આમ આદમી પાર્ટી (AAP)ના ધારાસભ્ય ગોપાલ ઈટાલીયા પર જામનગરમાં થયેલા જૂતું ફેંકવાના બનાવને પગલે ગુજરાતનું રાજકારણ ગરમાયું છે. AAPના પ્રદેશ સંગઠન મંત્રી મનોજ સોરઠીયાએ આ સમગ્ર ઘટનાને રાજકીય ષડયંત્ર ગણાવીને ભારતીય જનતા પાર્ટી (BJP) અને કોંગ્રેસ બંનેની સાંઠગાંઠનો ગંભીર આરોપ મૂક્યો છે.

મનોજ સોરઠીયાએ જણાવ્યું હતું કે, ગુજરાતમાં AAP જે રીતે લોકોનો અવાજ ઉઠાવી રહી છે અને લોકપ્રિયતા મેળવી રહી છે, તેનાથી ભાજપ અને કોંગ્રેસ બંનેના પેટમાં તેલ રેડાયું છે. તેમણે આ ઘટનાને આખું ષડયંત્ર ગણાવ્યું હતું, જેમાં ભાજપ અને કોંગ્રેસના નેતાઓએ મળીને કથિત રીતે ભાજપની પોલીસ સાથે મળીને આ કૃત્ય કરાવ્યું હતું.

મનોજ સોરઠીયાએ પોલીસની ભૂમિકા પર સીધા સવાલ ઉઠાવતા કહ્યું કે, સામાન્ય રીતે નેતા પર ડુમલો થાય ત્યારે પોલીસ રક્ષણ માટે આવે છે, પરંતુ જામનગરમાં પોલીસે જૂતું ફેંકતાની સાથે જ કોંગ્રેસના કાર્યકરને તુરંત જ કોર્ડન કરી લીધો હતો અને તેને સુરક્ષિત રીતે સભા સ્થળ પરથી લઈ ગઈ હતી. સોરઠીયાએ દાવો કર્યો કે, “આખી ઘટના પોલીસને ખબર હતી. પોલીસને એડવાન્સમાં જાણ હતી કે આવી ઘટના ઘટવાની છે, અને આ ઘટના ભાજપ-કોંગ્રેસને થયેલી સૌથી મોટી તકલીફનું પરિણામ છે.

ગોપાલ ઇટાલીયાએ માફી આપી
ફરિયાદ નોંધાવવાના મુદ્દે સોરઠીયાએ સ્પષ્ટ કર્યું કે, ફરિયાદ દાખલ કરવાનું કામ પોલીસનું અને કાયદો-રક્ષણ કરવાનું કામ સરકારનું છે. જોકે, અન્ય કિસ્સાઓની જેમ આમાં પણ કદાચ ફરિયાદ ન થાય તેવી શક્યતા છે, પરંતુ ગોપાલ ઈટાલીયાએ મોટું મન રાખીને ડુમલો કરનાર યુવાનને માફ કરવાની વાત કરી છે. AAP આ ષડયંત્ર સામે શાંતિથી બેસવાને બદલે આક્રમક રીતે લોકો સુધી હકીકત પહોંચાડશે.

અરવિંદ કેજરીવાલ બે દિવસના ગુજરાત પ્રવાસે
આ તમામ ઘટનાક્રમ વચ્ચે AAPના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ આવતીકાલે બે દિવસના ગુજરાતના પ્રવાસે આવવાના છે. કેજરીવાલ ગુજરાતમાં ખેડૂતોની આત્મઽત્યાના કિસ્સાઓમાં તેમના પરિવારજનોને મળીને સડાનુભૂતિ આપશે. આ ઉપરાંત, તાજેતરમાં ડડદ કેસમાં જે ખેડૂતોને જેલમાં જવું પડયું હતું. તેમને અને તેમના પરિવારજનોને મળીને તેમનું સન્માન કરવાનો કાર્યક્રમ પણ ગોઠવવામાં આવ્યો છે. આ મુલાકાત દરમિયાન કેજરીવાલ પાર્ટીના કાર્યકર્તાઓ અને નેતાઓને મળીને આગળની રણનીતિ પર પણ ચર્ચા કરશે.

