Home Blog Page 1086

અદા શર્માએ આલિયાને પણ છોડી પાછળ, સૌથી વધારે કમાણી કરનાર ફિમેલ એક્ટ્રેસ વાળી ફિલ્મ બની ‘ધ કેરલ સ્ટોરી’

News Editor
-
0
The Kerala Story
  • ફિલ્મ ધ કેરલ સ્ટોરી બોક્સ ઓફિસ પર શાનદાર કમાણી કરી રહી છે. ત્યાં જ અદા શર્માએ આલિયા ભટ્ટ અને તેમની ફિલ્મ ગંગુબાઈ કાઠિયાવાડીનો રેકોર્ડ પણ બ્રેક કરી દીધો છે. જાણો 8 દિવસમાં ફિલ્મે કેટલા કરોડનું કલેક્શન કર્યું.

સુદિપ્તો સેનની ફિલ્મ ‘ધ કેરલ સ્ટોરી‘ (The Kerala Story) બોક્સ ઓફિસ પર બમ્પર કમાણી કરી રહી છે. આ ફિલ્મ વર્કિંગ ડેઝમાં વર્ષની બ્લોકબસ્ટર હિટ સાબિત થઈ છે. ફિલ્મની સ્ટોરી 3 મહિલાઓ પર આધારિત છે. ધ કેરલ સ્ટોરીમાં અદા શર્મા લીડ રોલમાં છે. હવે અદા શર્માએ (Ada Sharma) આલિયા ભટ્ટને (Alia Bhatt) પાછળ છોડતા એક નવો રેકોર્ડ પોતાના નામે કર્યો છે.

અદા શર્માની ફિલ્મ ધ કેરલ સ્ટોરીએ ગયા અઠવાડીએ કમાણીના મામલામાં આલિયા ભટ્ટની ફિલ્મ ગંગુબાઈ કાઠિયાવાડીને પણ પાછળ છોડી દીધી છે. હવે ધ કેરલ સ્ટોરી અત્યાર સુધીની સૌથી વધારે કમાણી કરનાર મહિલા એક્ટ્રેસ વાળી ફિલ્મ બની ગઈ છે.

૮૧.૩૬ કરોડનું કલેક્શન :

સુદીપ્તો સેનના નિર્દેશનમાં બનેલી ‘ધ કેરલ સ્ટોરી‘એ ૦૭ દિવસમાં ૮૧.૩૬ કરોડનું કલેક્શન કરી દીધુ હતું. જે આલિયા ભટ્ટની ‘ગંગુબાઈ કાઠીવાડી’ને પછાડતા એક મહિલા-કેન્દ્રિત ફિલ્મ માટે બોક્સ ઓફિસ પર અત્યાર સુધીની સૌથી મોટુ શરૂઆતી સપ્તાહ રહ્યું છે. જોકે ફિલ્મને તેમની સ્ટોરી અને વિવાદના કારણે હેડલાઈન્સ મળી જેનો ફાયદો સિનેમાઘરોમાં જોવા મળી રહ્યો છે.

ધ કેરલ સ્ટોરી ટોપ પર :

વાત કરીએ બોલિવુડની ૦૫ સૌથી મોટી મહિલા પ્રધાન ફિલ્મોની તો તેના માટે અદા શર્માની ફિલ્મ ‘ધ કેરલ સ્ટોરી‘ ટોપ પર છે. પહેલા અઠવાડિયાની કમાણીના મામલામાં કેરલ સ્ટોરીએ આલિયા ભટ્ટની ગંગુબાઈ કાઠિયાવાડીને પાછળ છોડી દીધી છે. આલિયા ભટ્ટની આ ફિલ્મે ૬૮.૮૨ કરોડની કમાણી કરી હતી.

ત્યાં જ કંગના રનૌતની ફિલ્મ મણિકર્ણિકાએ ૬૧.૧૫ કરોડ કમાણી કરી હતી. કરિના કપૂરની ફિલ્મ વીરે દિ વેડિંગે ૫૬.૯૬ કરોડ કમાયા અને આલિયાની ફિલ્મ રાઝીએ ૫૯.૫૯ કરોડનું કલેક્શન કર્યું હતું.

જણાવી દઈએ કે ધ કેરલ સ્ટોરીની શુક્રવારની કમાણીની વાત કરીએ તો ફિલ્મે અત્યાર સુધી ૧૩ કરોડનું કલેક્શન કર્યું છે. વીક ડેઝમાં ફિલ્મની કમાણીમાં શાનદાર વધારે જોવા મળ્યો છે. આ રીતે ફિલ્મે અત્યાર સુધી કુલ ૯૩ કરોડની કમાણી કરી લીધી છે અને વીકેન્ડ પર ફિલ્મ ૧૩ કરોડના આંકડાને પાર કરી આગળ નિકળી જશે.

