પાકિસ્તાનના અશાંત પ્રાંત બલૂચિસ્તાનમાં જોરદાર બોમ્બ બ્લાસ્ટ થયાની માહિતી બહાર આવી રહી છે. આ ઘટનામાં ઓછામાં ઓછા 20 લોકોના મૃત્યુ થયા છે. જ્યારે 30થી વધુ લોકો ઘાયલ થયા છે. આ બોમ્બ બ્લાસ્ટ બલૂચિસ્તાનના ક્વેટા રેલવે સ્ટેશન પાસે થયો હતો. અહેવાલો મુજબ, ટ્રેન પ્લેટફોર્મ પર પહોંચે તે પહેલા જ રેલવે સ્ટેશનની બુકિંગ ઓફિસમાં બ્લાસ્ટ થયો હતો. બ્લાસ્ટ સમયે સ્ટેશન પર ભીડ સામાન્ય હતી. આમ છતાં વધુ જાનહાનિનો ખતરો છે.
આ ઘટના સાથે જ બલૂચિસ્તાનમાં ફરી અરાજકતા ફેલાઈ છે. પાકિસ્તાની મીડિયાના અહેવાલો અનુસાર આ વિસ્ફોટ રેલવે સ્ટેશનના બુકિંગ કાર્યાલયની પાસે થયો હતો. ટ્રેન પ્લેટફોર્મ પર પહોંચે તે પહેલાં જ આ ભયાનક વિસ્ફોટ થયો હતો. જોકે વિસ્ફોટ સમયે પ્લેટફોર્મ પર પ્રવાસીઓની મોટી ભીડ હોવાને કારણે મોટાપાયે જાનહાનિ સર્જાઇ હોવાના અહેવાલ છે.
કાર્યવાહક પ્રમુખ સૈયદ યુસુફ રઝા ગિલાનીએ આ ઘાતક ઘટનાની નિંદા કરતા કહ્યું કે, આતંકવાદીઓ માનવતાના દુશ્મનો છે જેમણે નિર્દોષ લોકોને નિશાન બનાવ્યા. ગિલાનીએ આતંકવાદને સંપૂર્ણ રીતે નષ્ટ કરવા માટે દરેક સંભવિત પગલાં લેવાના તેમના સંકલ્પનો પુનરોચ્ચાર કર્યો હતો. આ દરમિયાન બલૂચિસ્તાનના મુખ્યમંત્રી સરફરાઝ બુગતીએ સંબંધિત અધિકારીઓને આ જીવલેણ ઘટનાની તપાસ કરવાનો નિર્દેશ આપ્યો છે. મુખ્યમંત્રીએ પ્રાંતમાંથી આતંકવાદના જોખમને નાબૂદ કરવાના તેમના સંકલ્પનો પુનરોચ્ચાર કર્યો હતો.
આ પણ વાંચો :-
