તાપી જિલ્લામાં છેલ્લા 24 કલાક દરમિયાન વરસાદે જોરદાર એન્ટ્રી કરી હતી. ગુરુવારે સવારે 6:00 વાગ્યાથી શુક્રવારે સવારે 6:00 વાગ્યા સુધી જિલ્લામાં સરેરાશ 136.13 મીમી વરસાદ નોંધાયો હોવાનું જિલ્લા આપત્તિ વ્યવસ્થાપન તંત્રના સત્તાવાર આંકડાઓમાં જણાવાયું છે.
જિલ્લાના તમામ તાલુકાઓમાં વરસાદ વરસ્યો હતો, જેમાં ડોલવણ તાલુકામાં સૌથી વધુ 291 મીમી વરસાદ નોંધાયો હતો. ત્યારબાદ વ્યારામાં 194 મીમી, ઉકાઈમાં 181 મીમી, સોનગઢમાં 139 મીમી, વાલોડમાં 125 મીમી અને ઉચ્છલમાં 87 મીમી વરસાદ પડ્યો હતો.
બીજી તરફ કુકરમુંડામાં 37 મીમી અને નિઝર તાલુકામાં 35 મીમી વરસાદ નોંધાયો હતો.
સતત વરસી રહેલા વરસાદને ધ્યાનમાં રાખીને જિલ્લા વહીવટી તંત્રએ નદી-નાળાઓ અને નીચાણવાળા વિસ્તારોમાં રહેતા લોકોને ખાસ સતર્ક રહેવા, પૂરપ્રવણ વિસ્તારોમાં જવાનું ટાળવા તેમજ બિનજરૂરી મુસાફરી ન કરવા અપીલ કરી છે.