આ પણ વાંચો :-

VIDEO : સૂર્યાએ ‘નટરાજ સ્ટાઈલ’માં ફટકારી શાનદાર સિક્સ, સચિન તેંડુલકર પણ રહી ગયા દંગ

News Editor
-
0

VIDEO 

  • સૂર્યકુમાર યાદવ આઈપીએલમાં અલગ જ રંગમાં જોવા મળી રહ્યા છે. ગુજરાતના વિરૂદ્ધ 12 મેએ રમાયેલા આઈપીએલ મેચ નંબર 57માં તેમણે મોહમ્મદ શમીના વિરૂદ્ધ સિક્સ મારી. જેને જોઈ માસ્ટર-બ્લાસ્ટર સચિન તેંડુલકર પણ ચોંકી ઉઠ્યા હતા. સચિના રિએક્શનો વીડિયો વાયરલ થઈ રહ્યો છે.

મુંબઈ ઈન્ડિયન્સ (Mumbai Indians) અને ગુજરાત ટાઈટન્સની (Gujarat Titans) વચ્ચે આઈપીએલની મેચ નંબર 57માં બેટિંગ અને બોલિંગની શાનદાર ઈનિંગ જોવા મળી. આ મેચમાં બાજી મુંબઈના (Mumbai) હાથમાં લાગી. જ્યાં રોહિત શર્મા એન્ડ કંપનીએ હાર્દિક પંડ્યાની (Hardik Pandya) ગુજરાતને 27 રનોથી મ્હાત આપી. આ મેચમાં સૂર્યકુમાર યાદવે 103 નોટની ઈનિંગ રમી. ત્યાં જ બોલિંગમાં ઉત્તરાખંડ (Uttarakhand) રૂડકી શહેરના રહેનાર આકાશ મધવાને ત્રણ વિકેટ મેળવી.

મુંબઈના વાનખેડે સ્ટેડિયમમાં સૂર્યકુમારે ફક્ત 49 બોલમાં 103 રન માર્યા. તેમની ઈનિંગમાં 11 ચોગ્ગા અને 6 સિક્સ શામેલ રહ્યા હતા. સૂર્યાએ પોતાની ઈનિંગમાં બન્ને ગુજરાત ટાઈટન્સના મોહમ્મદ શમીના વિરૂદ્ધ જે શોર્ટ રમ્યો. તેને આ આઈપીએલનો સૌથી ચોંકાવનારો શોર કહેવામાં આવી શકે છે. સૂર્યાનો આ શોર્ટ થર્ડમેનની દિશામાં ગયો.

સૂર્યાના શોર્ટને લઈને લોકોએ આપ્યું રિએક્શન  :

સોશિયલ મીડિયા પર પણ સૂર્યકુમાર યાદવે આ શોર્ટને લઈને ઘણા લોકોને રિએક્શન આપ્યું છે. ખુદ મુંબઈના ડગઆઉટમાં બેઠેલા માસ્ટર બ્લાસ્ટર સચિન તેંડુલકરનું રિએક્શન વાયરલ થઈ રહ્યું છે. જેમાં તે સૂર્યાના આ શોર્ટને કોપી કરતા જોવા મળ્યા.

બાદમાં માસ્ટર બ્લાસ્ટર સચિન તેંડુલકરનું પણ આ શોર્ટ પર રિએક્શન આવ્યું છે. સચિને આ ખાસ શોર્ટને લઈને એક ટ્વીટ કર્યું અને તેમાં સૂર્યકુમાર યાદવ અને ગેંદબાજ મોહમ્મદ શમીને ટેગ કર્યું. સચિને પોતાના ટ્વીટમાં લખ્યું- સૂર્યાએ આજે સાંજના આકાશને પ્રકાશિત કરી દીધુ. તેમણે સંપૂર્ણ ઈનિંગ વખતે ઘણા કમાલના શાર્ટ રમ્યા. પરંતુ જે સિક્સ તેમણે થર્ડમેનની દિશામાં લગાવ્યું તે એકદમ અલગ રહ્યું.

આ પણ વાંચો :-

બ્રિટિશ પાર્લામેન્ટમાં ‘જય હનુમાન જ્ઞાનગુન સાગર…’, ભારતીયો સાથે વિદેશીઓએ હનુમાન ચાલીસાનાં પાઠ

News Editor
-
0

Jai Hanuman Jnanagun Sagar…’

  • એવોર્ડ સમારોહમાં મેહંદીપુર બાલાજીના મહંતે જણાવ્યું હતું કે, ભારતીય લોકો સમગ્ર વિશ્વમાં ધાક જમાવી રહ્યા છે. જ્યારે લંડનમા બ્રિટિશ પાર્લામેન્ટમાં ભારતના તિરંગાની નીચે સન્માનિત થયા ત્યારે નિશ્ચિત રૂપે ગૌરવ મહેસૂસ થાય છે.

