અમદાવાદમાંથી એક ચોંકાવનારો કિસ્સો સામે આવ્યો છે. ગુજરાત હાઈકોર્ટે 30 વર્ષની કાનૂની લડાઈ બાદ 20 રૂપિયાના લાંચ કેસમાં એક પોલીસ કોન્સ્ટેબલને નિર્દોષ જાહેર કર્યો હતો, પરંતુ ન્યાય મળ્યાના બીજા જ દિવસે તેનું મૃત્યુ થયું હતું. આ કેસમાં અમદાવાદના વેજલપુર વિસ્તારમાં તૈનાત પોલીસ કોન્સ્ટેબલ બાબુભાઈ પ્રજાપતિનો સમાવેશ થાય છે. 1996માં તેમની સામે ભ્રષ્ટાચાર નિવારણ કાયદા હેઠળ ફરિયાદ દાખલ કરવામાં આવી હતી, જેમાં તેમણે 20 રૂપિયાની લાંચ લેવાનો આરોપ મૂકવામાં આવ્યો હતો.

1997માં અમદાવાદ સેશન્સ કોર્ટમાં ચાર્જશીટ દાખલ કરવામાં આવી હતી. ત્યારબાદ 2002માં તેમની સામે ઔપચારિક આરોપો ઘડવામાં આવ્યા હતા. સેશન્સ કોર્ટે ૨૦૦૩માં સાક્ષીઓના નિવેદનો નોંધવાનું શરૂ કર્યું હતું અને 2004માં બાબુભાઈ પ્રજાપતિને દોષિત ઠેરવ્યા હતા. સેશન્સ કોર્ટે તેમને ભ્રષ્ટાચાર બદલ ચાર વર્ષની સખત કેદ અને ₹3,000 દંડની સજા ફટકારી હતી. બાબુભાઈ પ્રજાપતિએ તે જ વર્ષે ગુજરાત હાઈકોર્ટમાં આ નિર્ણયની અપીલ કરી હતી.

આ કેસ લગભગ બે દાયકા સુધી હાઈકોર્ટમાં પેન્ડિંગ રહ્યો. અંતે, 4 ફેબ્રુઆરી, 2026 ના રોજ, ગુજરાત હાઈકોર્ટે પોતાનો ચુકાદો આપ્યો. સાક્ષીઓના નિવેદનોમાં વિરોધાભાસ અને ફરિયાદ પક્ષના કેસમાં નબળાઈઓને ટાંકીને, કોર્ટે બાબુભાઈ પ્રજાપતિને નિર્દોષ જાહેર કર્યા. કોન્સ્ટેબલનું પ્રતિનિધિત્વ કરતા એડવોકેટ નીતિન ગાંધીએ કોર્ટમાં દલીલ કરી હતી કે આરોપો સાબિત કરવા માટે કોઈ નક્કર પુરાવા નથી અને સાક્ષીઓના નિવેદનો અસંગત છે. કોર્ટે આ દલીલો સ્વીકારી, 30 વર્ષ જૂના કલંકને દૂર કર્યો.

ચુકાદો જાહેર થયા પછી, બાબુભાઈ પ્રજાપતિ તેમના વકીલની ઓફિસમાં ગયા. ત્યાં, વકીલે તેમને નિર્દોષ જાહેર થયા પછી રોકેલા સરકારી લાભો માટે અરજી કરવાની સલાહ આપી. આ સમય દરમિયાન, બાબુભાઈ પ્રજાપતિ ભાવુક થઈ ગયા. તેમણે તેમના વકીલને કહ્યું, “મારા જીવનનું કલંક દૂર થઈ ગયું છે. હવે ભગવાન, કૃપા કરીને મને તમારી પાસે પાછો લઈ લો.” આ નિવેદન વકીલની ઓફિસમાં લગાવેલા સીસીટીવી કેમેરામાં રેકોર્ડ થયું.

