દિલ્હીમાં મની લોન્ડરિંગ કેસમાં 12 થી વધુ સ્થળો પર EDના દરોડા ચાલુ છે. સૂત્રોના જણાવ્યા અનુસાર AAPના રાજ્યસભા સાંસદ એનડી ગુપ્તાના ઘરે EDના દરોડા ચાલુ છે. આ ઉપરાંત સીએમ અરવિંદ કેજરીવાલના ખાનગી સચિવ બિભવ કુમારના સ્થાન પર પણ દરોડા પાડવામાં આવી રહ્યા છે. આ સિવાય દિલ્હી જલ બોર્ડના પૂર્વ સભ્ય શલભના ઘરે પણ દરોડા પાડવામાં આવી રહ્યા છે. આ દરોડો દિલ્હી સરકારના મંત્રી આતિષીની પ્રેસ કોન્ફરન્સ પહેલા થયો હતો. આતિશી EDને લઈને પ્રેસ કોન્ફરન્સ કરવાના હતા.
આ દરોડા દરમિયાન આજે આમ આદમી પાર્ટીની એક પ્રેસ કોન્ફરન્સ કરી હતી જેમાં દિલ્હી સરકારના મંત્રી આતિશી સિંહે કહ્યું કે આ બધું અમને ડરાવવા માટે કરવામાં આવી રહ્યું છે. ED દિલ્હી એક્સાઇઝ પોલિસી કૌભાંડ સંબંધિત કથિત વ્યવહારોમાં મની લોન્ડરિંગની તપાસ કરી રહી છે. EDએ આ મામલામાં અત્યાર સુધી દિલ્હીના પૂર્વ મુખ્યમંત્રી મનીષ સિસોદિયા અને રાજ્યસભા સાંસદ સંજય સિંહ સહિત ઘણા લોકોને કસ્ટડીમાં લીધા છે. આ સંબંધમાં તપાસ દરમિયાન મળેલી માહિતીના આધારે EDએ મંગળવારે દરોડા પાડ્યા છે.
આ વિશે AAP મંત્રી આતિશીએ કહ્યું કે, ગવાહી સમયે સીસીટીવી કેમેરાનું મોનિટરિંગ જરૂરી છે, પરંતુ અહીં તો સીસીટીવી ગાયબ છે. ED બળજબરીથી કેસ બનાવી રહ્યું છે એટલે જ EDની તપાસમાં કૌભાંડ સામે આવ્યું છે. મની લોન્ડરિંગ કેસમાં દિલ્હી આમ આદમી પાર્ટીના નેતાઓ અને તેમની સાથે જોડાયેલા લોકોના સ્થળો પર દરોડા પાડવામાં આવી રહ્યા છે, પરંતુ હજુ સુધી એ સ્પષ્ટ નથી થયું કે ઈડીએ મની લોન્ડરિંગના કયા કેસમાં દરોડા પાડ્યા છે.
આ પણ વાંચો :-