તમે અત્યાર સુધી ભારતમાં હનુમાન ચાલીસાના (Hanuman Chalisa) પાઠ સાંભળ્યા હશે. પરતું આશ્ચર્યનજક વાત એ છે કે લંડનમાં હનુમાન ચાલીસાના પાઠ થયા હોવાનો વીડિયો સામે આવ્યો છે. કોઇએ સપને પણ વિચાર્યું નહીં હોય કે લંડનની (London) પાર્લામેન્ટમાં (Parliament) હનુમાન ચાલીસાના પાઠ થશે અને ત્યાં હાજર રહેલા વિદેશી વ્યક્તિઓ પણ તેમાં જોડાશે.

રાજસ્થાનના મેહંદીપુર બાલાજી મંદિરના મહંત નરેશપુરી મહારાજે જ્યારે હનુમાન ચાલીસાના પાઠ શરૂ કર્યા ત્યારે કોઈ વ્યક્તિ પોતાને રોકી શક્યું નહીં. જ્યારે પાઠ શરૂ થયા ત્યારે ભારતીય લોકો પણ હાજર હતા અને તેની સાથે વિદેશી લોકો પણ ભક્તિમાં લિન્ન થયા હતા.

લંડનની બ્રિટિશ પાર્લામેન્ટમાં ‘ભારત ગૌરવ’ અલંકરણ સમારોહનું આયોજન કરવામાં આવ્યું હતું. જેમાં કુલ 31 હસ્તિઓનું સન્માન કરવામાં આવ્યું હતું. આ ખાસ અવસર પર વિશ્વ ફલક પર ભારતનું નામ રોશન કરનારી હસ્તિઓ ઉપસ્થિત રહી હતી. જેમાં રાજસ્થાનના મેહંદીપુર બાલાજી મંદિરના મહંત નરેશપુરી સહિત રાજસ્થાનની અન્ય 6 પ્રતિભાઓનું સન્માન કરવામાં આવ્યું હતું.

એવોર્ડ સમારોહમાં મેહંદીપુર બાલાજીના મહંતે જણાવ્યું હતું કે, ભારતીય લોકો સમગ્ર વિશ્વમાં ધાક જમાવી રહ્યા છે. જ્યારે લંડનમાં બ્રિટિશ પાર્લામેન્ટમાં ભારતના તિરંગાની નીચે સન્માનિત થયા ત્યારે નિશ્ચિત રૂપે ગૌરવ મહેસૂસ થાય છે. બ્રિટિશ પાર્લામેન્ટમાં ‘ભારત ગૌરવ’ અલંકરણ સમારોહનું આયોજન સંસ્કૃતિ યુવા સંસ્થા તરફથી કરવામાં આવ્યું હતું.

સંસ્થાના અધ્યક્ષ સુરેશ મિશ્રાએ કહ્યું કે, અમારું માથું ગર્વથી ઉપર રહે છે જ્યારે આપણા દેશની પ્રતિભાઓ વિદેશમાં જઇને દેશનું નામ રોશન કરે છે. સુરેશ મિશ્રાએ જણાવ્યું કે, છેલ્લા ૯ વર્ષમાં ૪૦૦ અપ્રવાસી ભારતીયોને સન્માનિત કરવામાં આવ્યા છે.

આ પણ વાંચો :-

રાહુલ ગાંધી જ્યાં જ્યાં ભારત જોડો યાત્રા કરી ત્યાં કોંગ્રેસની કેવી છે હાલત, જાણી લો આવું છે રિઝલ્ટ

News Editor
-
0

Wherever Rahul Gandhi  

  • કોંગ્રેસ નેતા રાહુલ ગાંધીએ (Rahul Gandhi) કર્ણાટકમાં ૨૧ દિવસ વિતાવ્યા અને ૩૦ એપ્રિલથી ૧૯ ઓક્ટોબર સુધી ભારત જોડો યાત્રા કરી હતી.

કર્ણાટકમાં ૨૨૪ વિધાનસભા બેઠકો માટે મતગણતરી ચાલી રહી છે અને કોંગ્રેસ (Congress) પાર્ટી પ્રારંભિક વલણોમાં આગળ છે. કોંગ્રેસના ઉદય વચ્ચે કોંગ્રેસ નેતા રાહુલ ગાંધીની ભારત જોડો યાત્રા (Rahul Gandhi Bharat Jodo Yatra) ની ચર્ચા થઈ રહી છે. કોંગ્રેસ એ તમામ સીટો પર સારો દેખાવ કરી રહી છે જ્યાંથી રાહુલ ગાંધીએ પ્રવાસ કર્યો હતો.

