ભારતમાં ફરી એક વાર ગોઝારી ટ્રેન દુર્ઘટના બની છે. ઝારખંડના સ્ટીલ શહેર ટાટાથી કેરળના એર્નાકુલમ જઈ રહેલી ટાટા એર્નાકુલમ એક્સપ્રેસને આંધ્રપ્રદેશમાં અકસ્માતનો સામનો કરવો પડ્યો. ટાટા એર્નાકુલમ એક્સપ્રેસના બે કોચમાં આગ લાગી. બે કોચ નાશ પામ્યા અને એક મુસાફરનું મોત થયું. આ અકસ્માત ત્યારે થયો જ્યારે ટ્રેન આંધ્રપ્રદેશના અનાકાપલ્લેમાં યલામાંચીલી નજીકથી પસાર થઈ રહી હતી.

ટાટા એર્નાકુલમ એક્સપ્રેસના B1 અને M2 કોચમાં આગ લાગી. બંને કોચ નાશ પામ્યા. આગ લાગતા જ ટ્રેનમાં ગભરાટ ફેલાઈ ગયો. લોકો પાઈલટને તાત્કાલિક આગની જાણ કરવામાં આવી. માહિતી મળતાં જ લોકો પાઈલટે તાત્કાલિક ટ્રેન રોકી દીધી અને ફસાયેલા મુસાફરોને બહાર કાઢવા અને આગ પર કાબુ મેળવવાના પ્રયાસો શરૂ કર્યા. મુસાફરોને બહાર કાઢવા દરમિયાન કોચમાંથી એક મૃતદેહ મળી આવ્યો હતો. અનકાપલ્લેના પોલીસ અધિક્ષક તુહિન સિંહાએ આ વાતની પુષ્ટિ કરી. મૃતકની ઓળખ થઈ નથી.

આગ લાગતાની સાથે જ ટ્રેનમાં ગભરાટ ફેલાઈ ગયો. ટ્રેનમાં ગભરાટ ફેલાઈ ગયો. ગભરાટમાં ફસાઈ ગયેલા મુસાફરો ટ્રેનમાંથી સલામત સ્થળે દોડી ગયા અને સ્ટેશન પરિસર તરફ પ્રયાણ કર્યું. આખું રેલ્વે સ્ટેશન ધુમાડામાં લપેટાઈ ગયું હતું. અનકાપલ્લે, એલામંચિલી અને નક્કાપલ્લેથી અનેક ફાયર એન્જિનોએ ભારે પ્રયાસો પછી આગને કાબુમાં લીધી.

તપાસમાં શું બહાર આવ્યું?
પ્રાથમિક તપાસમાં જાણવા મળ્યું કે B-1 એસી કોચના બ્રેક જામ થવાને કારણે આગ લાગી હતી. B-1 કોચમાં મુસાફરી કરી રહેલા વિશાખાપટ્ટનમના રહેવાસી 70 વર્ષીય ચંદ્રશેખર સુંદરનું અકસ્માતમાં મોત નીપજ્યું હતું. લગભગ બે ડઝન મુસાફરોને પણ સામાન્ય દાઝી ગયા હતા. અકસ્માતમાં તમામ મુસાફરોનો સામાન પણ નાશ પામ્યો હતો.

અકસ્માતને કારણે, વિશાખાપટ્ટનમ-વિજયવાડા રેલ માર્ગ પર ઘણી ટ્રેનો રદ કરવામાં આવી છે. રેલ્વે અધિકારીઓએ જણાવ્યું હતું કે વૈકલ્પિક ટ્રેનો અને બસોનો ઉપયોગ કરીને સવારે 3:30 વાગ્યા પછી મુસાફરોને તેમના ગંતવ્ય સ્થાન પર પહોંચાડવાની વ્યવસ્થા કરવામાં આવી રહી છે.

ગૃહમંત્રી અનિતાની પ્રતિક્રિયા
આંધ્રપ્રદેશના ગૃહમંત્રી વાંગલાપુડી અનિતાએ એર્નાકુલમ એક્સપ્રેસમાં આગની ઘટના પર દુઃખ વ્યક્ત કર્યું. તેમણે અધિકારીઓ સાથે ફોન પર વાત કરી, સંપૂર્ણ માહિતી મેળવી અને ઘાયલોને શ્રેષ્ઠ તબીબી સંભાળ પૂરી પાડવા નિર્દેશ આપ્યો. મંત્રીએ કહ્યું કે શક્ય તેટલી વહેલી તકે રેલ સેવાઓ ફરી શરૂ કરવા માટે જરૂરી પગલાં લેવા જોઈએ. તેમણે મૃતકોના પરિવાર પ્રત્યે ઊંડી સંવેદના વ્યક્ત કરી.

