- રિયાલિટી ટીવી શો ‘બિગ બોસ’નો ભાગ રહી ચુકેલી અભિનેત્રી અર્ચના ગૌતમ સાથે તાજેતરમાં AICC ઓફિસની બહાર કેટલીક મહિલાઓએ ગેરવર્તણૂક કરી હતી.
રિયાલિટી ટીવી શો ‘બિગ બોસ’નો ભાગ રહી ચુકેલી અભિનેત્રી અર્ચના ગૌતમ સાથે તાજેતરમાં AICC ઓફિસની બહાર કેટલીક મહિલાઓએ ગેરવર્તણૂક કરી હતી. આ મહિલાઓએ અર્ચના ગૌતમના વાળ ખેંચીને ધક્કો માર્યો હતો. ભૂતકાળમાં કોંગ્રેસના લોકસભા ઉમેદવાર રહી ચુકેલી અર્ચના ગૌતમ તેના પિતા સાથે ૨૯ સપ્ટેમ્બરે ઓલ ઈન્ડિયા કોંગ્રેસ કમિટીના કાર્યાલય પહોચ્યાં હતા. અભિનેત્રીને ઓફિસમાં પ્રવેશ આપવામાં આવ્યો ન હતો, ઉલટું ત્યાં તેને ગેરવર્તણૂકનો સામનો કરવો પડયો હતો. આ ઘટનાના ફૂટેજ ઈન્ટરનેટ પર વાયરલ થયા છે.
અર્ચના ગૌતમે આરોપ લગાવ્યો કે જ્યારે તેણી પર હુમલો કરવામાં આવ્યો ત્યારે તે પાર્ટી અધ્યક્ષ ખડગે અને પ્રિયંકા ગાંધીને મહિલા અનામત બિલ પર અભિનંદન આપવા આવી હતી. અર્ચનાએ આ મામલે મીડિયા સાથે વાત કરવાનો ઇનકાર કર્યો છે. પરંતુ વાયરલ થઈ રહેલી તસવીરો અને વીડિયો ઘણી બધી બાબતો સ્પષ્ટ કરે છે. આ ઘટના અંગે અભિનેત્રીએ કહ્યું છે કે તે ચૂપ બેસી રહેવાની નથી અને આ મામલે આગળ લડશે. અર્ચનાએ કહ્યું કે મારી સાથે કંઈક ખોટું થયું છે.
અહેવાલ છે કે અર્ચના ગૌતમ ૩૦ સપ્ટેમ્બરે આ સમગ્ર ઘટના પર પ્રેસ કોન્ફરન્સ કરી શકે છે અને મેરઠમાં આ મામલે કેસ દાખલ કરી શકે છે. જો કે આ મામલે હજુ સુધી કોઈ સત્તાવાર માહિતી સામે આવી નથી. અગાઉ માર્ચ મહિનામાં અર્ચનાના પિતાએ પ્રિયંકા ગાંધી વાડ્રાના પીએ (સંદીપ સિંહ) વિરુદ્ધ મેરઠના પરતાપુર પોલીસ સ્ટેશનમાં કેસ દાખલ કર્યો હતો.
ત્યારે અર્ચના ગૌતમના પિતાએ આરોપ લગાવ્યો હતો કે પ્રિયંકા ગાંધીના અંગત સચિવે તેમની પુત્રીને મારી નાખવાની ધમકી આપી હતી અને કહ્યું હતું કે તેઓ તેને ઉપાડી જશે. અર્ચનાના પિતાએ આરોપ લગાવ્યો હતો કે સેક્રેટરી સંદીપ સિંહે તેમની પુત્રી માટે અપમાનજનક શબ્દોનો ઉપયોગ કર્યો હતો. અર્ચના ગૌતમ સુપરસ્ટાર સલમાન ખાનના હોસ્ટ રિયાલિટી શો ‘બિગ બોસ’ ૧૬નો ભાગ હતી. તે આ સિઝનમાં લાંબા સમય સુધી રહી, જોકે ટ્રોફી જીતી શકી ન હતી.
આ પણ વાંચો :-