રાહુલ ગાંધીએ ૫૧ વિધાનસભા બેઠકો કવર કરી હતી :

કોંગ્રેસ નેતા રાહુલ ગાંધીએ ભારત જોડો યાત્રા દ્વારા કર્ણાટકની ૨૨૪ વિધાનસભા બેઠકોમાંથી 51 બેઠકો કવર કરી હતી અને કોંગ્રેસ ૩૨ બેઠકો પર આગળ છે. આ હિસાબે કોંગ્રેસને ૬૩ ટકા સીટો પર રાહુલ ગાંધીની મુલાકાતનો ફાયદો મળ્યો છે. પ્રારંભિક વલણોમાં કોંગ્રેસ પાર્ટી પણ ૧૯ બેઠકો પર પાછળ છે. જ્યાં રાહુલ ગાંધીએ પ્રવાસ કર્યો હતો.

આ પણ વાંચો :-

આ આર્ટિફિશિયલ ઈંટેલિજન્સ Photo Editor Apps મચાવી રહી છે ધૂમ

News Editor
-
0

These artificial intelligence 

  • સામાન્ય રીતે જો તમને ફોટો એડિટિંગ ન આવડતું હોય તો ફોટો તમે બરાબર રીતે એડિટ કરી શકતા નથી. પરંતુ આ એપ્લિકેશન પ્રો લેવલનું એડિટિંગ સરળતાથી કરી આપે છે. આજે તમને આવી જ એપ્લિકેશન્સ વિશે જણાવીએ જેની મદદથી તમે સામાન્ય ફોટાને પણ એક્સ્ટ્રા ઓર્ડિનરી બનાવી શકો છો.

AI ટુલ્સ (AI Tools) માર્કેટમાં ધૂમ મચાવી રહ્યા છે. તેનું સૌથી મુખ્ય કારણ છે કે આ ટુલ્સ નિર્ણય લેવાની ગજબની ક્ષમતા ધરાવે છે. તેવામાં હવે ફોટો એડિટિંગ માટે પણ AI એપ્સ ધમાલ મચાવી રહી છે. ફોટો એડીટીંગ (Photo editing) કરવા માટે આ એપ્લિકેશન ખૂબ જ ઉપયોગી સાબિત થાય તેવી છે. આ એપ્લિકેશન એટલી જોરદાર છે કે તમે ફોટો એડીટીંગ નહીં શીખ્યું હોય તો પણ ફોટોને સારી રીતે એડિટ કરી શકશો.

સામાન્ય રીતે જો તમને ફોટો એડિટિંગ ન આવડતું હોય તો ફોટો તમે બરાબર રીતે એડિટ કરી શકતા નથી પરંતુ આ એપ્લિકેશન પ્રો લેવલનું એડિટિંગ સરળતાથી કરી આપે છે. આજે તમને આવી જ એપ્લિકેશન્સ વિશે જણાવીએ જેની મદદથી તમે સામાન્ય ફોટાને પણ એક્સ્ટ્રા ઓર્ડિનરી બનાવી શકો છો અને તે પણ એક ક્લિકની મદદથી.

Pixelup :

આ એપ્લિકેશનને પ્લે સ્ટોર પરથી પાંચ મિલિયનથી વધુ વખત ડાઉનલોડ કરવામાં આવી છે. આ એપની મદદથી ફોટોને એન્હાન્સ કરી શકાય છે. અવતાર ક્રિએટ કરી શકાય છે. ફોટોને કલરાઈઝ કરી શકાય છે. ઉપરાંત તેમાં એનિમેશનનું ઓપ્શન પણ આપવામાં આવ્યું છે જેનો ઉપયોગ કરીને તમે સામાન્ય ફોટાને પણ દમદાર બનાવી શકો છો.

Picsart  :

આ આર્ટિફિશિયલ ઈંટેલિજેંસ એપ દ્વારા યુઝર પોતાની ફોટોને જોરદાર રીતે એડિટ કરી શકે છે. આ એપ્લિકેશનની મદદથી નબળી ક્વોલિટીના ફોટાની ક્વોલિટી પણ સુધારી શકાય છે સાથે જ ફોટોમાં કાર્ટૂન પણ બનાવી શકાય છે અને તેમાં વિડીયો બનાવવાનું ઓપ્શન પણ મળે છે. આ એપ્લિકેશનની મદદથી તમે તમારી એડીટીંગની ક્રિએટિવિટી દેખાડી શકો છો.

આ પણ વાંચો :-

કર્ણાટકમાં જીતની દુવા ! પ્રિયંકા ગાંધીએ હનુમાન મંદિરની પૂજા, Video Viral

News Editor
-
0

Victory in Karnataka 

  • Karnataka Election Result 2023 : કર્ણાટક ચૂંટણીના પરિણામોને લઈને કોંગ્રેસ ઉત્સાહિત છે. કોંગ્રેસે રાહુલ ગાંધીનો એક વીડિયો શેર કર્યો છે. વીડિયો શેર કરતી વખતે કેપ્શનમાં લખ્યું છે. ‘હું અજેય છું, મને ખૂબ વિશ્વાસ છે, હા, આજે હું અજેય છું.’