જો તમે આજે ઓલા, ઉબેર અથવા રેપિડો જેવી રાઇડ દ્વારા મુસાફરી કરવાની યોજના બનાવી રહ્યા હોય તો તમને મુશ્કેલીનો સામનો કરવો પડી શકે છે. દેશભરના ગિગ ડ્રાઇવરો દ્વારા આજે હડતાળની જાહેરાત કરી છે, જેના કારણે દેશભરના શહેરોમાં કેબ અને બાઇક ટેક્સીની સેવા ઘટી ગઈ છે.

તેલંગાણા ગિગ અને પ્લેટફોર્મ વર્કર્સ યુનિયન (TGPWU)ના આહ્વાન પર ડ્રાઇવરો આજે (07 ફેબ્રુઆરી 2026) છ કલાક માટે એપ્લિકેશનમાંથી લોગ આઉટ રહેશે. આ વિરોધને ‘ઓલ ઇન્ડિયા બ્રેકડાઉન’ નામ આપવામાં આવ્યું છે. યુનિયનના જણાવ્યાનુસાર, ડ્રાઇવરો લાંબા સમયથી ઘટતી આવક, વધતા ખર્ચ અને અસ્થિર કામકાજની પરિસ્થિતિઓથી પીડાઈ રહ્યા છે.

શું છે યુનિયનની મુખ્ય માંગ
યુનિયનની મુખ્ય માંગ સરકાર દ્વારા મિનિમમ બેઝ ભાડું નક્કી કરવાની છે. હાલ એગ્રીગેટર કંપનીઓ પોતાની મરજી પ્રમાણે ભાડા નક્કી કરે છે, જેના કારણે તેમની કમાણી સતત ઘટી રહી છે તેમ ડ્રાઈવરોએ અગાઉ જણાવ્યું હતું. મિનિમમ રેટ નક્કી કરવામાં આવે તો ડ્રાઇવરોને આવકની સુરક્ષા મળશે અને મુસાફરોને પણ લાભ મળશે.

સરકારની માર્ગદર્શિકાનો વિરોધ
આ ઉપરાંત, યુનિયનએ મોટર વ્હીકલ એગ્રીગેટર માર્ગદર્શિકા 2025ની એ જોગવાઈનો વિરોધ કર્યો છે, જેમાં ખાનગી વાહનોને કોમર્શિયલ હેતુ માટે ઉપયોગ કરવાની મંજૂરી આપવામાં આવી છે. આ નિર્ણયથી લાઇસન્સ ધરાવતા કોમર્શિયલ ડ્રાઇવરો પર સ્પર્ધાનો ભાર વધી રહ્યો છે અને તેમની રોજગાર સુરક્ષાને જોખમ ઊભું થયું છે.

ડ્રાઈવરો શોષણ વચ્ચે કામ કરવા મજબૂર
યુનિયનનો આરોપ છે કે એપ-આધારિત કંપનીઓ નફો કમાવી રહી છે, જ્યારે લાખો ડ્રાઇવરો આર્થિક અસુરક્ષા અને શોષણ વચ્ચે કામ કરવા મજબૂર છે. તેમણે સરકારને અપીલ કરી છે કે ડ્રાઇવરો સાથે સંવાદ શરૂ કરીને વાજબી અને સુરક્ષિત નીતિઓ ઘડવામાં આવે. નોંધનીય છે કે આર્થિક સર્વે 2025-26માં પણ ગિગ વર્કર્સની આવકની અસ્થિરતા અંગે ચિંતા વ્યક્ત કરવામાં આવી છે. રિપોર્ટ મુજબ, લગભગ 40 ટકા ગિગ વર્કર્સ દર મહિને 15,000 રુપિયા કરતાં ઓછી આવક મેળવે છે.

