાહનો મહીસાગર નદીમાં ખાબકતાં ભયાનક દૃશ્ય સર્જાયું હતું. આ અકસ્માતમાં 20થી વધુ નિર્દોષ લોકોના મોત થયા હતા, જ્યારે પાંચ લોકોને ગંભીર ઈજાઓ થતાં તેમને તાત્કાલિક સયાજી હોસ્પિટલ ખાતે ખસેડવામાં આવ્યા હતા.
સારવાર દરમિયાન મોત થયું
આ દુર્ઘટનામાં ઇજાગ્રસ્ત ગણપત સોલંકી, દિલીપ પઢિયાર અને રાજુ હાથીયા સારવાર હેઠળ દાખલ હતા. જ્યારે ઇજાગ્રસ્ત નરેન્દ્રસિંહ પઢીયારનું અગાઉ બે દિવસની ટૂંકી સારવાર દરમિયાન મોત થયું હતું. હવે 28 દિવસથી હોસ્પિટલમાં જીવન માટે લડી રહેલા દિલીપભાઈ પઢિયારનું પણ સારવાર દરમિયાન મોત નિપજતા ગંભીરા બ્રિજ દુર્ઘટનામાં મૃતકોનો આંક 22 પર પહોંચ્યો છે.
પરિવારમાં શોકની લાગણી જોવા મળી
દિલીપભાઈ પઢિયારનું પણ સારવાર દરમિયાન મોત નિપજતા પરિવારજનોમાં શોક છવાઈ ગયો હતો. હોસ્પિટલ પરિસરમાં શોકની લાગણી સાથે પરિવારજનોના આક્રંદ ગુંજતા જોવા મળ્યા હતા. મૃતક દિલીપભાઈના મૃતદેહને પોસ્ટમોર્ટમ માટે ખસેડવામાં આવ્યો છે.
ઉત્તરાખંડના ઉત્તરકાશીમાં વાદળ ફાટ્યા બાદ કુદરતનો પ્રકોપ જોવા મળ્યો. મંગળવારે ઉત્તરકાશી જિલ્લાના ધારાલી ગામના ખીરગંગામાં અચાનક વાદળ ફાટ્યું. ત્યારબાદ આવેલા પૂરે ભયંકર વિનાશ મચાવ્યો છે. ઉત્તરકાશીમાં ભૂસ્ખલન બાદ 11 સૈનિકો પણ ગુમ છે. મુખ્યમંત્રી પુષ્કર સિંહ ધામી ડિઝાસ્ટર કંટ્રોલ રૂમમાં પહોંચ્યા. ત્યાં તેમણે આપત્તિ અંગે એક બેઠક યોજી હતી. આ બેઠકમાં મુખ્ય સચિવ, ગૃહ સચિવ અને ડીજીપી પણ હાજર હતા.
આ કુદરતી આપત્તિમાં 50 થી વધુ લોકો ગુમ થયા હોવાના અહેવાલ છે. તે જ સમયે, બચાવ કામગીરી શરૂ કરવામાં આવી છે. એવું કહેવામાં આવી રહ્યું છે કે એક જગ્યાએ લગભગ 20 મીટર ઊંચો કાટમાળ જમા થયો છે. રાજ્યના મુખ્યમંત્રી પુષ્કર સિંહ ધામી ઘટના સ્થળે પહોંચ્યા હતા. અને પરિસ્થિતિનું અવલોકન કર્યું હતું. સોશિયલ મીડિયા પર જણાવ્યું હતું કે રાહત અને બચાવ કામગીરી માટે યુદ્ધ સ્તરે કામ ચાલી રહ્યું છે. આનાથી પીડિતો સુધી પહોંચી શકાય છે. મળતી માહિતી મુજબ, અત્યાર સુધીમાં ચાર લોકોના મોત થયા છે. તે જ સમયે, 11 સૈન્ય જવાનો ગુમ થયાના અહેવાલ છે.
અમિત શાહે ઉત્તરાખંડના સીએમ ધામી સાથે વાત કરી
આ આપત્તિ અંગે ગૃહમંત્રી અમિત શાહે X પર લખ્યું, “ઉત્તરાખંડના ધારાલી (ઉત્તરકાશી) માં અચાનક પૂરની ઘટના અંગે ઉત્તરાખંડના મુખ્યમંત્રી સાથે વાત કરી અને ઘટના વિશે માહિતી મેળવી. ITBP ની નજીકની 3 ટીમો ત્યાં મોકલવામાં આવી છે. આ સાથે, NDRF ની 6 ટીમો પણ ઘટનાસ્થળે રવાના કરવામાં આવી છે, જે ટૂંક સમયમાં પહોંચીને બચાવ કાર્યમાં જોડાશે.”
