એશિયન ગેમ્સ 2026માં ભારતે શૂટિંગ રેન્જ પર જોરદાર વાપસી કરી છે. આજે ભારતીય ખેલાડીઓએ એક પછી એક બે મેડલ પોતાના નામે કર્યા છે . સુરુચી સિંહ અને કમલજીતની જોડીએ 10 મીટર એર પિસ્તોલ મિક્સ્ડ ટીમ ઇવેન્ટમાં ગોલ્ડ મેડલ જીત્યો, જ્યારે ઐશ્વર્ય પ્રતાપ સિંહ તોમર, રુદ્રાંક્ષ પાટીલ અને નીરજ કુમારની ટીમે પુરુષોની 50 મીટર રાઇફલ 3 પોઝિશન્સ ટીમ ઇવેન્ટમાં સિલ્વર મેડલ મેળવ્યો.
સુરુચી અને કમલજીતે ફાઇનલમાં 484.6 પોઈન્ટ મેળવ્યા હતા. આ સાથે ભારતીય જોડીએ દમદાર પ્રદર્શન કરીને ગોલ્ડ પોતાના નામે કર્યું હતું. દક્ષિણ કોરિયાની ટીમ 478.0 પોઈન્ટ સાથે સિલ્વર અને ઈરાન 415.8 પોઈન્ટ સાથે બ્રોન્ઝ પર રહ્યું હતું. આ ગોલ્ડ સાથે ભારતે એશિયન ગેમ્સ 2026માં શૂટિંગનું પ્રથમ ગોલ્ડ મેડલ જીત્યું છે.
બીજી તરફ 50 મીટર રાઇફલ 3 પોઝિશન્સમાં ભારતીય ટીમે 1762 પોઈન્ટ સાથે સિલ્વર મેળવ્યુ હતું. ચીન 1766 પોઈન્ટ સાથે પ્રથમ રહ્યું જ્યારે ઐશ્વર્ય પ્રતાપ સિંહ તોમર અને નીરજ કુમારે વ્યક્તિગત ફાઇનલ માટે પણ ક્વોલિફાય કર્યું છે.
આ બે મેડલ બાદ ભારતના ખાતામાં 2 ગોલ્ડ, 8 સિલ્વર અને 9 બ્રોન્ઝ સહિત કુલ 19 મેડલ થયા છે. 25 સપ્ટેમ્બરના અપડેટ મુજબ ભારત મેડલ ટેલીમાં 15મા સ્થાને છે. અગાઉ મહિલા ક્રિકેટ ટીમે ભારતને પ્રથમ ગોલ્ડ અપાવ્યો હતો.
આ રીતે શૂટિંગમાં મળેલા આ બે મેડલે એશિયન ગેમ્સમાં ભારતના મેડલ અભિયાનને વધુ મજબૂતી આપી છે.
