રાજસ્થાનમાં ઉદયપુર લઘુમતી મોર્ચાના અધ્યક્ષ નત્થે ખાનને ભાજપે પદ પરથી હટાવી દીધાં છે. એક યુવતી સાથે નેતાનો વાંધાજનક વીડિયો વાયરલ થયા બાદ આ કાર્યવાહી કરવામાં આવી છે. બીજી તરફ નત્થે ખાને વીડિયોમાં નજર આવી રહેલી મહિલાને પોતાની પત્ની ગણાવી છે. હાલ આ વીડિયોએ રાજકારણમાં હોબાળો મચાવી દીધો છે.
આ વીડિયો 9 સપ્ટેમ્બરની રાત્રે લગભગ 10 વાગે કુરાબડ બંબોરા વિસ્તારના એક વ્હોટ્સએપ ગ્રૂપમાં નત્થે ખાનના મોબાઈલ નંબરથી જ શેર કરવામાં આવ્યો હતો. ગ્રૂપમાં જોડાયેલા લોકોએ આની જાણકારી તાત્કાલિક નત્થે ખાનને આપી પરંતુ ત્યાં સુધી ગ્રૂપના ઘણા મેમ્બર વીડિયોને ડાઉનલોડ કરીને શેર કરી ચૂક્યા હતાં. જોતજોતામાં વીડિયો વાયરલ થઈ ગયો.
વીડિયો વાયરલ થવાની માહિતી મળતાં જ નાથે ખાને એક નિવેદન જારી કરીને તેની સ્પષ્ટતા કરી છે. તેણે કહ્યું કે તે વીડિયોમાં તેની પત્ની સાથે વાતચીત કરી રહ્યો હતો. આ તેમનું અંગત જીવન છે. નાથે ખાને કહ્યું કે એક સામાજિક કાર્યકર હોવાને કારણે ઘણા લોકો તેમના ઘરે આવતા રહે છે. કોઈએ મોબાઈલ દ્વારા તેનો વીડિયો વાયરલ કર્યો હતો. આ ખૂબ જ શરમજનક છે અને તેની તપાસ કરવામાં આવશે. ખાનનો આરોપ છે કે આ પ્રયાસ તેમને બદનામ કરવા અને તેમની રાજકીય કારકિર્દી ખતમ કરવા માટે કરવામાં આવ્યો છે. તે હવે આ બધું કરનારાઓ સામે કાયદેસરની કાર્યવાહી કરશે.
ઉલ્લેખનીય છે ભાજપમાં નત્થે ખાનની છબી કદાવર નેતા તરીકેની રહી છે. છેલ્લા 10 વર્ષમાં સતત ત્રીજી વખત ભાજપે નત્થે ખાનને લઘુમતી મોર્ચાના જિલ્લા અધ્યક્ષ પદની જવાબદારી સોંપી છે. રાજકારણમાં નત્થે ખાનના પરિવારનો પણ ખૂબ દબદબો રહ્યો છે. વર્ષ 2015માં ભાજપની ટિકિટ પર તેમના પુત્રવધૂ આસમાં ખાન કુરાબડથી પંચાયત સમિતિના સભ્ય બની ચૂક્યા છે. જે બાદ ગ્રામ પ્રધાન પણ રહ્યાં.
આ પણ વાંચો :-
