- પાવાગઢ દર્શને આવેલ એક પ્રેમીયુગલ મુશ્કેલીમાં મુકાયું હતું. મોતના મુખમાંથી બહાર આવેલા પ્રેમીયુગલને લઈને હાલમાં સમગ્ર પંથકમાં ચકચાર મચી જવા પામી છે.
પાવાગઢ દર્શને આવેલ એક પ્રેમીયુગલ મુશ્કેલીમાં મુકાયું હતું. મોતના મુખમાંથી બહાર આવેલા પ્રેમીયુગલને લઈને હાલમાં સમગ્ર પંથકમાં ચકચાર મચી જવા પામી છે. હકિકતમાં વાત એવી છે કે પ્રેમિકા સાથે યુવક પાવાગઢ જંગલના હેલિકલ વાવ નજીક ૨૦૦ ફૂટ ઊંડી ખીણમાં ખાબક્યો હતો.
ગઈ કાલે સાંજે યુવક યુવતી ખીણમાં પડયાં બાદ આખી રાત ઈજાગ્રસ્ત હાલતમાં રહ્યા હતા. આખી રાત ખીણમાં વિતાવ્યા બાદ બન્નોનો ચમત્કારીક બચાવ થયો હતો. ઈજાગ્રસ્ત યુવકે ૧૦૮ને જાણ કરી ત્યાર બાદ સ્થાનિક પોલીસ ફાયર ટીમ અને વન વિભાગની ટીમે સયુંક્ત ઓપરેશન હાથ ધરી બંનેને બહાર કાઢવામાં આવ્યા હતા.
પાવાગઢ દર્શન કર્યાં બાદ ગુરુવારની રાત્રે ખીણ નજીક પસાર થતા સમયે યુવકનો પગ લપસ્તા બન્ને ખીણમાં પડયાં હોવાનું ઈજાગ્રસ્ત યુવકે જણાવ્યુ હતું. બંન્ને ઈજાગ્રસ્ત હાલ હાલોલ હોસ્પિટલ ખાતે સારવાર લઈ રહ્યા છે.
આ પણ વાંચો :-
- શ્રી કૃષ્ણનો સાક્ષાત્કાર ? લુણાવાડામાં બાળ ગોપાલનો ચમચીથી દૂધ પીતો વીડિયો વાયરલ
- બનાસકાંઠામાં ફિલ્મી સ્ટંટ જેવો વિચિત્ર અકસ્માત, કાર ૬ ફૂટ ઊંચી દિવાલ કૂદીને ખેતરમાં પડી