BJP New Team Announced: ભાજપના રાષ્ટ્રીય અધ્યક્ષ નિતિન નવીનની નવી ટીમની જાહેરાત કરવામાં આવી છે. ભાજપની નવી રાષ્ટ્રીય કોર કમિટી પણ પસંદ કરવામાં આવી છે. નવી ટીમમાં મહિલાઓને ખાસ પ્રતિનિધિત્વ આપવામાં આવ્યું છે.
વસુંધરા રાજે અને રામ માધવને રાષ્ટ્રીય ઉપાધ્યક્ષ બનાવવામાં આવ્યા છે, જ્યારે પૂર્વ કેન્દ્રીય મંત્રી સ્મૃતિ ઈરાનીને રાષ્ટ્રીય મહાસચિવની જવાબદારી સોંપવામાં આવી છે. બી.એલ. સંતોષને રાષ્ટ્રીય મહાસચિવ (સંગઠન)ના પદ પર યથાવત રાખવામાં આવ્યા છે.
દિલ્હી MCDના પૂર્વ સિનિયર નેતા જય પ્રકાશ અને DDAના સભ્ય રાજીવ બબ્બરને પણ મહત્વની જવાબદારી આપવામાં આવી છે. જોકે, દિલ્હીના પૂર્વ પ્રદેશ અધ્યક્ષ વીરેન્દ્ર સચદેવાને નવી ટીમમાં સ્થાન મળ્યું નથી.
આમ આદમી પાર્ટીમાંથી ભાજપમાં આવેલા સંદીપ પાઠકને પણ ભાજપની નવી રાષ્ટ્રીય ટીમમાં સ્થાન મળ્યું છે.
13 રાષ્ટ્રીય ઉપાધ્યક્ષ અને 8 રાષ્ટ્રીય મહાસચિવ
ભાજપની નવી ટીમમાં એમ. નાગરાજા, લાલસિંહ આર્ય અને વર્ષાબેન દોશીને રાષ્ટ્રીય ઉપાધ્યક્ષ બનાવવામાં આવ્યા છે. બૈજયંત જય પાંડા, રેખા વર્મા અને મધુચંદ્રને પણ ટીમમાં યથાવત રાખવામાં આવ્યા છે.
ઉત્તરાખંડના પૂર્વ મુખ્યમંત્રી તીરથ સિંહ રાવત, પૂર્વ કેન્દ્રીય મંત્રી ભારતી પવાર, મનપ્રીત સિંહ બાદલ અને તારિક મન્સૂરને પણ રાષ્ટ્રીય ઉપાધ્યક્ષની જવાબદારી સોંપવામાં આવી છે.
ભાજપે બી.એલ. સંતોષને રાષ્ટ્રીય મહાસચિવ (સંગઠન)ના પદ પર યથાવત રાખ્યા છે.
