આ પ્રોગ્રામ દેશમાં જ સિલિકોન્સ ટેક્નોલોજીના વિકાસ અને ઉત્પાદન માટે એક મોટી તક ઉભી કરશેઃ ડિરેક્ટર ડો.અમન દેસાઇ
ભારતની અગ્રણી સ્પેશિયાલ્ટી કેમિકલ ઉત્પાદક અને CRAMS (કોન્ટ્રાક્ટ રિસર્ચ એન્ડ મેન્યુફેક્ચરિંગ સર્વિસિસ) પ્રોવાઈડર એથર ઈન્ડસ્ટ્રીઝ લિમિટેડ (NSE: AETHER, BSE: 543534) અને ડાઉ કેમિકલ ઈન્ટરનેશનલ પ્રાઈવેટ લિમિટેડ (ડાઉ ઈન્ડિયા) દ્વારા આજે સિલિકોન્સ માટે નવી મેન્યુફેક્ચરિંગ ટેકનોલોજી વિકસાવવાના હેતુથી એક સંયુક્ત રિસર્ચ પ્રોગ્રામ શરૂ કરવાની જાહેરાત કરવામાં આવી છે.
સિલિકોન્સ એ અત્યંત મહત્વપૂર્ણ અને ઉચ્ચ ગુણવત્તા ધરાવતો પદાર્થ છે, જેનો ઉપયોગ કન્સ્ટ્રક્શન, ટ્રાન્સપોર્ટેશન, ઈલેક્ટ્રોનિક્સ, હેલ્થકેર અને પર્સનલ કેર જેવા અનેક ક્ષેત્રોમાં થાય છે. આ પ્રોગ્રામ દ્વારા દેશમાં જ સિલિકોન્સ ટેકનોલોજીના વિકાસ અને ઉત્પાદન માટે એક મોટી તક ઊભી થશે. આ રિસર્ચ પ્રોગ્રામ બંને કંપનીઓ સંયુક્ત રીતે ચલાવશે, અને તેનું તમામ સંશોધન તથા પાઈલટ- સ્કેલ ડેવલપમેન્ટ સુરત (ગુજરાત) ખાતે આવેલી એથરની R&D અને પાઈલટ ફેસિલિટીમાં કરવામાં આવશે.
ભારતમાં સિલિકોન્સ માટે નવી ઉત્પાદન ટેકનોલોજી વિકસાવવા પર ધ્યાન કેન્દ્રિત કરતો આ એક વિશિષ્ટ રિસર્ચ પ્રોગ્રામ છે, જે દેશમાં જ ઇનોવેશનને પ્રોત્સાહન આપવાની દિશામાં એક મહત્વનું પગલું છે. આ કરાર ભવિષ્યમાં વિકસાવવામાં આવનારી ટેકનોલોજીના વ્યાવસાયિક સ્તરે ઉપયોગ (કમર્શિયલાઈઝેશન) અને ઔધોગિક ઉત્પાદન સહિત લાંબા ગાળાની વ્યૂહાત્મક ભાગીદારી માટેનો માર્ગ પણ મોકળો કરે છે.
આ ભાગીદારી અંગે વાત કરતા એથર ઈન્ડસ્ટ્રીઝના કો-ફાઉન્ડર અને ડિરેક્ટર (રિસર્ચ એન્ડ ઓપરેશન્સ) ડૉ. અમન દેસાઈએ જણાવ્યું હતું કે, “ડાઉ જેવી વૈશ્વિક કંપનીએ આ મહત્વકાંક્ષી પ્રોગ્રામ માટે એથરને પોતાના એક્સક્લુઝિવ રિસર્ચ પાર્ટનર તરીકે પસંદ કરી છે તેનો અમને આનંદ છે. આ સહયોગથી એથરની કેમિસ્ટ્રી તથા ટેકનોલોજી ક્ષમતાઓ અને સિલિકોન ક્ષેત્રે વૈશ્વિક અગ્રણી કંપની ડાઉનો અનુભવ એકસાથે આવશે. આ ભાગીદારી નવીન ઉત્પાદન ટેકનોલોજી વિકસાવવાની સાથે ભારતમાં ઝડપથી વધી રહેલા સિલિકોન માર્કેટની જરૂરિયાતો પૂરી કરવા માટે એક લાંબા ગાળાનું પ્લેટફોર્મ પૂરું પાડશે.”
ડાઉ પર્ફોર્મન્સ મટીરિયલ્સ એન્ડ કોટિંગ્સના પ્રેસિડેન્ટ બ્રેન્ડી લેંગના જણાવ્યા અનુસાર, “આ સહયોગથી ડાઉ માટે ગ્રાહકોની બદલાતી જરૂરિયાતો અને વધતા માર્કેટની નજીક જઈને મટીરિયલ્સ સાયન્સમાં ઇનોવેશન કરવાનું સરળ બનશે. બંને કંપનીઓની શક્તિઓ ભેગી થવાથી ભારતમાં તેમજ વૈશ્વિક સ્તરે ગ્રાહકો માટે અધતન સિલિકોન સોલ્યુશન્સ ઝડપથી તૈયાર કરી શકાશે.”
ડાઉ પર્ફોર્મન્સ મટીરિયલ્સ એન્ડ કોટિંગ્સના બિઝનેસ વાઈસ પ્રેસિડેન્ટ (R&D) ડૉ. મુકુંદ પાર્થસારથીએ ઉમેર્યું કે, “સંશોધન કે ઇનોવેશન ત્યારે જ સાર્થક નીવડે છે જ્યારે તે ભવિષ્યના વિકાસમાં ઉપયોગી બને. આ સંયુક્ત પ્રયાસથી વિજ્ઞાનને ઝડપથી વ્યવહારિક ટેકનોલોજીમાં બદલી શકાશે, જેનાથી બજારની માંગ પૂરી કરવાની સાથે સિલિકોન્સ ક્ષેત્રે કારોબારની નવી તકો પણ ખુલ્લી થશે.”
ડાઉ ઈન્ડિયાના કંટ્રી પ્રેસિડેન્ટ સિદ્ધાર્થ ઘોષાલના જણાવ્યા મુજબ, ભારતમાં અધતન મટીરિયલ્સની વધતી માંગને કારણે અહીં જ નવી ટેકનોલોજી વિકસાવવાની મોટી તકો રહેલી છે. આ પ્રોગ્રામ બંને કંપનીઓની ક્ષમતાઓને એકસાથે લાવીને ગ્રાહકો માટે મૂલ્ય ઊભું કરશે, સ્થાનિક ઇનોવેશનને બળ આપશે અને વિવિધ ઉધોગો સુધી ઉત્તમોત્તમ સિલિકોન સોલ્યુશન્સની પહોંચ સરળ બનાવશે.