દેશના તમામ એરપોર્ટને હાઇ એલર્ટ પર રાખવામાં આવ્યા છે. કેન્દ્રીય ગુપ્તચર એજન્સીઓએ 22 સપ્ટેમ્બરથી 2 ઓક્ટોબર 2025 વચ્ચે આતંકવાદી હુમલાની આગાહી કરી છે. આને ધ્યાનમાં રાખીને, નાગરિક ઉડ્ડયન મંત્રાલય હેઠળ કાર્યરત બ્યુરો ઓફ સિવિલ એવિએશન સિક્યુરિટી (BCAS) એ 4 ઓગસ્ટના રોજ એક સૂચના જારી કરી છે. આમાં, તમામ એરપોર્ટ, એરસ્ટ્રીપ, હેલિપેડ, ફ્લાઇંગ સ્કૂલ અને તાલીમ કેન્દ્રોમાં સુરક્ષા વધારવાના નિર્દેશો આપવામાં આવ્યા છે.
22 સપ્ટેમ્બરથી 2 ઓક્ટોબર વચ્ચેના દિવસો માટે ચેતવણી
BCAS દ્વારા 4 ઓગસ્ટે જાહેર કરાયેલી એડવાઈઝરીમાં જણાવાયું છે કે 22 સપ્ટેમ્બરથી 2 ઓક્ટોબર 2025 વચ્ચે આતંકી કે અસામાજિક તત્વો દ્વારા ભારતમાં આવેલ એરપોર્ટ્સ, એરસ્ટ્રિપ, હેલિપેડ અને ફ્લાઈંગ સ્કૂલ્સમાં હુમલાની શક્યતા છે.
સુરક્ષા માટે કડક પગલાં
બધી એજન્સીઓની સંભવિત હુમલા માટે રણનીતિ તૈયાર
BCAS એ તમામ એરપોર્ટ ડિરેક્ટરોને સ્થાનિક પોલીસ, CISF, IB અને અન્ય એજન્સીઓ સાથે સંકલન મજબૂત કરવા અને સંભવિત જોખમના સમયે એકબીજાને સહકાર આપવા સૂચના આપી છે. તે જ સમયે, એરલાઇન, પેસેન્જર, સેવા સમિતિની અલગ-અલગ બેઠકો બોલાવવાનો પણ આદેશ આપવામાં આવ્યો છે જેથી બધી એજન્સીઓ કોઈપણ સંભવિત હુમલાને ટાળવા માટે યોગ્ય રણનીતિ બનાવી શકે. ઉપરાંત, BCAS પ્રાદેશિક ડિરેક્ટરોને તેમના વિસ્તારોના તમામ એરપોર્ટ પર તાત્કાલિક ખાસ બેઠકોનું આયોજન કરવા કહેવામાં આવ્યું છે.
ભારતીય રિઝર્વ બેંક (RBI)એ ફેબ્રુઆરીમાં વ્યાજ દરોમાં ઘટાડો કરવાનું શરૂ કર્યું હતું અને ત્યારથી ત્રણ તબક્કામાં રેપો રેટમાં એક ટકાનો ઘટાડો કર્યો છે. ગવર્નર મલ્હોત્રાની અધ્યક્ષતામાં મોનેટરી પોલિસી કમિટી (MPC)ની આજે બુધવારે મળેલી બેઠકમાં બેઠકનો નિર્ણય જાહેર કરવામાં આવ્યો છે, જે અનુસાર રેપોરેટ 5.50 પર યથાવત રાખવામાં આવ્યા છે.
સંજય મલ્હોત્રાએ તેમના નિવેદનમાં જણાવ્યું હતુ કે ચોમાસાની સ્થિત વધુ સારી છે. નોંધનીય છે કે 40 ટકા લોકોએ રેપોરેટમાં ઘટાડો કરવામાં આવશે તેવુ અનુમાન સેવ્યુ હતું.
RBI દ્વારા જારી કરાયેલા મુખ્ય આંકડાઓ પર નજર કરતા જણાય છે કે રેપોરેટ 5.50 પર યથાવત રખાયો છે. જ્યારે SDF દર 5.25 ટકા પર સ્થિર છે. તેમજ MSF દર 5.75 ટકા સાથે પોલિસી વલણ ન્યૂટ્રલ રાખવામાં આવ્યુ છે. નોંધનીય છે કે એમપીસીની બેઠકમાં ન્યૂટ્રલ પર મહદઅંશે ભાર મુકવામાં આવ્યો હતો. એમપીસીના 6 સભ્યોએ દરો યથાવત રાખવાની સંમતિ વ્યક્તિ કરી હતી.