કર્ણાટક વિધાનસભા (Karnataka Election) માટે પડેલા મતોની ગણતરી ચાલી રહી છે. ટ્રેન્ડમાં કોંગ્રેસને સ્પષ્ટ બહુમતી મળતી જોવા મળી રહી છે. પાર્ટી હેડક્વાર્ટરમાં ઉજવણી શરૂ થઈ ગઈ છે. આ દરમિયાન કોંગ્રેસ મહાસચિવ પ્રિયંકા ગાંધીએ (Priyanka Gandhi) શિમલાના (Shimla) પ્રસિદ્ધ જાખુ હનુમાન મંદિરમાં પૂજા અર્ચના કરી હતી.

મંદિરની મુલાકાતનો વીડિયો શેર કરતા પાર્ટીએ કહ્યું કે, “કોંગ્રેસના મહાસચિવ પ્રિયંકા ગાંધીએ શિમલાના પ્રસિદ્ધ જાખુ હનુમાન મંદિરમાં પૂજા અર્ચના કરી અને દેશની સુખ અને સમૃદ્ધિ માટે પ્રાર્થના કરી.”

આના થોડા સમય પહેલા કોંગ્રેસે રાહુલ ગાંધીનો એક વીડિયો શેર કર્યો હતો. વીડિયો શેર કરતી વખતે કેપ્શનમાં લખ્યું છે. ‘હું અજેય છું, મને ખૂબ જ વિશ્વાસ છે, હા, આજે હું અજેય છું.’ સ્પષ્ટ છે કે કર્ણાટક ચૂંટણીના પરિણામોને કારણે પાર્ટી ખૂબ જ ઉત્સાહિત છે.

કોંગ્રેસ દ્વારા શેર કરવામાં આવેલ રાહુલ ગાંધીનો વીડિયો ભારત જોડો યાત્રાનો છે. 50 સેકન્ડના આ વીડિયોમાં બેકગ્રાઉન્ડમાં મ્યુઝિક સાંભળી શકાય છે. આમાં એક પંક્તિ વારંવાર પુનરાવર્તિત થાય છે – હું આજે અજેય છું.

તમને જણાવી દઈએ કે કર્ણાટક વિધાનસભા ચૂંટણી માટે બુધવારે મતદાન બાદ આવેલા મોટાભાગના પોસ્ટ પોલ સર્વે (એક્ઝિટ પોલ)માં કોંગ્રેસ સૌથી મોટી પાર્ટી તરીકે ઉભરી આવવાની આગાહી કરવામાં આવી હતી. મતગણતરી સાથે આ અંદાજ સાચો સાબિત થઈ રહ્યો છે.

આ પણ વાંચો :-

મોબાઈલની જેમ હવે લાઈટબીલનું પણ થશે રિચાર્જ..

News Editor
-
0

Prepaid Smart Electric Meter

  • Prepaid Smart Electric Meter: હવે મોબાઈલની જેમ થશે લાઈટનું રિચાર્જ, સરકાર દ્વારા અમલી થવા થઈ રહી છે એક નવા પ્રકારની જ વ્યવસ્થા. લોકોની સુખાકારીમાં વધારો કરવા લેવાયો છે આ નિર્ણય.

બદલાતા સમયની સાથે તમામ વ્યવસ્થાઓમાં બદલાવ આવી રહ્યો છે. ત્યારે સરકાર હવે લાઈટબીલની (Lightbill) વર્ષોથી ચાલી આવતી પ્રથાને પણ બદલવા માંગે છે. જેને કારણે ગ્રાહકો એટલે કે નાગરિકોને સીધો તેનો લાભ મળી શકે. કોઈપણ પ્રકારનું ચિટિંગ ન થાય. એટલું જ નહીં પણ તમારી જરૂરિયાત મુજબનો જ વીજ વપરાશ થાય અને તમને તેનું યોગ્ય મુલ્યાંકન કરવાન પણ અવસર મળે.

બિલ ભરવાની માથાકુટમાંથી પણ મુક્તિ મળે. આવા અનેક આશયોને ધ્યાને રાખીને સરકાર લાવવા જઈ રહી છે પ્રિ-પેઈડ સ્માર્ટ ઈલેક્ટ્રિક મીટર (Pre-Paid Smart Electric Meter). ગુજરાતમાં ડિસેમ્બર સુધીમાં આ વ્યવસ્થા અમલી બનાવવાની દિશામાં હાલ કામ થઈ રહ્યું છે.

