બિહારની ચૂંટણી બે તબક્કામાં યોજાશે. મતદાન 6 અને 11 નવેમ્બરે થશે અને પરિણામો 14 નવેમ્બરે જાહેર થશે. ચૂંટણી પ્રક્રિયા 40 દિવસ ચાલશે. મુખ્ય ચૂંટણી કમિશનર જ્ઞાનેશ કુમારે પત્રકાર પરિષદમાં જણાવ્યું કે, આ ચૂંટણીઓ માટે SIR હેઠળ મતદાન યાદી અપડેટ કરવામાં આવી છે. નામાંકન પહેલાં 10 દિવસ સુધી ખૂટતા નામો ઉમેરી શકાય છે. આવા મતદારોને નવા મતદાર કાર્ડ પ્રાપ્ત થશે.

2025ની બિહાર વિધાનસભા ચૂંટણીમાં 74.3 કરોડ મતદારો
મુખ્ય ચૂંટણી કમિશનર જ્ઞાનેશ કુમારે જણાવ્યું હતું કે, 2025ની બિહાર વિધાનસભા ચૂંટણીમાં કુલ 74.3 કરોડ મતદારો જોડાશે. તેમાંથી 39.2 કરોડ પુરુષો, 35.0 કરોડ મહિલાઓ અને 1725 ટ્રાન્સજેન્ડર છે. 85 વર્ષથી વધુ ઉંમરના મતદારોની સંખ્યા 40.4 કરોડ છે. 100 વર્ષથી વધુ ઉંમરના મતદારોની સંખ્યા 14,000થી વધુ છે. મહત્વની વાત એ છે કે, 14 લાખ વોટર પહેલીવાર વોટિંગ કરશે.

ચૂંટણી પંચે કહ્યું- મતદારોની સુવિધાનું ધ્યાન રાખવામાં આવી રહ્યું છે
ચૂંટણી પંચના ડેટા અનુસાર, બિહારમાં કુલ 90,712 મતદાન મથકો સ્થાપિત કરવામાં આવ્યા છે, જેમાં પ્રતિ મથક સરેરાશ 818 નોંધાયેલા મતદારો છે. આમાંથી 76,801 મતદાન મથકો ગ્રામીણ વિસ્તારોમાં સ્થિત છે, જ્યારે 13,911 શહેરી વિસ્તારોમાં સ્થિત છે. બધા મતદાન મથકો પર વેબકાસ્ટિંગ (100%) ઉપલબ્ધ છે. વધુમાં, મતદારોને વધુ સારી સુવિધાઓ પૂરી પાડવા માટે 1,350 મોડેલ મતદાન મથકો સ્થાપિત કરવામાં આવ્યા છે.

લદાખમાં હિંસા બાદ ક્લાઈમેટ એક્ટીવિસ્ટ સોનમ વાંગચુકની ધરપકડ કરવામાં આવી હતી, તેમના પર નેશનલ સિક્યોરિટી એક્ટ(NSA) હેઠળ કેસ નોંધવામાં આવ્યો છે. સોનમ વાંગચુકની પત્ની ગીતાંજલી અંગ્મોએ તેમની ધરપકડને પડકારતી અરજી પર સુપ્રીમ કોર્ટમાં દાખલ કરી છે. તેમની અરજી પર સુનાવણી દરમિયાન સુપ્રીમ કોર્ટે સોમવારે કેન્દ્ર સરકાર અને લદ્દાખ વહીવટીતંત્ર પાસેથી જવાબ માંગ્યો છે.

કેન્દ્ર સરકાર અને લદાખ વહીવટીતંત્રએ કોર્ટમાં દલીલ કરી કે આ અરજીનો હેતુ વાંગચુકની અટકાયતની બાબતે હાઇપ બનાવવાનો છે.