વ્યાજ દરો યથાવત્ રાખવામાં આવતા હાલ હોમ લોન કે કાર લોનના EMIમાં કોઈ ફેરફાર થશે નહીં. RBIનું આ વલણ દર્શાવે છે કે તે સાવધાની સાથે આગળ વધી રહી છે. જ્યાં સુધી અમેરિકા અને ભારત વચ્ચે ટેરિફ અંગેનું ચિત્ર સ્પષ્ટ ન થાય ત્યાં સુધી RBI કોઈ ઉતાવળિયા પગલાં લેવા માંગતી નથી. RBIએ આજે કોઈ મોટું આશ્ચર્ય આપ્યું નથી, પરંતુ તેણે ચોક્કસપણે સ્પષ્ટ સંકેત આપ્યો છે કે તે ફુગાવાને નિયંત્રિત કરવા તેમજ વૃદ્ધિ જાળવી રાખવા વચ્ચે સંતુલન જાળવવા માંગે છે. હવે રોકાણકારો ટેરિફનો મુદ્દો કઈ દિશામાં આગળ વધે છે તેના પર નજર રાખશે.
ઉત્તરાખંડના ઉત્તરકાશીમાં વાદળ ફાટવાથી એક મોટી દુર્ઘટના સામે આવી છે. મંગળવારે ગંગોત્રી ધામ અને મુખવા નજીક આવેલા ધરાલી ગામમાં વાદળ ફાટવાથી પહાડ પરથી નીચાણવાળા વિસ્તારો તરફ પાણી ખૂબ જ ઝડપથી વહેતું હતું, જેના કારણે ઘણા ઘરો સંપૂર્ણપણે નાશ પામ્યા છે. પાણી સાથે કાટમાળ પણ આવ્યો છે, જેમાં ઘણા લોકો દટાયા હોવાની આશંકા છે. આર્મી, પોલીસ અને એસડીઆરએફની ટીમ ઘટનાસ્થળે પહોંચી ગઇ છે. આ ઘટનામાં 4 લોકોના મોતના સમાચાર સામે આવ્યા છે. જ્યારે 50 થી વધુ લોકો ગુમ થવાની માહિતી છે.
ઘણા લોકો દટાયા હોવાના અહેવાલ છે. ધરાલી ગામ દેહરાદૂનથી 218 કિમી દૂર છે. ઘટનાના ઘણા વીડિયો અને ફોટા સામે આવ્યા છે. સેના સાથે SDRF, NDRFની બચાવ ટીમો પણ ઘટનાસ્થળે પહોંચી ગઈ છે.
ગંગોત્રી ધામ જવાના માર્ગ પર ધરાલી એક મહત્વપૂર્ણ સ્ટોપ છે. ધરાલીમાં ખીર ગંગા નદીમાં વાદળ ફાટવાથી આ વિનાશક દ્રશ્ય જોવા મળ્યું હોવાનું કહેવાય છે. નદી કિનારે અચાનક આવેલા પૂરને કારણે ડઝનબંધ હોટલ અને હોમસ્ટેને નુકસાન થયું છે. તેમાં ઘણા કામદારો દટાયા હોવાની પણ શક્યતા છે.
બચાવ કામગીરી યુદ્ધના ધોરણે કાર્યરત – સીએમ પુષ્કર સિંહ ધામી
વાદળ ફાટ્યા પછી જોરદાર પાણીના પ્રવાહથી સમગ્ર વિસ્તારમાં ગભરાટ ફેલાઈ ગયો હતો, હવે વિસ્તારમાં રાહત અને બચાવ કાર્ય ચાલી રહ્યું છે. જિલ્લા ડિઝાસ્ટર મેનેજમેન્ટે અકસ્માતની પુષ્ટિ કરી છે અને કહ્યું છે કે પરિસ્થિતિ પર નજીકથી નજર રાખવામાં આવી રહી છે.
We are committed to building a society driven by Truth, Justice, and Knowledge. We deliver bold, credible, and insightful journalism that questions wrongdoing and gives voice to the common people.
© Gujarat Guardian | All Rights Reserved. | Made with Pride in भारत 🇮🇳