વર્ષ 2007માં સહારા ઇન્ડિયા બેંકમાં નોકરી દરમિયાન ગ્રાહકોના ફિક્સ ડીપોઝીટના રૂપિયાની ઉચાપત કરીને વતન ઉતર પ્રદેશ ભાગીને સરકારી શિક્ષક તરીકે નોકરીએ લાગેલા આરોપીને સુરત ક્રાઈમ બ્રાંચની ટીમે ઝડપી પાડયો છે.

આ અંગે પ્રાપ્ત વિગતો પ્રમાણે, સુરત ક્રાઈમ બ્રાંચની ટીમે ઉતર પ્રદેશના બસ્તી જિલ્લાના જુનિયર ડાઈસ્કૂલ બટુપુર ખાતેથી આરોપી સુરેશસિંગ ફોજદાર સિંગ (53)ને ઝડપી પાકયો હતો. આરોપી સામે સુરતના અમરોલી પોલીસ મથકમાં વર્ષ 2010માં ગુનો નોંધાયો હતો. પોલીસના જણાવ્યા મુજબ પકડાયેલો આરોપી વર્ષ 2007માં સુરત શહેરમાં રહેતો હતો અને તે વખતે અમરોલી છપરાભાઠા રોડ અરીહંત પાર્ક ખાતે આવેલી સહારા ઇન્ડિયા બેંકમાં નોકરી કરતો હતો.

પોતાની ફરજ દરમ્યાન ફરિયાદી રાકેશ ચૌધરી (કેશિયર) તા. 23-06-2007થી 6 દિવસની રજા ઉપર ગયા હતા, તે સમયે આરોપી સુરેશસિંગ ફોજદાર સિંગ સીનિયર ઓફીસ વર્કર તરીકે નોકરી હતો. જેણે રેકર્ડ સાથે છેડા કરી બેંકમાં ફિક્સ ડીપોઝીટ અલગ અલગ 6 ખાતાના કુલ ચેકો બેરર તેમજ એકાઉન્ટ પે થી પોતાના અક્ષરમાં બનાવીને પોતાના દ્રારા સહીઓ કરીને એમાંથી રૂપિયા 3,90,827 ઉચાપત કરીને નાસી ગયો હતો. આરોપીની તપાસ કરતા તે મળી આવતો ન હોય નામદાર કોર્ટ દ્વારા સીઆરપીસી-૭૦ મુજબનું વોરંટ ઈશ્યુ કરવામાં આવ્યું હતું.

સુરત ક્રાઈમ બ્રાંચની ટીમે આરોપી વિષે તપાસ કરતા તે પોતાના વતન ખાતે રહેવાનું બંધ કરી દીધેલાનું અને ડાલમાં ઉતર પ્રદેશ બસ્તી જિલ્લા ખાતે આવેલી જુનીયર ડાઈસ્કૂલ બટુપુર સરકારી શાળામાં શિક્ષક તરીકે નોકરી કરતો હોવાનું અને મુરઘાટ ગામ ખાતે રહેતો હોવાનું જાણવા મળ્યું હતું.

આથી સુરત ક્રાઈમ બ્રાંચની ટીમ દ્વારા તેના રહેઠાણ અને તે જ્યાં નોકરી કરતો હતો તે સ્કૂલ ઉપર વોચ કરવામાં આવી હતી અને આરોપી ગર્વમેન્ટ જોબ કરતો હોય જેથી સંપૂર્ણ ખાતરી અને ખરાઈ કર્યા બાદ તે જ મુખ્ય આરોપી હોવાનું જણાય આવતા તેને સ્કૂલમાંથી પકડી પાડવામાં આવ્યો હતો. આ આરોપીને વર્ષ 2014થી શિક્ષક તરીકે પરમેનેન્ટ ઓર્ડર મળ્યો છે અને સુરત ક્રાઈમ બ્રાંચની ટીમે આરોપીને ઝડપીને તેનો કબ્જો અમરોલી પોલીસને સોપ્યો છે.