મુંબઈમાં જોગેશ્વરીમાં એક હોટલના નિર્માણના મામલે ઉદ્ધવ જૂથના નેતા અને ધારાસભ્ય રવીન્દ્ર વાયકર અને તેમના સાથીઓના જૂદા-જૂદા ૭ સ્થળો પર EDએ કાર્યવાહી કરી હતી. એન્ફોર્સમેન્ટ ડિરેક્ટોરેટએ આ કાર્યવાહી જોગેશ્વરીમાં જમીનના ઉપયોગની શરતોમાં કથિત રીતે છેડછાડ કરીને હોટલ બનાવવાના મામલે કરી હતી. આ દરોડામાં વાયકર અને તેના કેટલાક સહયોગીઓ તેમજ અન્ય લોકોનો પણ સમાવેશ થાય છે.
મુંબઈમાં તપાસ એજન્સી લગભગ સાત સ્થળોએ દરોડા પાડી રહી છે. તેમાં વાયકર અને તેના કેટલાક સહયોગીઓ અને અન્ય લોકોનો પણ સમાવેશ થાય છે. વાયકર ઉદ્ધવ બાળાસાહેબ ઠાકરે જૂથમાંથી શિવસેનાના ધારાસભ્ય છે અને મહારાષ્ટ્ર વિધાનસભામાં જોગેશ્વરી પૂર્વ મતવિસ્તારનું પ્રતિનિધિત્વ કરે છે.
આ પહેલા ગયા વર્ષે EDએ બૃહન્મુંબઈ સાથેના કરારનું ઉલ્લંઘન કરીને જોગેશ્વરીમાં એક ભવ્ય હોટલના નિર્માણના સંબંધમાં રવિન્દ્ર વાયકર, તેમની પત્ની અને અન્યો વિરુદ્ધ પ્રિવેન્શન ઓફ મની લોન્ડરિંગ એક્ટ હેઠળ કેસ નોંધ્યો હતો. વાઈકર અને અન્ય પાંચ સામે મુંબઈ પોલીસની ઈકોનોમિક ઓફેન્સ વિંગ દ્વારા કેસ નોંધવામાં આવ્યો હતો. EDનો મની લોન્ડરિંગ કેસ EOWની FIR પર આધારિત હતો.
આ પણ વાંચો :-
