સુરત શહેરના અલથાણ વિસ્તારમાં એક બેફામ ડમ્પર ચાલકે મોપેડ સવાર યુવકને કચડી નાખતા ભયાનક અકસ્માત સર્જાયો. અથડામણ એટલી જોરદાર હતી કે યુવકનું ઘટનાસ્થળે જ કરુણ મોત થયું, જેના કારણે વિસ્તારમાં શોક અને રોષનું માહોલ ફેલાયો.
પ્રાથમિક માહિતી મુજબ, ભારે વાહનોની અવરજવર વચ્ચે ડમ્પર અચાનક બેકાબૂ બન્યો અને રસ્તા પર જઈ રહેલા મોપેડ સવારને અડફેટે લીધો. શહેરમાં છેલ્લા કેટલાક સમયથી ભારે વાહનોના વધતા આતંક વચ્ચે આ વધુ એક નિર્દોષનો ભોગ બન્યો હોવાનું સ્થાનિકોમાં ચર્ચાઈ રહ્યું છે.
ઘટનાની જાણ થતાં જ અલથાણ પોલીસ તાત્કાલિક સ્થળ પર પહોંચી અને કાર્યવાહી હાથ ધરી. પોલીસે ડમ્પર ચાલકની અટકાયત કરી કાયદેસરની કાર્યવાહી શરૂ કરી છે. અકસ્માત અંગે વધુ તપાસ ચાલી રહી છે.
