ભારતીય ભોજનની વાત આવે ત્યારે મસાલાની સુગંધ અને વિવિધ સ્વાદ દુનિયાભરના લોકોનું ધ્યાન ખેંચે છે. હવે બેલ્જિયમના વડાપ્રધાન બાર્ટ ડી વેવર પણ ભારતીય ખાવાના સ્વાદથી પ્રભાવિત થયા છે. મુંબઈમાં તેમણે ભારતીય ભોજનની પ્રશંસા કરતાં રમૂજી અંદાજમાં કહ્યું કે અહીં લોકો તમને એટલું સ્વાદિષ્ટ ખવડાવે છે કે જાણે ખવડાવતા-ખવડાવતા જ “મારી નાખવાના હોય”!
બાર્ટ ડી વેવરની આ ટિપ્પણી ભારતીય ભોજનની વૈવિધ્યતા અને મહેમાનગતિને લઈને હતી. તેમણે હળવા-ફૂલકા અંદાજમાં ભારતીયો મહેમાનોને અલગ-અલગ વાનગીઓ પીરસતા રહે છે અને એક પછી એક સ્વાદિષ્ટ ભોજનનો આનંદ કરાવતા રહે છે, એવી વાત કહી. તેમના આ નિવેદન બાદ ભારતીય ભોજન પ્રત્યેનો તેમનો ઉત્સાહ ચર્ચામાં આવ્યો છે.
બેલ્જિયમના વડાપ્રધાનનો આ પ્રવાસ મુખ્યત્વે ભારત-બેલ્જિયમ સંબંધોને મજબૂત કરવા માટે હતો, પરંતુ મુંબઈમાં ભારતીય ખાવાને લઈને કરેલી તેમની રમૂજી ટિપ્પણી પણ ચર્ચાનો વિષય બની હતી. ભારતીય રસોઈમાં વિવિધ મસાલા, પ્રદેશ પ્રમાણે બદલાતી વાનગીઓ અને અલગ સ્વાદ તેની ખાસિયત છે. ઉત્તર ભારતના પનીર, દક્ષિણ ભારતીય દોસા-ઇડલીથી લઈને ગુજરાતના ઢોકળા-ઊંધિયાં સુધી દેશની ખાણીપીણીની દુનિયા ખૂબ વિશાળ છે.
બાર્ટ ડી વેવરની આ વાતને ભારતીય ભોજન અને તેની “ફૂડ હૉસ્પિટાલિટી” માટેની પ્રશંસા તરીકે જોવામાં આવી રહી છે.
