આજના સમયમાં લોકો તંદુરસ્ત જીવનશૈલીથી દૂર જઈ રહ્યા છે. તળેલું ખાવું, બહારના પેકેટ્સ, કોલ્ડ્રીંકસ જેવી ચીજવસ્તુઓનું વધતું સેવન અને શારીરિક પ્રવૃત્તિમાં ઘટાડો આ બધું મળીને મેદસ્વિતાને આમંત્રણ આપે છે. મેદસ્વિતા ઘટાડવા લોકો દવાઓ, ડાયટ પ્લાન, અને મોંઘા-મોંઘા ફિટનેસ ટૂલ્સનો સહારો લે છે, પરંતુ મોટા ભાગના લોકો પાણીના પાવરથી અજાણ છે. શરીરના દરેક કાર્યમાં પાચનથી લઇ દિમાગી ચેતના સુધી પાણીનું ખૂબ મહત્વ છે.

હાલનાં માર્કેટિંગ યુગમાં બાળકોથી લઈને વૃદ્ધો સુધી બધાને કોલ્ડ્રીંક, સ્પોર્ટ્સ ડ્રિંક, ફ્રુટ ફ્લેવર્ડ વોટર વગેરે તરફ આકર્ષિત કરવામાં આવે છે. આવી ડ્રિંક્સમાં ખાંડ, કેલરી અને આર્ટિફિશિયલ કેમીકલ ભરપૂર હોય છે. આ પીણાઓ માત્ર મેદસ્વિતા નહિ, પરંતુ ડાયાબિટીસ અને હ્રદય રોગ જેવી ગંભીર બીમારીઓનું જોખમ પણ વધારતી હોય છે. તેથી જરૂરી છે કે આવા માઠા વિકલ્પોને પાણી જેવા સાદા, કુદરતી અને આરોગ્યદાયક વિકલ્પથી બદલવામાં આવે.

પાણી માત્ર તરસ બુઝાવવાનું સ્ત્રોત નથી તે એક એવું તત્ત્વ છે, જે શરીરના અનેક કાર્ય માટે મહત્વપૂર્ણ છે અને ખાસ કરીને વજન ઘટાડવા માટે તો અત્યંત અસરકારક છે. નિયમિત પણે પાણી પીવાથી ભૂખ ઘટે છે. ઘણી વાર આપણે જેને ભૂખ માનીએ છીએ, તે ખરેખર તરસ હોય છે. પાણી પીવાથી મગજને સંકેત મળે છે કે પેટ ભરેલું છે. પાણી ખોરાકને પચાવવામાં મદદરૂપ થાય છે. યોગ્ય રીતે પચેલા ખોરાકમાંથી શરીરને પૂરતું પોષણ મળે છે અને ચરબીના રૂપમાં બાકી ઘટકો જમા થતાં અટકે છે. વ્યાયામ કરતાં પહેલાં અને પછી પાણી પીવાથી શરીરની ઉર્જા સ્તર જળવાઈ રહે છે અને શરીર વધુ કાર્યક્ષમ રહે છે. જેથી વધારાની કેલરી બળી જાય છે.

દરેક વ્યક્તિની જરૂરિયાત અલગ હોઈ શકે છે, પણ સામાન્ય રીતે દિનચર્યા મુજબ ૮ થી ૧૦ ગ્લાસ (૨.૫ થી ૩ લિટર) પાણી પીવું જોઈએ. ઊનાળામાં, કસરત કર્યા પછી, અથવા વધુ આઉટડોર કામ હોય ત્યારે વધુ પાણી પીવુ જરૂરી છે. દરેક ૧ કલાકે થોડું પાણી પીવાથી શરીરનું હાઈડ્રેશન જળવાઈ રહે છે. 

સ્મોકિંગએ સ્વાસ્થ્ય માટે ખતરનાક છે એ વાત વ્યાપકપણે સ્વીકૃત છે. જોકે કેટલીક એવી ક્રિયાઓ છે જે સ્વાસ્થ્ય માટે વધુ હાનિકારક છે. તેમાંથી એક છે જમ્યા પછી તરત જ બેસવું. ઘણા આરોગ્ય નિષ્ણાતો ઘણીવાર જમ્યા પછી તરત જ ચાલવાનું કહે છે પરંતુ શું તે કેટલું સાચું છે?

