કેનેડાના ઉત્તરી ઓન્ટારિયો શહેરમાં ગોળીબારમાં ત્રણ બાળકો સહિત પાંચ લોકોના મોત થયા છે. સ્થાનિક ન્યૂઝ ચેનલના અહેવાલ મુજબ જે વિસ્તારમાંથી મૃતદેહો મળી આવ્યા છે પોલીસે જણાવ્યું કે તેમને રાત્રે ૧૦:૨૦ વાગ્યે કોલ આવ્યો હતો. ત્યાર બાદ પોલીસ ઘટના સ્થળે પહોંચી ત્યારે તેમને ટેન્ક્રેડ સ્ટ્રીટના ૨૦૦ બ્લોકમાં એક ૪૧ વર્ષીય વ્યક્તિ ગોળી વાગતા મૃત હાલતમાં મળ્યો હતો. લગભગ દસ મિનિટ પછી પોલીસ અધિકારીઓને એક ૪૫ વર્ષીય વ્યક્તિ બંદૂકની ગોળીથી ઠાર થયેલો જોવા મળ્યો હતો.
પોલીસ આ મામલે વધુ તપાસમાં તેમને ૬ વર્ષીય અને ૧૨ વર્ષના બાળકના મૃતદેહ પણ મળ્યા હતા. પોલીસે દાવો કર્યો હતો કે તેમને પણ ગોળી મારીને હત્યા કરવામાં આવી હતી. એક ૪૪ વર્ષીય વ્યક્તિ પણ મૃત હાલતમાં મળી આવ્યો હતો. પોલીસે જણાવ્યું હતું કે આ બધા મૃત્યુ એકબીજા સાથે જોડાયેલા છે અને તે એકબીજા સાથે અદાવતમાં કરવામાં આવેલી હિંસાનું પરિણામ જણાય છે. અહીંના સ્થાનિકોને સાવધ રહેવાની અપીલ કરવામાં આવી છે.
આ પણ વાંચો :-