નેપાળી સિનેમાના દિગ્ગજ અભિનેતા અને બોલિવૂડમાં પોતાની આગવી ઓળખ ઉભી કરનાર સુનીલ થાપાનું 68 વર્ષની વયે કાર્ડિયાક અરેસ્ટના કારણે નિધન થયું છે. નેપાળી ફિલ્મોમાં ‘રાતે કાઈલા’ તરીકે જાણીતા આ કલાકારે પોતાની અભિનય ક્ષમતાથી હિન્દી, નેપાળી અને ભોજપુરી ફિલ્મ ઈન્ડસ્ટ્રીમાં ઊંડી છાપ છોડી છે.

હોસ્પિટલના અધ્યક્ષ રાજેન્દ્ર બહાદુર સિંહે પોસ્ટને જણાવ્યું હતું કે તેમને બેભાન અવસ્થામાં હોસ્પિટલમાં લાવવામાં આવ્યા હતા. સવારે 7:44 વાગ્યે કરવામાં આવેલા ECGમાં તેમના મૃત્યુની પુષ્ટિ થઈ હતી, જેમાં ડોકટરોને હૃદયરોગન હુમલો હોવાનું શંકા હતી. જ્યારે તેમને લાવવામાં આવ્યા ત્યારે તેઓ બેભાન હતા. તાત્કાલિક ECG કરવામાં આવ્યું, જેમાં તેમના મૃત્યુની પુષ્ટિ થઈ, હોસ્પિટલના એક સૂત્રએ પોસ્ટને જણાવ્યું.

સુનીલ થાપાની ફિલ્મી સફર અત્યંત રસપ્રદ રહી છે. બોલિવૂડના દિગ્ગજ અભિનેતા દેવ આનંદે તેમને હિન્દી સિનેમામાં કામ કરવાની તક આપી હતી. તેમની ડેબ્યૂ ફિલ્મ ‘એક દુજે કે લિયે’ માં કમલ હાસન અને રતિ અગ્નિહોત્રી જેવા કલાકારો હોવા છતાં તેમણે પોતાની એક્ટિંગથી બધાનું ધ્યાન ખેંચ્યું હતું. વર્ષ 2014માં આવેલી ‘મેરી કોમ’ ફિલ્મ તેમના જીવનનો ટર્નિંગ પોઈન્ટ સાબિત થઈ. એક ઈન્ટરવ્યુમાં તેમણે ખુલાસો કર્યો હતો કે ‘મેરી કોમ’માં ટ્રેનરનો જે રોલ તેમણે ભજવ્યો હતો, તે પહેલા અમિતાભ બચ્ચન અને ડેનીને ઓફર કરવામાં આવ્યો હતો. આ રોલ માટે તેમને ફિલ્મફેર બેસ્ટ સપોર્ટિંગ એક્ટરનો એવોર્ડ પણ મળ્યો હતો.

નેપાળી સિનેમામાં સુનીલ થાપાનું કદ ઘણું મોટું હતું. 1989માં આવેલી ફિલ્મ ‘ચિનો’ ને નેપાળી સિનેમાની ‘શોલે’ કહેવામાં આવે છે અને તેમાં સુનીલ થાપાએ ભજવેલું ‘રાતે કાઈલા’નું પાત્ર એટલું ખતરનાક હતું કે લોકો તેમને ‘ગબ્બર’ સાથે સરખાવવા લાગ્યા હતા. અભિનયની સાથે તેઓ નવી પેઢીને તૈયાર કરવામાં પણ માનતા હતા. તેઓ કાઠમાંડુમાં પોતાની ‘એવરેસ્ટ ફિલ્મ એકેડમી’ ચલાવતા હતા, જ્યાં તેઓ યુવા કલાકારોને માત્ર એક્ટિંગ જ નહીં પણ શિસ્ત અને સમયની કદર કરતા પણ શીખવતા હતા.