ઉલ્લેખનીય છેકે, ભારત સરકાર દ્વારા તમામ રાજ્યોમાં રિવેમ્પડ ડિસ્ટ્રિબ્યુશન સેક્ટર સ્કિમ અમલમાં મુકાઈ છે. ભારત સરકાર દ્વારા તમામ રાજ્યોમાં રિવેમ્પડ ડિસ્ટ્રિબ્યુશન સેક્ટર (A Revamped Distribution Sector) સ્કિમ અમલમાં મૂકાઈ રાજ્યમાં ડિસેમ્બર સુધીમાં પ્રિ-પેઈડ સ્માર્ટ ઈલેક્ટ્રિક મીટર લગાવાશે.

પહેલાં ફેઝમાં શું થશે?

પ્રથમ તબક્કામાં તમામ સરકારી વિભાગો, કચેરીઓ, બોર્ડ-નિગમો, સ્વાયત્ત સંસ્થાઓમાં પ્રિ-પેઈડ ઈલેક્ટ્રિક મીટ૨ લગાવાશે. સૌરાષ્ટ્રથી શરૂઆત થવાની સંભાવના છે. સંભવતઃ રાજ્યના રાજકોટ શહેરથી આની શરૂઆત થઈ શકે છે.

ક્યારે થશે ગુજરાતમાં અમલ?

ગુજરાતમાં આ યોજનાને અમલમાં મૂકવા માટેની તમામ તૈયારીઓ પૂરી કરી દેવાઈ છે. જેને ડિસેમ્બર-૨૦૨૩ સુધીમાં લગભગ પૂરી કરી દેવાશે. ગુજરાતમાં આ યોજનાના અમલ બાદ, વીજ-વપરાશ માટેના માસિક કે બે માસિક બીલ નહીં આવે પણ દરેક વીજ- ગ્રાહકે હાલ તેમના પ્રિ-પેઈડ મોબાઈલ ફોન રિચાર્જ કરાવે છે અને મોબાઈલ ફોનનો ચાર્જંગ પૂરું થઈ ગયા બાદ મોબાઈલ ફોન બંધ થઈ જાય છે.

તે રીતે જ હવેથી આ નવા પ્રિપેઈડ સ્માર્ટ ઈલેક્ટ્રિક મીટર લગાવાયા બાદ દરેક વીજ-ચાહકોએ તેમના વીજ મીટર રિચાર્જ કરાવવા પડશે. રિચાર્જ પૂરો થાય કે ફરીથી રિચાર્જ કરાવવો પડશે. એક જાણકારી મુજબ વીજ વિતરણ કંપની (ડિસકોન-DISCOM)એ ગુજરાતમાં પ્રિ-પેઈડ સ્માર્ટ ઈલેકટ્રીક મોટર લગાવવા માટેનો એક માસ્ટર પ્લાન તૈયાર કરીને ભારત સરકારને સોંપી દીધો છે.

આ પણ વાંચો :-

 

 

હું ટકલો થઈ ગયો હતો… અડધી રાતે ખૂબ રડયો : KKR ના સ્ટાર ખેલાડીએ સ્ટ્રગલના દિવસોનો કર્યો ખુલાસો

News Editor
-
0

I was devastated

  • કોલકાતા નાઈટ રાઈડર્સનો સ્ટાર બોલર સુયશ સુપ્રભ આઈપીએલમાં શાનદાર પ્રદર્શન કરી રહ્યો છે. તેણે આ વર્ષે ઘણા બેટસમેનોને પરેશાન કર્યા છે. એક ઈન્ટરવ્યુ દરમિયાન તેણે પોતાના સંઘર્ષના દિવસોનો ખુલાસો કર્યો છે.

IPLની 56મી મેચ રાજસ્થાન રોયલ્સ (Rajasthan Royals) અને કોલકાતા નાઈટ રાઈડર્સ (Kolkata Knight Riders) વચ્ચે રમાઈ હતી. જેમાં રાજસ્થાને 9 વિકેટે શાનદાર જીત નોંધાવી હતી. KKRના બોલર સુયશ શર્માએ (Suyesh Sharma) આ મેચમાં સારી ઈકોનોમી સાથે બોલિંગ કરી હતી. પરંતુ તે એક પણ વિકેટ લઈ શક્યો નહોતો. સુયશના ઈન્ટરવ્યુનો એક વીડિયો સામે આવ્યો છે. જેમાં તેણે તમારા સંઘર્ષના દિવસોનો ખુલાસો કર્યો છે.

