ગુજરાતમાં હવે કાળઝાળ ગરમીના દિવસો આવી ગયા છે. રાજ્યના અનેક જિલ્લાઓને સિવિયર હિટવેવના કારણે એલર્ટ અપાયું છે. તો કેટલાક જિલ્લાઓને ઓરેન્જ એલર્ટ આપવામાં આવ્યું છે. લઘુત્તમ તાપમાન વધતા રેડ એલર્ટ પર આગાહી પહોંચી ગઈ છે.
કયા જિલ્લાઓમાં એલર્ટ
હવામાન વિભાગે 9 જિલ્લાઓમાં હિટવેવને લઇ રેડ એલર્ટ આપ્યું છે. જેમાં કચ્છ, અમદાવાદ, ગાંધીનગર, સુરેન્દ્રનગર, મોરબી, રાજકોટ, જુનાગઢ, પોરબંદર અને સુરતમાં હીટવેવની આગાહી કરવામાં આવી છે. જ્યારે 12 માર્ચે કચ્છ, બનાસકાંઠા, સુરેન્દ્રનગર અને રાજકોટમાં ઓરેન્જ એલર્ટ આપવામાં આવ્યું હતું. ઉલ્લેખનિય છે કે રેડ એલર્ટમાં 42 ડિગ્રી કે તેના ઉપર તાપમાન રહી શકે છે. અને ઓરેન્જ એલર્ટમાં 40 ડિગ્રી ઉપર તાપમાન રહી શકે છે.
આવતી કાલે એટલે કે 12 માર્ચે દક્ષિણ ભારતમાં ભારેથી અતિભારે વરસાદની આગાહી છે. જો કે, આજે પણ ભારતના કેટલાક રાજ્યોમાં હળવો વરસાદ થયો હોવાના અહેવાલ સામે આવ્યાં છે. કેરળ અને લક્ષદ્વીપ સાથે પંજાબ અને હરિયાણમાં પણ હવામાન વિભાગ દ્વારા હળવાથી મધ્યમ વરસાદની આગાહી કરવામાં આવી છે. ઉત્તર ભારત સહિત દિલ્હીના કેટલાક વિસ્તારોમાં આજે અને આવતીકાલે હળવા વરસાદ સાથે હિમવર્ષાની આગાહી છે. જેથી ત્યાં ફરી પાછો ઠંડીનો ચમકારો અનુભવાશે. ભારતમાં ઉત્તર અને પૂર્વમાં વરસાદ અને હિમવર્ષાની આગાહી કરવામાં આવી છે. દક્ષિણ ભારતમાં અંદમાન અને નિકોબાર સાથે તમિલનાડુમાં પણ ભારે વરસાદની આગાહી કરવામાં આવી છે.
નોંધનીય છે કે, હવે ટૂંક સમયમાં શાળામાં ભણતાં બાળકોનું ઉનાળું વેકેશન શરૂ થશે. એવામાં શહેરમાં જ્યારે-જ્યારે રેડ એલર્ટ હશે ત્યારે શાળાના સમયમાં પણ ફેરફાર કરવામાં આવશે. જેથી શાળામાં અભ્યાસ કરતાં વિદ્યાર્થીઓ ગરમીના કારણે બીમાર ન પડે. મનપા દ્વારા તમામ ઝોનમાં રાહદારીઓ માટે પણ 50 પાણીની પરબની સુવિધા કરવામાં આવી છે. તેમજ લોકોને આરામ કરવા માટે બગીચાનો સમય પણ વધારી દેવામાં આવ્યો છે. હવેથી બગીચા સવારના 6 થી રાતના 11 વાગ્યા સુધી ખુલ્લા રાખવામાં આવશે.
