HomeGujaratગુજરાતી પાઇલોટ સ્મિત મચ્છરના સાહસને મળશે ગુજરાતનો ખાસ એવોર્ડ, CM ભૂપેન્દ્ર પટેલે...

ગુજરાતી પાઇલોટ સ્મિત મચ્છરના સાહસને મળશે ગુજરાતનો ખાસ એવોર્ડ, CM ભૂપેન્દ્ર પટેલે કરી જાહેરાત

Date:

Related stories

કર્ણાટકમાં બોટ પલટી જતાં સુરતના દંપતીનાં કરુણ મોત, બે સંતાનોનો આબાદ બચાવ

કર્ણાટકના કોડાગુ જિલ્લામાં આવેલા હરંગી બેકવોટર્સમાં બોટિંગ દરમિયાન ભયાનક...

અમેરિકામાં તમામ ફ્લાઇટ્સ પર અચાનક રોક, 9/11 હુમલા બાદ બીજી વખત લેવાયો મોટો નિર્ણય; હજારો મુસાફરો એરપોર્ટ પર ફસાયા

વોશિંગ્ટનઃ અમેરિકામાં એર ટ્રાફિક કંટ્રોલની સંચાર વ્યવસ્થામાં ખામી સર્જાતા...

કાઝીરંગામાં ભયાનક માર્ગ અકસ્માત: ટ્રક અને મિનિબસ વચ્ચે જોરદાર ટક્કર, 23 લોકોનાં મોત

આસામ: આસામના કાઝીરંગા નજીક શુક્રવારે એક ભયાનક માર્ગ અકસ્માત...
spot_img

દુબઈથી તેલ અવીવ જઈ રહેલી ફ્લાયદુબઈ ફ્લાઈટમાં સર્જાયેલી ભયાનક પરિસ્થિતિ વચ્ચે અસાધારણ હિંમત બતાવનાર ગુજરાતી મૂળના કેપ્ટન સ્મિત મચ્છરના સાહસને હવે ગુજરાત સત્તાવાર સન્માન આપશે. ગંભીર રીતે ઘાયલ હોવા છતાં કોકપિટની પરિસ્થિતિ સંભાળવામાં મદદરૂપ બનેલા સ્મિત મચ્છરને ગુજરાત સરકાર ‘વિશિષ્ટ ગુજરાત ગરિમા એવોર્ડ’થી મુખ્યમંત્રી ભૂપેન્દ્ર પટેલ સન્માનિત કરશે તેવી જાહેરાત કરવામાં આવી છે.

મુખ્યમંત્રી ભૂપેન્દ્ર પટેલે સોશિયલ મીડિયા પર જણાવ્યું કે, ઇઝરાયલ જઈ રહેલી ફ્લાઈટના પાઇલોટ સ્મિત મચ્છરના સાહસને આખી દુનિયા સલામ કરી રહી છે. તેમણે કહ્યું કે, હુમલા દરમિયાન લોહીલુહાણ થયા હોવા છતાં મચ્છરે અદમ્ય હિંમત બતાવી અને 174 મુસાફરોના જીવ બચાવવામાં મહત્વની ભૂમિકા ભજવી હતી. મુખ્યમંત્રીએ તેમના ઝડપી સ્વસ્થ થવા માટે સમગ્ર ગુજરાત પ્રાર્થના કરી રહ્યું હોવાનું પણ જણાવ્યું છે.

ફ્લાઇટ FZ1073માં કોકપિટની અંદર કો-પાયલટ દ્વારા કેપ્ટન મચ્છર પર કથિત હુમલો થયા બાદ વિમાન અચાનક ઊંચાઈ ગુમાવવા લાગ્યું હતું. ઘટનાક્રમ દરમિયાન મચ્છરે કોકપિટનો દરવાજો ખોલવામાં મદદ કરી, ત્યારબાદ મુસાફરો અને અન્ય ક્રૂ સભ્યો અંદર પહોંચી હુમલાખોરને કાબૂમાં લેવામાં સફળ રહ્યા હતા. બાદમાં વિમાનને સાઉદી અરેબિયાના તબુક તરફ વાળીને સુરક્ષિત રીતે લેન્ડ કરાવવામાં આવ્યું હતું.

કેપ્ટન મચ્છર હાલમાં સાઉદી અરેબિયામાં સારવાર હેઠળ છે અને તેમની સ્થિતિ સ્થિર હોવાનું અહેવાલોમાં જણાવાયું છે. ગુજરાત સરકારે તેમના સન્માન સાથે ₹25 લાખના રોકડ પુરસ્કારની પણ જાહેરાત કરી હોવાનું અહેવાલમાં જણાવાયું છે.

Subscribe

Latest stories