હું 3 થી 5 વાગ્યા સુધી રડયો :

ઈન્ડિયન પ્રીમિયર લીગે તેના ટ્વિટર એકાઉન્ટ પરથી એક વીડિયો પોસ્ટ કર્યો છે જેમાં સુયશે કહ્યું છે કે, ગયા વર્ષે જ્યારે મેં અંડર 19 ટ્રાયલ આપી હતી ત્યારે મારી પસંદગી કરવામાં આવી ન હતી. મેં ખૂબ સારું પ્રદર્શન કર્યું હતું અને પછી રાત્રે 12:30 થી 1 વાગ્યાની વચ્ચે લિસ્ટ આવ્યું હતું. હું સૂઈ ગયો હતો અને પછી મારી આંખ ખુલી અને પછી હું 3 થી 5 વાગ્યા સુધી રડયો.

આ વર્ષે IPLમાં અત્યાર સુધીમાં 9 મેચમાં 10 વિકેટ ઝડપી :

તે પછી હું ઘરે ગયો અને મને ટાલ પડી ગઈ. હું પણ ચિંતિત હતો કે મારો શું વાંક હતો. હું પણ સારું કરી રહ્યો છું. હજુ પણ મારી સાથે આવું થઈ રહ્યું છે. તે પછી મેં વિચાર્યું હતું કે હું મારી કુશળતા સુધારીશ કે તે મને ઘરેથી લઈ જશે. મારા વાળ પણ વધી રહ્યા હતા અને હું મેચોમાં સારો દેખાવ કરી રહ્યો હતો. તેથી જ મેં મારા વાળ લાંબા રાખવાનું શરૂ કર્યું છે. સુયશ શર્મા આ વર્ષે IPLમાં અત્યાર સુધીમાં 9 મેચ રમી ચૂક્યો છે. આ દરમિયાન તેણે કુલ 10 વિકેટ ઝડપી છે. આ દરમિયાન તેની એવરેજ 35 રહી છે. તેણે આરસીબી સામે 4 ઓવરમાં 30 રન આપીને 3 વિકેટ લીધી હતી.

આ પણ વાંચો :-

Drone કેમેરો ઉડાડવા માટે લાયસન્સ જરૂરી, આ વેબસાઈટ પર ઓનલાઈન કરો અરજી

News Editor
-
0

License required to fly drone camera

  • Drone Flying : જો તમે શૂટિંગ માટે ડ્રોન કેમેરો ખરીદ્યો હોય તો તેને ભૂલથી પણ ક્યાંય ઉડાડશો નહીં. નહીં તો તમારે જેલ જવું પડી શકે છે. આ માટે તમારે એક ખાસ પરવાનગીની જરૂર છે જે આ વેબસાઈટ પરથી મેળવી શકાય છે.

આજકાલ લગ્નમાં પણ ડ્રોન કેમેરાથી (Drone camera) શૂટિંગ કરવું ખૂબ જ સામાન્ય બની ગયું છે, લોકો ફોટોગ્રાફી માટે ડ્રોન કેમેરા (Drone camera) અને હેન્ડલરને ભાડે રાખે છે અને પછી તેમના લગ્ન અથવા કોઈ ખાસ પ્રસંગનું શૂટિંગ કરાવે છે. પરંતુ તમને ખબર નહીં હોય કે કોઈપણ વ્યક્તિ ડ્રોન ઉડાવી શકતી નથી.

કેટલાક સુરક્ષા કારણોસર ગમે ત્યાં ડ્રોન ઉડાવવા પર પ્રતિબંધ છે. તમારી પાસે તેને ઉડાડવા માટેનું લાઇસન્સ હોવું જરૂરી છે. જો તમે લાયસન્સ વગર ડ્રોન કેમેરા ઉડાડતા જોવા મળે તો તમારે જેલ જવું પડી શકે છે. જો તમે આ ન ઇચ્છતા હોવ તો આજે અમે તમને જણાવવા જઈ રહ્યા છીએ કે તમે ડ્રોન કેમેરા ઉડાડવાનું લાયસન્સ કેવી રીતે મેળવી શકો છો, તે પણ મિનિટોમાં.

જો તમે ડ્રોન કેમેરા માટે લાયસન્સ મેળવવા ઈચ્છો છો. તો આ માટે તમારે પહેલા DGCAની વેબસાઈટ પર જવું પડશે. વાસ્તવમાં અહીં જઈને તમારે પોતાનું રજીસ્ટ્રેશન કરાવવું પડશે અને પછી તમે સરળતાથી લાઈસન્સ માટે અરજી કરી શકો છો.

અહીં ગયા પછી તમારે એક એકાઉન્ટ બનાવવું પડશે. તે પછી તમારે તમારા ડ્રોન વિશેની માહિતી ભરવાની રહેશે જેમ કે – ડ્રોનનું વજન કેટલું છે અને તે કઈ શ્રેણીનો છે. તે પછી તમારે તમારી માહિતી અહીં ભરવાની રહેશે. જેવી તમે તમારી માહિતી ભરો છો. ત્યારપછી તમારી પાસેથી લાયસન્સ ચાર્જ માંગવામાં આવે છે.