રેલવે અધિકારીઓનું નિવેદન
સહાયક લોકો પાયલટ શ્રીનિવાસએ જણાવ્યું હતું કે એલામંચીલી નજીક ટ્રેનના બ્રેક જામ થઈ ગયા હતા. નિરીક્ષણ બાદ, કોચમાં આગ લાગી હતી, જેના પગલે ટ્રેનને તાત્કાલિક રોકી દેવામાં આવી હતી. દરમિયાન, ડીઆરએમ મોહિતે જણાવ્યું હતું કે બંને અસરગ્રસ્ત કોચના મુસાફરોને બસો દ્વારા અનાકાપલ્લી લઈ જવામાં આવી રહ્યા છે. ટ્રેનમાં વધારાના કોચ ઉમેરવા અને તેને તેના માર્ગ પર મોકલવાની તૈયારી ચાલી રહી છે. હાલમાં, રેલ્વે અને વહીવટી ટીમો આ મામલાની વિગતવાર તપાસમાં રોકાયેલી છે.

આગ્રાના એતમાદપુર થાના વિસ્તારમાં આવેલા કુબેરપુર ચાર રસ્તા પર એક ચોંકાવનારી ઘટના બની. એક પરિણીત મહિલાએ પોતાના પતિને તેની કથિત પ્રેમિકા સાથે જોઈને ગુસ્સે ભરાઈને પ્રેમિકા પર જાહેરમાં હુમલો કર્યો. આ ઘટનામાં પત્નીએ પ્રેમિકાને સડક પર જ માર માર્યો, જેનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

મળતી માહિતી અનુસાર, પત્ની તેની બહેન અને બે બાળકો સાથે કુબેરપુર ચાર રસ્તા પર આવી હતી. ત્યાં અચાનક તેને પોતાના પતિને એક મહિલા સાથે જોઈને ગુસ્સો આવી ગયો. પત્નીએ તરત જ તે મહિલા (કથિત પ્રેમિકા) પર હુમલો કર્યો અને તેને મારવાનું શરૂ કરી દીધું. આ દરમિયાન પતિને મોકો મળતાં જ તે ત્યાંથી ફરાર થઈ ગયો. ઘટનાસ્થળે ભીડ એકઠી થઈ ગઈ અને લોકોએ વચ્ચે પડીને હસ્તક્ષેપ કર્યો.

પત્નીએ આરોપ લગાવ્યો છે કે તેના પતિની પ્રેમિકાએ તેમના વૈવાહિક જીવનમાં તિરાડ પાડી છે. આ કારણે ઘણા મહિનાઓથી તેને માતાપિતાના ઘરે રહેવું પડી રહ્યું છે. વૈવાહિક અણબનાવના કારણે પરિવારમાં તણાવ વધી રહ્યો હતો. ઘટનાના એક દિવસ પછી, રવિવારે હુમલાનો વીડિયો ઓનલાઈન ફરવા લાગ્યો, જેમાં પત્ની પ્રેમિકાને મારતી દેખાઈ રહી છે.

આ ઘટના બાદ પ્રેમિકાએ એતમાદપુર પોલીસ સ્ટેશનમાં પત્ની વિરુદ્ધ મારપીટની ફરિયાદ નોંધાવી છે, જેના આધારે પોલીસે કેસ દાખલ કરી તપાસ શરૂ કરી દીધી છે. પોલીસે જણાવ્યું કે બંને પક્ષની વાત સાંભળીને કાર્યવાહી કરવામાં આવશે. આ ઘટનાએ સ્થાનિક વિસ્તારમાં ચર્ચાનો વિષય બની ગયો છે અને વૈવાહિક સંબંધોમાં વિશ્વાસના મહત્વ પર પ્રશ્નો ઉભા કર્યા છે.