જમ્યા પછી તરત બેસવું એ ધૂમ્રપાન કરતાં વધુ નુકસાનકારક છે એવું ઘણા કહે છે પરંતુ ઘણા લોકો આ વાત સાંભળતા નથી. એવું કહેવાય છે કે જમ્યા પછી તરત જ બેસવું હૃદયના સ્વાસ્થ્ય માટે ગંભીર રીતે હાનિકારક છે. શું આ ધૂમ્રપાન કરતાં વધુ હાનિકારક છે? અહીં જાણો

જમ્યા પછી તરત બેસવું એ ધૂમ્રપાન કરતાં વધુ હાનિકારક છે કે નહિ?
કિમ્સહેલ્થ તિરુવનંતપુરમના કન્સલ્ટન્ટ કાર્ડિયોલોજી ડૉ. દિનેશ ડેવિડે જણાવ્યું હતું કે, જમ્યા પછી તરત જ બેસવું એ ધમનીઓ માટે ધૂમ્રપાન કરતાં વધુ નુકસાનકારક છે તે સૂચવતા કોઈ પુરાવા નથી. શારીરિક પ્રવૃત્તિ વિના દિવસમાં 8 કલાકથી વધુ સમય સુધી બેસવું સારું નથી. તેમણે કહ્યું કે આનાથી સ્મોકિંગ જેવા હૃદય રોગ થઈ શકે છે.

તેમણે જણાવ્યું કે “ઊભા રહેવાથી કે ચાલવાથી થતી સરખામણીમાં બેસવાથી ચયાપચય લગભગ 30% ધીમો પડી જાય છે. આનાથી વજન વધી શકે છે અને ધમનીઓમાં ચરબી જમા થઈ શકે છે. આનાથી એથરોસ્ક્લેરોસિસ થાય છે. ડેસ્ક જોબ વાળા ઘણીવાર લાંબા સમય સુધી બેસી રહે છે. આ તેમની શારીરિક પ્રવૃત્તિને મર્યાદિત કરે છે અને મેટાબોલિક ડિસઓર્ડર, સ્થૂળતા, ગ્લુકોઝ ઇન્ટોલસરસમાં ઘટાડો અને બળતરા તરફ દોરી જાય છે. આ બધા હૃદય રોગના પૂર્વગામી છે.

લાંબા સમય સુધી બેસી રહેવાથી સ્વાસ્થ્ય પર થતી અસર
ફરીદાબાદની અમૃતા હોસ્પિટલના ઇન્ટરનલ મેડિસિન વિભાગના સિનિયર કન્સલ્ટન્ટ ડૉ. મોહિત શર્માના જણાવ્યા અનુસાર, સંશોધન સૂચવે છે કે દિવસમાં 6-8 કલાકથી વધુ સમય સુધી બેસવાથી અકાળ મૃત્યુનું જોખમ વધે છે. લાંબા સમય સુધી બેસવાથી મૃત્યુદર, હૃદય રોગ, કેન્સરનું જોખમ અને ટાઇપ 2 ડાયાબિટીસનું જોખમ વધે છે.

ડૉ. શર્માએ જણાવ્યું હતું કે સ્મોકિંગ ન કરનારાઓની તુલનામાં દિવસમાં 8 કલાકથી વધુ સમય બેસી રહેવાથી મૃત્યુનું જોખમ 34% વધી જાય છે. દિવસમાં 1-5 સિગારેટ પીવાથી હૃદય રોગનું જોખમ 40-50% વધી જાય છે. ધૂમ્રપાન સામાન્ય રીતે વધુ તાત્કાલિક અને ગંભીર સ્વાસ્થ્ય પરિણામોનું કારણ બને છે, એમ તેમણે જણાવ્યું હતું.

ડૉ. શર્માએ કહ્યું કે “કામ ગમે તેટલું મહત્વપૂર્ણ હોય તો દર 2 કલાકે થોડી મિનિટો ચાલો. ઓછામાં ઓછા 15 મિનિટ ચાલવા જાઓ. તમે ઊભા થઈને તમારી પાણીની બોટલ ભરી શકો છો. તમારી પીઠ અને કરોડરજ્જુ સીધી રાખવાનું યાદ રાખો, કારણ કે હલનચલન ન કરવાથી માનસિક સ્વાસ્થ્ય પર પણ અસર પડી શકે છે.’