નીટ પીજી કટ-ઓફ ઘટાડીને -40 ગુણ કરવો યોગ્ય છે કે નહીં? તે અંગે સુપ્રીમ કોર્ટનો નિર્ણય હજુ આવવાનો બાકી છે. ન્યાયાધીશ પામિદિઘંટમ નરસિંહા અને આલોક આરાધેની બેન્ચે મેડિકલ પોસ્ટગ્રેજ્યુએટ કોર્સમાં એડમિઇશન માટે અપનાવવામાં આવેલી પદ્ધતિ પર આશ્ચર્ય વ્યક્ત કર્યું. કોર્ટે અનામત શ્રેણીઓ માટે 0th પર્સન્ટાઇલ (-40 ગુણ) કટ-ઓફ પર નારાજગી વ્યક્ત કરતા પૂછ્યું, “આ ધોરણોનો મામલો છે. શું તેમની સાથે ચેડા કરવામાં આવી રહ્યા છે?”

આ કેસમાં રેગ્યુલર ડોકટરોની લાયકાત પર આશ્ચર્ય વ્યક્ત કરતા, સુપ્રીમ કોર્ટની બેન્ચે કહ્યું, “આ પદ્ધતિ કેમ અપનાવવામાં આવી તે જોઈને અમને આશ્ચર્ય થયું છે. આ બધા નિયમિત ડોકટરો છે.” જવાબમાં, વકીલે સમજાવ્યું કે આ નિર્ણય અનુસ્નાતક બેઠકો ન ખાલી રહી જાય તે સુનિશ્ચિત કરવા માટે લેવામાં આવ્યો હતો.

નેશનલ બોર્ડ ઓફ એક્ઝામિનેશન્સ ઇન મેડિકલ સાયન્સિસએ 13 જાન્યુઆરીના રોજ NEET PG કાઉન્સેલિંગ માટે કટ-ઓફમાં નોંધપાત્ર ઘટાડો કર્યો હતો. રિવાઈઝ્ડ ક્વોલિફાઈંગ ક્રાઈટેરિયા (સુધારેલા લાયકાત માપદંડ) NEET-PG 2025-26 માટે કાઉન્સેલિંગના ત્રીજા રાઉન્ડ પર લાગુ પડે છે. સૌથી આશ્ચર્યજનક ફેરફાર SC, ST અને OBC શ્રેણીઓ માટે છે, જ્યાં લાયકાત ટકાવારી 40મા પર્સેન્ટાઈલથી ઘટાડીને શૂન્ય પર્સેન્ટાઈલ કરવામાં આવી છે. આનો અર્થ એ થયો કે 800 માંથી માઈનસ 40 મેળવનારાઓ પણ મેડિકલ પોસ્ટગ્રેજ્યુએટ અભ્યાસ કરી શકે છે. આ સુધારેલા કટ-ઓફ સ્કોરે સહુ કોઈને ચોંકાવી દીધા છે.

વધુમાં, જનરલ અને EWS ઉમેદવારો માટે, ક્વોલિફાઈંગ પર્સન્ટાઈલ 50થી ઘટાડીને 7 મ પર્સેન્ટાઈલ કરવામાં આવી છે, જેનાથી કટ-ઓફ સ્કોર 276 થી ઘટાડીને 103 થઈ ગયો છે. જનરલ PwD ઉમેદવારો માટે, કટ-ઓફ 45માથી ઘટાડીને 5મા પર્સેન્ટાઈલ કરવામાં આવ્યો છે, જેનાથી સ્કોર 255 થી ઘટાડીને 90 કરવામાં આવ્યો છે.

