A girl from Junagadh became blind in love
- જૂનાગઢની યુવતીને બરેલીના યુવકે છેતર્યાની વિગતો ખુલી. દુબઈમાં બે હોટેલ હોવાની વાતોથી યુવતીને કરી પ્રભાવિત કરી હતી. ઈન્ટાગ્રામમાં સંપર્ક થયા બાદ યુવતીને બરેલી બોલાવાઇ
રાજ્યમાં સાયબર ક્રાઈમના (Cybercrime) ગુના વધતા હોય તેવું જણાઈ રહ્યું છે. જૂનાગઢની યુવતી સાથે સોશ્યલ મીડિયાની એપ ઈન્સ્ટાગ્રામના (Instagram) માધ્યમથી મિત્રતા કેળવી તેણે પોતાનો પરિચય દુબઈમાં હોટેલ મલાઇકના પુત્ર તરીકેનો આપી દુબઈ (Dubai) લઈ જવાની લાલચ અપાઈ બરેલી બોલાવી તેના ખર્ચે જલસા કરવાના ગુનામાં આરોપીને ઝડપી પાડ્યો છે. તેમજ તેની સાથે તે યુવતીને પણ પકડી લેવામાં આવી છે.
ઈન્ટાગ્રામમાં દુબઈની લાલચમાં યુવતીને ફસાવી :
જૂનાગઢના મરાઠી પરિવારની યુવતીને દુબઈના બિઝનેશમેન તરીકે ઓળખ આપનારા રાહતએહમદ નામનો શખ્સ બરેલીમાં વાહન ચાલવાનો ધંધો કરે છે અને તે થોડા વર્ષો પહેલા દુબઈમાં પણ કાર ચલાવવાનું કામ કરતો હતો ત્યાંથી ભારત પરત આવ્યા બાદ તેણે સોશિયલ મીડિયામાં જૂનાગઢની યુવતીને ફસાવી તેના ખર્ચે બરેલી બોલાવી હતી. દુબઈમાં બે હોટેલ હોવાની વાતો કરી યુવતીને તેણે પ્રભાવિત કરી હતી. યુવતીના માતા-પિતાને ઉંઘાડવા માટે ત્યાંથી ઘેનની ગોળીઓ પણ મોકલાવી હતી.
આરોપીએ પૈસા પડાવ્યા :
પોલીસે રાહતએહમદના કબ્જામાંથી રૂ. 1 લાખ 70 હજાર જે યુવતીના પિતાના એકાઉન્ટમાંથી ઉપાડવામાં આવ્યા હતા તે કબજે કર્યા છે બાકીના રૂ. 75 હજાર ક્યાં ખર્ચવામાં આવ્યા તેની તપાસ શરુ કરવામાં આવી રહી છે.
પોલીસે આરોપીની કરી ધરપકડ :
જૂનાગઢ પોલીસે બરેલી રાહતએહમદ નફીસએહમદ નામના શખ્સની ધરપકડ કરી છે સાથે જૂનાગઢની યુવતીને પણ બરેલીથી જૂનાગઢ લાવી તપાસ શરુ કરવામાં આવી છે.
આ પણ વાંચો :-