વુમન્સ એશિયા કપ 2026માં પાકિસ્તાન મહિલા ક્રિકેટર નહીં પણ તેના બુટ ચર્ચાનો વિષય બનીને આવ્યા છે. પાકિસ્તાનની કેટલીક ક્રિકેટરે ભારતીય ક્રિકેટર વિરાટ કોહલીની કો ફોઉન્ડેડ બ્રાંડ ‘ONE8’ ના બુટ પહેરી ગ્રાઉંડ પર શ્રેષ્ઠ પ્રદર્શન કર્યું હતું.
મેચનો અસલી હીરો નશરા સંધૂ રહી હતી. ડાબોડી સ્પિનરે માત્ર 7 રન આપી 6 વિકેટ ઝડપી હાંગકાંગની બેટિંગ લાઇન-અપને ધ્વસ્ત કરી દીધી હતી. તેના શાનદાર પ્રદર્શનને કારણે હાંગકાંગની ટીમ 19 ઓવરમાં માત્ર 71 રનમાં ઓલઆઉટ થઈ ગઈ હતી. પાકિસ્તાને આ મેચ 72 રને જીતી સેમિફાઇનલમાં સ્થાન નિશ્ચિત કર્યું હતું.
આ પહેલાં પાકિસ્તાને 20 ઓવરમાં 8 વિકેટે 143 રન બનાવ્યા હતા. શાવાલ ઝુલ્ફિકારે 47 રનની મહત્વપૂર્ણ ઇનિંગ રમી હતી. આ સ્કોર બાદ સંધૂની ઘાતક બોલિંગે પાકિસ્તાનની જીત સરળ બનાવી હતી.
ટૂર્નામેન્ટમાં ભારત સામે પાકિસ્તાનને અગાઉ 7 વિકેટથી હારનો સામનો કરવો પડ્યો હતો અને ટીમ માત્ર 55 રનમાં ઓલઆઉટ થઈ હતી. જોકે, હાંગકાંગ સામેની જીતથી પાકિસ્તાને જોરદાર વાપસી કરી છે.
ગ્રુપ-Aમાં ત્રણમાંથી બે મેચ જીતીને ચાર પોઇન્ટ સાથે બીજા સ્થાને રહેલી પાકિસ્તાન ટીમ હવે સેમિફાઇનલમાં શ્રીલંકા સામે ટકરાશે. બીજી સેમિફાઇનલમાં ભારતનો મુકાબલો બાંગ્લાદેશ સામે થશે. બંને પરંપરાગત હરીફ ટીમો ફાઇનલમાં પહોંચે તો ફરી એક વખત ભારત-પાકિસ્તાનની હાઇવોલ્ટેજ ટક્કર જોવા મળી શકે છે.