NEET PG કટ-ઓફને માઈનસ 40 ગુણ સુધી ઘટાડવાને પડકારતી સુપ્રીમ કોર્ટમાં જાહેર હિતની અરજી દાખલ કરવામાં આવી હતી. સામાજિક કાર્યકર હરિશરણ દેવગન, ન્યુરોસર્જન સૌરભ કુમાર, ડૉ. લક્ષ્ય મિત્તલ (પ્રમુખ, યુનાઇટેડ ડૉક્ટર્સ ફ્રન્ટ), અને ડૉ. આકાશ સોની (સભ્ય, વર્લ્ડ મેડિકલ એસોસિએશન) એ PIL દાખલ કરી હતી. શુક્રવારે અરજીની સુનાવણી કરતા, સુપ્રીમ કોર્ટે NEET PG 2025-26 માટે ક્વોલિફાઇંગ કટ-ઓફ ટકાવારીમાં ઘટાડા અંગે કેન્દ્ર અને NBEMS પાસેથી જવાબ માંગ્યો. કોર્ટે બોર્ડને સોગંદનામું દાખલ કરવાનો નિર્દેશ આપ્યો.

સુનાવણી દરમિયાન, કોર્ટે ટિપ્પણી કરી કે આ સ્ટેન્ડર્ડ (ધોરણો)નો મામલો છે, અને સવાલ એ છે કે શું તે ધોરણો સાથે ચેડા કરવામાં આવી રહ્યા છે. બેન્ચે સંકેત આપ્યો કે કોર્ટ તપાસ કરશે કે શું નિર્ણય ‘સંપૂર્ણપણે અયોગ્ય’ હતો કે નહીં.

ICC મેન્સ T20 વર્લ્ડ કપ 2026 શનિવાર, 7 ફેબ્રુઆરીથી શરૂ થઈ રહ્યો છે. આ ટુર્નામેન્ટનું આયોજન ભારત અને શ્રીલંકા દ્વારા સંયુક્ત રીતે કરવામાં આવશે.

આ વર્ષે ટુર્નામેન્ટમાં 20 ટીમો ભાગ લઈ રહી છે, પરંતુ ખેલાડીઓ કરતાં મેદાનની બહારની રાજનીતિ અને નાટક વધુ ચર્ચામાં રહ્યા છે. ડિફેન્ડિંગ ચેમ્પિયન અને સૂર્યકુમાર યાદવની આગેવાની હેઠળની ટીમ ઈન્ડિયાને ટાઇટલ માટે સૌથી મજબૂત દાવેદાર માનવામાં આવે છે.

જોકે, ટુર્નામેન્ટ શરૂ થાય તે પહેલાં બાંગ્લાદેશ અને પાકિસ્તાન વચ્ચેના વિવાદોએ વાતાવરણ ગરમ કરી દીધું છે. સુરક્ષા ચિંતાઓ અને ફાસ્ટ બોલર મુસ્તફિઝુર રહેમાનના IPL (ઇન્ડિયન પ્રીમિયર લીગ) કરાર પરના વિવાદને કારણે બાંગ્લાદેશે ભારતમાં રમવાનો ઇનકાર કર્યો હતો. ત્યારબાદ, પાકિસ્તાને બાંગ્લાદેશના સમર્થનમાં ભારત સામેની મેચનો બહિષ્કાર કરવાની જાહેરાત કરી હતી. પાકિસ્તાનના વડા પ્રધાન શાહબાઝ શરીફે પણ આ નિર્ણયને યોગ્ય ઠેરવ્યો હતો.

આ વર્લ્ડ કપના પહેલા દિવસે કુલ ત્રણ મેચ રમાશે. ઓપનિંગ મેચ પાકિસ્તાન અને નેધરલેન્ડ્સ વચ્ચે કોલંબોના સિંહાલી સ્પોર્ટ્સ કોમ્પ્લેક્સ ખાતે સવારે ૧૧:૦૦ વાગ્યે રમાશે. બંને ટીમો ગ્રુપ A માં છે. બીજી મેચ વેસ્ટ ઈન્ડિઝ અને સ્કોટલેન્ડ વચ્ચે બપોરે ૩:૦૦ વાગ્યે કોલકાતાના ઈડન ગાર્ડન્સ ખાતે રમાશે. વેસ્ટ ઈન્ડિઝ અને સ્કોટલેન્ડને ગ્રુપ C માં સ્થાન આપવામાં આવ્યું છે. આ પછી, સૌથી વધુ જોવાયેલી ગ્રુપ A મેચ ભારત અને યુનાઇટેડ સ્ટેટ્સ ઓફ અમેરિકા (યુએસએ) વચ્ચે મુંબઈના વાનખેડે સ્ટેડિયમ ખાતે સાંજે ૭:૦૦ વાગ્યે રમાશે.

