ઉત્તર પ્રદેશમાં સંગમ નગરી પ્રયાગરાજમાં મહાકુંભની તૈયારીઓ ચાલી રહી છે. જાન્યુઆરી 2025માં પ્રયાગરાજમાં મહાકુંભ 2025 યોજાવા જઈ રહ્યો છે. આ વખતે મહાકુંભ 13 જાન્યુઆરીથી શરૂ થશે અને 26 ફેબ્રુઆરી સુધી ચાલશે. 45 દિવસ સુધી ચાલનાર મહાકુંભ હિંદુઓ માટે ખૂબ જ મહત્ત્વપૂર્ણ છે.
મળતી માહિતી મુજબ આ વખતે મહાકુંભમાં દેશ-વિદેશના 40 કરોડથી વધુ શ્રદ્ધાળુઓ ભાગ લેશે. તંત્ર તરફથી મહા કુંભ મેળાની તૈયારીઓ તેજ ગતિએ ચાલી રહી છે. ભક્તો અને પ્રવાસીઓની સુવિધા માટે વહીવટીતંત્ર દ્વારા શક્ય તમામ પ્રયાસો કરવામાં આવી રહ્યા છે. આ જ ક્રમમાં હવે ભક્તોની સુવિધા માટે ટેન્ટના કેમ્પ સાથે પહેલીવાર ડોમ સિટી બનાવવામાં આવી રહી છે. જાણો ડોમ સિટીની વિશેષતા અને અહીં એક દિવસ રોકાવાના ભાડા વિશે વિગતવાર.
મીડિયા રિપોર્ટ્સ અનુસાર, મહાકુંભ વિસ્તારમાં હાજર રેલ વિસ્તારમાં ડોમ સિટીની વ્યવસ્થા કરવામાં આવી છે. સિટીમાં 22 મોટા સ્ટ્રક્ચર્સ બનાવવામાં આવ્યા છે, જેમાં જમીનથી લગભગ 15 ફૂટની ઊંચાઈ પર ફાઈબર શીટથી ડોમ તૈયાર કરવામાં આવ્યા છે. ડોમ સિટીમાં એક સાથે લગભગ 84 જેટલા ડોમ અને 175 વુડન કોટેજ બનાવવામાં આવી રહ્યા છે. દરેક ડોમની નીચે ચાર-ચાર વુડન કોટેજ બનાવવામાં આવશે.
ડૉમ સિટીમાં ડૉમમાં રહેવાનું એક દિવસનું ભાડું 1,11,000 રૂપિયા છે. જો કે, આ ભાડું સ્નાન ઉત્ત્સવ અને તેનાથી આગળના એક દિવસનું છે. બાકીના દિવસોમાં એક રાત્રિ રોકાણ માટે 81,000 રૂપિયા ચૂકવવા પડશે. આ ઉપરાંત, સામાન્ય દિવસોમાં વૂડન કોટેજમાં રહેવા માટે, તમારે દરરોજ 41,000 રૂપિયા ખર્ચવા પડશે, જ્યારે પીક દિવસોમાં, તમારે તેના માટે 61,000 રૂપિયા ચૂકવવા પડશે. જેમાં શહેરમાં ગમે ત્યાંથી પીકઅપ અને ડ્રોપ તેમજ સવારના નાસ્તા અને લંચના ખર્ચનો સમાવેશ થાય છે.
આ પણ વાંચો :-
