- Gir Forest Rescue : ગીરમાં ફસાયેલા મધ્યપ્રદેશના પરિવારની SDRFએ કરી મદદ. ખીણમાં ઝાડીઓની વચ્ચે ફસાયેલા સિનિયર સિટીઝનને બચાવ્યા. લાંબા સમયની મહેનત પછી વૃદ્ધનો પરિવાર સાથે ભેટો કરાવ્યો. દર્શન કરીને પરત ફરતા સમયે પરિવારથી છૂટા પડયાં હતા વૃદ્ધ.
ગીર સોમનાથમાં SDRF ની ટીમે 8-10 કલાકનું રેસ્ક્યુ કરી 65 વર્ષીય વૃદ્ધને રાહત આપી છે. મૂળ મધ્યપ્રદેશના મદન મોહન જૈન ગીર સોમનાથના દર્શન માટે તેમના પરિવાર સાથે આવ્યા હતા પણ ગત ગુરુવારે બપોરના સમયે પરિવારથી તેઓ છુટા પડી ગયા. જો કે પરિવારે તેમની લાંબા સમય સુધી શોધખોળ કરવા છતાં જયારે તેઓ ન મળ્યા ત્યારે તેમના પરિવારે સ્થાનિક પ્રશાસનની મદદ મેળવી.
રાત્રે 9:30 વાગે SDRF ને જાણ થઈ :
રાત્રે 9:30 વાગે SDRF ને જાણ થતા SDRF ગોંડલની ટીમ રેસ્ક્યુ માટે નીકળી હતી. ભારે જહેમતથી બે ખીણ વચ્ચે ઝાડીઓમાં ફસાયેલા વૃદ્ધને બચાવવાની કામગીરી શરૂ કરવામાં આવી. રાત્રે શરુ કરવામાં આવેલું રેસ્ક્યુ સવારે 8 વાગેની આસપાસ પૂરું થયું.
અમને મામલતદાર કચેરીથી માહિતી મળી :
તેમને ગઈ રાત્રે 9:30 કલાકે મામલતદાર કચેરીએથી કોઈ વૃદ્ધ ગુમ થયા હોવાની માહિતી મળી હતી. માહિતી મળતાની સાથે તેઓ પોતાની 20 સભ્યોની ટુકડી લઇ રેસ્ક્યુ માટે રવાના થયા હતા.
આ પણ વાંચો :-