દેશમાં વધુ એક બસ દુર્ઘટનાની ભીષણ ઘટના બની છે, જેમાં 13 લોકોના કમકમાટીભર્યા મોત થયા છે, જ્યારે અનેક લોકો ઈજાગ્રસ્ત થયાના અહેવાલ છે. હાલ પોલીસની ટીમ અને તંત્ર દ્વારા ઈજાગ્રસ્ત મુસાફરોને નજીકની હોસ્પિટલમાં દાખલ કરવામાં આવ્યા છે, તેમજ મૃતકોના પરિજનોને જાણ કરવામાં આવી છે.

જાનૈયાની બસનો ભયંકર અકસ્માત
ભારતીય સરહદને અડીને આવેલા નેપાળના બૈતાડીમાં જાનૈયાનો લઈને જઈ રહેલી એક બસનો ભયંકર અકસ્માત થયો છે, જેમાં ઓછામાં ઓછા 13 લોકોએ જીવ ગુમાવ્યા હોવાનું કહેવાય રહ્યું છે. આ દુર્ઘટનામાં અનેક જાનૈયાઓ ઈજાગ્રસ્ત થયા છે, જેમાંથી કેટલાકની હાલત ગંભીર હોવાનું જણાવાય રહ્યું છે. બસ અકસ્માતના પગલે રોડ પર ભયાનક ટ્રાફિક સર્જાયો છે, તેમજ ઘટનાની જાણ થતાં જ પોલીસની ટીમ અને સ્થાનિક તંત્ર દોડતું થયું છે.

સ્થાનિક લોકોએ તાત્કાલિક રેસ્ક્યૂ શરુ કર્યું
ઘટનાની પ્રાથમિક માહિતી અનુસાર, બૈતાડીના પુરચુની નગરપાલિકાના સત ભવને ગામથી બજહાંગના સુનકુડા જઈ રહેલી એક બસ પુરચુનીના બડગાંવ મોડ પાસે પહોંચી ત્યારે કાબૂ બહાર જતી રહી હતી, જેના પગલે બસ 150 મીટર ઊંડી ખીણમાં ખાબકી હતી. જિલ્લા પોલીસ કાર્યાલય બૈતાડીના પોલીસ પ્રવક્તા, પોલીસ નિરીક્ષક બલદેવ બડુએ આ અકસ્માત વિશે જણાવ્યું હતું કે, ‘નેપાળ એપીએફ, પોલીસ અને સ્થાનિક લોકોએ તાત્કાલિક ધોરણે રેસ્ક્યૂ કર્યું શરુ કર્યું હતું.’

મૃતકોના નામ આવ્યા સામે
આ દુર્ઘટનામાં જેમનું મૃત્યુ થયું છે, તેમાં 40 વર્ષીય કેશવ રાજ જોશી, 13 વર્ષીય અશોક રાજ જોશી, 35 વર્ષીય બસંત રાજ જોશી, 41 વર્ષીય વિષ્ણુ દત્ત જોશી, 42 વર્ષીય નરેશ રાજ જોશી, 17 વર્ષીય બિશન દત્ત જોશી, 28 વર્ષીય દીપક જોશી અને 46 વર્ષીય કિશન જોશી, 60 વર્ષીય મોહન દેવ ભટ્ટ, 27 વર્ષીય કેશવ ભટ્ટ, 40 વર્ષીય બસંત રાજ રતલા, બજાંગ જય પૃથ્વી, 40 વર્ષીય પુષ્પા અવસ્થીનો સમાવેશ થાય છે.