સુપ્રીમ કોર્ટના ન્યાયાધીશ અરવિંદ કુમાર અને એન.વી. અંજારિયાની બેન્ચે કેન્દ્ર, લદ્દાખ વહીવટીતંત્ર અને જોધપુર સેન્ટ્રલ જેલને નોટિસ પાઠવી છે અને જવાબ માંગ્યો છે. કેસની સુનાવણી 14 ઓક્ટોબરના રોજ નક્કી કરવામાં આવી છે. ગીતાંજલી એંગ્મો વતી હાજર રહેલા વરિષ્ઠ વકીલ કપિલ સિબ્બલે અપીલ કરી હતી કે અટકાયતના કારણો તાત્કાલિક પૂરા પાડવામાં આવે. હાલ કોર્ટે કોઈપણ આદેશ આપવાનું ટાળ્યું. કોર્ટે કહ્યું કે તે પહેલા અધિકારીઓએ આપેલા જવાબો પર વિચાર કરશે.

કપિલ સિબ્બલે કોર્ટને જણાવ્યું કે વારંવાર વિનંતીઓ છતાં, ગીતાંજલી એંગ્મોને સોનમ વાંગચુકની અટકાયતના કારણો પૂરા પાડવામાં આવ્યા ન હતા. તેમણે કહ્યું.”સુપ્રીમ કોર્ટના ચુકાદા મુજબ પરિવારના સભ્યોને અટકાયતના કારણો આપવા જરૂરી છે. અમને કોઈ કારણ આપવામાં આવ્યું નથી, અને પત્નીને તેમને મળવાની મંજૂરી આપવામાં આવી નથી.”

કેન્દ્ર સરકાર તરફથી હાજર રહેલા સોલિસિટર જનરલ તુષાર મહેતાએ જણાવ્યું કે તમામ કાયદાકીય પ્રક્રિયાઓનું પાલન કરવામાં આવ્યું છે અને વાંગચુકના અધિકારોનું કોઈ ઉલ્લંઘન થયું નથી.

હમાસે અમેરિકન રાષ્ટ્રપતિ ડોનાલ્ડ ટ્રમ્પની ગાઝા શાંતિ યોજનાની શરતો સ્વીકાર્યા બાદ ઇઝરાયલનું પહેલું નિવેદન આવ્યું છે. ઇઝરાયલી સેનાએ શનિવારે કહ્યું હતું કે તે યોજનાના પ્રથમ તબક્કાના અમલીકરણ માટેની તૈયારીઓ ઝડપી બનાવશે. ઇઝરાયલે આ નિવેદન ત્યારે આપ્યું છે જ્યારે હમાસે ગાઝામાં યુદ્ધ સમાપ્ત કરવાની અમેરિકન રાષ્ટ્રપતિ ડોનાલ્ડ ટ્રમ્પની યોજનાના કેટલાક મુદ્દાઓ સ્વીકાર્યા છે. સેનાનું કહેવું છે કે ઇઝરાયલી નેતાઓએ આ યોજનાને અમલમાં મૂકવા માટે ઝડપી પગલાં લેવા સૂચનાઓ આપી છે.

ઇઝરાયલ હવે ગાઝા પર હુમલો નહીં કરે
એક ઇઝરાયલી અધિકારીએ નામ ન આપવાની શરતે જણાવ્યું હતું કે ઇઝરાયલે ગાઝામાં રક્ષણાત્મક સ્થિતિ લીધી છે અને હાલમાં કોઈ હુમલો કરશે નહીં. તેમણે એમ પણ કહ્યું કે ગાઝામાંથી કોઈ સુરક્ષા દળો પાછા ખેંચાયા નથી. હમાસના સકારાત્મક નિવેદન બાદ ટ્રમ્પે ઇઝરાયલને ગાઝામાં તેના હુમલા બંધ કરવાનો આદેશ આપ્યાના થોડા કલાકો પછી જ ઇઝરાયલનો ગાઝા પરના હુમલા બંધ કરવાનો નિર્ણય આવ્યો. ટ્રમ્પે હમાસના પ્રતિભાવનું સ્વાગત કરતા કહ્યું, “મને લાગે છે કે તેઓ લાંબા ગાળાની શાંતિ માટે તૈયાર છે.”