અત્યાર સુધી તમારે ફક્ત ટુ વ્હીલર અથવા ફોર વ્હીલર માટે લાયસન્સ જરૂરી હતું. જો કે, સુરક્ષા કારણોસર, ડ્રોન ઉડાવવા માટે પણ લાયસન્સ જરૂરી છે. જો તમે આ માટે લાયસન્સ મેળવવા માંગો છો. તો તમારી પાસેથી ન્યૂનતમ રકમ લેવામાં આવે છે. આ ન્યૂનતમ રકમ 100 રૂપિયા છે. આ રકમ ચૂકવ્યા પછી તમને ડ્રોન લાઈસન્સ આપવામાં આવે છે.

આ પણ વાંચો :-

લગ્ન વિના માતા બનવા જઈ રહેલી અભિનેત્રી Ileana D’cruz એ ફ્લોન્ટ કર્યું બેબી બંપ, શેર કર્યા ફોટો

News Editor
-
0

Actress Ileana D’cruz

  • Ileana D’cruz : થોડા સમય પહેલા ઈલિયાના ડિક્રુઝનું નામ કેટરીના કૈફના ભાઈ સાથે જોડાયું હતું. જોકે આ મામલે ઈલિયાનાએ ક્યારે ખુલાસો કર્યો નથી. આ સંબંધોને લઈને ઈલિયાના એ હા પણ નથી કહી અને ના પણ નથી કહી.

બોલીવુડની અભિનેત્રી ઈલિયાના ડિક્રુઝ (Ileana D’cruz) એ જ્યારે જાહેર કર્યું કે તે માતા બનવાની છે ત્યારે ખળભળાટ મચી ગયો હતો. થોડા સમય પહેલા જ તેણે પોતાની પ્રેગનેન્સી અનાઉન્સ (Pregnancy announcement) કરવા માટે ઈંસ્ટાગ્રામ પર પોસ્ટ શેર કરી હતી. ત્યાર પછીથી અભિનેત્રી અવારનવાર પોતાના ફોટો શેર કરતી રહે છે. તાજેતરમાં જ તેણે બેબી બમ્પ ફ્લોન્ટ કરતો ફોટો પણ શેર કર્યો છે. આ ફોટો ખૂબ જ ઝડપથી વાયરલ થઈ રહ્યો છે.

ઈલિયાના ડિક્રુઝ આ ફોટોમાં બ્લેક કલરના આઉટફીટમાં જોવા મળે છે અને બેબી બમ્પ ફ્લોન્ટ કરે છે સાથે જ તે ખૂબ જ ખુશ દેખાય છે. ઈલિયાનાની પ્રેગ્નન્સીની ચર્ચાઓ એટલા માટે પણ થઈ રહી છે કે તેના લગ્ન થયા નથી. તે લગ્ન વિના માતા બનવા જઈ રહી છે.

થોડા સમય પહેલા ઈલિયાના ડિક્રુઝનું નામ કેટરીના કૈફના ભાઈ સાથે જોડાયું હતું. જોકે આ મામલે ઇલિયાનાએ ક્યારે ખુલાસો કર્યો નથી. આ સંબંધોને લઈને ઈલિયાનાએ હા પણ નથી કહી અને ના પણ નથી કહી. રિલેશનશિપ સ્ટેટસની ચર્ચાઓ વચ્ચે થોડા સમય પહેલા જ ઈલિયાના એ પોતાની પ્રેગનેન્સીની જાહેરાત કરી દીધી હતી.

ઈલિયાના ડિક્રુઝે તાજેતરમાં જે ફોટો શેર કર્યો છે તેના પર લોકો અલગ અલગ કોમેન્ટ કરી રહ્યા છે. તેણે પહેલી વખત પોતાનો આ પ્રકારનો ફોટો શેર કર્યો છે જેને લઈને લોકો શુભકામના પણ પાઠવી રહ્યા છે.

ઈલિયાના ડિક્રુઝએ પોતાની કારકિર્દીની શરૂઆત સાઉથ ઈન્ડસ્ટ્રીથી કરી હતી. તે પહેલા તેલગુ અને તમિલ ફિલ્મોમાં કામ કરતી હતી ત્યાર પછી તેણે બોલીવુડમાં કામ કરવાનું શરૂ કર્યું. તેની પહેલી હિન્દી ફિલ્મ બરફી હતી જેમાં તેના કામને પસંદ કરવામાં આવ્યું. ત્યાર પછી હીરો, રુસ્તમ, બાદશાહો, રેડ જેવી ઘણી ફિલ્મોમાં તે જોવા મળી હતી.

આ પણ વાંચો :-

 

1...1,0851,0861,087...1,464Page 1,086 of 1,464