સુપ્રીમ કોર્ટે અરવલ્લી પર્વતમાળાના કેસમાં પોતાના જ 20 નવેમ્બરના ચુકાદા પર હાલ પૂરતી રોક લગાવી દીધી છે. કોર્ટે આ મામલે કેન્દ્ર સરકાર અને રાજ્ય સરકારોને નોટિસ ફટકારીને જવાબ માંગ્યો છે. જસ્ટિસ સૂર્યકાંતની અધ્યક્ષતાવાળી ત્રણ જજોની બેન્ચે આ મામલે સુનાવણી કરી હતી. હવે આ કેસની વધુ સુનાવણી 21 જાન્યુઆરીએ હાથ ધરવામાં આવશે.

સુપ્રીમ કોર્ટે 20 નવેમ્બરના રોજ અરવલ્લી પર્વતમાળા અને તેની ટેકરીઓની એક સમાન વ્યાખ્યાને માન્યતા આપી હતી. સાથોસાથ, નિષ્ણાતોનો અહેવાલ તૈયાર ન થાય ત્યાં સુધી દિલ્હી, હરિયાણા, રાજસ્થાન અને ગુજરાતના અરવલ્લી પટ્ટામાં ખનન માટેના નવા કોન્ટ્રાક્ટ (લીઝ) આપવા પર પ્રતિબંધ મૂક્યો હતો.

પર્યાવરણ અને વન મંત્રાલયની સમિતિએ આપેલી નવી વ્યાખ્યાને કોર્ટે મંજૂરી આપી છે. આ મુજબ, અરવલ્લીના જિલ્લાઓમાં 100 મીટર કે તેથી વધુ ઊંચાઈ ધરાવતી કોઈપણ ભૌગોલિક સંરચનાને ‘ટેકરી’ ગણવામાં આવશે. વળી, જો આવી ટેકરીઓ 500 મીટરની ત્રિજ્યામાં સમૂહમાં હોય, તો તેને ‘અરવલ્લી પર્વતમાળા’ તરીકે ઓળખવામાં આવશે.

સુપ્રીમ કોર્ટે પોતે જ આ મામલે નોંધ લીધી હતી અત્રે ઉલ્લેખનીય છે કે, અરવલ્લીની ચોક્કસ વ્યાખ્યાને લઈને ઉભા થયેલા વિવાદ બાદ સુપ્રીમ કોર્ટે આ મામલે સ્વેચ્છાએ(સ્યુઓ મોટો) સંજ્ઞાન લીધું હતું. સીજેઆઈ સૂર્યકાંતની અધ્યક્ષતાવાળી વેકેશન બેન્ચે આ કેસની સુનાવણી કરી હતી, જેમાં જસ્ટિસ જે.કે. માહેશ્વરી અને જસ્ટિસ ઓગસ્ટિન જ્યોર્જ મસીહ પણ સામેલ હતા.

ચીફ જસ્ટિસ સૂર્યકાંતે સોમવારે સુનાવણી દરમિયાન જણાવ્યું કે, ‘કોર્ટના અગાઉના નિર્દેશો અને સમિતિની ભલામણો પર હાલ પૂરતી રોક લગાવવી જરૂરી છે. જ્યાં સુધી નવી હાઈ-પાવર્ડ એક્સપર્ટ કમિટીની રચના ન થાય, ત્યાં સુધી આ મનાઈહુકમ ચાલુ રહેશે. આ મામલે હવે 21 જાન્યુઆરીએ વધુ સુનાવણી હાથ ધરવામાં આવશે.

શું છે સમગ્ર વિવાદ?
નોંધનીય છે કે ગયા મહિને જ કેન્દ્રીય પર્યાવરણ મંત્રાલયે સુપ્રીમ કોર્ટમાં ભલામણ કરી હતી કે 100 મીટરથી ઊંચા પહાડોને જ અરવલ્લીની ગિરિમાળા માનવામાં આવે. સુપ્રીમ કોર્ટે આ વ્યાખ્યાને માન્યતા પણ આપી દીધી હતી. જે બાદ રાજસ્થાન અને હરિયાણામાં પર્યાવરણપ્રેમીઓ દ્વારા અરવલ્લીને બચાવવા માટે ભારે વિરોધ કરવામાં આવી રહ્યો છે. લોકોએ કેન્દ્ર સરકાર સામે બાંયો ચડાવી છે. જોકે ભારે વિરોધ અને વિવાદ વધતાં જોઈ કેન્દ્ર સરકારે 24મી ડિસેમ્બરે નવો આદેશ જાહેર કરી કહ્યું હતું કે અરવલ્લીમાં નવા ખાણકામની મંજૂરી આપવામાં આવશે નહીં.