ગાઝામાં અત્યાર સુધીમાં 67,000 થી વધુ લોકોના મોત
ઇઝરાયલ અને હમાસ વચ્ચે લગભગ બે વર્ષ ચાલેલા યુદ્ધમાં માર્યા ગયેલા પેલેસ્ટિનિયનોની સંખ્યા 67,000 થી વધુ થઈ ગઈ છે. ગાઝાના આરોગ્ય મંત્રાલયે શનિવારે મૃત્યુઆંકમાં 700 થી વધુ નામ ઉમેર્યા હતા, અને આ આંકડાઓની ચકાસણી કરવામાં આવી છે. દરમિયાન, ઇઝરાયલી સેનાએ કહ્યું છે કે તે ગાઝામાં યુદ્ધ સમાપ્ત કરવા અને બાકીના તમામ બંધકોને પરત કરવાની અમેરિકન રાષ્ટ્રપતિ ડોનાલ્ડ ટ્રમ્પની યોજનાના પ્રથમ તબક્કાની તૈયારી કરી રહી છે. આ સંદર્ભમાં, એક અધિકારીએ જણાવ્યું હતું કે સેનાએ હવે રક્ષણાત્મક સ્થિતિ લીધી છે અને આક્રમક રીતે હુમલો કરશે નહીં.

ઇજિપ્ત બંધકોની મુક્તિ અંગે અપડેટ આપે છે
મધ્યસ્થી તરીકે કામ કરતા એક વરિષ્ઠ ઇજિપ્તીયન અધિકારીએ જણાવ્યું હતું કે ઇઝરાયલી કસ્ટડીમાં બંધકો અને સેંકડો પેલેસ્ટિનિયનોને મુક્ત કરવા માટે હમાસ સાથે વાતચીત ચાલી રહી છે. યુદ્ધવિરામ વાટાઘાટોમાં સામેલ અધિકારીએ જણાવ્યું હતું કે મધ્યસ્થી કરી રહેલા આરબ દેશો ગાઝાના ભવિષ્ય પર તેમની એકતા સુનિશ્ચિત કરવાના હેતુથી પેલેસ્ટિનિયનો વચ્ચે વ્યાપક વાટાઘાટો માટે તૈયારી કરી રહ્યા છે. ગાઝાના બીજા સૌથી પ્રભાવશાળી ઉગ્રવાદી જૂથ, પેલેસ્ટાઇન ઇસ્લામિક જેહાદે શનિવારે કહ્યું હતું કે તે ટ્રમ્પની યોજના પર હમાસના પ્રતિભાવને સ્વીકારે છે. અગાઉ, થોડા દિવસો પહેલા, જૂથે યોજનાને નકારી કાઢી હતી.

શું હમાસ પોતાના હથિયારો નીચે મૂકશે?

ઇઝરાયલ ડિફેન્સ એન્ડ સિક્યુરિટી ફોરમના ચેરમેન નિવૃત્ત જનરલ અમીર અવીવીએ જણાવ્યું હતું કે બંધકોને મુક્ત કરવા માટે ઇઝરાયલ ગાઝામાં થોડા દિવસો માટે ગોળીબાર બંધ કરી શકે છે, પરંતુ જો હમાસ તેના શસ્ત્રો સોંપશે નહીં, તો ઇઝરાયલ તેના આક્રમણ ફરી શરૂ કરશે. આ પરિસ્થિતિ હાલમાં યુદ્ધવિરામની આશા ઉભી કરે છે, પરંતુ ભવિષ્યમાં પરિસ્થિતિ કેવી રીતે વિકસે છે તે સંપૂર્ણપણે હમાસના પ્રતિભાવ અને વાટાઘાટોના પરિણામ પર નિર્ભર રહેશે.